ثـلاثـة.. ولا يهـــون الـرابـع !

[زين نجد]

اقتباس:  المشاركة الأصلية كتبت بواسطة مدير خبرة     مساء الخير مشرفنا العزيز اشوفهن اربعة.. والعنوان ثلاثة.. وتراهن مرشحات للزيادة.. العنوان/ ثلاثة.. ولا يهون الرابع أرجو ألا تستعجل أخي بالنقد بس تراك (كودت) في بعضهن.. الاولى اخوي.. وهي المكاسرة.. تأكد لولا معرفتنا بجشع البائع وزيادته في السعر .. لما كاسرنا أبدا وفي المحلات التي تحدد السعر لاتجد من يكاسر لأننا نثق بها وبمنهجيتها.. ووجدنا هذا في بلدان كثيرة.. فدول لايمكن أن تفكر بالمطالبة بانزال شي.. لان الانظمة هناك تراقبه وتراقب اسعاره ودول تستطيع ان تخفض السلعة للنصف او اكثر لانها ليس لديها قوانين تحمي المشترين ومع الأسف نحن منهم..!! أنا لا أعني انك لا تكاسر ولكن لا تلح على شيء بسيط. أنا أقصد ذاك البخيل الملح في ذلك والذي يشتري ب 300 ريال ثم يكاسر على 5 ريال هذا القصد. الثانية اكل القطة.. ثق أخي الكريم أن هذا من دوام العشرة ورفع التكاليف.. وليس من الكرم أو (المرجلة) أن يتحمل شخص واحد او اشخاص لايشكلون نسبة في المجموعة كل المصاريف.. في ظل ان هناك من يبحث دائما أن يكون (ضيفا) دون أن يقوم بالواجب..!!! أقصد أخي أنكم أصحاب وغالباً ما تجتمعون فمثلاً اليوم عليك والأسبوع القادم على فلان وهكذا. أنا مررت بأناس يجتمعون وقطون على 5 ريال والمجموع أصلاً ما يسوى كله 20 ريال أنا لا يروق لي ذلك ولست من أهلهم. هذي من التفاهم والاريحية.. ورفع الكلافة.. من وجهةن نظري

عموماً هذه وجهة نظرك التي لابد من إحترامها.

وليسمح لي الأعضاء الذين تخطيتهم لأنني أريد أن أبين معنى المكاسر والقطة في كلام الأخ مدير

تقديري لك ولتواجدك،،،

[زين نجد]

اقتباس:  المشاركة الأصلية كتبت بواسطة محمد العتيبي     اخي العزيز ( زين نجد ) اشكرك على هذا الطرح ولكن بخصوص المكاسر العامل صار يزيد بالسعر خمسه وتحت لجيبه مو للسلعه او ربح السلعه لا ياخذ ربح السلعه ومعها هالخمسه حقت جيبه والعلم عند الله لكن فيه ناس كثير اكتشفو هالشي وش يحقله ياخذ هالخمسه ( وجه مبتسم يقول زين نجد يقول وش هالعتيبي الجلبه ) هههههههه بس يالغالي بصراحه العمال ما احسدهم على رزقهم هذا كاتبه الله لهم بس بصراحه ما احب الاستغفال لو يجيني يقول راتبي ضعيف وعندي ضروف عائليه بديرتي عطيته الخمسه وعليها زود بس الحق حق اما عن النقاط الثانيه حدث ولا حرج أخ محمد أنا لا أقول لا تكاسر بس بحدود المعقول يعني فيه ناس تلح حتى ودك تطلع من المحل من كثر إلحاحه حتى العامل يقول هذا سعرها ثم يطلع يحسب إنه راح يناديه وبعد شوي وهو راجع يقول هاه بكم آخر شيء.!! وش رأيك بهذا ؟ مع اني العامل عاد النهاية ثم يشتريها بآخر نفس. اشكرك على الطرح والشكر لتواجدك أخي وان حصلت شي ركزته بهالمكان ما فهمت هالجملة أخ محمد وفقك الله

وأنت كذلك

لك خالص ودي وتقديري ،،،

[Miss Tala]

الصراحه انا عن نفسي ولمست هالاشياء كثير واكرههن واتمنى اليوم قبل بكرا مااشوفها ..:
الحسد والغيره بين البنات ..انا اتكلم عن البنات عن جيلي لان هالموضوع جدااا كبير وغير كذا خرب مابيننا كثير ...

