مشهد مؤلم ....!!

[وضوح]

اقتباس:  المشاركة الأصلية كتبت بواسطة &نجدية كووول&     راااعي الشر يجيه الشر كل شي بالدنيا مؤلم الله يهدينا بس

آمين .....صدقت

ممنونه لحضوركـ غاليتي ،،

[ALI 9]

السلام عليكم ورحمة الله وبركاته



اخت وضوح وما خفي كان اعظم.
بصراحه في هذا الوقت بعض البنات قمه الاستهبال وهذا من قله التربيه.

وتقبلي مروري...

[وضوح]

اقتباس:  المشاركة الأصلية كتبت بواسطة ناااايف     أذا انعدمت التربيه توقعي اي شي ممكن يصير وهذا قليل من كثير مما نراه ويحرق القلب تحيتي

كلام سليم ....والله لم اتوقع ان يصل الحال ببناتنا

الى هذه الحركه العلنيه دون مراعاة ولا خوف من احد..!!!


شكرآ ناايف ،،

[وضوح]

اقتباس:  المشاركة الأصلية كتبت بواسطة ..twix..     وضوح .. متابعة الموقف أولا بأول..!! ليش ما تشتغلين متعاونه مع الهيئة بهالشهر الفضيل ...؟؟!!!

يــا مرحبا بـ تويكس


<<<اضحكتني ....أي هيئه أنا اذا شفتهم أتجمد ..

احتراماً لهم طبعا

لو انا كثير بالأسواق ممكن ...ليش لا أجلس واتابع واذا

شفت اي موقف مكالمه ..!

لكني أول وآخر مره اطلع للسوق برمضان ..!

بعدين ترى هي مراكز جنب بعض انا طالعه

من الأول كنت بدخل الثاني لقيتهن مقبلات والشباب مع الشباكـ

من كثرهم وهبالهم ..!

لفت انتباهي قربهم منهن وبعدها صار اللي صار ..

شكرآ لكـ ،،

[عجوز سمنسي]

[align=center]الله يفتح عليك ياوضوح

يوم اقول اني رحت للنخيل ولقيت بنات تستهبل والعالم قاعد يهايطون هنا ويقولون انت كلاك ونصاب وانت مغزلجي ونسونجي ورايح تغازل
والحين شهد شاهد من اهلها

بس ماعندي زود[/align]

[وضوح]

اقتباس:  المشاركة الأصلية كتبت بواسطة هـاري     السلام عليكم ورحمة الله وبركاته اخت وضوح وما خفي كان اعظم. بصراحه في هذا الوقت بعض البنات قمه الاستهبال وهذا من قله التربيه. وتقبلي مروري...

اهلاً هاري ...عليكم السلام والرحمه ..


للأسف بعض البنات قمة الإستهبال نعم ولكن بالخفاء ..!

مارأيته علانية ومجاهرهـ وانعدام للخوف ..

أشكر تواجدكـ ،،

[وضوح]

اقتباس:  المشاركة الأصلية كتبت بواسطة عجوز سمنسي     [align=center]الله يفتح عليك ياوضوح[/align][align=center] يوم اقول اني رحت للنخيل ولقيت بنات تستهبل والعالم قاعد يهايطون هنا ويقولون انت كلاك ونصاب وانت مغزلجي ونسونجي ورايح تغازل والحين شهد شاهد من اهلها بس ماعندي زود[/align]

آمين /

لكن صدقوا ..اللي يروح للأماكن هذي ويبصبص

وهو ماله غرض ولاحاجه ..!

قد يكون كذلكـ ..

لكن انا شهدت على موقف معين وبنات

حاله خاصه ...مانحكم على الجميع!!

أيها العجوز أشكر اطلالتكـ ،،

[بريده ام الدنيا]

اختي ربي يحفظنا
البنات خاربه اخلاقهن في الزمن هاذا واتوقع انه من سبب التربيه
لو الام تعودهم الخوف من الرجل الاجنبي كان ماتجرأت انه ترمي عليه العلبه
فالقدوه الام هي الي تقدر تغير اخلاق بنتها بعد الله
بغض النظر عن الدين

[بسومة بريده]

ياحليلك وسكتي انا اذا شفتهن كذا بلشت بهن وتهاوشت معهن.....

مره رحت لجيان...-ايام عزه - ولقيت وحده تتلصق بالسكيورتي<<عاد مدري وش تبي به هو

وقذيلته...ولعلي بلشت بمطاردهم ساعتين اراقبهم وادور الهيئه....

الى ان جت السياره وانا ماتسوقت....بس بردت تسبدي وعلمت الاداره ....

[ابورورو]

اعوذ بالله هكذا مايصير في مجمع برياض يسمى .. حياة موول ..

[رواسي]

مآفيهآ شيء دفآع عن النفس
لأن أكيد رآيحين للسوق بدون محرم أو رجل يحرسهم بكذآ خآفوآ على نفسهم
ومآلهم إلآ هذي الطريقهـ .

وهذي مآهي غريبهـ على بعض الشبآب وحركآتهم الغبيهـ
يعني باللهـ يستنون البنت تضحك لهم عشآن يستعدون وينزلون من السيآر
أحسن مآينفع لهم إلآ كذآ

لو كآن أحد من محآرمهآ جآء معآهآ مصآر زي كذآ وتطفل بعض الشبآب البآيخين

سلآآآآآآمـــي ..

