خلع الزوجة حذاء زوجها مذلة أم تدليل ؟

[شدو البلابل]

اممممممممممممممم مااقدر احكم الان لانه مابعد تزوجنا ..

والله اذا هو اللي يامرن بالشي هذا وجع افصخهن له ..

مافصخة نعال ابوي اللي غالي على نفسي افصخ نعال ولد الناس ..هع

مشكوره اختي ورده على الموضوع..

[الزنون]

لا الله يسلمك
بنات الوقت ما نبي منهن يخلعن حذياننا
نبيهن يلتزمن باعمال البيت بس
ونبيهن يخلعن الغيرة الزايدة
ونبيهن يخلعن الشك اللي ملازم لهن

الحين زوجتي
اذا شمت عطر قالت ايه اكيد انك مسير على مجموعة بنات
والا اذا صرنا بالسيارة وعند الاشارة وجلست احك ظهري <تعرفون انتم ان الواحد اذا جاء يحك ظهره لازم يلتفت عشان يطول المكان
قالت ايه تتلفت تناظر الحريم اللي بالسيارة الثانية

واذا دقت علي بنت غلطانة او حصل لي ازعاج من بنات وكانت معي زوجتي
قالت ايه اكيد انك تغازل

طيب انا وش اسوي اذا صرت حلو والبنات يلاحقنن
مو ذنبي ان لي معجبات

تحياتي

[عاشق الخير]

[align=center]يختلف الحكم باختلاف الموقف ... والمناسبه ...[/align][align=center]

إقبال الزوجه على خلع الحذاء من نفسها دليل على رضاها عن زوجها او عجزها عن التعبير له عن تصرفه تجاهها ... ومعاملته لها ..
لكن ان يكون ذلك بطلب من الزوج لمجرد اثبات القوامه المزعومه ...
هنا اجدها مساله لا تستحق الاحترام ...
بغض النظر عن تصرف الزوجه وحكمتها في تنفيذ الطلب من عدمه ..[/align]

[الورد]

[align=center]

فعلاً لا تحلو المواضيع الا بردودكم الجميله

فأنتم عطراً فواح بهذا المنتدى

تشكرات يا قلبي للجميع

======

لكن لو كان الزوج عنده زوجتان
هل سيكون نفس التعامل ؟
[/align]

[رزه مرتزه]

[align=center]تشششششششششششششش وش وش تسذا!!

والله لو يفطس مافسختهن له بعد بعد مابقى غيره
والله لو هو ابوي ايه بذي معقووله اما هذا قلعته يطس بس[/align]

[ابوغرام]

رايي بالموضوع حلو فيه شي لازم يعرفه اي عزوبي
اما لو خلعت الزوجه حذاء زوجها شي طبيعي لان الزوج لاحترم زوجته تقدم لعمل اشياء اكبر من خلع النعال لان الزوجه تبي الزوج الي يحترمه ويقددره وتقدمله اي شي يطلبه الزوج وبعدين مستحيل الرجل يطلب من زوجته زي الطلبات الا اذاهي اقدمت على عمل الشي لما ترى من احترام زوجه لها
الله يعطيك العافيه

[ابوغرام]

لكن لو كان الزوج عنده زوجتان
هل سيكون نفس التعامل ؟
لا مستحيل ممكن يتعامل امامهم زي بعض لاكن جواته اكيد قلبه يبي يميل لاحد الزوجتين
ايامل الثانكس لك

[بنت عز وما تنهز]

اذا اذا اذا
تزوجت يصير خير
لكن من وجهت نظري
ان رجال هاليومين يبطووووووووووووووووون عضم افصخ انعاله
زي ما قالوا وهو وش حاجته ما يفصخ نعاله مشلول اخونا في الله

انا عساني اقوم وافصخ وغسل رجليني موب عشان اغسل رجلينوه

[موسى العناز]

لما يكون فيه حب واحترام وتقدير بينهما كل شي بينهما بيكون حب وإحساس

يسلمو ع الموضوع

[بنت عز وما تنهز]

