من قـتـل الـقـوامة عـنـد الـرجـل حـتى صـار بهـذا الـقـدر من الـدلاخـه ؟

[مجرم ولكن]

ترى الحريم عبارة عن مكائن لانتاج الأطفال وأصلاً الرجل مايتزوج حرمه الا عشان تنتجله ولد او بنت ويفـرغ فيها كل الشحنات الموجودة فيه لكن المرأة سبحان الله عاطفية والزواج بالنسبة لها كل الحياة والأكسجين وووو ... سبحان الله لله في خلقه شؤون ..

[نبراس القصيم]

عوداً حميداً أستاذ صاحي


و من قتل القوامه فالرجل هو من قتلها بيديه

وذلك بتنازله عنها للمرأه

فهو قد صار لايحمل من القوامه الأ أسمها فقط

لكن الأفعال فقد صارت بيد المرأه في هذا الزمن

[لعيون دودي]

[QUOTE=صـاحي و رايـق;4104406]

أحـبتي ..
سـؤال أطـرحه وعـند العُــقـلاء جـوابه : من قـتـل الـقـوامة عــند الـرجـل حـتى صـار بهـذا الـقـدر من (( الـدلاخة )) ..

عزيزي...

العقلاء يهمسون لك ولغيرك هو من قتلها...
الحياه الزوجيه العاقله المتزنه لا تقوم على "قوامه " السيطره والعين الحاره والنظرات الخائفه المترقبه للعقاب حتى بات" الخوف" وكسب الرضى بالعافيه هو المسيطر..
القوامه ذاك الحب النبوي والنهج الرباني الواضح لا يحتاج لا اتيكت ولا فن ولا وصول فهو منسوخ منذ الازل..
لو وضع كل رجل خطوط حياته منذ البدايه واشدد منذ البدايه ورسمها لشريكه حياته بمفهوم يغلفه الحب والانسجام وطرح لها مايستهويه وما لا يستهويه وما يجب فعله وما لايجب ومايحب ومالا يحب لن تجد
"دلخ" واحدا بالحياه اجمع..
انا انثى واعلنها صراحه البعض من النساء يجب الا تاخذ اكثر من حقها بمفهوم التقدير والمحبه مايجعلها تلغي شخصيه زوجها وتجعله " رغم انفه" دلخ

للجميع كل الود

[ام الزعيم]

هذا حال الدنيا يوم لك ويوم عليك ,,,,,,,,,,,,,,والا نوين
تكبسون على انفسنا ,,,,,,,,,,طول العمر,,,,,,,,,,,

[ونة خفية]

طبيعي هو من قتل القوامه بنفسه
والسبب الحقيقي وراء هالظاهره يعود على شخصيه الرجال
إذا الرجال واثق من نفسه أنه رجل ويستاهل بدل الحرمه اربع
مستحيل يتنازل عن قوامته
وإذا الرجل ثقته بنفسه مهزوزه ويحس أنه ناقص ولا يستاهل اصبع امرأه
تجده يتنازل عن القوامه من آجل رضاها وتبقى له ولاتخليه لدجه والوحده والأوهام
هذا هو التفسير العلمي والحقيقي

[صـاحي و رايـق]

اقتباس:  المشاركة الأصلية كتبت بواسطة عـــــســـــولــي     الحمدلله إني ماعرست . كرهت العرس من كثر ماشوف ربعنا وبجنبه على باب يمين أم قناصيع وبحجرها بزر ماغير مطير عيونه باللي رايح واللي جاي وحنا واقفين عند الإشاره تلقى وجه السعودي تقل قوطي ببسي داعسه دباب وحالته حاله ومنتف وداج من وجهه تعرف كل شيء عنه وداعسن إصبعه خشمه يصيد مطايير . المال ولاغيره هو من يعيد القوامه للرجل . رجالنا الأصيلين بالموطا اللي إذا زأر على زوجته تلقاه تنافض وخطير تسقط اللي ببطنها . هالحين جاك أبو سكسوكه وحالق الشنب صايرتن خشته تقل اللي أنت خابر خخخخخخخخ ويوم كان بزر آخذ كورس سبع سنين مع شغالتهم الأندونيسيه وبعدها مر على الخكرنه وبعده زوجوه أهله يوم شافوا كل ماله بردى شوي ويصير بنوته من الميوعه قاموا وزوجوه بنت حلال وهالزوجه لقت أبو سكسوكه الخكري بقدرة قادر زوجها .والباقي أنت عارفه .

