عندمـا أوافق على الزواج من رجل >{ متزوج }يريدني استمتاع هل أخطأت ؟ "للنقاش"

[لسعه الخير]

كان الله في عونك بس حبذا لو تسالين احد من المستشارين مع اني مارتحت لة من كلامك احس اني غاشتك لو اقول اخذية ويمكن نظرة اهلك ونظرتك اوسع منا في احقية الاختيار ربنا يوفقك ويسهل امرك ويفرج همك اما من ناحية الشباب طيب ليش ماتطلبين ربك ان يرزقك زوج صالح تقي نقي يخاف الله فيك ويجعلك كماتتمنين ياكم شاب تفتخر الناس فية وياكم شاب ماسح بوجه اهلة الارض الله يكتب لك الي فية الخير وان كان بة خير الله يكتبة وان كان بوة شر الله يصرفة يارب

[لعيون دودي]

حبيبتي...
كثيرا من الرجال تزوجو زيجات تقليديه من غير تفاهم ولا موده بالاصل ونجحت زيجاتهم حيث انهم سددوا وقاربوا .. واخرون فشلت لعدم قدرتهم على معايشه الوضع رغم مجي الابناء..
على مايبدو لي بان هذا الخاطب المتقدم لك من هؤلا الرجال(استحالت) العشره بينه وبين زوجته للاسباب التي ذكرتيها... هنا اقول (من حقه ) الزواج فهو يريد الاستقرار يريد زوجه يريد أنثى يستمتع بها (حلالا) من حقه ..انت صاحبه القرار في الاختيار من الرفض لكن (أنا) شخصيا لو كان الامر بيدي لما اخترته لا لشي الا لانه متزوج ومعه ابناء وانا (صغيره) بالعمر والمستقبل امامي ... لكن حسب ماذكرتيه انك لا تحبذي الشباب !!هنا لك الحق بقبوله
مااقدم عليه ليس بجريمه بل هو حق شرعي فله مثنى وثلاث ورباع وله الحق بان لا يحبذا الانجاب بالفتره الحاليه فهو لم (ينعم) بالهدوء والراحه ولا بالاستمتاع بحياته الزوجيه كما ينبغي ان تكون
(أنت) اعلم بدواخله وصدقه منا ان كان فعلا يريد تاخير الانجاب فقط ليستمتع حاليا فلا مانع اذا كان الامر بطيب خاطر منكما الاثنين فعلا هو مكتفي حاليا من ضجيج الابناء يريد ان يتعايش مع ماكان مفقودا بحياته وربما وجد الراحه المبديه لديك
لك بالاستخاره واسئل الله ان يكتب لك الخير في جمبع امورك ولبنات المسلمين جميعا
دمت برعايه الله

[ملح ـوس]

[align=center]ردود كثير من البنات يظهر لك اسباب العنوسة بالمجتمع

ويظهر لك اسباب الطلاق بالمجتمع (الحتسي على بعضهن بطريقة الشحن)


ياجماعة انتم تقولون مسلمين ولكن اشوف ان الاسلام حاطينة على جنب

الرسول صلى الله عليه وسلم هوقدوتنا وكان معدد الزوجات وزوجاته قدوة (للمسلمات).

تزوج ام المؤمنين خديجة وهي اكبر منه بخمسة عشرسنه وكانت ثيب ولها اولاد كبار.

وتزوج ام المؤمنين عائشة رضوان الله عليها وهي صغيرة ..

وتزوج ام المؤمنين سوده وهي عجوز بالستين من عمرها .

(التعدد حكمة وليست اشباع شهوة فقط مثل الوضع الحالي )

وقال تنكح المراة لاربع ( مالها وجمالها .وحسبها ودينها فاظفر بذات الدين تربت يداك ..)

يعني الجمال القصد منه المتعة ولكن باخر الحديث اشار على ذات الدين (وينهم اليوم)


قال تعالى : لقد كان لكم في رسول الله اسوه حسنه لمن كان يرجو الله واليوم الاخر وذكر الله كثيرا ....الاحزاب 21


و قال رسول الله - صلى الله عليه وسلم - : إذا أتاكم من ترضون خلقه ودينه فزوجوه ، إلا تفعلوا تكن فتنة في الأرض وفساد عريض .

وصدق عليه الصلاة والسلام لاننا نشوف الفساد العريض مو بالضروري بالسعودية لكن بالسعودية وغير السعودية لكننا اقل من غيرنا رغم انوف المرضى..(والدخلاء)[/align]

[قـتـالـه]

