البنـــــات وطلبـــات الــزواج التعــجــيزيــة !؟!؟!؟!؟!

[علشانك بس]

اقتباس: سجل وحده مدرعمه مع العالم يا بسومي .. هذا اللي تشوفينه من مهند وطقته أكل عيش يعني.. المخرج عاوز كذا ..!! بمعني مشاعره تدار بالريموت كنترول من قبل المخرجين .. إحنا نفس شينه وجلد مروح بس بدون طلبات لأننا عارفين أنفسنا أما أنتن جلد مروح ونفس مخيسة وطلبات ماسخة وتعجيزية وجه ما يزبن...!!

[align=right]خخخ اجل يابسومي ,,[/align][align=right]
والله لو هي زوجتك ماتقولها الا ياهيش ,, مير خل عنك التميلح ,,
مهند لو داره المخرج بالريموت .. على الأقل يطلع بصورة حلوه ,,
البلا فيكم لو نجركم جر ماتعدلتو ,, رجال السعودية تربية شموس وصحاري الله يخلف الى اللي بيقابلنكم 24 ساعه ,,[/align]

[" TWIX "]

[align=right]

اقتباس: رجال السعودية تربية شموس وصحاري الله يخلف الى اللي بيقابلنكم 24 ساعه ,,

كلامك مردود عليه لأن الشموس والقوايل أثبتت الدراسات أن ليس لها علاقة بالتغير الأخلاقي
لأن قيس ولد الملوح دابغته هالشمس
دبغ لمين قلب لونه وصار أسود داكن مثل عصفور المكينة ولا ضرة وينقط رومانسية وعذوبة حتى زاغ عقله
المسكين والسبب لو هو ناط وراء هالنفد ورايح يم الشام أكالوقت كان ساحب على ليلى
السيفون وإلا ما عندهم سيفون .. !!
أجل لو يشوف اللي تقول (نور الشمس نور جبينك) وش يسوي ...!!
وااااااااااه..
كان يروح فيها ..

اقتباس: مير خل عنك التميلح ,,

أبأخذ كورس بالرومانسية
ولكن كيف أبأخذ هالكورس وعندي الشهبان ...!!
ولا تهونين .[/align]

[امرؤ القيس]

دايم اقرأ شروط عقود الانكحة بحكم عملي وأجد أحيانا شروطا تعجيزية وأخرى غريبة

ومن أغرب ماقرأت أن احدى البنات شرطت على الزوج الا يجعلها ترعى الغنم وفي موقف آخر قرأت عقدا قيمة المهر المطلوب ستمئة الف ريال وفي آخر عشرة ريالات !

[أبو الريش]

اقتباس:  المشاركة الأصلية كتبت بواسطة امرؤ القيس     دايم اقرأ شروط عقود الانكحة بحكم عملي وأجد أحيانا شروطا تعجيزية وأخرى غريبة ومن أغرب ماقرأت أن احدى البنات شرطت على الزوج الا يجعلها ترعى الغنم وفي موقف آخر قرأت عقدا قيمة المهر المطلوب ستمئة الف ريال وفي آخر عشرة ريالات !

أبشر ,,,,بسعادة أم عشر ريالات

وتعاسة أم ستمائة ألف

[@ ابتسام @]

اقتباس: [..twix] سجل وحده مدرعمه مع العالم

الموت والحشر مع الناس رحمة

اقتباس: يا بسومي ..

وجـــــــع .. حاست اصابعك بالكيبورد حووس وآخرته بسومي

اقتباس: هذا اللي تشوفينه من مهند وطقته أكل عيش يعني.. المخرج عاوز كذا ..!! بمعني مشاعره تدار بالريموت كنترول من قبل المخرجين ..

يا ابني ندري ان المخرج عاوز كده بس وهو عاوز كده انتم عنده صفر تحوقون تحوقون بس الملح متعديكم ممشى سنه

اقتباس: إحنا نفس شينه وجلد مروح بس بدون طلبات لأننا عارفين أنفسنا أما أنتن

لا والله في هذي كذبت لا عرفتوه ولا فيه بصيص امل تعرفوها

اقتباس: جلد مروح ونفس مخيسة وطلبات ماسخة وتعجيزية وجه ما يزبن...!!

لو هو ما يزبن ما صارن امهات عيالكم
.

[قمراي.]

قلهن لا يتشرطن علينا

آخذلي سوريه ارخص وازين وبدون شروووووووط

وهـ بس

[بــرمــودا]

ياجماعة الخير اليوم وبالصدفه شفت رجل يكبرني سنا ولي زمن طويل لم أقابله وبالصدفه قابلته ودار حديث بيني وبينه وجبنا طاري العرس قال لي : تبي تعرس مسيار وبنات بعمر الزهور ...طبعا لم أصدقه في البدايه إلا أنه أقسم لي بأن لديه مايقارب العشر فتيات مابين مطلقات وعوانس وفتيات يبحثن عن زوج موثوق فيه ويبي مسيار ......بصراحه جازلي هرجه وبغيت أندفع وأنتحر وأسويها بس خفت من أم خالد لاتذبحني وأنا نايم ... تهقى ياسمنسي يسونها ويذبحننا ؟

[فيمتــو]

[align=center]بطلباتها تحول نفسها إلى سلعة ! [/align]

[نـدى الـورد]

زين والله انك تعمل لها حساب

[ملاعب الأسنة]

النساء رياحين خلقنا لنا ...وكلنا يشتهي شم الرياحين

[MR Jay]

اقتباس:  المشاركة الأصلية كتبت بواسطة أبو الريش     أبشر ,,,,بسعادة أم عشر ريالات وتعاسة أم ستمائة ألف

في هذه اخي الكريم لا اتفق معك التوفيق من عند الله ...

سواء زاد المهر او قل بحدود المعقول
لا ان ترمي فلذة كبدك كسيارة اذا صارت قديمة ماحد شراها ..

اما .. ام العشر ريالات ... يعني صندوق البيبسي اغلى منها ..

ثانيا : ستمائة الف هذيلا يبون من ثوبهم من مستواهم ....

تذكرت لك احد الاباء من كبار التجار عنده تسع بنات وزوجهن كلهن ماشاء الله بمهور من مئة الف لـــ: طبيب وامير ولد وزير ...
وجميعهم شباب خريجي جامعات
موظفين بمراتب ممتازة ...


بعض الشباب يخطب من قبل الشركات الكبرى من يوم هو بسنة اولى جامعة ... هذا ما يدفع مئةالف مهر ...

[الجازي 111]

الفتى العصري
الله يهدي البنات ويستر عليهن
واذاكان العريس راضي عاااااااااااااااااااااااااااادي اترك الورد يتشرط
تحياتي