هل يوجد زوجة للمسيار في بريدة

[•°سـرىآ اللـيـل°•]

^^

من رداهم

[رايق]

[align=center]
أخوي المسيار موجود في بريده وغيرها واللي يبغاه يلقاه !!!!!!!


لكن أين الرجل الذي سيعطي هذه الزوجه حقوقها كامله ؟؟؟؟


مانراه اليوم في بعض هذا الزواج هو مجرد قضاء متعه وقتيه لاأكثر ولا أقل دون مراعاة لحقوق المرأة ومتطلباتها !!!!!!!!!


يعني مثل اللي يستأجر سيارة كم يوم وإذا خلص حاجته منها رجعها لصاحبها !!



تحياتي[/align]

[هـــــطـــهـط]

شوف فيه عند ثلاث انواع من العلاقات بين جنسين عندنا :

1- زواج شرعي وهذا ميه ميه ...... ولا احد يقول فيه شي


2- فيه علاقات غير شرعيه ( خويتي وخويي) وهذا تكون بدوافع جنسيه او عشان السواليف او صداقه او عشان تصير مثل البنات في الكليه عندها خوي .

3- علاقات جنسية بس شرعيه ونظاميه

يعني تخلي العلاقه الجنسيه حلال .. ولا من ناحيه الحرمه .. فلا لها اي حقوق .. ولا شي.. ولا تقدر تاخذ شي من اهتمامه الا في السرير ... ولا تقدر تأخذ من وقته ... ولا تقدر تكلمه متى ماتبي ... يعني مافيه اي نوع من العلاقه العاطفيه الانسانية ... مجرد قضاء غرائز شهوانيه .. فقط


واعذروني على حده الكلام بس هذا هو الواقع .

[Miss Tala]

مااعتقد يرضى فيه الا الحرمه الكبيره .....عنده بيت وعياله كبرواا ويمكن اعرسوا وصارت لوحده ....
على قولتهن يبن ظل رجال....

[عيسى العوفي]

هههههههههه يالله

نسمع بزواج المسيار مجرد اسم فقط

تبحث عن زواج مسيار ماتلقاه

هناك نظرية خاطئه عند الكثير يقولون ان اللي يتزوج مسيار خائف من زوجته الاولى؟؟؟

وهذ خطا الكثير يريد ان يتزوج مسيار لسبب واحد..وهو عدم مقدرته الماديه..يعني بالعربي مايستطيع يصرف على بيتين....

من يشوف لي وحده مسيار واعطيها حقوقها كامله علي

[جوهرة بريدة]

اقتباس:  المشاركة الأصلية كتبت بواسطة عيسى العوفي     هناك نظرية خاطئه عند الكثير يقولون ان اللي يتزوج مسيار خائف من زوجته الاولى؟؟؟ وهذ خطا الكثير يريد ان يتزوج مسيار لسبب واحد..وهو عدم مقدرته الماديه..يعني بالعربي مايستطيع يصرف على بيتين....

[align=center]اذا مو خايف من زوجته الأولى ليه يطلق بمجرد انكشاف زواجه !!!!


الي يطلب المسيار من الرجال إما إنسان شهواني معدوم الضمير والإنسانيه أو دااااااااااااااج يبي وحده تصرف ليه أو على الأقل ماتكلفه مصاريف وكل الأمرين ظلم

مع احترامي البنت اللي ترضى بهذا النوع من الزواج فهي لاتعرف مصلحة نفسها

نترحم على الرجال مابقى منهم بهذا الزمن الاا القليل [/align]

[هند الوفاء]

مدري كيف انضحك على عقول الناس..وصدقوا بهالزواج؟!!!!

أعتقد من حلل زواج المسيار..هم فئة من المتدينين وشيوخ الدين..

بس لأجل يضبطون لروحهم..ما يشبعون من الحريم

وإلا احنا مسلمين ونعرف الزواج هو واحد وشروطه واضحة اي شرط يختل يعتبر الزواج باطل..
كيف وجائوا وحللو الحرام..وخلوا بالشروط..وغيروا الأسم ..وسموه مسيار..وهالتهاون جاب تهاون أكثر بين الناس..وقام الكل يحلل زواجه بكيفه..بذمة هذول الي ما كفوهم أربع ..راحوا يتلاعبون بعقول الناس
والبنات بالذات..والله كبيرة او صغيرة..الانسان روح وجسم..كل شيء له حقوق..
وزواج المسيار..يرخص من قيمة الانسان( المرأة جارية قطع غيار والرجل اشبه بالحيوان)..واشوفه مثله مثل زواج المتعة عند الشيعة..
يوم تعيبون عليهم..سويتوا مثلهم..وغيرتوا الأسم..
بالله احد يقولي..ايش هالزواج المسيار وشروطه ومن جابوا الافتاء انه حلال..ترى العالم هبت بهالزواج الا وأكيد فيه شي..ولا يبون يتزوجون مثل الناس
مــــــــــــــــــــــــن جد أنتوا مصدقين من داخل نفسكم وعقولكم إن هذا الشي يجوز وحلال..ولا قال العلماء وصلى وبارك؟

لا يضحكون عليكم.. لا تصدقون لاااااااا بعض الفئات تضبط لروحها ويستغلون ظروف الناس..عشان اللعب يكون في السليم والله ان العقل يقول انه حرام وظلم..واشوفه اشد من الحرام نفسه..ليش يضحكون على عقل المراة باسم الحلال وهو هضم واحتقار لذاتها..بعد ان عزها الاسلام..
حسبي الله على من حلل هالزواج..

