سوق الأمهات و معطيات السوق .

[مخرج تلفزيوني]

[align=center]

اقتباس:  المشاركة الأصلية كتبت بواسطة جمان البحر     للأسف هذه الظاهرة منتشرة منذ أكثر من 8 سنوات ولكنها زادت في الآونة الأخيرة بشكل ملحوظ .. وليت الأسعار تقف عند حد الـ2500 بل وصلت الى 3000 وأكثر يعني يومية الخادمة بـ100 ريال .. ولو كان الحال هكذا فقط لقلنا لابأس فلم يجبر أحد الشخص الآخر على استئجار الخادمة .. لكن المشكلة هو أن بعض من يأجرون لايخافون الله في هؤلاء الخدم فتجد الخادمة لم تستلم راتبها لمدة 4 سنوات كاملات أو أكثر ولو تفوهت بكلمة وأضربت عن العمل تم تسفيرها بطريقة يخدعونها فيها فلا يتم تسليمها رواتبها كاملة .. وشر هذه النوعية من الخادمات كبير فكم سمعنا من روايات من الأقارب أو الأصدقاء عنهن بأنهن يقفن بالباب في وقت دخول الرجل للمنزل .. وآخرين وجدوا معها حبوب منع الحمل .. والجوالات بأيديهن وبكاميرا .. وهذا دليل على انعدام الرقابة عليهن في منزل المؤجر .. ولا يحق للمستأجر التفوه بأي كلمة ..

إطلالة أخرى من زاوية لم تسلط عليها الأضواء
احييي فيك هذه الإظافة
.
.
جمان البحر
كتبتي فأجدتي فوفتي [/align]

[Queen of buraydh]

اقتباس: أم عزوز : وعليكم السلام .. وش تبي ( بريداوية )

وش تبيها تقول يعني ؟ وهي صادقه اللي يبي خدامه يخلي زوجته تدق ..


بالنسبه للخدامات لا افضل التعامل معهن ولكن اشعر بضرورتها للموظفات ..
لا احد ينكر انها تجارة رابحه بحكم صعوبة الاستقدام وتأخره بالشهور ..

[جبل عمر]

صاحبات الشغالات لوبي صغير خلفه لوبي كبير لا يامخرج لن أركز على غلاهن بل سأركز على

أم عزوز لديها اثنتان ثلاث وهذي قدرتها وتمارس عملها المحرم وتجارتها التي لن تبور وكسبها السحت

غير أم عزوز لديه كثرها مضروب بالمئات وقد يصل للآلف ولا أدل على ذلك إلا ألي بالخبيب ألي يتوزوزن وكلن يجي يأخذهم لتفيذ عمل ما وكذلك ما هو موجود عندنا بالرياض امتداد مخرج 5 باتجاه الشمال عمالة إذا رأيتهم بالشارع تصاب بالذعر والخوف من كثرتهم من خلفهم أين الجوازات عنهم إذا استمر الحال هكذا فلا ننتظر إلا مزيداً من الفساد ومزيداً هتك الأعراض ومزيداً من السرقات ومزيداً من البطالة ومزيداً من الغش ومزيداً من هجرة المليارات ومزيداً احتلال الغيير لنا ولمدخراتنا آه متى يضرب بيد من حديد ومتى يأتي اليوم الذي نحافظ في على اقتصادنا وأموالنا

حسبنا الله ونعم الوكيل على كل خائن للوطن

[•°سـرىآ اللـيـل°•]

,
يعني مالقيت إلا أم مصعب الله يصلحك << ياحبي له أطلق مرة أخو بالدنيا .,
,
المهم سبحان الله أمي من كبرت وهي ماله خلق الشغالات ولا الطباخات ماأدري وراه << أريد حل .,
بصراحة طفش وملل وياحبي لهن يشيلن كل شيء عنك لاشغل ولا يحزنون بس رح للجامعة وأرجع نم وأدرس .,
والله الطبخ يهون وعادي لكن غسيل و تنظيف بيت وغبار << خاصة هالوقت يرفع الضغط كل دقيقة يغبر الجو .,
وبالنسبة لهذولي اللي يأجرن بصراحة فيهن وفيهن ماقد جربتهن بس أشوف واجد جربوهن .,
مانقدر نحكم ونقول كلهن خرط بالعكس الأغلب زينات لو جينا للحق وفيه بعضهن زفت مايخافن الله .,
مثلهن مثل أي مجال هن يترزقن الله وإيززززي قوة بس الناس يبون على كيفهم الدنيا تمشي .,
وصحيح ترى بعض البنات يجيبون شغالات علشان يشترن وقتهن ويمارسن هواياتهن ويحققن أهدافهن وأولهن أنا خبرك أصنع قنبلة أكسيدية .,
أبوك يالخرط أجل هواياتكن ههههههه ياحبي لكن يابناتنا ماتعرفن تكلكن زي الناس على طول تشطحن فوق ,, ترى كثير الهرج قليل الفعل .,
الظاهر تمارسن هوياتكن لا هواياتكن <<

