مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

[سماااهر]

** الناس في بسمتي بالحيل منخدعة....ياكم وراها طفيت النار بأنفاسي...
بعض المواجع لها ماتنفع الفزعة... كلما جرعت الحزن رد أمتلا كاسي...
عودت نفسي أسايرهزة الفجعة ...وأن دست جمرالزمن ماينحني رأسي..

[الفتـ الذهبي ـى]

أبعرف يابحر ذنبي وش
اللي بس سويته
أنالاعمري جرحت انسان
ولاعمري بكيته
ابسكت يابحروامشي
واخلي ضيقتي فيني
ابسكت وابتعد عنك
وادور من يواسيني
تصدق يابحر إني
توقعتك تشيل الهم
ولكني انصدمت
إنك..
غرقت بدمعه من عيني..!

[’ ŚĀM]

يستريح الحزيـن مـن الحـزن

ثانية ! قبل .. يرجع بـه عليـه

ما يغمّض من اوجاعـه جفـن

ولا يوّقف عـن الفركـة يديـه

وش يقول السجين عن السجن !!

لا غـدت خطوتـه منّـه إليـه

[الفتـ الذهبي ـى]

شربت من كأس الهوـے أشكـــال وألوان

ولقيت إن الحرمـــان مر المذاقيے

تضحكـ ليےالأيـــامـ والوقت خوان

لين الصدر من كثر الأحزان ضاقيے

ضاعت حياتيے بين لحظــه وحرمـــان

والبعد جرحـــه يــا ملا مايطـــاقيے

عجزت ادور للهنــا بين الاوطـــان

واتعبت قلب بالفرح كــان هاقيے

ياما حلمت أنسے مواجيع الازمـــان

وياما تمنيت الوصلـ والتلاقيے

حيـــاتيے وينكـ ؟ ترـے القلب ولهــان

تكفے ارجع لايزيد اشتيـــاقيے

إنت وانــا بالوصف وردهـ وبستــــان

المــايے دميے والعروق السواقيے ..!!

[ممكن اكون بكونك]

عزاه صرنا نلتقي مثل الأغراب..!!
عقب الغلا كلن بوجهه يصدي
من عقب ماحنا عزيزين واصحاب
اليوم كلن صد قصده تحدي!
لكن يطول الوقت وتبان الأسباب
وتندم على وقتاً مضى كنت ضدي..!!!

[العبسي]

ألبسوها وجه غربي واسلبوها حيـه
وانت ياجراح جرحك ماقدرت اتخيطه
ينتهك في حرمة الأقصى قتل وحشيه
والمقاوم طفل واللي في يـده نبيطـه
فككونـا والتفكـك عـزز العبـريـه
ماحدن تفكيكنا يقـدر علـى تربيطـه
خططوا تفكيكنا فـي غـزوة فكريـه
دمرونا لعنبو هالغرب فـي تخطيطـه
المشاهد محزنـه وأحزانهـا جذريـه
و(العما) مايستطيع أخذ الحذر والحيطه
كل ماسافرت مع بعضي وعدت الجيه
قلت يالله صحوة لو من بعد تفريطـه



.

[’ ŚĀM]

وقفت انظر على شط المدينه .. والجروح أسراب
ولعنت ( أم الحنين) وسالت الدمعه على اهدابي

هنا كنت الغريب .. بلا حبيب..ولاوطن ..واقراب
حزين وماقدرت اجمع شتاتي ..واحسب حسابي

[الفتـ الذهبي ـى]

عرفت ابكي من الفرحه
عرفت اضحك من الاحزان
عرفت ان الدموع ارحم واصدق من يواسيني
عرفت ان الوهم دربي ولابه من يقدرني
عرفت الانتظار اصعب
عرفت ان الوعد نسيان
عرفت ان العيون اللي بكت لي
جت تبكيني

[سيــ بريدة ــف]

خلني ابكي وأسيل دمعتي ,,, يمكن الدمعه تخفف لوعتي

خل دمع العين يغسل غلطتي ,,, كود محبوبي يسامحني عساه

خلني اندم واحس بغربتي ,,, خلني القى الجزا في وحدتي

خلني اكتب لخلي قصتي ,,, لانويت أخطي وش الدنياسواه

------------------

جيتك وكلي جرح يامسبب الجرح ,,, عطني دوى المجروح ياجارح الروح

جيتك بعد ماتاه فكري من السرح ,,, سارح أفكر في سواياك وأنــــــــوح

[& جمال الطفوله &]

الا يا وقت وين اللي على بالي يجي ويروح
هذاك اللي ملك ( قلبي ) وتفكيري ووجداني ..


أموت بطيفه اللي لا لمحته ينتشي بي روح
أحس أني اذا شفته كأني بعالمً ( ثاني ) !

[العبسي]

يا الله اجعل وفاتي في صلاة

بين سجدة وتسبيح وركوع

واجعل آخر كلامي فالحياة

لفظ قول الشهادة في خشوع

واعف عني ليا جات الوفاة

يوم ما عاد للدنيا رجوع

ومن جهنم طلبناك النجاة

فزعتك يوم ما عندي فزوع






.

[عمر_omar]

ضاقت فلما استحكمت حلقاتها فرجت وكنت أضنها لا تفرج

[الفتـ الذهبي ـى]

تمنيت ارحل لعالم عليه الفاتحه تقرا...
ورفض موتي يواجهني بوجه القادم المخفي...
ياترى شفتو جسد ميت ورفض يستقبله قبره...
انا هذي معاناتي واظن اللي مضى يكفي..!

[شموخ العز]

هذي الدنيا على مر الايام كلـن يدور حاجته وماقضاها..!!
.

[محمد الهويدي]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

اشتكي لوسادتي هموم دنياي واسمعها تنوح=كنها بعضي وبعضي وينهو منهو معه
راس مالي ذكريات وحلم وآمال وطموح=لاصديق ولاخليل ولارفيق اتبعه
[/poem]

[align=center]يمكن البيت ملخبط شوي وغير مرتب لأني لاأحفظ القصيدة جيدا

ولكن يهمني معناه

تقبلوا تحياتي [/align]