( قــش المطلقــة ) .. للنقاش

[مدرعمهـ]

تبين الصدز ماخلى المجتمع نظرته كذا للمطلقه الا الحريم انفسهن
سبحان الله بهن خصله يعشقن التخريب على انفسهن
ليه للحين ماتزوجت ..واذا تزوجت .. ليه ماحملت .. وراه ما اعرس عليه.. شكله لاحستن عقله
وززززززز الا عين واصلته ورجله اليوم الثاني معرس و مطلقه ببيت اهله
يعني خلي الحريم اول يرحمن انفسهن عشان المجتمع يرحمهم
شكرااا

[أوطان]

الملاحظ حرص المطلقه عندما تتزوج مره اخرى على تفادي اخطاء وويلات حياة سابقه!
واحياناً يكون ذلك على حساب أولوياتها.. وكله عشان نظرة المجتمع!!!

[حياتي وناسة]

موضوع رااااااااااااااااااااااااائع

[engel]

على طاري قش المطلقة
أنا قشي جايبه أخوي مع عمال وكل أغراض المطبخ كانت من محل في العليا مول فخم ، طبعا العمال حاطينها في أكياس زباله .. كلها زجاج
وبحثي موجود (الماجستير ) موجود ع الحاسب تبع طليقي وتخيلوا ليومكم ما قلت لأحد وعدت للمكتبات أجمع المادة المفقوده وأراسل برا أجيب المصادر اللي انفقدت مع الحطام .
وأغراضي تصدقون للآن بعد سنتين في مخزن عند أهلي بالسطح على ما وضعت عليه لدرجة أن فيه ترمس كان فيه زنجبيله ، وعلب دريم ويب ، لساعتكم هذه .
والله مالي خلق التقليب فيه أحس أنه جنايز مو قش .
عسى الله يرحمنا .. ويثبتنا ..

[بحر العطاء]

اقتباس:  المشاركة الأصلية كتبت بواسطة كفاني عذاب     مرحبآ أكره شيء عندي هو الطلآق ولكن الكثير الكثير الطلآق هنآ في مملكتنآ أسأل الله أن مآنسمع بـ هذه الكلمه لأ زالوآ في الدنيا رجال الكثر منهم هنآ وفي كل مكآن لكن قليل مانسمع عنهم شكرآ

اخي اهلا بك ومروركـ

لكن لم تجيب .. ايهم اولى بالخروج الرجل ام المرآة في ساعة الطلاق ...

[بحر العطاء]

اقتباس:  المشاركة الأصلية كتبت بواسطة @جمرة@     قد تعالج هذه الظاهرة بالتوعية قبل الزواج ,, دورات ومهارات يتعلمها المقبلين على الزواج, وإن كانت هذه الخطوة في بدايتها الآن , ونراها ونسمع عنها في المراكز والتلفاز لكن الكثير من الشباب من يعتقد أنه بغنى عنها,,!! ... ,, وبالنسبة للخروج من البيت فالأولى تطبيق السنة والشرع في هذا الأمر , والأغلب أن المرأة هي من تفضل الخروج من البيت , وفق الله الجميع لما يحب ويرضى..

اهلا بك غاليتي

المرآة لاتفضل الخروج .. لكن تعتقد ان هذا واجب عليها ان تخرج ..

ماتراه من عادتنا وسلم اهلنا

اهلا بك وشكرآ لك

[@اسمـــراني]

ارتبطت الفوضويه وعدم الترتيب بالمطلقه وهذا المثل طبيعي لان المرأة بعد طلاقها تبدا فوضويتها,وهناك من يطلق على مثل ذلك ( قش صلب ) أو ( شكلك قالب )

أما أحقيه جلوسها في منزل زوجها فلابد أن تخرج وماذا تنتظر بعد طلاقها وما حاجتها في ذلك بعد انفصالها,بالعكس خروجها اعز لكرامتها

[بحر العطاء]

اقتباس:  المشاركة الأصلية كتبت بواسطة أوطان     يبيلنا طقم شنط ماركه تكون جاهزه فوق الدولاب ..حتى لاقدر الله وصل الدم الركب نصير قش مطلقه مودرن!

