ماهي الوظيفه التي تتمناها !!

[oldman]

السلام عليكم


لي أزود من الثلاثين سنه وأنا أقوم كل صبح من أولى إبتدائي إلى ماأنا عليه من عمل
تعبنا وملّينا ، ياخي لو تخلوننا ننام مثل الناس ولانفزفز أذكر مرة من المرات إني غفيت الساعه ست ونص بين عشاوين وافز من نومتي ثمان واقوم والبس ثيابي وانا مرتبش وحالتي حاله وعيالي قاعدين يناظروني منخرشين وش جاوه وأهوشهم وراكم مارحتوا لمدارسكم ووراكم ماصحيتوني تأخرت عن دوامي ياللي بكم ومابكم صدق إنكم تحبون النوم والغياب وهم ساكتين من الصدمه !! أو هم يبون يشوفون تالي هالمقطع .

أبي الله يخليك تكلمهم تخليهم الله يعدي عنك ويجزاك الجنه البارده أبيهم يقاعدوني ويعطوني راتبي كامل هماهـ الله يعدي عنك ويجزاك خير لاتنسى تقولهم
وقلهم ترى هو مل من توديت العيال للمدارس كل يوم أمر بهالطريق وكل يوم تمر علي زحمة هالصبح وكل يوم ألاقي ناس تتهاوش وكلن يبي هو يمشي الاول واللي يدرعم تسنه ماشافك يعني أوقف غصب ، مابي أسوق الصبح ياخي الواحد توه قايم ويروح يسوق ومابي ملييييت أشوف زملائي كل صبح وكل يوم أسلم عليهم لوتقول أرسم وجيههم كان رسمتهم صم
ملينا يناس كل يوم نقوم الصبح نروح الدوام خلاص مانبي مهوب بتله هي لو هو حلا كان طلع من جنوبنا كل يوم نقوم الصبح حتى الواحد مايتهنى بالنوم كل شوي فاز يشوف الساعة كم هل هي وصلت الى محاري الدوام قسم ياخي مرضنا من كثر الفزفزه طلعتبي حزات بنص وجهي اليمين والنص الثاني طلعت بي ثعلبه

أقول قولي هذا وأستغفرالله لي ولزملائي بالدوام ولكم
وصلى الله وسلم على نبينا محمد.

[hr]#e3dada[/hr]

سبحان الله وبحمده
.... عدد خلقه ... ورضا نفسه .... وزنة عرشه .... ومداد كلماته ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

[دِيم]

.
.





يقال :
إن كان فيه صبية تخرجت بنسبة حلوة من الجامعة ومالقت وظيفة ..
دوروا لها أهلها وظيفة ماحصوا ..
إلى أن جاء هذا اليوم وراحت مـع أهلها جزدورة .. لحديقة الحيوان ..
لمن شافها صاحب الحديقة قال بسسس هذي هي اللي ادور عليها
راح لأبوها وقال
: نبي بنتكم تشتغل زوجة الأسد لأنه يمر بحالة إكتئاب .. من وفاة زوجته ..
فـ تشتغل لبوة بـ 1500 كل يوم
أهلها وافقوا ولحوا عليها توافق إلى أن وافقت مجبرة ..
وكل يوم على هالحال تلبس زي اللبوة وتشتغل مرة الأسد .. ويفصل بينهم سور حديدي
إلى أن جا هذاك اليوم ونسوا السور مفتوح
ويدخل الأسد على اللبوة ..
وتورطت البنت .. تسوي نفسها تتعلق بالجدار وتتشعبط تبي تسوي لبوة ..
لمن تعبت صارت تبكي خافت ان الأسد ياكلها

,



وإلا يقرب لها بشويش ..












قال لا تخافين أنا عبدالله ونسبتي 98

^^ ياطول القصة ...

[عاشقة العطر]

من اجمل الوظائف النسائيه التي اتمناها

ولا اتمنى غيرها

وهي زوجه صالحه وام حنون وبيتي هو عملي وعالمي

هذا رأيي الخاص وكلاً براحته

[shahd2007]

مافيه امل اصير عسكري ولا طبيبه ولامهندس

اممم استاذ جامعي ..