,
أهـلاً
,
حـرنابك وأنت تتحـمـد إنـك ما أعـرست
وقـبل قـليل تقـول : اللهم أرزقـني زوجـه تـزوجـني بعـد إنجـابها لثلاثة أطـفال
ماش تحـب الحـريم أنت يا عـسـولي
,
هـاللي مطـيـر عـيـونه عـنـد الإشـاره تلاقـيه مجـرور غـصب لهـذا المشـوار
بـرأيي لا المال ولا المـاضي التعـيـس هـو الـذي أفـقـد الـرجـل قـوامته
أراهـا عـامـل مـشتـرك من قـبل الـزوج وزوجـته
ومـن قـبل أهـالي الـزوجـين كلً يقـف في صف أبنه سوى من حـيث الـخـطأ أو الـصح
كـلً يقـف في صف الأخـر يُـحـامي لأبنه عــنـد حـصـول مُـشكـله
,
,
تسلم يالـنشمـي
,

[صـاحي و رايـق]

اقتباس:  المشاركة الأصلية كتبت بواسطة رونا     يؤيؤيؤيؤ الله لايبلانا ليش مشتريها ولا شلون وش هالاسلوب ترا الزوجة لحم ودم زيك شوف انت بالذات احسك كل الصفات الي قلتها فيك وبعد الزواج قول رونا قالت <<اي واحد يتفلسف يطيح على وجهه ومن تجارب واقعنا الدعوة شراكة مو قوة وهيمنة وجبروت ارجع للسيرة النبوية وخذ دروس من افضل الخلق وخل المهايط ترا مايهايط الا النوع الجبان وسلامتكم

,
عـفـواً عـلى الخـطـمه
لكـن نظـرتك هُـنا تـواكـب نظـرتي من جـميع نـواحـيها
دائماً أُشاهـد البعـض مـن الـرجال إذا أصبح جُـل كـلامه بأنه الـقـوي الشـديـد
وبأنه السي سـيـد داخـل عـشه الـزوجي
وبأنه المُـسيطـره عـلى كـل صغـيـره وكـبيـره من حـيث تحـمل المسـؤوليه
وعـنـدما يكـون أمام زوجـته فهـو كـالذباب الذي أقـتص منه جـنحـانه
ويكـون كـالبـومه يُـشاهـد ولا يستـطـيع الحـراك
هـم كـذلك سيـده
يدعـون القـوامه في أقـوالهـم لكـنهم يفـتقـدونها في أعـمالهم التطـبيقـيه
يُـكـررونها في مجـالسهم لأن فـاقـد الشيء لا يُـعـطي
,
,
شكــراً
,

[حطموك ياقليبي]

الي خلاهم دجاج الرومانسيه الزايده الي يقلد فيها شبابنا الغرب وتصرفات الرجال عند زوجته وبكاء بعضهم وتصرفات بايخه كثيره انا لو اشوف الرجال كذا على طول يطيح من عيني

ورجال اول كانت تعتمد عليه الحرمه بكل شي الحين الحرمه تعتمد على نفسها لااااااااااا وصار يتسلف منها وياخذ فلوسها والشهر الجاي غصب عن عينه يرجع الي اخذه
اول الرجال استحاله يفكر بفلوس الحرمه
الحين الرجال يقط زوجته بالسوق لنص الليل ما درى عنها ولا الاستراحات مايقول لا
ماتت الغيره
وماتت المسوليه عنده
وبس سلامتكم

[قـتـالـه]

دلخ احسن من مفيش..
وش تبون براعي الصوع والروع
يالله من فضلك يالدلخ عشيه توست محشيه بجبنه سايله وليز حار
وغديه اندومي ولاتحطين معها الحبحر مايتحمله
السماحه رباحه يالبا قليبه لاله طلبات ولا اوامر حتى ثيابه يكويهن برا
والاستراحه مسدحه ومردحه وممكن يريحك من وجهه الوديع وينام هناك
صدتز حريم ماتقدر النعمه احد يقولون له دوك الخير ويقول مامعي ماعون

[زين نجد]

عزيزي صاحي..

ليس هناك ثمة رجل بمثل ماتسميه أنت ( آسف لأني لا أحب أن أقولها ).

فالرجل هو من يضع له شخصيته فالناس لن يحترمونك إلا بإحترامك لنفسك أولاً ثم لهم ثانياً.