ومعذرة لما كتبت..ولكن هذا ما اقتنعت به..ويعز علي الضحك والتلاعب بالناس

دمتم بخير

[أبو تهاني]

اقتباس:  المشاركة الأصلية كتبت بواسطة هند الوفاء     مدري كيف انضحك على عقول الناس..وصدقوا بهالزواج؟!!!! أعتقد من حلل زواج المسيار..هم فئة من المتدينين وشيوخ الدين.. بس لأجل يضبطون لروحهم..ما يشبعون من الحريم وإلا احنا مسلمين ونعرف الزواج هو واحد وشروطه واضحة اي شرط يختل يعتبر الزواج باطل.. كيف وجائوا وحللو الحرام..وخلوا بالشروط..وغيروا الأسم ..وسموه مسيار..\

×××××××××××

ولعلمك أجاز مجمع الفقه الإسلامي التابع لرابطة العالم الإسلامي زواج المسيار إذا اكتملت شروطه وأركانه، جاء ذلك في ختام فعاليات مجمع الفقه الإسلامي في دورته ال (18) برئاسة سماحة مفتي عام المملكة ورئيس مجمع الفقه الإسلامي الشيخ عبدالعزيز بن عبدالله آل الشيخ وبحضور نائبه الشيخ عبدالله بن عبدالمحسن التركي.

[البـــBADERـــدر B.D.Q]

موجود يا فارس الزواج المسيار
لكن بالخفيه
مادري ليش احسهم تقل مسوين جريمه .. يبقى زواج شرعي وبعقد نكاح مستوفي جميع الشروط اذا ليش الخفيه .؟
على العموم ملينا وصدقني بتلقى وبتلقى بنات صغار

[أنـفأإأس أإأللـيل]

اقتباس: مادري ليش احسهم تقل مسوين جريمه ..

لو انها مو جريمة .. ليش الرجال يتسحب بالليل متلطم مايبي يشوفه احد مثل الخفاش عشان يسيير على زوجته ,,
ليه ما يسيير عليها بوضوح النهار وقدام الناس بكل ثقة ؟؟؟..

[•°سـرىآ اللـيـل°•]

^^

بنات صغار ماأظن وش لهن بالمسيار !!

بيلقى حريم كبار كبر أمه وإلا بنات مش ولابد يتسترن فيه .,


أهذب تاهيه’

[قلب الأسد]

يوجد في بريده ولكن قليل جداً , بس فيه ,, وبصراحه المسيار حلو ..

[عبدالعزيز عبيد العدواني]

انا ودي اقول رأيي وهي وجهة نظر تحتمل الصواب كإحتمالها للخطأ


وآمل أن تكون الردود بمستوى هذا الصرح وأن يقدر الجميع آراء الجميع ولو إتخذنا إتجاها واحدا لما أثري


الموضوع ولكان في بوتقه ضيقه لا تجد متنفسا رحبا وتبادل وجهات النظر يجب أن تكون بطريقه أدبيه


بعيده كل البعد عن المهاترات والإستفزاز بمعرفات مجهولة الهويه لتعم الأريحيه ونستفيد ويقتنع من يقتنع


بإسلوب حضاري بعيدا عن التزمت والحساسيه المفرطه والتي لا تخدم الموضوع ولا تعالج أي قضيه


فكيف بهذه القضيه التي هي محط أنظار الجميع بإيجابياتها وسلبياتها على المجتمع في هذا الوقت


وللمستقبل أمامنا




إخوتي :



في بعض الردود وجدت إتهامات للرجال الذين يقدمون على هذا الزواج وهذا لا يهم ولكن الأمر والأدهى


هو أن تتهم المرأه العفيفه التي لجأت إلى هذا الزواج وهي تنظر إلى الله عز وجل نظرة الأمل وترجو


من الله أن يكلل هذا الزواج ويحبب الله هذا الزوج بزوجته فتكون هي الأصل وتكون مثلا لزوجاته من غير


المسيار فتنعم بالراحه كأي إمرأه تريد الزواج على سنة الله ورسوله




العضو / سرى الليل




أرجو أن لا تسئ لبنات المسلمين اللاتي مضى عليهن من العمر ما


جعلهن ينظرن إلى المستقبل كالغول وتتذبذب أسماعهن لإسم هذا الداء الأعضم ألا وهو العنوسه


وببصيص من الأمل عل وعسى أن يهدي الله هذا الرجل ليعلن هذا الزواج ويكون كالزواج العادي على


قولكم ولضروف لا يعلمها إلا الله لجأن وقبل أن يلجأن له لجأن إلى الله بكفوف تمتلئ من الدموع على


عمر مضى في العنوسه فأسال الله العلي القدير أن يقر أعين المسلمين والمسلمات على الحق


والفضيله .

[باونتي]

اختلف العلماء في حكم هذا الزواج ....

[حدائق]

ايش معنى مسيار