ليش السعوديين مايفكرون !!!!!

[**"إشرااقة أمل"**]

ومن يقول إن السعودين ماوراهم إلا الهمق .......................آخر إكتشاف تم عرضه لشاب سعودي

أذهل العالم وكانت غواصه تصل إلى عمق عجز عنه اليابانين من سنين.....................فينا خير لكن

ينقصنا الدعم والأحتواء من قبل الحكومة .............والملاحظه والمتابعه من قبل الوالدين ...........

ننتظر إختراعك ياخوي عاشق

[جورينا]

،

ومن قالك ياعاشق انهم مايفكرون ..!!

لكن التبلد له دور في ذلك ..!!

وعندك اقرب مثال (( الواحد مايذاكر إلا قبل الأمتحان بيوم

وتحصل معدلهـ في المادة +B ))

هم مابهم بلاء بس ينقصهم من يكتشفهم وياخذ بأيديهم ..!!

،

[عازفة ألحان الليل]

اقتباس:  المشاركة الأصلية كتبت بواسطة عاشق ديرتي بريده     طيب اللي يعرفون رياضيات وراه مايستفيدون من علمهم ويسون شي !

هم مو مايعرفون للرياضيات هم ماودهم يفكرون

عشان كذا يقولون الرياضيات صعب .

[توتي]

حنا مشغولين تحسبنا مثلهم فاضيين ...!!!

[سماااهر]

أحنا مانبغي منهم أختراعات وبحوث,,,
نبغاهم يكملون دراستهم ويسد ,ـــ,و حدة قنوعة.
الأخ توتـــــــــــــــــــــــــــــــي
اللي يسمعكم يقول أصحاب شركات ومؤسسات
أشغالكم استراحات وكشتات هذي أشغالكم!!!!!!!!!!!!!

[قلب الأسد]

بأعتقادي هناك من يفكر ولكن الكثير انشغل ويعتبر نفسه مشغوووووول
بعدين كيف تريد من شخص ان يفكر ويخترع وهو عنده فلوس وتجد الكثير
انصب تفكيره عاى التجاره والمااااااال فقط ..

[إخلاص]

اقتباس:  المشاركة الأصلية كتبت بواسطة هامة حاسوبية     [align=center] هل تعلم بأنني كنت قديماً (مهووسة) بمادة الرياضيات لدرجة أنني كنت أثبت براهين معروضة مجرد عرض في كتاب الرياضيات ؟ هل تعلم بأنني كنت (أفصفص) الآلة الحاسبة المعقدة لأفهم استخدامات كل أزاريرها ومعانيها ، حتى أنني مرة وقعت على زر وكان لابد أن أعرف ماهو حتى أرتاح ، فأمضيت أجري عمليات حسابية حتى اكتشفت أنه ثابت ويساوي القيمة كذا وكذا وإذا بي بعد فصل دراسي كامل ندرس ذلك الثابت في مادة الرياضيات وندرس استخداماته ! إذن كنت قادرة على اكتشاف أشياء من ذاتي ودون تعلمها ، ولكن هل حصلت على مجال يطورني فيما بعد ! بكل أسف لا ..!! فأنت في السعودية [/align]

ماشاء الله عليكي ياهامه
مارايك لو نعمل مشروع وتمسكي المحاسبه

[جبل السكر]

يـــؤ تبغـــى مصيــرنا يكــون متـــل مصيــر بنــت الميمنــي

يــاحووبي للسعـوديين وبـلادتهم


تحيتي

[إشراق]

إلا السعوديين بارعين بشي تدري وش هو

ولا بلاش أخاف ينحرف مسار الموضوع

وهم أبخص وش فيه بارعين

[برود الثلج]

الدنيا يأخوان سلف ودين ،،

في القرون الماضيه كان يطلق على زمن الغرب (( بالعصور المظلمة )) وحنا العرب بالعصور المضيئه والمزدهره بالعلماء والعلوم وذلحين صارت الدنيا عكس يعني (( الدنيا سلف ودين ))
هنيئاً مريئاً عليهم عصرنا المسلوب ،،،

[فيصل...........]

اقتباس:  المشاركة الأصلية كتبت بواسطة عاشق ديرتي بريده     وأنتم ماعندكم غير الهمق والنت !! مافيه احد منكم يحاول يكتشف شي والا يصنع شي والا يسوي بحوث تفيد الناس ! دايم اقراء اكتشافات وبحوث لناس اجانب وحنا والله ماعندنا الا الهمق !! ليش الشخص السعودي ماعمره اكتشف والا صنع شي !! اذكر ان اخر اكتشاف للسعوديين هي سماعة نسيت اسمها حقت ولد الغضيه ! <<< مثلكم مهوب يفكر !!