كذلك ما ينطبق عليك في المجتمع ينطبق عليك في بيتك ومع أولادك وكذلك اخوانك.

والمرأة ليست مسؤولة أبداً عن ذلك. وليست السبب في ضعف شخصية الرجل إلا عندما يكون ضعيفاً أو هناك نقطة ضعف تدخل عليه من خلالها فهذا أمر آخر.


دمت بود...

[البارق]

هلا بك اخوي صاحي

إذا أردت الحق اخي الكريم
وبكل تجرد اقول لك

الرجل هو من أسقط قوامته
وهو من عود المرأة على الخروج من البيت
لينفك قيده ويأخذ راحته
ويسرح ويمرح على كيفه

[عاشق الخير]

[align=right]

اقتباس: اليوم !! وغــداً !! وبعـد الغـد !! وفي اليـوم الـرابع !! أما اليـوم الخـامس !!

فقط أنظر للرجل أين يكون في هذه الأيام وستعلم لما أصبحت المرأة لا يقر قرارها في بيتها ..
المرأة بطبيعتها وما اراه لا تحب الخروج وزوجها موجود بالبيت ...
لكن أين هم ؟[/align]

[eivl girl]

[align=center]

اقتباس: شغـل الأولين يحـوم الكـبد , وشغـل التالين يحـوم الكـبد

شكل امك هي نفسه ام سمنسي
؛
؛
عن نفسي احمد ربي لاني من حريم الاولين ولاني من حريم التالين
دوومت[/align]

[صـاحي و رايـق]

اقتباس:  المشاركة الأصلية كتبت بواسطة sarah     مصحصح السبب راجع لرجالات الزمن ع قولتك دور السبب في ضعفكم وفتش عنه بديهي بتكون دجاجه في حالة قوتك وبتكون اسد في حالة ضعفك انت اللي بتشكلها وعلى حسب حالتك هي حتكون و اقصد ما اعجبن الا الانشوده سوري ع الاسلوب <مبطيه ع الردود والمواضيع

,
لماذا سلطـتي أعـيُـنك عـلى أن الـرجـل هـو الأوحـد وهـو السـبب من هـذا التنازل
لماذا لم تعـدُلي من خلال نظـراتك
أسمعُ كـثيـراً أن بعـض الـزوجـات إذا واجهـت رفـض من قـبل زوجـها تطـلب الطـلاق
حـتى لو يكـون السبب تافهه كـتفاهـتها
وتُـهـدد الـزوج بالإتصال عـلى ولي الأمـر حـتى يأتي لأخـذها
وولي الأمر مجـبـور أن يقـف في صف أبنته حتى في أغـلاطها
هـنا لا يـوجد إلا حـل واحـد فـقـط
عـلى الـزوج أن يتنازل ويكـون إنسان مطـيع حـتى لا ينـدم بفـقـدان زوجـته
لأن معـظـم الأهـالي لا يـريـدون من زوج أبنتهم أن يـرفـض طـلب لها
فـلـو ذهبت لبيت أهـلها سيكـون الـزوج هـو الخـسـران المـبين من جـمـيع الجـهـات
هـو من دفع المهـر
ودفع أجـار البيت
وخـسـر الغـالي والنفـيس
وبالأخـيـر تُـعـلن الـوداع وهي تلـوح بيـديها
,
لـو كـان هـنالك نساء تُـقـدر الحـياة الـزوجـيه
وتـؤمن إيمان تام بأن الـزوجـه ما يحـق لها الخـروج إلا بإذن الـزوج
وبأن تطـلب المستطـاع حـتى تُـطـاع
لما تـوصـل الـرجل لهـذا الحـال من فـقـدانه لهـذه الـقـوامه
الـرجـل مُـضايـق ومُـحـارب
فـلا ملامه عـلى الـرجـل لو تنازل عـن بعـض حـقـوقه بما أن هـذه الـزوجه عـلى هـذا الـقـدر من العـقلانيه
كـلا الطـرفـين يشتـركـون في هـذه القـضيه
فـلا نُـخصـص شخـص وتـرك الأخـر
,
,
مـنـوره
,

[اعقل خبله]

[align=right]يابن الحلال لكل زمان دولة ورجال،،
وهذا زماننا ،،
الله يهنينا ويقوينا ،،
ويبعد عنا شر الحسادينا ،، [/align]