[رفآت]

ماأتمناه ليس متوفراً هنا
أتمنى أن أكون ربة بيتٍ ناجحة فقط !!
هي من أفضل الوظائف لو وفقنا الله في القيام بها على أكمل وجه ،
تقديري لك .

[روح لايسعهآ جسـد]

انا نفسي اشتغل بالدوريات لاني ما انام الليل ودي يعطوني فورد المرور وادور بالشوارع
وابي راتب 8000بس
وابي اعلاج على حسابهم واخص عيادات التجميل

[الأعرابي]

أحس الوظيفة اللي تناسبن هي وزير العمل ، ولكن للإسف ما حطيته من ضمن خياراتك
صدق القائل : تجري الرياح بما لا تشتهي السفن

[محماسه]

أنا أبغى أما اني أدرس أو أكوون دكتووره في الجاامعه>>> طمووحه بالمره

[ع ـروووبة]

المهنه الممتعه المهنه الطبيه

صدق إنه متعبه بس ممتعه

وفيها روح إنسانيه ‏,,

[جراحة قلب]

اقتباس:  المشاركة الأصلية كتبت بواسطة miss tala     [size="5"][font="times new roman"][color="purple"]ودي اصير مديرة مستشفى الملك فهد والا مساعده للمدير ((ابعطيهم افكار للاصلاح والتطوير كثيره قاهرينن )) [color="purple"]السببب تكميل للشي اللي انا ادرسه الحين ارجو من الله ان يحققه لي ويسهل امري .. بس كان عندكم واسطه بمستشفى فيصل لاتنسونن...!!عشان الامتياز ان شاءالله بصير طبيبه وعسا الله يخلص هالسنوات الجايه على خير يارب ,,, ماشاءالله بالتصويت طلع كثارين يبون طبيب عسا فيه بينهم بنوتات مثلي ....!!!

أتووووووقع إنـــــــك براااااابع سنه جامعه وتنزلون ألأن التخصصي....

[Miss Tala]

اقتباس:  المشاركة الأصلية كتبت بواسطة جراحة قلب     أتووووووقع إنـــــــك براااااابع سنه جامعه وتنزلون ألأن التخصصي....

هاه قصدي (ايقالي ابجحد ..
طيب كيف دريتي يعني اني بسنه رابعه فيه كمان سنه ثالث يجون التخصصي ..؟؟


الصدق كلامك صحيح ..

[بريدة ديرتـي]

ـأراء نفسي..كمديرة..(وظيفة ـإدآرية) لـأن بطبيعتي قيـآدية..
وـأسعى لذالك..فهذآ مـآيشفي طموحي..|~

[شميساوي]

.


انت تقول : الوظيفة اللتي تتمناها ...؟؟؟

أنا أتمنى أصير وزير أو سفير ...

لكن إذا رجعنا لـ الواقع ...

فـ أعتقد أن سكرتير أو كاتب هي أنسب وظيفة لي ...!!!


,

[رايق لعيون خلانه]

صررررررراحه وربي وربي اتمنى اني اكوون حاليا بالوقت هذا ررئيس لجنه الانضباط بالاتحاد السعودي علشان اعلمهم شلون المحايدين بالقرارات والانظمه رغم اني ذووي الميوول اللهلالييه ولكن الحق حق ...


شكرا لك ..

[رايق لعيون خلانه]

المشاركة الأصلية كتبت بواسطة روح لايسعهآ جسـد



انا نفسي اشتغل بالدوريات لاني ما انام الليل
1/ ودي يعطوني فورد المرور وادور بالشوارع

2/ وابي راتب 8000بس
3/ وابي اعلاج على حسابهم واخص عيادات التجميل









ما تبين بعد يحنوون يدينك ويكسسوورون شعررك بعد هههههه والله يالصبايا عليهم طلبات اشووى اني مانب وززير التعليم