إن بين أيديكم ورود أيها العسبان ..!

[رحيل]

[align=center]


عاد ماهرج إلا البريداوي عن المهر

أن فته دفع 40 ألف ونصه يروحن لحفلة الزواج

وماعندنا دفعة المهر لحال ودفعت تكاليف الزواج لحال

معروف عندنا انه تكاليف الزواج من المهر

وسبحان الله أقل من يدفع مهور أنتم وأكثر من يتذمر



أنت قل نفسي بغير بنت الديره

ازين من إنك تعذر بهالعذر [/align]

[أنـفأإأس أإأللـيل]

اقتباس:  المشاركة الأصلية كتبت بواسطة بريداوي9     أنفأإأس أإألليل عسبان معناها ( سعف النخيل ) .., وفي رواية أخرى يقال له ( عسيب ) << مفرد عسبان ., تحياتي .,’

شاكره لك أخ بريداوي على التوضيح ..

الصراحه تشبيه في الصميم ..وحروف كتبت بماء الذهب ..
واخيرا لقينا مين يقول كلمة حق في المرأة السعوديه..
من تسجيلي في المنتدى وكل مواضيعهم شن حملات عليها ..
ومع كثر تلميعهم للسوريات أتحدى واحد فيهم يتزوج منهن
لأنهم عارفين ومتأكدين ان محد بيتحمل وجيههم القشره غير السعوديه
والا الشاميه مو تاركه الشقران اصحاب العيون الخضراء والزرقاء اللي عندها
وتتزوج سعودي اشهب لسواد عيونه ..الا حب في رصيده ..

[Queen of buraydh]

بصراحه الرجل السعودي ما يتحمله الا السعودية ,, اما الشامية وغيرها تتحمله ايه , ماقلنا شي لكن مو لسواد عيونه
عشان اللي جوات مخباه ..

الشكوى لله مالك الا خشمك لو هو عوج ,, الله يرزقنا الجنّة هي دار الخلود والا الدنيا فاااااانية

جزيل الشكر اخ شاطئ ..

[النوران]

اقتباس:  المشاركة الأصلية كتبت بواسطة بــرمــودا     يابن الحلال هالشيبان والشباب إذا تزوجوا من هالحمر العطر مايلامون يابعد قلبي , (حج وقضيان حاجه) جمال ودلال +أصناف المأكولات إشي محشي وإشي مشوي وإشي على الصاج ,,,تصدق إن السوريه تسوي من البيدجان عشرين أكله وحنا مالت عليهن يسدحنه فوق الرز هو وقمعه ,,,أشير عليك نزرق أنا وإياك ياخلفهم ونطق على وحده والله ياوجيهنا إن تنور وتسفهل من الدلال والأكل السنع

البيدجان وقمعة مقابل دروش وسروال السنة

[الطرف الحنون]

[align=right] السورية والمصرية تاخذ السعودي عشان ترفع من مستوى أهلها
وتحسن ظروف معيشتهم .......
بس الحين صارت السعوديةتحرص انها ماتخذ الا الي له منصب ومركز ورصيد بنكي محترم رغم انه أهلها ماعليهم قصور
مثل ماصار الشاب السعودي ماياخذ الا الموظفة عشان تقوم بمصروفها
أو يكون حريص على خطبة البنت الي وارثة أو بتاثر من ابوها مبلغ محترم
يعني بالعربي المادة أصبحت تحكم كل شيئ بغض النظر عن الجنسية

أما أصالة الزوجة وصبرها على الزوج وصيانة العشرة
بالتأكيد مالها علاقة اذا كانت سعودية أولاء وأعتقد كلنا نسمع الحين
بحالات الطلاق هاليومون والي مايمر على زواجهم أكثر من سنة
فلا تقولون لي سورية وسعودية ومصرية هذي كلها أمور ترجع
للتوفيق من رب العالمين ولتربيت البنت وأصلها

وجهة نظرة ......... [/align]

[ربيع بريدة]

مانراه هنا في هذا الموضوع او غيره من المواضيع من تناول الزواج من الاجنبيات لا يمثل سوى وجهات نظر متشجنة من طرف تجاه اخر..
وكانها معركة يحرم فها الصلح الا مانادر من بعض الاطروحات التي قد تكون منصفة للطرفين بعيداً عن المحاباة ومحاولة كسب اعجاب وثناء بعض الاطراف....
باعتقادي ان النساء العربيات على مستوى واحد تقريباً فلكل امرأة عربية مايميزها عن مثيلتها من الجنسية العربية الاخرى..
( ان كان هناك تميزا فقد يكون للمغربيات... ) فالحكومة ابخص وولاة الامور ادرى منا بشؤون الحياة
وخصوصا لمن يتحدث عن الرومانسية والرقة وحسن التبعل للزوج.. والتي يتحدث البعض انها موجوده لدى اخواتنا السوريات والتي الرومانسيةمنهن براء الا ماندر..
ولكن البعض قد يجهل معنى الرومانسية فيظن ان بياض البشرة وشقار الشعر
والتفنن في بعض الاكلات الخاصة بمجتمعهم فناً من فنون الرومانسية تقدمه له زوجته... والحال نفسه ينطبق على الازواج الشاميين والذي تتغنى بعض الاخوات برومانسيتهم ..فالاحصائيات خير شاهد على رومانسياتهم الدموية
فهم اكثر الازواج العرب ضرباً وايذائاً لزوجاتهم!!!

عموماً ما اردته من مشاركتي المتواضعة هوالخروج من هذه الزاوية التي حشرنا انفسنا فيها في تناولنا لموضوع الزواج من الخارج... وهي تناول الموضوع وكانه تصفية حسابات مابين الرجل والمرأة ..
وان نرتقي بطرحنا وان يتسع افقنا وان تكون نظرتنا شمولية في تناول الامور..
نحن في عصر الاتنرنت والفضائيات والتواصل العلمي والتقني والاجتماعي..
فاي قمع باذنجان واي سروال سنة!!!
كثير من الانماط المعيشية تغيرت في مجتمعنا وكذلك السلوكية..
فمن الاحجاف تعميم تجربة خاصة لفرد على الجميع واصدار حكم عام على الزوج او الزوجة السعوديين...

اخي العزيز شاطيء الراحة...شكراً لطرحك القيم وارجون ان تقبل مني مشاركتي ووجهة نظري المتواضعة؛؛؛

وتقبلوا تحياتي؛؛؛؛