فتيات الإنترنت والمنتديات النسائية ...

[قـتـالـه]

كل ماناظرت لابتوبي قلت ياجعل امك ياقوقل بجنات النعيم ,,
وش تبونا نسوي بس .. ماترتاحون لين نصير فريسة الامراض
النفسيه ورايحين جايين على المطاوعه هذا يقرا وهذا نشري قواريره
مثل ماهو حاصل لنساء الجيل السابق ,,
خيبات املنا فيكم كثيره وكبيره ونحتاج للنسيان والاندماج الآمن ,,
الوحده منا ماتقدر تنشر الغسيل عند الاهل والقرايب درءً للمعايير والتشمت!
اهمقي لين يتعوجن اصابعتس ياحيي ولمليتي من اللي تهمقين معه ..برب ..باك
ستر وغطا ربي ادمها نعمه واكفينا شر من تولجته الشرور..
والمنتديات النسائيه هي تجربة اولى لمن تقتحم النت لاول مره وبعدها
تستغني حسب توجهاتها ..

[احمد الفريدي]

اقتباس:  المشاركة الأصلية كتبت بواسطة قـتـالـه     كل ماناظرت لابتوبي قلت ياجعل امك ياقوقل بجنات النعيم ,, وش تبونا نسوي بس .. ماترتاحون لين نصير فريسة الامراض النفسيه ورايحين جايين على المطاوعه هذا يقرا وهذا نشري قواريره مثل ماهو حاصل لنساء الجيل السابق ,, خيبات املنا فيكم كثيره وكبيره ونحتاج للنسيان والاندماج الآمن ,, الوحده منا ماتقدر تنشر الغسيل عند الاهل والقرايب درءً للمعايير والتشمت! اهمقي لين يتعوجن اصابعتس ياحيي ولمليتي من اللي تهمقين معه ..برب ..باك ستر وغطا ربي ادمها نعمه واكفينا شر من تولجته الشرور.. والمنتديات النسائيه هي تجربة اولى لمن تقتحم النت لاول مره وبعدها تستغني حسب توجهاتها ..

ياعيني على الرد ...

انا أستخدم الانترنت بعض الاحيان لآجل اناقش مواضيع صعب اناقشها كرجل امام مجتمع ( العيب ) ...

عادتا املك الجرأه لطرحها لكن ليس بالنسبه لكل المواضيع ...

كيف عاد الحريٌم ؟

اللي لو تشكي لرجلها اما يسحب عليها ولايعبرها

أو انه يحولها لهوشه بدال مايحلها لهالمسكينه

وانا قلت الشكوى ( لان اغلب وقتهن يتشكن إلا من رحم ربي ) وهو نوع من انواع إستدرار العاطفه ..

طبيعي إذا ماكان عند رجلها وين بيكون يعني !

لازم يصير بمكان ثاني سواء انترنت ولاغيرهـ

اقتباس: اهمقوا مثل ماتبون لكن لاتكذبون وتقولون مالقينا احد يعطينا وجه ورحنا للمنتديات والله يارجالكم قاعدين من الفراغ يبون بس كلمة منكم بس الحريم مايروق لهن رجالهن يبن يهمقن بالنتن

معليش اخوي

أنت انسان متحيز وبقوهـ .. وقد قريت لك كثير اغلب ردودك متطرفه لجهه معينه

مو معقوله ابد ان يكونن على غلط بكل شي !

بالعكس واقولها لك بكل صراحه .. النساء عندنا اكثر ثقافه واطلاع من رجالهم

خذلك يوم واحد في اي معرض للكتب وشوف اغلب زواره ( كمثال )

الرجل السعودي للأسف تعامله مع المرأه جداً تعامل غير جيد وهذا الاغلب وهذا راجع لقلة وعيه

والنساء معروفين من هالناحيه إذا ماسويتلها الخير وبديت انت فيه ماراح تحصل من وراها شي !

اقتباس: والله يارجالكم قاعدين من الفراغ يبون بس كلمة منكم

معروف دايم ان الرجل هو اللي يبآدر .. وهذا شي يعرفه كل العالم

أنت بآدر وصدقني رآح تلقى اللي يسركـ

ونصيحه لك اترك التحيز

[نجداوي]

البنت مايحلا لها الا منتديات عامه

لانها مادخلت تدور الالتزام

تبي تكون علاقه عاطفيه او تكون جو معين بجزئيه النت بشكل عام

او تبي تفرغ الكبت الكبير اللي بداخلها

او ان حياتها متعطله فاتها قطار الزواج والخ

المسببت كثيره وولاكان الشموليه او التعميم صفه ليست جيده ولاكان هذا هو حال التطور التقني

ومسيره الحياه العصريه ..

يطول الكلام لاكان النقاط المهمه ذكرتها والسلام خير الختام ..

[عازفة ألحان الليل]

وهل تجد المرأة الحل الأمثل والجواب الشافي عندما تعرض مشكلتها الخاصة ؟؟

لم اعرض اي مشكلة في المنتديات ..لأني بكل صراحة لا اثق بها
ومامدى استفادة النساء من الأسماء المستعارة في التحدث بكل اريحية للغير ..
قليل ما اتحدث عن نفسي ..



النساء هنا بهذا المنتدى بما أن الجميع يكتب خلف أسماء مستعارة
هل تستطيع أن تتحدث بأمورها الخاصة والدقيقة ؟؟
عن نفسي ...لا
أم أنه يعتبر عيباً في نظرهن ؟؟؟
ليس عيبا ولكن لا اثق بأحد خلف اسماء مستعارة

[ليلـ]

بختصآآآآر
السر في قلب المرأة كالسم ... إن لم يخرج منها قتلها

[أبوطــارق]

للآسف ، المنتديات خرجت من كونها وسيلة ترويح وتبادل اراء .