كلامتس صح رزه
صدق هو وش حاجته اروح افصخله انعاله
لا وعاد الاحترام اللي بقابلن بوه

بعدين الكلام اللي تقولونه يحترم زوجته تحترم هي زوجه
ما عمرنا شفنا زوجين زي كذا الا بالروايات وبخياكم
والا تلقونهم 24 ساعه هواش ويمل منها ويروح ويتزوج غيره
وياكثر شباب اليوم اللي يتزوجون مسيار

وتقولون وراه تبن العزوبيه وتبن تعنسن

[عاشق الخير]

8 8 8

انصحك قبل التفكير بخلع الحذاء ..

عدم الاكثار من قراءة الروايات الرومانسيه ...

فالحياة الزوجيه اسمى وارقى ...

ومن لم يتوفق في زواجه فغيره الكثير يعيشون السعاده والحب في بيوتهم ..

[بنت منيره]

صزز والحقيقه ولا صزز الصزز
على حسب في اليوم اللي ناويه الزوجه تدلل زوجها تسوي ذا الحركات

واكثر بعد تربص رجله بطشت به ماء وتفركن بهن وتسوي لهن بودري كير ومنيكر>>تسمع بهن بس تعرفهن

بس اتوقع عادي

بس اليوم اللي يجي زوجها ويغصبها ويعملها بشينه نفس وقلت احترام تكون مذله
وذيك الساعه اكبر غلط لانه ذلها وعاملها بستحقران>>اكره الرجل اللي تسذا

[بنت عز وما تنهز]

اقتباس:  المشاركة الأصلية كتبت بواسطة عاشق الخير     8 8 8 انصحك قبل التفكير بخلع الحذاء .. عدم الاكثار من قراءة الروايات الرومانسيه ... فالحياة الزوجيه اسمى وارقى ... ومن لم يتوفق في زواجه فغيره الكثير يعيشون السعاده والحب في بيوتهم ..

شوف ياعاشق الخير انا ما تاثرة ولا راح اتاثر باذن الله بروايات رومنسيه
لكن مقصدي هو ان ما عمرنا شفنا شيء من الكلام اللي تقولونه
واذا جتمعوا الحريم هاك تطليع العيوب في الزواج واللي تقول مشاكل بالهبل
وبعدين وين اللي زواجهم سعيد ما شفناهم بهالوقت
لو قلت قديم اقول لا كلامك صح 100%

لكن الان ....انا من ناحيتي ما شفت شيء

[خلف المعطف]

عاد تسنيبه ابفصخ نعاله مافصخت نعال ابيي يجي هو

تخيلي عاد فاضخه نعال ابو خليل غدية مايقرأ هالموضوع ويطيح بي

[عاشق الخير]

اقتباس:  المشاركة الأصلية كتبت بواسطة بنت عز وما تنهز     شوف ياعاشق الخير انا ما تاثرة ولا راح اتاثر باذن الله بروايات رومنسيه لكن مقصدي هو ان ما عمرنا شفنا شيء من الكلام اللي تقولونه واذا جتمعوا الحريم هاك تطليع العيوب في الزواج واللي تقول مشاكل بالهبل وبعدين وين اللي زواجهم سعيد ما شفناهم بهالوقت لو قلت قديم اقول لا كلامك صح 100% لكن الان ....انا من ناحيتي ما شفت شيء

ما عمرك شفتي شيء من هالكلام ..
يعني من اللي حولك وبس ...

اما الحريم المتزوجات فاكثرهن ما ودهن يفطنن او ينحتن تلقينه سب بالرجل وهو حاطه فوق رااسه .. تسمع بالحريم اللي يخطفون المتزوجين ...

عن نفسي وفي مجتمعي وبيئتي ارى ان هذه الحركه عااديه جدا ..

فالزوجين قد تعدوا هذه المرحله بكثييييييير ..