[وضوح]

اقتباس:  المشاركة الأصلية كتبت بواسطة بريده ام الدنيا     اختي ربي يحفظنا البنات خاربه اخلاقهن في الزمن هاذا واتوقع انه من سبب التربيه لو الام تعودهم الخوف من الرجل الاجنبي كان ماتجرأت انه ترمي عليه العلبه فالقدوه الام هي الي تقدر تغير اخلاق بنتها بعد الله بغض النظر عن الدين

حيـاكـ بريده أم الدنيا/

لا للتعميم ...

ولكن صدقت من الأسباب الإهمال في التربية والمتابعه ...!

الأم أصبحت تبحث عما يرضي ابناءها

لو على حساب ضياعهم ..!

أشكر حضوركـ

[الـــفـــ@ــــد]

اقتباس:  المشاركة الأصلية كتبت بواسطة وضوح     [align=center] صبــــا ح الخــــــير / لايخفى عليكم في هذه الأيام ... الأسواق للأسف مليئة بمن يجهز لأغراض مهمة إما لعيد أو لمناسبات أخرى ..!! .. المهم كنت في احد المراكز خارج بريده ولما خرجت وجدت فتاتين قادمات من مركز اخر مقابل له ..! واذا بسيارة مليئة بالشباب قد مرت من قربهن سابقاً في الطريق (السايد) الأول .. ورجعوا لهن من الطريق (السايد) الثاني فماذا فعلت البنت ..؟؟!!!! للأسف إقشعر بدني وكدت أجنّ حقيقة على هذه الجرءهـ ..! ( كان معها علبة موية وكانت مجهزتها حتى صاروا بمحاذاتها وعلى طول بالمويه عليهم ...وهي تتكلم كلمات وتستهبل ...وهم قمة البهجه ..وضحكهم يسمعها كل من كان هناكـ ...وبللتهم بالمويه ووجيههم تتقاطر.....)!!!!!!!!! ياالله معقوووله ...هل وصلنا الى هذا الحد ..؟!! نعم هم غلطانين لكن ..البنت أكبر وأشد غلطة منهم بهذه الحركه ...! <<<لا أخفيكم أتجهة مباشرة للسيارهـ من الروووعه .. ومازلت لم أستوعب ... أفكر وأبرر لهن ...! ..........هل ردة فعل البنت تجذب إليها الكثير من الشباب ..! أم تدافع عن نفسها لكي لا يتجرأوا عليها ..؟! وهل يجد الشباب المتعه في ملاحقة البنات واهانتهن لهم ؟؟! تحيتي لكم .. [/align]

لماذا يؤلمك الموقف؟؟؟

صعيد الى الجنة وصعيد الى السعير

المراهقة هي من الاسباب

القنوات الفضائية ايضا من الاسباب

الفراغ العاطفي والفراغ الروحي وفراغ العقل ايضا من الاسباب

التربية لها دور كبير هنا وترك الحبل على الغارب من اهم الاسباب

والبنات اهم الاسباب

شي مشاهد عندما تمشي البنت متحشمة دون ان تلفت يمنة ويسرة لن ياتيها شي

والرجال اربعة ولا يعرف هذا الا العقلاء والعاقلات

1- رجل يجري ولا يجرى معه
2- ورجل يخوض في المعمعة
3- ورجل لا تشتهي ان تسمعه
4- ورجل لا تستحي ان تصفعه
اسئلكم بالله يا بنات ؟
هل تقبلين بشاب ناعم متكسر يضع المكياج والكريمات زوج لك؟
هل تقبلين بشاب همجي تافه زوج لك؟
طبعا لا والف لا لن تقبل البنت بناعم مثلها

وكذا هن النساء

فليختار كل انسان من هم على شاكلته

الطيبون للطيبات والخبيثون للخبيثات

وذكر الله في محكم التنزيل(الزانية والزاني) الاية فالنساء غالبا مفتاح كل شر
وذكر الله في محكم التنزيل ( والسارق والسارقة) نجد الفرق بين الايتين واضح
الزنى مبداه من النظر ومفتاحه النساء والسرقة مبداها من الرجل للحاجة او للعادة

والله وحده اعلم

تحيتي وتقديري

[وضوح]

اقتباس:  المشاركة الأصلية كتبت بواسطة بسومة بريده     ياحليلك وسكتي انا اذا شفتهن كذا بلشت بهن وتهاوشت معهن..... مره رحت لجيان...-ايام عزه - ولقيت وحده تتلصق بالسكيورتي<<عاد مدري وش تبي به هو وقذيلته...ولعلي بلشت بمطاردهم ساعتين اراقبهم وادور الهيئه....

اقتباس:  المشاركة الأصلية كتبت بواسطة بسومة بريده     الى ان جت السياره وانا ماتسوقت....بس بردت تسبدي وعلمت الاداره ....

هههههههههه ....مايحتاج أبلغ الشارع مليان /

انا عكسكـ تماماً أهرب ..من الخوف

أحس اني انا المذنبه ..!

تصدقين ركبت السياره من الروووعه ..

الله يستر علينا ،،

[وضوح]

اقتباس:  المشاركة الأصلية كتبت بواسطة ابورورو     اعوذ بالله هكذا مايصير في مجمع برياض يسمى .. حياة موول ..

للأسف /أنه في أفضل الليالي والمجاهرهـ

بذلكـ أعظم ،،

شكرآ لحضوركـ ،،