[زمن الغرباء]

اقتباس: هنا ماهي مقدار الإستفادة من المنتديات سواء النسائية أو غيرها

فيه اشياء أحب أعرف اراء الناس فيها
وماأعرفها الا بالمنتديات
لان الناس في المنتديات طبقات ..
وراح يتفاوت نظرهم

اقتباس: وهل تجد المرأة الحل الأمثل والجواب الشافي عندما تعرض مشكلتها الخاصة ؟؟

اذا وافقت احد خبير ان شاء الله
بس اهم شي انها تكون مجهولة
ومو كل شي تقوله

اقتباس: ومامدى استفادة النساء من الأسماء المستعارة في التحدث بكل اريحية للغير ..

زي ماقلت عشان تكون مرتاحة وماأحد عرفها

اقتباس: النساء هنا بهذا المنتدى بما أن الجميع يكتب خلف أسماء مستعارة هل تستطيع أن تتحدث بأمورها الخاصة والدقيقة ؟؟ أم أنه يعتبر عيباً في نظرهن ؟؟؟

انا لا اؤيد ولا احب الطريقة هذي
ولو بيدي الغيت بعض المواضيع اللي بزوايا انثى


اشكرك وبالتوفيق

[أحب نفسي]

[align=right]عالم النت أكثر أريحيه ..
مع أني ماأذكر بيوم من الأيآم كتبت شيء من مشآكلي ب منتدى لكن
أقرأ كثيييير من المشاكل وأحب أقرأ الردود عليهن ..



خصوصآ إذآ بغينا نبحث عن حكم شرعي نستحي نسأل عنه
شكرآ لكم[/align]

[الطائر الحر]

بالعكس انا ااشوف انو طبيعي جدا انو النساء يناقشوا امور بعض خلف الاسماء المستعارهـ خصوصا اذا كان هناك رجال من قليل الخبرهـ وعدم المعرفهـ بأمور الحياهــ...فمثلا طالع للاستراحه ولايلعب بلوت ولاسوني ولامبارهـ ولاغيرهـ ولايلقي لها بال اليست انسانهـ تحمل مشاعر واحسايس؟ سحقا لبعض الرجال المتعجرفين الاستبدادين.....على الأقل احساسها بوجودها سواء بكلمهـ اوهمسهــ ولومدة قصيرهــ.......لاخاب من اتبع نظام صفوة الخلق محمد صلى الله عليه وسلم..............................وتقبلوا مروري وشكري ووجهـة نظري بصدر رحب

[رمز العز]

لكل واحد منا سبب للدخول لذلك العالم الواسع والمتنوع ودخول الفرد مهما كان جنسه لتلك المواقع

والبحث والعبث في موشر الموس للبحث عما هو يفكر فيه وحده يعتبر خاص ولا

[رغــــيد]

والله احترنآ فيكم يا شبابوه ..!
تلومون المرة إذا قالت مشكلتها حتى لو كانت خاصة في المنتديات النسائية ..
..وإذا كلمت شيخ تقوله بعض مشاكلها وأسرارها قلتوا ما تستحي ..!

إلا أنتم وش مدخلكم منتديات نسائية ..أشوفها مكتوب خاص للنساء
يعني بلا شرافة منكم ..!


الكلام عام وليس موجه لصاحب الموضوع ..




::

[جلوي العتيبي]

المشكله إن المصلحين الإجتماعيين والإستشاريين كثير وعلى قفى من يشيل والاخوات جايات بكل صدق وحرص

الله يعين الغير متمرسات بهذا العالم المجنون

[عذبـــــة]

اشوى انكم منتب وليين علينا ولا كان تلقوننا بالنفسية وحنا بزهرة شبابنا
مع هذا الفرق بين الشباب والبنات :
البنات يدخلون النت في بداياتهم وهم على نياتهم ولا يتعدون المنتديات
بعدها يخربون ويبدون يحوسون بكل مكان .. بعدها ياليت اللي حصل ماحصلشي
اما الشباب من يدخل وهو نيته شينه ويقصد المواقع الشينة والغزل والاستهبال
ولا يطلع من النت الا بفريسة الله اعلم وش يكون حالها اذا رماها وراح لغيرها .. طبعا الغالب ..

[| ~ ســمــو ~ |]

فضفضه لآغير ..!


النساء هنا بهذا المنتدى بما أن الجميع يكتب خلف أسماء مستعارة
هل تستطيع أن تتحدث بأمورها الخاصة والدقيقة ؟؟

نعم استطيع

أم أنه يعتبر عيباً في نظرهن ؟؟؟

لا عادي ..

[تحلو الحياه]

ليست المشكلة في المشاركةفي المنتديات
المشكلة في عقلية الشخص نفسة ماذا استفاد منها
اذاكان وجوده هو العاطفة والثرثرة بلا هدف
فعليه ان يقيم نفسه ويعيد حساباته فكل مسؤل عن نفسه
وليس كل من يكتب اهل للثقة ويأخذ برأيه
نعم فيه منافع لتبادل الخبرات وزيادة في الثقافة والمعرفة
وليست كل فتاة تكتب فيها او تشارك لاخير فيها كما يظن البعض
قال الله تعالى (وَلَا تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ تَعْمَلُونَ إِنَّهُ عَلِيمٌ بِذَاتِ الصُّدُورِ{7}سورة الزمر
كل شخص عليه ان يقيم نفسه قبل ان يقيم الأخرين
وفقنا الله لكل خير