اللي قلت اشياء تقهر ووتفشل بعد ...

بس يالله عسى يتغير الحال لاحسن نقول اذا زاد الوعي ماراح نشوف هالاشياء مع هذا كل يوم نشوف شي اوصخ ...

شكراااااااااااااااا

[زين نجد]

اقتباس:  المشاركة الأصلية كتبت بواسطة حُـلم     مسآ الخير .. يآحبنآ لتقطيع جلد هالمجتمع الي ودنآ ننتفه ههههههههههههه المكآسر بآآبوش شي قضت قروشنآ وحنآ نهآيط عشره ورآ عشره .. < لاعبن علي هندي حول الحرم شريت منه تليّك 50 ويوم رجعت الشرقيه اثروه 10 ويقولي خوذي ثاني واجدع لتس بس الظاهر انت تقصد الحقنة والبخيل بنفس الوقت وهذآ صدق .. سآلفة القطه ..لو تكون نظرتنآ لهآ أبعد بتكون بالعكس ايجابياتها اكثر من سلبياتها لو كلن طق صدره وقال انا بعزمكم .. صدقني ماراح تدوم ومصيرها تنقطع بس بالبساطه وكلن يتكفل بنفسه اقل حرج وارجح انها تدوم اكثر ... طبعا هي بالأسااس ماتصير الا اللي بينهم مونة وبنظري مآودي تندثر .. ارجعي لقراءة ردي على العضوين محمد العتيبي و مدير دبر يآآآه كثيييير آشيااءاات تصدق ! مجتمعنآ بكبره ودك تشقلبه وترجه بعد يمين ويسآر < تقل تخض علبة لبن وغديه يزين بعد ... راح اتكلم من منظوري الشخصي وان كان أدنى بكثير من رؤيتكم يآالرجال .. لكونكم الأكثر تجوآلا فقط لأأكثر هههههه * عندمآ يزدحم المجلس ويأتي من هو كبير بالسن .. وترآ الصغآر يتنآفسون على صدر المجلس .. مآعاد فيه هيبة .. الأم والأب ماقاموا يربون عيالهم انهم يقوومون للكبير سواء يعرفونه ولا لأ وإن استدعى خروجهم من المجلس ! * تعيب أنت الرجل وهو يخرج بقميص .. هههههه وأعيبهآ عندمآ تخرج بالبجآمه او قميص البيت .. جدآ منظر متخلف وإن سترته بعبآيه !! كثير من النآس تظن ان اللباس الحسن فقط لمقآبلة النآس ! اما ان كان لأمورهم الشخصيه فلا ضير بما هو دون ذلك .. مدري شيحسون فيه ! * من يُحظر أبنائه إلى الملاهي او مطعم .. ومن ثم يصفع طفله على خده لأنه يخالفه الرأي < اقعد انت واياه بالبيت احسن ! طبعا لآ للحصر ولكن هذول أقرب للذهن يمكن ههههههههه فلموضوعك شجون لديّ < نقآده ههههههه ’, فعلا أوافقك على هذا الكلام سعيدة لتوآجدي هنآ ..واعتذر عن الإطالة .. لاهنت يآبو وسن ..

وأنا سعيد بتواجدك
تقديري لكِ،،،،

[زين نجد]

اقتباس:  المشاركة الأصلية كتبت بواسطة حد الجنون     اشياء كثيره ومنها الهمز واللمز والنميمه و المنافقون الي يدعون الدين ووو ولو فتشت في ذواتهم وتصرفتهم شفت العجب عندهم استغفر الله وكذلك التعصب مازال زمن الجاهليه وعادتها موجوده بيننا وشسمه الجاحده والاشراف علي خلق الله اتمني امارس حريتي المحدوده من غير تدخل وراقبه من قبل بعض اتمني تكون المناقشات هاديه وهادفه من غير سب وكلام ماله معني اتمني تكون الصراحه والثقه موجوده بين الناس الكل هنا فاهم وواعي ومتعلم ومدرك ويفهم بامور دينه وحياته كلنا سواسيه اتمني يسود الاحترام والتقدير بين الكل وكل ما ذكرتيه أختي أنا أتفق معك فيه امممم تقبل مروري اخي الفاضل زين نجد كاني طلعت عن الموضوع شوي :d

أبد فإضافتك أثرت المقال

تقديري لكِ،،،،

[زين نجد]