حماك المولى ..

[عازفة ألحان الليل]

اقتباس:  المشاركة الأصلية كتبت بواسطة مدرعمهـ     تبين الصدز ماخلى المجتمع نظرته كذا للمطلقه الا الحريم انفسهن سبحان الله بهن خصله يعشقن التخريب على انفسهن ليه للحين ماتزوجت ..واذا تزوجت .. ليه ماحملت .. وراه ما اعرس عليه.. شكله لاحستن عقله وززززززز الا عين واصلته ورجله اليوم الثاني معرس و مطلقه ببيت اهله يعني خلي الحريم اول يرحمن انفسهن عشان المجتمع يرحمهم شكرااا

صدقتي انا معك بكل ماقلتي

لماذا لا ترضى بما قسمه ربها وترتاح وتريح من حولها

هناك مثل يقول غير نظرتك عن نفسك يغير الناس نظرتهم عنك

[ذات]

اقتباس:  المشاركة الأصلية كتبت بواسطة engel     على طاري قش المطلقة أنا قشي جايبه أخوي مع عمال وكل أغراض المطبخ كانت من محل في العليا مول فخم ، طبعا العمال حاطينها في أكياس زباله .. كلها زجاج وبحثي موجود (الماجستير ) موجود ع الحاسب تبع طليقي وتخيلوا ليومكم ما قلت لأحد وعدت للمكتبات أجمع المادة المفقوده وأراسل برا أجيب المصادر اللي انفقدت مع الحطام . وأغراضي تصدقون للآن بعد سنتين في مخزن عند أهلي بالسطح على ما وضعت عليه لدرجة أن فيه ترمس كان فيه زنجبيله ، وعلب دريم ويب ، لساعتكم هذه . والله مالي خلق التقليب فيه أحس أنه جنايز مو قش . عسى الله يرحمنا .. ويثبتنا ..

حسبت بس اختي اللي مقفله أغراضها من سنه مو طايقه شيء منها
...أثريه حتى انتي ...
الله كريم ..ويرزق كل من فقدت زوجها وتطلقت بزوج صالح ..ويغنيكم بحلاله عن حرامه ...

[سلطان نجد]

الموضوع مو من اللي يطلع ومن اللي يبقى

الموضوع كيف تنحل المشكله بالشكل السليم

والا تسريح باحسان

وموضوع القش والاغراض امور ثانويه

ومالها اي دور اذا حصل الانفصال بوجهه نضري

لان الانفصال اكبر من الامور البسيطه هذي

[بحر العطاء]

عذرآ برد على الاخت ..!! هي والمدرعمهـ

اقتباس:  المشاركة الأصلية كتبت بواسطة شمس الصباح     صدقتي انا معك بكل ماقلتي لماذا لا ترضى بما قسمه ربها وترتاح وتريح من حولها هناك مثل يقول غير نظرتك عن نفسك يغير الناس نظرتهم عنك

شمس \ مدرعمهـ


قبل كل شي .. أسال الله الكريم رب العرش العظيم ان يوفقكن في حياتكن الزوجيه

.. ابغى تفهمن شي واحد

ان المرآة من المستحيل تطلع وتخلي عيالها وبيتها ..لانه مملكتها

ثانيآ كيف ترضى بـ القسمة

وهي تقوله .. ياأبو فلان خلنا اليلة ابات بيتنا والصباح رباح . يقول اطلعي لاابوك ابو ..؟؟ كلمي اخوانك يجون يأخذونك

والاخرى.. يقولها اطلعي عن البيت تقول لا مابي اطلع .. يقولها اطلعي ولا طلعتك انا بالعافيه ..

