اللي يسهر يلاقي في المنتدى بنات !

[خربشات عاشق]

[align=center]إنقضاء أعمال البنات سواء بعمل البيت أو بالنوم أو بالدارسه ينتهي بهذا الوقت ،،، ويحلو دخول بهذا الوقت للجميع لهدوء وتضمن به عدم إزعاج الأخرين لك ..


تحياتي[/align]

[لي متى قلبي اسيرك]

يااسمراني بالله عليك فيه احلى من الليل ومخاواه الليل
اخاوي الليل مغنى به جميله صحبه الاحباب
تركت النوم لاصحابه وسهرتك ياقمر ماغاب

[" TWIX "]

[align=right]تمام ..
تصدق اليوم ضارب لبن نادك >>> دعاية مجانية
وصاكها قيلولة .. يعني اليوم سهاري .. أبروح أبحوق بالمنتديات وعدنا بكرا خل ما ألقى اللي تقول...!![/align]

[رواسي]

اقتباس:  المشاركة الأصلية كتبت بواسطة ..twix..     [align=right]تمام .. تصدق اليوم ضارب لبن نادك >>> دعاية مجانية وصاكها قيلولة .. يعني اليوم سهاري .. أبروح أبحوق بالمنتديات وعدنا بكرا خل ما ألقى اللي تقول...!![/align]

لآ رجآءً نآم تعكرون علينآ جمآآل الليل

[@اسمـــراني]

اقتباس:  المشاركة الأصلية كتبت بواسطة ورد مديني     ماسمعت بالعشق الأبدي ههه مافيه احد مايحب السهر حتى الكبارية يسهروو بالرغم ارتباطي بالدوام صباحي ومسائي اتواجد في كل الأوقات بس قريب ماحتشوفو رقعة ويهي يعني مااخصص دخولي بالليل فقط واحتمال البنات مايحبو يدخلو المنتدى الا وقت الليل بعد ماتنتهي من اشغالها والكل يكون في سبات عميق يعني تنعم بالهدوء شويا لايرووح بالكم بعيد وتفكرو تفكير قبيح فيهن االأمر طبيعي جدا يااسمراني امم وبعدين انا اشوف ان الكفة متساوية تواجد الشاب مماثل للفتاة لاأكثرية ولا يحزنون تحيتي للسهرانات

لا ماسمعت بالبلاء الأبدي!

أنا من إكبارية المجتمع ومع ذلك أكره السهر<<يااااابعدها علي

أما تفكير قبيح هذي سالفة اخاف تكون السالفة كاد المريب أن يقول خذوني

إن شاءالله عريساً يضفك عنا,, بس لا يصير داخل على طمع إنتبهي <<يمزح

[@اسمـــراني]

اقتباس:  المشاركة الأصلية كتبت بواسطة دلوعة جدها     النوم للهباج والنساء مايهتني بالنوم سرحان ذيبه ممكن شرح البيت بلغه نفهمها والله الشاعر انه خبل مايدرى وش يقول هههه بعدين اذا الوحده دخلت الفجر صارت جريمه ويعنى وش ندور عليه لايكون حب ناقصنا ولا عاطفه ماخذناها بالبيت والله ياعليكم تفكير انا بالنسبه لى تضييع وقت فقط لاغير

بالنسبة للبيت الشعر إسألي الوالد يمكن يفيدك لان الشرح الميداني يختلف عن الشرح الشفهي!!

موشرط إذا دخلت الوحدة الفجر صارت جريمة يمكن تكون صلت وتسننت وبعدها دخلت تسمع علي جابر في لاب توبها!!

وأحسن شي انه بالنسبة لك تضيعه وقت ,,

تحية

[مشـــــاعل]

فعلا بالليل الغالبيه كلها للبنات
انا اشوف المسن عندي مايزيد العدد فيه الا بالليل
ومن يقول انه البنت ماتلقى وقت فاضي تدخل فيه بأوقات غير الليل الا ملياااااااااان اوقات بس هي ماتنظم وقته ,, كلنا عندنا دوام وعندنا شغل بيت ونطلع نخلص اغراضنا ومع ذلك فيه وقت,,
وبالمنتديات شوفو المتواجدين اغلبيتها بنات
يعني : السهر صار بنات بأيام الدوام اما بغيره لا ((يعني ايام الاجازات مانقدر نحكر غالبية السهر للبنات لا بالعكس يكون من الاطفال لحد الشيبان كلهم يسهرون))
وانا عن نفسي من اللي يحب السهر وبصراحه مااحب اقوم واشوف النهار احب الليل لأني مااروق الا فيه.
تقبل مروري

[مشقاص]

الأسمراني

الليل ما يحلى ألا بجلاسه ,,,الليل أبو الأسرار..

