لو دخل زوجك - أخوك معك المطبخ .. وش تسوين ؟!!

[أنـفأإأس أإأللـيل]

اقتباس:  المشاركة الأصلية كتبت بواسطة كـامـو     [align=center] أيه فيه و تحصلينها عند نعومي للخضار و السباكة اللي بطلعة الحبلين هه .[/align]

أها .. مادام كذا ضروري أني أروح له
شكرا عالتوضيح ..

[الفجر]

الرجال يحوسون فلذلك الفكه منهم غنيمه وانا اتضايق مرررره اذا شفت زول احد معي بالمطبخ

[غديــــــــــر]

أهليــــــــــــــــــن

موزوووووووع مراااااااا حلوووووووو


بالنسبه لي والله مااروح المطبخ وووووواجد ...ابوي مايبغى الا من يدين امي وش اسوي عااد << تصرف ..الله يخليهم لي ولايحرمني منهم ..

ومرات تجيني حركات السناعه ..واروح اتميلح عند اهلي ..

أما الشباب والله من المطاريس والمحاويق ياربيه كان اكره المطبخ ما اكل منهم كان يغمى علي والا يجيني تسمم

< بتسطر ......

بس اقول الصدق ترا....

وخاصه في رمضان يضيقون الصدر لابدوا يدورون بالمطبخ

مرررره انا في بيت جدتي في المطبخ بسوي لخالو حلا بيروح لشلته الا يدخل خالي طبعا ايقاله يبي يساعد << بالحيل يساعدون
الا لقافه ومطرسه

وكل شي وشو ذا وشو ذااا ويخلط معي ويبربس لمين خربت اخلاقي ..وزهقت ...

وقالت له يتوكل ..والا بهج انا
...


وووشكرا يااعسل على الموضوع الجميل

[تالا miss,,,]

بالعكس اذا دخل ويبي يساعد وناسه عطيه اي شي حى لو يغسل المواعين وينشفهم اي شي ...
انا المستفيده منها يساعد ومنها يسولف ...

[حزام الأمان]

الله موضوع روعه ....بكل صراحة بطير من الفرحة وحلاة الشي مشاركة صحيح ممكن يحوس علي
وممكن يوسخ وممكن يحرق الطبخة بس اهم شي اننا صرنا قراب واحنا نطبخ
وعلى الرحب والسعه في مطبخي لووول

[العبرى]

البيت بيته..وياهلا به



تحيتي,,,

[بندر الحمر]

ادري ان السؤال في العنوان موجه للزوجه لكن احسبوها مشاركة او لقافه
تذكرت مره رحنا للطائف عوائل و قالن الحريم اطبخوا انتم يالرجال جاء الشقردي وحط كل شي جميع >>مطرسة >>بس طعمه جنان الطبخ >>الحريم ما يحبن إلا دجاج محمر وما يحبن كل شي جميع بالغداء مع ذلك قالوا الطبخ رهيب >>>عشان يفتكون من الطبخ >>>بس الرجال كثيرة طلباتهم
قطعوا اللحم والبصل وجيبوا كل شي والم واهم شي غسيل الصحون >>يبقى للرجال الممتع الذواقه والطبخ وسماع تستست الكاتم
ويبقى طبخ الرجال له نكهته الخاصة مع احترامي الكبير للطباخه الماهره ام لينا <<عشان ما تقطع عنه الماء هههههه ونبدأ نفطر ونتغدى بشابورة
ما أقول إلا الله يخليهن لنا

[•°سـرىآ اللـيـل°•]

شخصياً ماأحب أحد يدش معي بس إذا أمسكه شغله ثانية أوكي .,

بالنسبة لطبخ الرجال والله بالسفر والطلعات البرية مايطبخ غير أخواني وبصراحة طابخين بقووة .,

بس 3 من أخواني مايعرفون للطبخ والباقيين متعودين من طلعات المراكز والحلقات وهالهبهبة .,

عندك واحد من أخواني يسوي القهوة صباحاً لأمي ., وعلشان ماأظلمه غالباً يسويها بالإجازة .,

وإذا قلت له وراك ماقومتنا قال وراه هي أمكن لحالكن << قلت لا أفاااي إلا أمك وحرام تخليه من دون قهوة

وأحياناً برمضان تطن له يزين توت وعصير وخوذي عاد إلى صلاة القيام وهو يقول جيبوا توتي جيبوا عصيري << تباً .,

المهم بكرا الوعد بالإستراحة أخوي بيطبخ لنا كبسة رز و مكرونه إللي بيذوق طبخ رجال كذا يجي معزووم .,

أهذب تاهيه’

[Queen of buraydh]

ممم

ممكن اخليه يقطّع سلطه <<< عقدتها تقطيع السلطه

[غديــــــــــر]

سرى ياااحبي لك << سمعت طاري العزيمه ...

بس بجي اتفرج هههههه...

مره عندنا طبااخ وساعدوه الشباب ..والله ماضحكت الا على البصل وش كبرهن .. هههه

مافيه نعومه حتى بالتقطيع ههه طبعااا ..ماكلت ..انا امي بس اكل من يدينها وبس ..الله يخليها لي يارب

[مياسة]

لو يدخل معاي المطبخ رجل كان اولول ....!! يختي حوسه هم !!
خليهم بس لـ طبخ الكشتات و الاستراحات ,,,,

[توته احلى بنوته]

لا الله يعافيهم

مانبيلهم طبخ..

بس اذا مصرين يساعدون

مافي مانع انهم يسبعون المواعين..

[جوهرة بريدة]

بالنسبة لي اسلمه الخيط والمخيط كل اللي حولي محترفين <<< ايه هين محترفين عشانتس ماتدبرين

[أنـفأإأس أإأللـيل]

^^^
شاكرة لمن شرفني بإثرائه للموضوع
من بنوتات او شنبات
سعدت بآرائكم الرائعة

دمتم بوود ,,,

[@ ابتسام @]

اذا دخل قعدت ارحب واهلي واطلع الشغالة للحوش واستلم الطبخ واسلمه المواعين

>>>ايقالي اوريه عناء ربات البيوت