والاخريات.. يكون بينها وبينه حوار ساخن اول حوار تنتهي بــ كلمة انتي طالق .. تنهار ويطلع من بيته ويردد ماجي بعد نص ساعه إلا اني طالعه عن البيت

والكثير من المطلقات وكلها في اسباب تافهة .. لاخيانة ولا شي كبير .. مجرد هوشه كل البيوت فيها هوشات ..

ليش .. يقولون( قش مطلقه ) لانها تخرج من البيت تعسف ونكران .. وعفشها يسبقها ... وقبل كلمة الطلاق .. يقول

خوذي قشك انتي طالق






هاه قولي وشلون ترضى ماقسم ربها

ربي قسم له تتزوج .. وقسم له تتطلق ..

المزوج في السماء سبحانه

[بحر العطاء]

اقتباس:  المشاركة الأصلية كتبت بواسطة سلمان عبدالعزيز     بحر العطاء طاح موضوعتس من فوق ترا اللي طيحة من فوق ابن حلوه شايفه انا قولي آمين الله يسمت عليكن ولا يقردكن ولا يطيح حظوظكن لادنيا ولا آخرة ويعزكن بعزه ويجعل غلاكن بعيون أزواجكن ويكوش حبكم على قلوب رجالكن بطيبن وللا غصبن عليهم ويعوض من انفصلت عن زوجها خيرن منه . [line]-[/line] [align=center]سبحان الله وبحمده ....عدد خلقه ... ورضا نفسه.... وزنة عرشه .... ومداد كلماته.... --------------------------------- أستغفر الله الذي لا اله الا هو الحي القيوم واتوب اليه أستغفر الله الذي لا اله الا هو الحي القيوم واتوب اليه أستغفر الله الذي لا اله الا هو الحي القيوم واتوب اليه[/align]

ايه ..عبدالله الحلوه ...شكله هو ( يــ ماتحت السواهي دواهي )

أمين .. وش بعد (يعوضنا خير ) ياوجه الخير

شكرآ لمرورك ودعواتك لاهنت

[بحر العطاء]

اقتباس:  المشاركة الأصلية كتبت بواسطة طفلتك حنت كثير     أنـــآآآ لامني طلقت>>سم الله علي الله لايقوولوه.. أبأخذ ذهبي وابهج واخلي قشي وعيالي بحلقهـ يبلش بهم لمين يتأدب ويجي يساآآآحرن ارجع معهـ >>والله من قله السعودي يساحر لا والله اطلع منا ومرته الثانيه تدخل بيتي مناك خخخخ

الله يسعدك يارب

شوفي نظرتك انتي .. وانتي ماتزوجتي صعبه تطلعين .. والاصعب تخلين عيالك ..لان قلبك موب محتمل يوم عن عيالك ..؟؟
او تخافي من سالفة زواجه بثانية .. تفضلين الاهانه والصبر .. عن الطلاق ..او تسببين لنفسك الطلاق تحاولين بقدر الامكان ان تحافظي على عشك الزوجي .. ان ينهار


ردي عليك .. متابع الردي على البنات للي يقولون الحرمه تخرب على نفسها المفروض ترضى بالقسمة

[بحر العطاء]

اقتباس:  المشاركة الأصلية كتبت بواسطة سكر الأرض     [align=right]بحر العطاء..[/align][align=right] لقداستبد الظلم وسيطر في مجتمعنا بتأييد من الرجال.. فإن طلقت المرأه ستجرع المر.. وإن مكثت مع زوج لاتطيقه ولاتطيق فعاله لتنجو من لقب مطلقه ستجرع المرين .. ففي كل الاحوال ستتجرع الألم على مضض.. اللهم لاملجأ ولاملجى منك الا اليك ..[/align]

اللهم لا ملجا ولا منجا منك إلا اليك ... صدقتي ياجميلة

ياليت يطبق عندنا نظام .. ان المرآة لاطلقت يخرج هو من البت او يقسم البيت بينهم بالنص


كل الشكر على مروركـ