أهذب تاهيه’

[Queen of buraydh]

اقتباس:  المشاركة الأصلية كتبت بواسطة جبل عمر     أم عزوز لديها اثنتان ثلاث وهذي قدرتها وتمارس عملها المحرم وتجارتها التي لن تبور وكسبها السحت

اخ جبل

تأجير الخدامات مُحرم ؟ طيب واستأجارهن ؟

[صـاحي و رايـق]

[align=center]
من كان له حيلة فاليحتال .. لكنها حيلة محلله تجلب الرزق وليست محرمه كما وصفها أحدهم هنا << لا يجي أحد ويقول بأني صاحب هذه الشغله
دام الأمر لم يخرج عن إطار التشريع الإسلامي

أعتبرها فرصه ثمينه لبنات هذا الوقت
فياليت فيه دورات تثقيفيه ولياقيه تعلم وتدرس بنات هذا الوقت على هذا العمل على وجه الصحيح
وكمان تكون فيه شروط توضيحيه لنفس العائلة تحمي وتحفظ حقوق هذه الخادمه السعوديه من لهو وعبث الأبناء أو سلب لحقوقها الماديه أو الذاتيه

لإنه برأيي أن المرأه السعوديه لو مثلآ قبلت بهذه المهنه فلن تنجح لعدة أسباب منها على سبيل الذكر لا الحصر
1/ إن كانت المرأه ملزمه في تدبير منزلها ومملكتها فكيف ستتدبر منزل غيرها إلا إذا كانت على بطارية الشحن مثلآ .. أو ألحقت الكثير من التقصير بحقوق زوجها وأبنائها وبيتها
2/ إن حان وقت زيارة الخادمه السعوديه لبيت الكفيل عفوآ أقصد لتدبير أحد المنازل فسينقسم المنزل العائلي إلى قسمين قسم النساء وقسم الرجال لذا يتوجب على الأخ والأب الخروج من المنزل أو فرض حصار عدم التجول في المنزل لوجود سعوديه في البيت
3/ لن يقبل شريحة من المجتمع على مثل تلك الخادمات ضنن منهم بأن هذا يعد نوع من الإطلاع على أسرار المنزل (( أسرار البيت الأبيض ))
والسعوديه بشكل عام والبريداويه بشكل خاص تحب التصنت والشرافه على معلومات الغير !![/align]

[ღوحيدة كالقمرღ]

إيو الله إنّك صادز يامخرج...من تالي هالحريم منهبلات بالأسعار!!



وإلاّ الشهر 2500 ريال.....ولا بعد ترى فيه أكثر!!ووتحسب الشغالة تاخذه كامل لا



تاخذ منه هالحرمه عساه لمرّه...تقل هي اللي رايحتن تكرف!!!



قسم ظلم وإجحااااااااف...وياويلهن بس من ربٍّ بيحاسبهن.....


أذكر يوم تسوّي أمّي عمليّة طلبناها لو اقل من شهر...قالو الشهر2500ريال....قلت لأمّي:والله ياإمّيمتي لو هي يتحييك من مووووت...


نجوز بليّأهن هالغشّاشات!!



وع فكرة ترى فيه رجال يأجرون...يعني ماوقف الغلا ع الحريم.....



اللي خابرتن شغالة بأقل من الألفين يعلمن...فيه وحده قريبتي بتولد ولها بنت لسّى ماكمّلت سنة...وحالتهم الماديّة ضعيفة شوي...


ساعدوني بالبحث لها عن شغاّلة لو شهر بس حق أوّل الماجب.....تراني جادّة والله




مير أسعارهن تحلف إنّهن عقار كل مالهن بطيران......



سمعت إن العقار بيطيح سعره...عسى الله يطيّح سعره ويطيّح سعر الشغالات معه....


كل يوم أصيح ع ابوي نقّدم تقديم....خاصّة لمّا دخلت الجامعة...بس ماش هالفكرة موب راكبه راس أمّي..ماتبيها عندنا بتلة!!<<<أشوف لارزقني الله شرط إن يقدمون قبل أطلع...مايبون آخر العنقود تتعب.....وي

تحيّة

[مخرج تلفزيوني]

[align=center]

اقتباس:  المشاركة الأصلية كتبت بواسطة To Be     هلا مخرج تلفزيوني ام عزيز وزميلاتها حالهن كحال المستثمرون الصغار في السوق !! لا تشكل روؤس الايدي العاملة التي تديرها الانسبة قليلة جداً لا تؤثر تلك النسبة في مؤشر السوق !! فالتصحيح يبدأ من كشف اسماء الهوامير الكبار الذين يمتلكون النسب الكبيرة في السوق !! حتى يستطيع المستثمر شراء السهم المناسب عفوا قصدي استئجار الايدي المناسبة .. دمت بعافية وغنى