ياربييييه وقصم اني ارحم اللي كذا !
حسبي الله عليكم يالرجال شوفوا سواياكم بعقول البنات
انتبهي بس لا يكسر ضلوع ام عياله مو بس يطلقها كرمال سواد عيونك !
ياعين ابوي كله حكي وربي ماعنده لك ماعند ضعوي تسان تعرفين ضعوي ..
انت بالنسبه له الان نسمه وهمسه لكسر روتين حياته وممارسة مالم يتعوده مع ام عياله .. ولكن انتبهي ماان يشبع حتى يعود لتعويضهم فترة غيابه البسيطه معك !
ياحيي ..انتبهي لما سأقول :
ام اولاده مكانها عرش قلبه الا انه يفتقد همس المكالمات وانتظار مسجات اللهفه ,,
يحتاج للتغيير وان لم يكن معك فمع غيرك ممن لديها نفس استعدادك !
تلفتي حولك للتجارب المشابهه من مسيار او حتى زواج حقيقي بالعاده ان الزوج يعود لأم اولاده وبيته بنهم اكبر !
انتبهي .. حيويتك يستحقها شاب في عمرك ستصبحين تاج راسه وام اولاده وسيدة بيته ولن تزاحمك فيه اخرى ,,

[بنت منيره]

اقتباس:  المشاركة الأصلية كتبت بواسطة سوسآنآ     أولاً وش الخلطه عشان اصير عضوهـ ذهبيه ( فيس مستحي ) السبب ناظري عدد مشاركاتي وتدرين >>بالعربي انا خرطه هع ثانياً كيف يقول ابغى عيال وهو عنده منها ؟؟ أما مايبغى مني فتره يبغى يستقر يرتاح نستمتع سوياً .. الرجال مش مستقر مع زوجته ولما سألنا عنهم طلعت اغلب الوقت تزعل وتروح عند اهلها . هو يبغى انثى تعيش معه تآكل تشرب تنام ...... يبغى يستقر ..

هو يقول لها انه يبي يعرس يبي ذريه فهمتي وسالي اي رجل وش تقول لزوجتك وش حجتك >>وقسم قاهرينن تقل مابووش رجال طيب اعرس لانك تبي العرس وشوله تجيب حجج مالها داعي

وطبعا يقول لك انا مو مستقر ومرتي مادري ايش عشان يكسبك ويضمنك


بس المشكلة انه يقول لك مابي عيال>>قهرتن هالنقطه هو وعنده عيال لو مايجه منك ماهمه بصراحه احس انه اناني

انتي تبي تدفعين ثمن هالنقطه لـ صرتي ماتجبين عيال بعدين>>اتمنى تفهمين وش قصدي بذي


واستخيري وربي يكتب لك اللي فيه الخير

[دموعي قريبه]

اقتباس:  المشاركة الأصلية كتبت بواسطة هلاوين     اولا اقول الله يوفقك ويختار لك مافيه خير لك . ثانيا اذا هو كفو ويستاهل توكلي على ربك لاكن لايشترط عدم الانجاب لان من يشترط غالبا مايكون يريها فترة ويطلقها . ثالثا لايجوز ان يطلق زوجته الاولى بسببك والا الرجل له اربع وليس اثنتين كيف يلحقك اثم . اتمنى لك التوفيق

صح كلامه اقرأي وافهمي وحناا نبي لك الزين

[دموعي قريبه]

اقتباس:  المشاركة الأصلية كتبت بواسطة سوسآنآ     ولكن أراد الراحه سنوات معي بلا أطفال ولأنني صغيره , هوَ يريد الإستقرار مع أنثى .. ِ

قاله اللي قبلك لكن بعد ماتزوجن
ينلهف قلبه على البزر وتحن لهم ووده تحمل
بس ممنوعه عنه

[دموعي قريبه]

اقتباس:  المشاركة الأصلية كتبت بواسطة سوسآنآ     سالفة فضالة والشغلات هذي ماتهمني دامه مرضيني عاللي احتاجه وابغاه .. شاكره لك مرورك

اجل عقلتس براستس وتعرفين خلاصتس

[دموعي قريبه]

اقتباس:  المشاركة الأصلية كتبت بواسطة هلاوين     جاي اركض لا يفوت العرس >>ههههههه اقول بسرعه استخيري وتركي مهايط الناس

اقول جااي تركض ماهمك الا العرس والعشاء واللب
هذا اللي هاامك متب مااكله عنه باتسر
وش الخرابيط هذي

[كــآريزمآ]

حبيبتيي استخيري ..والله يكتب اللي فيه الخير ..
خطيبك هذا اعتقد انه يمر بأزمة منتصف العمر اللي يمر فيها اغلب الأزواج
بحيث انه في هذا العمر يبحث عن التغيير والتجديد ..
طبيعي بيقولك ماابي عيال مايبي ارتباط قوي يربطه فيك عشان اول مايمل ينسحب باقل الخساير
طيب لو تبين كبير تزوجي على الاقل من مطلق ..أو ارمل تضمنين ان ماعنده غيرك
حرام بنوته بعمرك ترمي نفسها هالرميه لو انتي مطلقه او ارمله بنقولك توكلي على الله
وحدة من قريباتي متزوجه اربعيني وهي بالعشرين تقول مااحس نفسي متزوجه هي مهما كان شبشوبه
تبغى تطلع وتتمشى معه وهو كل شئ عيب عنده واذا قالت شئ قال وش شايفتني بزر عندك المسكينه متحسفه قد شعر راسها ...
ليه حاطه فراسك ان المتعه ماراح تحصلينها الا مع هالمتزوج ..صدقيني مافيه أنسب من الارتباط بشاب بنفس عمرك او قريب من عمرك ,,
تفهمون على بعض وتكبرون سوى
ولو فرضنا انك جلستي على ذمته بكرة انتي ثلاثينية بعز شبابك وهو ستيني كله امراض تكونين له ممرضه مو زوجه ..
احنا بغينا نقولك رائينا والقرارالاول والاخير راجع لك ..

