بآي حق يرى موظف استخراج الجوزات صور الخاصـه ؟!!

[ميرنون]

[align=right]
هذي عقده ياأخي لعلها تزول بعد هذا السفر الاضطراري !!!
الحكم الشرعي واحد والضرورة لها أحكام
اما أحكام العادات فأرمي بها عرض الحائظ لأنها عقدتكم بلافائدة والغيرة على محارمك يجب أن تكون
من الجميع دون استثناء سعودي أو أجنبي قريب أو بعيد ،،،




،





تقديري‘[/align]

[| ~ ســمــو ~ |]

فعلا ..

الحين يدرسون فكرة شرطيات حريم .. عقبال موظفات جوازات



اشكر غيرتك

[اوفيس]

اقتباس:  المشاركة الأصلية كتبت بواسطة عـــــســـــولــي     طيب ممكن ترسلين صورتك اتمقل فيها !!!! مشكلتنا هالقطيع الخايس اللي يردد كلام مايفهمه وماراح يفهمه . أجل كشف الوجه اجازه علماء بعض المذاهب ههههههههههههه.أجل فيه علماء بعض المذاهب يجيزون إتيان المرأه مع دبرها . أجل نقول مافي مشكله وطء المرأه مع دبرها مادام فيه إختلاف . الحمدلله على نعمة العقل والدين طيب وكلام رب العباد ماله قيمه عندك .

شاكر لك حضورك

ومشكلتنا بان هناك اناس يردون بردود لايعون ابعادها

[اوفيس]

اقتباس:  المشاركة الأصلية كتبت بواسطة مخضرم نجد     [align=left]بصراحه موضوع له جوانب كبيره واهم جانب هو الحكومي المفروض سآلت ليه مآيكون فيه جآنب نسآئي او على الاقل طآلبات ب آرسآل فآكس او خطاب وبعدين واذا شآف صوره زوجتك او بنتك او الخ؟وين المشكله حتى الصوره مافيها فتن او مفاتن لانها صوره شخصيه اللهم الوجه فقط وهي كلها على جواز سفر يعني الموضوع مو محتاج كل هالصوله الفكريه واذا انت تشوف هالشي غلط لاتطلع اهلك خآرج المملكه واذا علاج اتوقع الضروره تبيح المحرمات تحيآتي [/align][align=center][/align]

للاسـف انه لامجيب بنداءات المواطنين
اخوي كيف تقول مثل هالكلام تقول حتى وان
( شاف صورة زوجتك او بنتك وين المشكلـه) استغفر الله

ليش يااخوي معدومين الغيره او كيف ؟ من خلال كلامك هذا
وحنا نعم مضطرين ورغما عني اخرجت الجواز لحاجـه وليس لعبث

ولكن لماذا لايكون هناك كادر نسائي خاص بمثل هذه الامور دون تدخل الرجال !!

[اوفيس]

اقتباس:  المشاركة الأصلية كتبت بواسطة عابره     [align=right] هذي عقده ياأخي لعلها تزول بعد هذا السفر الاضطراري !!! الحكم الشرعي واحد والضرورة لها أحكام اما أحكام العادات فأرمي بها عرض الحائظ لأنها عقدتكم بلافائدة والغيرة على محارمك يجب أن تكون من الجميع دون استثناء سعودي أو أجنبي قريب أو بعيد ،،، تقديري‘[/align]

سبحان الله
العقده بنضريتك هي ان نحرص على ماامر به دييننا الحنيف !!

[نجداوي]

[align=center]

اقتباس: ليش يااخوي معدومين الغيره او كيف ؟ من خلال كلامك هذا

المسائله ليست بالغيره

لاكان الحاجه تدعم فعل امور خآرجه عن النطآق احيآنآ

آذن لمآذا ننظر الى وضع غير موضع الحاجه مدام الشي بمجرد صوره ترمز الى شخص

صوره ليست بعآريه او كآمله الجمال

هي رمز آولا واخيرآ

اقتباس: ولكن لماذا لايكون هناك كادر نسائي خاص بمثل هذه الامور دون تدخل الرجال !!

رسآله الى المسؤالين للنظر بهذا الجآنب

شكرآ لك .[/align]

[Miss Tala]

وش هالنظره التشدديه هاذي ...يااخي ملايين يسافرون برا وماصارشي ولاتخاف الموظف حتى لو شاف صورة اي حرمه ماهمته ولادرى عنهااا ..
وبعدين مايعرف لكم والله يعني اذا حطوا حريم قلتوا اختلاط ابتلشنا فيكم عشان سفراتكم تغيييرون كل شي ..
وبعدين يااخي الصوره مافيها اي فتنه وحده متحجبه وبس .

[ميرنون]

اقتباس:  المشاركة الأصلية كتبت بواسطة اوفيس     سبحان الله العقده بنضريتك هي ان نحرص على ماامر به دييننا الحنيف !!

سبحااانه ،،
وهل ديننا أمر بالغيرة من المعارف والسعوديين فقط ؟

[المرياتشي]

عجيب أمر البعض ..

يعني لمجرد صورة والمرأة فيها محجبة .. أن تستحدث وظائف .. وأن تجرم موظفين الجوزات بسبب صورة لا يظهر فيها الا وجهها ..

يا أخي حتى في الشرع كشف الوجه جائز .. فلا تفتعل قضية كبيرة ..