ضحكت كثيراً من هذا التحليل
واستمتعت بجمال القياس
To Be
كشف اسماء الهوامير شي مستحيل إلا إذا قررت إدارة السوق ذلك
وهذه بين قوسين يندرج تحت ( ياليل ما أطولك ) .
.
.
كل التحية لك .[/align]

[تلميذة الحياة]

مخرج تلفزيوني

الشغالات بلوى الله لايبلانا
استغلوا حاجة الناس لهن وبدؤا يرفعون أسعار ايجارهن !
انت ماشفت الكاريكتير اللي مصور ربة البيت تبوس يدين خدامتها تقول لها ابوس ايدك اصير عندك خدامه بس لاتروحين ..,

الله العالم انهم مسوين لنا سحر جماعي

[مخرج تلفزيوني]

[align=center][align=center]

اقتباس:  المشاركة الأصلية كتبت بواسطة مياسة     الخادمة في مفهومي ليست لأجل تبطح ونوم الى الظهر ,, هُناك من يشتري الوقت بماله كي يُمارس هواياته واهدافه

فعلاً
وهناك من يضع سائقاً ليس من اجل الفخفخه على قولتهم
بل ليختصر الوقت والجهد .

اقتباس:  المشاركة الأصلية كتبت بواسطة مياسة     أم أن نساء العصور الأولى تتبطح إلى الظهر,, وفي بيتها 3 او 4 جواري ؟ آآآآآخ ليتني عشت العصر العباسي أو الأموي

كنت أتمنى أن أعيش معهم ولو لفترة
وبضغطة زر أرجع لهذا العصرلأنهم ماعندهم منتدى بريدة .

اقتباس:  المشاركة الأصلية كتبت بواسطة مياسة     *الحياة من صعب إلى اصعب يا مُخرج ,

صعبة على من صعبها
وسهلة على من سهلها
ولو توكلتم على الله لرزقكم كما يرزق الطير
.
.
شكراً مياسة
التميز صناعة .[/align][/align]

[مخرج تلفزيوني]

[align=center]

اقتباس:  المشاركة الأصلية كتبت بواسطة Queen of buraydh     وش تبيها تقول يعني ؟ وهي صادقه اللي يبي خدامه يخلي زوجته تدق ..

حساسية المرأة لدينا ستنجلي بعد عقد من الزمن .

اقتباس:  المشاركة الأصلية كتبت بواسطة Queen of buraydh     بالنسبه للخدامات لا افضل التعامل معهن ولكن اشعر بضرورتها للموظفات .. لا احد ينكر انها تجارة رابحه بحكم صعوبة الاستقدام وتأخره بالشهور ..

نحتاجهن في وقت تحقيق الأهداف
وهنا أصبتي .[/align]

[•°سـرىآ اللـيـل°•]

اقتباس: حساسية المرأة لدينا ستنجلي بعد عقد من الزمن .

مش حساسية هذي ., هذا حرص والله يزيد الأخوات هيك أخلاق .,

ماأعتقد له داعي أكلم رجل وإذا فيه بنت الأفضل أنها هي تكلمني مش أخواها .,

تأكد أن ماوصفته بالحساسية لن يزول من البعض مهما تبدلت السنوات وتقلبت .,

وهو بلاشك زائل من الأغلب قبل مجيء العقد من الزمان الذي تقول عليه .,


أهذب تاهيه’

[engel]

فقط في القصيم وجدت بيع الخدامات عفوا أقصد تأجيرهن دون حسيب ورقيب ، وفعلا مره اتصلت ع وحده منهن اريد خدامه نهرتني لا تتصلي الظهر ..

قلنا خلاص نكلم المغرب .. وتحقيق .. ومنه .. وغلا فاضح يعني اجازه ب2500 .. وغير كذا هي مخالفة النظام .. وين مكتب الجوازات عنهن ..

وع فكره أخذت وحده مظطره منها خدامه .. أقصد حية .. ومن وصلت البيت طلبت دمى وشرت كم دمية .. وبعد فترة سحرت أهل البيت .. ودمرت حياتهم ..
وغير كذا كانت تدخل الشقه عمال وقت ذهاب ربة البيت للعمل ..

وسرقت 4000و لما حققت صاحبة البيت معها وهم زوجها ب‘إحضار الشرطة .. قطعتها في دورة المياه وسكبت عليها مويه ..

وتجيب هالخدامة أخبار القاصي والداني من كل بيت عملت فيه .. وانتم عارفين حب الشرافة ..

المهم .. هالشغل فساد للديرة .. دفعت المسكينة 2500 وخسرت 4000 وحياتها تدمرت وحياة أهلها