يقولون التطعيس بالبر حلوا هاليومين

[•°سـرىآ اللـيـل°•]

إشراق هههههههههههههههههههههههههههه صدقتي ,,

بس برضوه مايصير نظلم الفئة المكافحة حتى وإن كانوا قلة .. يوجد ناجحين ..

لكن البقية الفاشلة أنا أتمنى أن أرى معهم شهادة جامعية << لو من التقنية ..

إذا الكثير من الشباب السعوديين لم يهتموا لبناء مستقبلهم فهل يعقل أن نطالبهم في بناء مستقبل أمتهم ؟؟؟

ياشيخ الشباب السعوديين شاطرين عند الخطبة يقولون شرطنا الأول تكون مدرسة << عاشوا الأشاوس عااااااااشوووا

زادهم الله نوماً وذلاً لزوجاتهم من أجل ريال الخبز

[ملاك الحبر]

السلام عليكم
كنت أفكر بأفكار جداً خطيرة اليوم بس حامض عليك تدري وشهن !!! <<تراها صادقة ،، لكني بناقشك من عدة نواحي لأهمية المُخ السعودي
بالبداية... لمحت موضوعك وفتحته باحثة عن سبب العنوان او ماهي الحادثة ،، جاء ببالي انك حاسب الزيادة !!! او شيء من هالقبيل ،، تحسبها انفتحت الصفحه لأ لأ،، انقطع النت عندي بسبب الشركات اللي عندنا
فتكاسلت افتحها من جديد ،،، فتحت موقع كنت داخلة ابحث فيه
لكن كان عندي اصرار؟؟؟ وش قصة اللي يقول عنهم مافكروا!!!
رجعت هنا ،،، اثاريك تتكلم عن العقل السعودي

فحبيت اقولك ان السعودي اللي يفكر !!! انت ماماشيته لحد الآن
او ما صادفته ،،،،
لأن المجتمع بزر فيه ناجحون ،،،
ويمكن مايكونوا حصيلة تخصصاتهم لأ لأ
حصيلة السعي وراء أهدافهم وتجسيدها وتحويل كل خيال إلى واقع
بتطوير الذات
فيه الكثير من اللي يعتز المجتمع ببناءهم لذاتهم ،، وحصولهم على مؤهلات شخصية باللإضافه للعلمية!!
السعوديون عقول مفكرة على عكس ماتقول
ولكنهم لايكتبون بمنتدى بريدة !!
بل وقتهم ،، لايسمح بذلك انهم منهمكون بعمل الكثير
بل لهم اماكن اخرى تحتضنهم ،،،،

ناس كثير يفكرون ...


بس مو بمنتدى بريدة......

بقولك عدة اسباب تقود الى اغفال الافكار :
اسباب اجتماعية :عدم تحفيز ، استهانه بهذة القدرات ،لاوقت الا للعزايم المناسبات ،
استراحات <<هذي تخص الشباب ،، ولو انها مكان رااااائع لتبادل الافكار،،
كمان الغباء الاجتماعي يعني انك تكون شخص جداً ذكي ،،، لكن تآآآخذ بمشورة ناس اغبياء
ولكنك تصدقهم بسبب كثرتهم حولك ،،،

ثاني شي احنا مانهتم بافكار الصباح اللي تطرأ عليك كثير وماتدونها وتكتشف بعد فترة ان فيه واحد مايفرق عنك طبقها!!

اشياء اخرى مثل كوننا لانهتم باهتماماتنا يعني واحد بارررع بشيء معين
ما اتذكر راح للمصدر المجال اللي يحبه وعرض نفسه !!!

واذا قلتو وزارة التربية والتعليم اوكي !! فيه نقص نوعا مع بالاهتمام بتطوير القدرات
الاهتمام بمخزون الفرد ،،، لكن بسالك سؤال ؟؟؟
هل تتوقف اعمالي ومشاريعي وخططي على مبادرة منهم اذا كانوا هكذا ؟؟
ام انتظر حتى اصل ال30 او ال40 او اي عمراً كاااان بعد ما تبخرت الخطه العشرينيه
او الثلاثينيه دون ادنى مبادرة مني في حق نفسي !!1

سؤالك المتسأل اعجبني كثيراً
بل هي دليل على عقل مُفكر

[هامة حاسوبية]

[align=center]

اقتباس:  المشاركة الأصلية كتبت بواسطة إخلاص     ماشاء الله عليكي ياهامه مارايك لو نعمل مشروع وتمسكي المحاسبه

لكني تحولت لمجال آخر

لكن لا بأس أن نعود للمجال السابق

كل شي لعيونك يهون يالغلا





[/align]