ملكـة جمـال الكليّـــة

[عجوز سمنسي]

[align=center]لا وتلموني اذا كتبت في البنات ولعت جدفهن

يالله شوفوا

بالله هذا جيل بنات والا عقول سليمة ؟

المشكلة وبشهادة البنات انهم كشابير وشينات

يعني مربصينهن بالمكاييج

ياناس ياحلو الجمال االلطبيعي

شفته بشيعية ماشافته عيني بزفت من البنات << خربت عمرتي

ماقيمة الجمال اذا كان تجاري؟

مير على الاقل ليتهن يغطن القبح بحسن الاخلاق والدلال والملح

عندنا يقولون فلانة مملوحة

والمملوحة والله اجمل من الجميلة المغشوشة فكل يتقبل تلك المملوحة بخفة دمها وروحها العالية

لكن عورا وتناشق يارب سترك

نحتاج الى اخلاقهن فقط << اصلا مهب حاصل جمال الله يخلف

وجيههن متشطبة من الشين ياكافي

اييييييييييييه اثر الجامعة بلاوي وحنا مادرينا ؟ كود الواحد يدور له على قريبة وياخذ اخباركم ويكبها هنا

لاحقين ان شاء الله

شجون : تحيتي لك [/align]

[شجــ ون]

اقتباس:  المشاركة الأصلية كتبت بواسطة بنت البدائع     هلا فيك شجـ وون ., بكليات البنات خوذي وخلي وشوفي العجب أذكر يوم أنا بالكليه قبل سنتين مطلعين طريقة لتقسيمات على ملكات الجمال ؟ أجمل وحده من بريدة أجمل وحده من البكيرية أجمل وحده من البدايع <--- مهيب أنا ., هين أنا شينه بس ترى أهم شي الأخلاق وهكذا طبعــآآآ لقب ملكة جمال الكليه يكون لبنت وحده يشار إليها بالبنان ., كيف يتم تقييم الملكه تتكفل من كل فرقة طالبه تنقي أجمل بنت بالقاعة وتسجلها وبعدها يجمعون الإحصائية المزيونه ومن ثم تستخرج تلك الملكة وتعلن النتيجه يالله بنات فاضيات وش خليتي .,

المشكله الغيـــــــــرة اللي تبي تذبحهن بين بعضهن

اعوذ بالله منهن

البنت الجميله اذا تركت الغرور عنها تأسر القلوب بشكل غير طبيعي

[شجــ ون]

اقتباس:  المشاركة الأصلية كتبت بواسطة فتاة نادرة     إحنا من جماعتنا بنات يحبون الميك أب تفاجأت من وحده تقول تصدقون في الجامعة يقولون عليهم جوا بنات المكياج راحوا بنات المكياج ذذذذذ تعرفون الناس عاد يحبون التعليقات هذي ملكة جمال الجامعة وهذي دلوعة الجامعة ألخ نآآآس فاضين لكن الله يعينهم يحصنون نفسهم لأن عيون البنات عليهم التدقيق في البس الشعر الميك أب الإبتسامه ....... .... .. . عجبتني حركة مشرفتنا بنت البدايع على الإحصائيات ألي يسوونها ذذذذ سلامي لك غاليتي شجوووووون

فتاة ناادرة

ياوخيتي والله الشين شين لو لبس كل ماله

الجمال مهما كان هو اللي يلفت الانتباه حتى لو كانت البنت متواضعه

اما المكياج واللبس وتسريحه الشعر شكليات تبرز البنت وتميزها

لكنها ماتسد فراغ الجمال

[شجــ ون]

اقتباس:  المشاركة الأصلية كتبت بواسطة العريف     طيب مافيه لقب ( أعقل بنت بالكلية ) ؟؟ ( أحسن البنات خلقا ) ؟؟ ( أكثر البنات إحتشاما والتزاما ) ؟؟ ( أكثر البنات تميزا .. في المستوى ) مشكلة ربعنا .. الجمال الخارجي عندهم شئ مهم جداااااااااااااااااااااااا .. ويجب وجوبا .. ومن أهم شروط حصول البنت على لقب ملكة الجمال ( تكون بيضاء ) هع هع وكأن الزين محصور على البيض .. هوس غير معقول بالبياض .. انا نفسي افهم ليييييييييييييييييييييييييييييييييييييش ؟؟

العقل ياوخيي تاركينه لكم

الحرمه اذا صارت عاقله عندكم خليتوها ناقصة عقل

واذا انهبلت قلتوا وين عقلها هع


بس نحمد الله ان بناتنا اعقل من شبابنا
وهذا الشيء يدل على ان الخلل فيكم واضح

ايه نعم الزين محصور بالبياض

البياض له مدلولات كثيره لا يفهمها الا اهله !!

[شجــ ون]

اقتباس:  المشاركة الأصلية كتبت بواسطة رحّــال     هذا الشي قد ينحصر بالكليات فقط حتى أن ملكة الجمال تخرج شهرتها عن نطاق الكلية فتكون معروفة حتى من الشباب الذين تربطهم علاقات مع بنات الكلية ,,, وكما هو معروف لكل شي ثمن فثمن شهرة ( ملكة جمال الكلية ) هو محاولة الشباب بالوصول إليها وكذلك الإشاعات والأن تصويرها دون علمها وتناقل صورها ,,,

نعم نعم صحيــــــح

[شجــ ون]

اقتباس:  المشاركة الأصلية كتبت بواسطة كــفـايــة     هذولي هن امهات المستقبل الله يخلف

اللي رجالهم كذا وش تبيهن يسون بالله عليك

[شجــ ون]