[فتاة المستقبل]

من الممكن انك لم تخطئ ,,لكن بنظر الحريم ووخصوصا المتزوجات انسانه حراميه سارقه زوج غيره ,,وإذا رحتي لاي مكان فيه جمعات حريم يناظرون لك نظرات استحقار

وإذا انتي قد النظره وقادره تحملين نظراتهم لك ,حتى لو ما تكلموا قدامك بس بقلوبهن فتزوجي

لاتجيننا اللحين تنزلين لنا موضوع تقولين تحسفت اني متزوجه متزوج ..

الشئ الثاني ,,,
إذا انتي ضامنه نفسك انك تلك الانثى التي لن تقصر في حق زوجها ,,وانك تبي تبذلين اقصى جهدك بالقيام بحقه مع قدرك على التنازل عن بعض حقوقك ,,لانك بهالحالة ملزومه بالتنازل عن بعض حقوقك ..وإذا انك ضامنه بتكونين له الامه والخادمه والساهره على خدمته وراحته تزوجي ..
وترى الواحده تفكيره وحماسه قبل الزواج موب زي تفكيره وحماسه بعد الزواج

[القصيم ـ بريدة]

[align=center] اخيتي عليك بالاستخارة أولاً

وثانياً أحذري أن تكوني مجرد زوجة لتأديب الأولى لأن هذه الطريقة انتشرت في الفترة الأخيرة.

أسئل الله ان يوفقك ويختار لك الخيرة المباركة.[/align]

[زخات المطر]

[align=center]

اقتباس: مع العلم أنه خيرني بأن يطلقها , فقال إن جعلتها على ذمتي فهذا من أجل أبنائي " فقط فقط " , أما هوَ فليس بمشاعره ذرة لها

للمعلومية فقط /

كُل رجل اقدم على الزواج من آخرى ، يقول نفس الكلام !

و بعد الموافقة والزواج تظهر لك الحقائق التي خُدعتِ فيها ..

تجدين علاقته مع زوجتة " عال العال " و الزوجة الثانية لـ الليل فقط ، امَّا الأوليات و التقدير لأم العيال و العيال ..


---


غدًا ستكبرين و لن ينفعك غير ذريتك ان شاب زوجك و احتضنه ابناءه الكِبار ..

استفيدي من تجارب غيرك ، و استشري اهل الإستشارات قبل السير وراء عاطفتك ..

فكري بالمستقبل قبل الحاضر ،، و لا يغرك الكلام ، فما وراء أسباب الطلاق بالمحاكم غير الكلام الذي غُرر بكثير من الضحايا .

اقتباس: مع العلم أنه خيرني بأن يطلقها

اذا بيطلقها ، بيقدر يطلق غيرها ..


الله يكتب لك اللي فيه خير .[/align]

[سمو ذات]

اقتباس:  المشاركة الأصلية كتبت بواسطة سوسآنآ     سلام الله عليكم أيها الأكارم .. مع العلم أنه خيرني بأن يطلقها , فقال إن جعلتها على ذمتي فهذا من أجل أبنائي " فقط فقط " , أما هوَ فليس بمشاعره ذرة لها .. وكذلك هو يبحث عن الإستقرار والألفه والمحبه والإستمتاع , أما الأبناء فلا يفكر بالإنجاب مني الآن .. أرجو من كل شخص يقرأ موضوعي يضع رأيه , مع الدعوات ..

وعليكم السلام ورحمة الله


لو تقدم رسميا لك كزوجة ثانيه واخبرك بأن لدية ابناء وغير مستقر مع زوجته فكل شيء يسير على مايرام

او ذكر ان اسبابة شرعية حيث انه لامشاكل ولكن يريد آخرى فقط فهذا حتماً سأصدق

ولكن ان يخيرك بطلاقها وتشتيت اطفال وضياع بيت بكاملة !!
وفرضاً قبلتِ طلاقة لوافق على الفور فهذا مصيبة المصائب !!!




عذراً فالشك اخذ مني كل مأخذ ..


وفقك الله واسعدك مع من يكون سواء متزوجاً او اعزب

[هلاوين]

اقتباس:  المشاركة الأصلية كتبت بواسطة دموعي قريبه     اقول جااي تركض ماهمك الا العرس والعشاء واللب هذا اللي هاامك متب مااكله عنه باتسر وش الخرابيط هذي

فيه اهم من العشاء والمفاطيح بالعرس هههههههه

مافهمت وش اللب