اقتباس:  المشاركة الأصلية كتبت بواسطة المبصر     مرحبا (اخي ) زين نجد ( اشهد انك زين ) موضوع رائع وملاحظات ( استراتيجيه ) من الامو رالمزعجه التي تضايقني كثيرا (الشرافه ) وهو حب الاستطلاع الزائد عن الحد حتي ان احدهم يسأل الاطفال والصغار باغراءات ما ديه يسأل عن اوضاع البيوت ( تزوجت اختك وكم معها من الاولاد وليش ابوك غير السياره وش تاكلون لحم او دجاج من المطعم ولاغيره ) هولا ضايقوني كثيرا ان اتيت باغراض واحدهم عن باب منزله (وقف هنيهه ) واظهر التشاغل ليري (المقاضي ) من العثيم او من بنده ؟ يعني (ام العيال ) هي التي تشتري ؟ ماشاء الله اكياس (معباءه بالنعم ) ويسمونها عندنا (القراده ) لان القراد له ميزتان ( مص الدم وعدم الاحساس به ) يعيش على غيره ولا تحسن به بطرق خفيه وهولا يعشون في غيرهم ويحالون معرفه احول الناس باتباع (الاسئله الكيعه ) بعضهم يجعل لك (طعما ) يخبر عن (اخواته ) بمعلومات عامه حتي تخبره بوضع اختك او زوجتك او وضعك المادي وربما اظهر لك النصح وغرضه (معرفه ماوراء الاكمه ) وربما سأل الناس عنك قبل ايام كنت اتصل وخرجت وانا اقول (ماهي مشكلتك بالضبط ) احد (المقاريد الشروفين ) تبعني يريد ان يعرف ما المشكله بالضبط ( لاناقه له فيها ولاجمل ) قلت في نفسي ( مريض ) عنده مرض (شرافه واقراده وحشر انفه فيما يخصه ولا يخصه ) وتري امثال هولا يبخصون في المجالس (دايم هو الي يعرف كل شي ) وفي (الحوداث ) يقوم بدور المرور والاسعاف والامن والتوجيه احدهم (راسه ) عند الاشارات وفي التجماعات مثل (المروحه القعاديه ) يلتفت يمينا ويسارا كانه مخبر او ( شحيح ضاع في التراب خاتمه ) كما يقول المتنبي هولا هم من (يقهرني ) لانهم وقود (الحكي ) و( الشائعات ) و ( فضح الاسرار ) ومعرفه تاريخك وتاريخ ابائك واجدادك لن تتزوج بخير (كلام من قدام ومن وراء) ولن تتاجر بخير ولن تعيش بخير لان كل واحد من هولا لديه (ارشيف بتاريخك ) في المدرسه والعمل وفي الطفوله والمراهقه والشباب اتمني (سحق ) هذه الخصله واتباع قول رسولنا ( من حسن اسلام المراء تركه ما لايعنيه ) ورحم الله امراء شغله عيبه عن عيوب الناس شاكر لك اتاحه الفرصه

المبصر
وضعت النقاط على الحرووووووف

أما الشرافه هذي لوحدها وقد صدقت وكأني أنظر إلى أناس بنفس الكلام الذي قلته

إضافتك جمّلت المقال
تقديري لك،،،

[زين نجد]

اقتباس:  المشاركة الأصلية كتبت بواسطة نبض قلب     كثير اشياء بمجتمعنا (( تحوم الكبد )) اضافة للي سردتها استاذي الفاضل النظرات اللي مدري وش تبي الاسئله الخاصه جدّا من البعض سوووووووء الظن مممم هذا اللي يحضرني الآن !

نبض..
سؤ الظن هذا أكذب الحديث

هؤلاء مرضى

تقديري لكِ،،،

[زين نجد]

اقتباس:  المشاركة الأصلية كتبت بواسطة miss tala     الصراحه انا عن نفسي ولمست هالاشياء كثير واكرههن واتمنى اليوم قبل بكرا مااشوفها ..: الحسد والغيره بين البنات ..انا اتكلم عن البنات عن جيلي لان هالموضوع جدااا كبير وغير كذا خرب مابيننا كثير ... وخاصة بديرتنا اللي قلت اشياء تقهر ووتفشل بعد ... أكيد بس يالله عسى يتغير الحال لاحسن نقول اذا زاد الوعي ماراح نشوف هالاشياء مع هذا كل يوم نشوف شي اوصخ ... شكراااااااااااااااا

والشكر لتواجدك تالا
تقديري لكِ،،،