أحد الليالي كنت سهران أرد على ردود قديمه في موضوع لي قلت اشوف
المتواجدون ..

تخيل من لقيت !!

لقيت العضوة علشانك بس ,, سهرانه خفت وسكرت الجهاز ورحت بسرعه انام
وكانت لليلة كلها كوابيس وأحلام مزعجه عساها ما تمر لا على عدو ولا حبيب ...

[Miss chanel]

بآلنسبه لي عشآن آلجو هدوووووووووووء وونآسه كلن نآيم

جرب .. وشف آذ ماعشقت آلليل

[فراشة خجولة]

ليش الظلم!!!!!!!!!!!!!

بالنسبه لي انا فاضيه لاشغل ولامشغله بس عندي شغل البيت اساعد امي وماافضى الا من 11 ونص وطالع وهالوقت اجلس على النت الين اطفش وبعدها اروح وانام

[عازفة ألحان الليل]

تبي الصراحة
مااحس اني فاضية ورايقة الا بالليل اذا خلصت كل اشغالي
اليوم مثلا من المغرب ونا بالمطبخ وطلعت منه بعد تنظيفة وجلست على النت
حسيت اني رايقة ولاوراي شغل ولاشي
بالنهار ازعاج وشغل وحتى تشغيل النت مب على كيفي بالنهار

وبس

[Modern]

حبيّبي اسمراني كلامك عن هالمنتدى بالذات مووب دقيق

انا يومياً اكون هنا للصبح ،،

وبيني وبينك الكفه متعادله غالباً ،، حضور متساوي لكل الطرفين

يمكن البنات بهن زود بثاره وكثار مشاركاتهن ،، خبرك مهنا تكانه

يعني الوحده تدخل وتشارك على كل موضوع بأي قسم يخصّها ولا مايخصّها !

تحسب الحياه مشاركات بالمنتدى وبس

وبعضهن تحسب الدعوى كثّري مشاركات تمسكين اشراف على القسم اللي تبينه !

والدليل شف تاريخ تسجيلهن بالمنتدى تحصله قريب وبنفس الوقت عدد مشاركاتهن كثيــر !

فعشان كذا تتصور ان اكثر رواده بنات بأي وقت تدخله موو شرط بالليل !

بعكس الشاب مايشارك الا لما يشوف انه لازم يشارك

ياعيني يالثقل يالشباب ..

[عازفة ألحان الليل]

اقتباس: يمكن البنات بهن زود بثاره وكثار مشاركاتهن ،، خبرك مهنا تكانه

اقتباس: يعني الوحده تدخل وتشارك على كل موضوع بأي قسم يخصّها ولا مايخصّها ! تحسب الحياه مشاركات بالمنتدى وبس

فلسفة جميلة اعطيني مما اعطاك لله !

[Modern]

^^^^

ليه ليه كلهم يحسبوني بنيّه

والله مهيب حاله !

خلاص انا قررت ارز ايميلي بالتوقيع !

وبحط صوره واحد متلطم وهو مبوبز

[علشانك بس]

اقتباس: بعكس الشاب مايشارك الا لما يشوف انه لازم يشارك ياعيني يالثقل يالشباب

من اللي لاعب عليك وقايل لك انكم ثقل .. !!

اقتباس: أحد الليالي كنت سهران أرد على ردود قديمه في موضوع لي قلت اشوف المتواجدون .. تخيل من لقيت !! لقيت العضوة علشانك بس ,, سهرانه خفت وسكرت الجهاز ورحت بسرعه انام وكانت لليلة كلها كوابيس وأحلام مزعجه عساها ما تمر لا على عدو ولا حبيب ...

وش فيكم على علشانك بس .. !!
ليه تحسون انها انسانة متوحشه .. !!
والله اني حبوبة وماهنا حليلي ,,
امس راسلت عضوة لأول مرة .. لأمر مــآ ,,
ارسلت لي تقول انها متفاجأة اني راسلتها ,, وتقول اخر وحده كنت اتوقعها ترسللي انتي ,,
قسم جاني احباط من كلامها ,, بس ارتحت يوم شفتها مبسوطة برسالتي ياجعل الراحه ماتفارق روحها ,,

اقتباس: خلاص انا قررت ارز ايميلي بالتوقيع ! وبحط صوره واحد متلطم وهو مبوبز

وينهو يشوفك خخخ ,,