ومثل ما قال البعض .. عند تدقيق الأوراق في المطار .. هل تريد نساء إيضاً .. !

ومثل ما قال إيضا البعض .. كيف تتعامل مع موظفات المشفى ..!

هل لـ كونك رجل يجيز لك الحديث معهن ..!

وكما قالت أختنا .. لماذا الغيرة تظهر مع المعارف والسعوديين فقط ..!

وللعلم أنا اطالب ان يكون إصدار بطاقات أحوال للنساء ..

فـ من خلال عملي .. وجدت تلاعباً لدى النساء في بعض المعاملات ..

فـ فلانة تدخل وتخلص إجراء أختها فلانة .. ونحن لا نستطيع معرفة هذه من تلك ..

مع أن لدينا قسم نسائي .. الا أن التجاوزات موجودة .. بسبب عدم وجود بطاقة أحوال ..

لكن البعض لا زال ينقم على صورة .. ونسى المصلحة العامة .. أو الفوائد ..

تحياتي

[اوفيس]

اقتباس:  المشاركة الأصلية كتبت بواسطة مخضرم نجد     [align=center] المسائله ليست بالغيره لاكان الحاجه تدعم فعل امور خآرجه عن النطآق احيآنآ آذن لمآذا ننظر الى وضع غير موضع الحاجه مدام الشي بمجرد صوره ترمز الى شخص صوره ليست بعآريه او كآمله الجمال هي رمز آولا واخيرآ رسآله الى المسؤالين للنظر بهذا الجآنب شكرآ لك .[/align]

لا يااخي غيره
ولكن افهم من حديثك ان الامر سيان عنـدك كونك تقول انه مجرد صوره !!

صنفت الصور بصور عاديـه !!
وصور عاريـه !!

بودي ان تشرح لنا جوانب الاختلاف بينهم

[اوفيس]

اقتباس:  المشاركة الأصلية كتبت بواسطة miss tala     وش هالنظره التشدديه هاذي ...يااخي ملايين يسافرون برا وماصارشي ولاتخاف الموظف حتى لو شاف صورة اي حرمه ماهمته ولادرى عنهااا .. وبعدين مايعرف لكم والله يعني اذا حطوا حريم قلتوا اختلاط ابتلشنا فيكم عشان سفراتكم تغيييرون كل شي .. وبعدين يااخي الصوره مافيها اي فتنه وحده متحجبه وبس .

واذا كان هناك يقبل بمثل هذا هل يعني اني انساق خلفهم

اجل حتى لو شاف صورة اي حرمـه مادرى عنها !!
لاتعلمين خوافي الامور لذلك كان ردك بهذا الشكل

مارائيك بموظفين الجوازات وهم يصفون ويتبجحون عند الآخرين واصدقائهم بذكر

اوصاف زوجات الاخرين وبناتهم خصوصاً اذا كان يعرفهم
((( اذا لم يكن هناك تسريب لصور )))

ومن قال لك اني غير مؤيد لتوظيف النساء بهذا المجال فانا اول شخص

يطالب بهذا الشي بدون ان يكون اختلاط ولكن بقسم خاص بالنساء فقط

دون تدخل الرجال

[اوفيس]

اقتباس:  المشاركة الأصلية كتبت بواسطة عابره     سبحااانه ،، وهل ديننا أمر بالغيرة من المعارف والسعوديين فقط ؟

الغيره من الجميـع
وهل بتصورك اننا حينما نذهب خارج البلاد نكشف وجوه محارمنا !!

لا لا خانك التفكير فهناك نطلب نساء لمطابقة صور الجواز

[لآشـيء]

[align=right]البصـمة هـي الحـل ..

فهي أدق من الـصورة
وأكـثر حفـآظاَ عـلى الحـرمـآت~[/align]

[سيميــآء \=]

مرة كنا مسافرين بحدى الدول .. وحق الجوازات معنّد الا يبي يشوف وجيهنا عشان يطابق ..!< عاد وش يبي يفهمه ذا..
وكان قدامنا بالسير عائلة اماراتية ..وامهم كشفت..عاد يقول لنا هذا ذي كشفت يالله انتم اكشفوا..!
ويوديه ابوي يمين ويجيبه يسار ووش علينا منها وانا هذا ديني.. وجب حرمة تشوف انت ماتشوف ..بس مااش رفض كلياً وقال انه الحين كل اللي فيه موظفين ذكور ..!
كبرت السالفة وعطّلنا السير وتآخرنا ع الرحلة وحالتنا حاله ذاك اليوم ..! واخر شي تدخلوا اطراف ثانية وبطلعة الروح دبّروا لنا حرمة من اللي يفتشن ع الاغراض الشخصية وشافت خششنا ومشينا..!

والسالفة كله سالفة عناد وتصميم رآي لااكثر .. كان اسلوبه هجومي وغير مؤدب وفيه نبرة تحدي بكلامه ..وابوي جنيه ولا اللي كذا ..فبدآ كل الطرفين يعاندون.. والا كان من الاولى انه يجيب حرمة ويحترم الطلب!

الزبدة ..
اذا حليت المشكله هنا ماحليته عند غيرك ..بس حنا نقول ان شاء الله انه مهوب مدقق..!

[فديكا التميمي]

هذا المفروض والله وعلمون لاجزموا ودي بوظيفه باللي هوبه...