التسليه بالصقور وتعذيب البهايم التي لا حول لها ولاقوه بالصور ...؟

[ملح ـوس]

[align=center]بسم الله والسلام عليكم

بكل صراحه فيه موضوع يقرقع بصدري من زمان ويوم الله جمعنا على خير حبيت اطرحه لكم وبشوف هل انا غلطان او انا حساس بزيادة او الي بقلبي صح ؟
الموضوع هو رياضة الصقوراعرف ان اصحاب الهوايه بيدافعون ويزعلون من كلامي ويطلعون اشياء تثبت كلامهم وانا من الحين اقول نعم ولكن لمن؟؟ كان الصيد بالصقر من الجوع وحتى الصيد بالكلاب وغيره من اجل الجووووووع وليس التسلية كم مره رحت لاستراحات اشوف الشباب ميلين العقل ومطقطقين اوكار وصافين هالصقور والعلامة الفارقه للاستراحه هي صفت باترولات موديلات التسعيانات ( باترول سلقة) وجلست معهم واسالهم واشوف خوافي الامور ولقيت الصراحه شي يحرق التسبد اولا

الصقر يقولون انه يجي له وقت يبني شحم وعشان يشيلون الشحم يعطونه ماده (الشناذر) وهي مثل الملح المطحون وتستعمل لرب الدلال يلفونه بشاش وبعدين يجون ثلاثه يتماسكون الصقر ويفتحون اثمه ويدخلونه وبعد شوي الصقر المسكين تشوف عيونه تبالص من الحموضه يصير بطنه مثل ماء البطاريه يطبخ يقربون له الماء وهات شرب المسكين من اللواهيب لين يبدا يتبرز دم وانا اشوف هذا تعذيب مع سبق الاصرار والترصد .
ثاني هام لاجا وقت تدريب الصقر جابو هالبهايم من حمام وقوقسي وغيره من الطيور الحية وقامو يدربونه عليهم بمنضر محزن يصبخون بهالحمامة وهي حيه يعني (روح) له شان عظيم عند الله.. ويخلون الصقر يتدرب ومره ينقره من ظهره ومره من اي مكان وهي لا حول له ولاقوه وتستمر هالطريقه مع عشرات البهايم ومن طرقهم يجيبون حبارا ويبرقعونه ويخلون الصقر يطب يلعب به والصور تشهد :


شف الابتسامة على وجه ( الصقار )





ارجو من الصقارين لا يدخلون الموضوع بمداخل ثانية لان الناس بما يعشقون مذاهب االصيد بالصقور حلال ولكن للاكل وسد الجوع مو للتسلية واللعب دايم يجي في بالي الاسبانيين ومصارعة الثيران او الفلبينيين ومصارعه الديكة مع ان فيه حديث نهى عن التحريش بين الحيوانات ودايم اتذكر البغي اليهوديه الي دخلت الجنه بسبب كلب والثانيه الي دخلت النار بسبب هرة ليش ؟؟ مع انه كلب وبسه ومع هذا الله سبحانه اثاب البغي وعاقب الثانيه ... لان البهيمة لها روح عند الله عظيمة وعندي مثال بسيط الكلب مايجوز تقتنية الا بامرين الرعي والصيد اما الترف والتشخيص فهو محرم قس عليه الامور الثانية ..
ناهيك عن المبالغ ومضيعة الوقت والمطاير بالبران والثلاجه معهم مليانه لحم حاشي ولحم غنم او الذبيحة بالصندوق معهم ..[/align]