اقتباس:  المشاركة الأصلية كتبت بواسطة تهاني إبراهيم     وربما تكون غير جميلة ,, وتكون حينئذ مسخرة الطالبات ..! حقيقة فعندما تُطلق الفتاة على نفسها هذا اللقب أشعر بشفقة هائلة تجاهها .. وقد رأيت عينة من هذه الفئة ,, ولا زلت أحمد ربي على نعمة العقل .. العريف .. أندثرت العقول حتى أنها لا تستوعب أعماق هذه المعاني .. شكــراً .. تهاني

صحيح اذا كانت غير جميله ,, ودبست هذا اللقب بها
تكون مطنااااااازة للي يسوى واللي مايسوى

[شجــ ون]

اقتباس:  المشاركة الأصلية كتبت بواسطة طالب وفا     ملكة جمال وببريده !! اوالله اللي راحت وطي عاد معروفين بالحسد اللهم لاشماته

الحسد ؟؟

ايه كل شيء جايز

[شجــ ون]

اقتباس:  المشاركة الأصلية كتبت بواسطة ـالدوآسر يآزينهم     [align=left]فيه ملكة جمآل صح بس مب لهالدرجه مخليننآ دبش وأكبر همنآ الخشش...![/align][align=left] نقول هذي أحلآ وحده وكلن وذوقه عآد..؛ أمآ.. العقل و الخلق و الإحتشام والألتزآم هذآ مآينشآف وكيف أحكم على وحده بهآلشي وأنآ مدري عنهآ.؟ هذي الأشيآء دقيقه وموسهل إطلآق الحكم فيهآ...؛ ( أكثر البنات تميزا .. في المستوى ) هذي موجوده وبقوه بعد.., أمآ البيآض من موهقك..؟ لآ أرى أنه مقيآس للجمآل البته.. ولكن في الأول والأخير أهم شي دينهآ وأخلآآآآآآآآآآآآقه لآخرآب وجهه وش أبي بجمآله أنآ...! شجون كُل الشكر..؛[/align]

حنا نتكلم عن هذي الظاهره ياوخيتي

ماقصدنا خطبه عشان تقولون اخلاق

ظاهرة انتخاب او اختيار ملكه جمال الكليه وحتى المدارس الثانويه انتشرفيها هذا الشيء

[" TWIX "]

[align=right]كليات بـ ملايين الريالات ومعلمات على مستوى عالي من الكفاءة العلمية ومكافآت لهن وللطالبات
وباصات ملأى كل صباح ومساء
والنتيجة لم ينجح أحد ..
ملكة جمال الكلية !!!!!
ـ قناة "lbc " ومن خلفها أستطاعوا أن يصلوا لبعض أهدافهم فهنيئا لهم
الأم مدرسة إن أعددتها .. أعددت شعبا طيب الأعراق
قالها حافظ إبراهيم لنساء وقته أما الآن عليهن العوض ومنه العوض


[/align]

[ام الزعيم]

الادها من ملكة الجمال فى الكليات هو كثرة القيل والقال والاشاعات بين الطالبات وكانهن فى مجلس شاى الضحى وليس فى صرح من صروح التعليم

[’ ŚĀM]

.




بالله فأي جامعه هذآ !

<<---- يارب يصير جامعة القصيم عشان يمديني اشوفهم قبل تتخرج بنت خالي !
متى يبدآ الترم الثاني واجي اشوف ملكآت الجمآال اللي سويتو عليهم صجه وهيصه



بعدين يكفي مسوين انفسكم وصآايآ على تصرفآات خلق الله ! يآحبكم تخلون من الحبه قبه !

سلآم

[الاشـهــب]

مشكوووووووووور

[هنري]

اقتباس:  المشاركة الأصلية كتبت بواسطة شجــ ون     ملكة جمال الكليّـة دائماً مايكون الجمال ملفتاً للأنظار وآسراً للعيون ولأن من يمتكله خاصه في مجتمعنا أقل من نسبة المتوسطة الجمال في الكليات دائماً ماتبرز أحدى الفتيات الجميلات ويطلق عليها لقب ملكة جمال الكلية وهذا اللقب اما ان تكون تلك الفتاة الجميلة هي من اطلقته على نفسها وبدأت بترويجه عن طريق صديقاتها وقريباتها الى ان ينتشر الخبر في ارجاء الكليه وتتقلد هذا اللقب بطريقتها الخاصه وبعضهن تكون جميله ويلبسها اللقب بدون ما تسعى اليه وذلك لجمالها المبهر كثيراً مايتضررن الجميلات وذلك لأن العيون تراقبهن من جميع النوافذ وكثير ماتلحقهن الشائعات والاخبار السيئه التي قد تضرهن في حياتهن !!

إذا غُلف الأمر بالبراءة الطبيعية!!

فالأمر جميل وفطري,

...............................

عموماً شجون, من فضلكِ مالفكرة الرئيسية التي تريدين أن تصلي إليها هنا

[ولد الشمال]

[align=center]إختي شجون


سلمت يداك على الطرح والتنويه عن ظاهرة تفشت في مجتمعنا بشكل ملحوظ ....


إعتقد إن أغلب الإخوان ماقصروا في ردودهم على الموضوع ....


الجمال بنظري وأعتقد أن الكثير يوافقني الرأي ...هو جمال الروح ويطغى على جمال الوجه

وماأنكر أن جمال الوجه له نسبة عالية من القبول عند الجنسين ....

نرجع لمحو الحديث الا وهو تفشي ظاهرة المسابقات ....

أعتقد إن الطالبات نسوا ماهو موجودين لإجله في هذه المنشآت التعليمية .....

وأنصرفن إلا أمور لاتتعلق بالتعليم أو الدراسة بشيْ....

لاننسى وجود طالبات بمعنى طالبات حريصات على التعليم والتعلم .....


كل التحية للجميع [/align]