هل يكفي تقديم كأس العصير للنظر الى المخطوبة ؟؟!!

[مسهرهم]

اقتباس:  المشاركة الأصلية كتبت بواسطة طــــــيف     تقدم العصير او سلة شكولاته ثمن تجلس ويسئلها كمن سؤال بسيط ويكون بوجود المحرم اللي يقراء جريده حتى اذا ارادة استعانه بصديق يكون موجود الله يوفقك والجميع

مايربكنا غير الجالس يقراء الجريدة !!
وبعدين اش نوع الاسئلة ؟
مشكورة طيف

[مسهرهم]

اقتباس:  المشاركة الأصلية كتبت بواسطة شمعة امل     بنظري أنها تكفي...والله أحياناً تكون هناك جلسات مطولة بينهما اثناء الخطوبة وبالاخير يصير طلاق أخي ضع في بالك أن النصيب هو من يحدد قرارك سواء جلست معها جلسة مطولة او مجرد لمح البصر... . . خالص ودي وأحترامي للجميع..

كل شي نصيب ولكن النصيب له أسباب
والنظرة أحد أسباب التوفيق بأذن الله
الف شكر شمعة أمل

[مسهرهم]

اقتباس:  المشاركة الأصلية كتبت بواسطة عجوز سمنسي     اذا مامليت عينك من التمقل قلها ترجع وتمقل زين ولاتنسى تجيب معك دربيل وجوال ابو كاميرا الزوم يصير قوي

على طاري جوال ابو كميرة يسمح بدخوله مع الخاطب والا فيه تفتيش !!

وبعدين صعبة ترجع ثاني مره ,,,,,,,,,
الف شكر أخوي

[مسهرهم]

اقتباس:  المشاركة الأصلية كتبت بواسطة الزعيم     تذكرت أحد الشباب يقول بعد ماجلست حاولت اتكلم بشيء ماقدرت فقلت لها : ما أسمك ؟ ابوك ياللغه العربيه الخجل أمر طبيعي والنظره الشرعيه ربما لاتحتاج إلى وقت أطول شكراً لك اخي

يا كثر الي مثل خويك ........
وبعدين أعتقد ان كل ماطال الوقت اتضحت الصوره بشكل يعطي انطباع كامل

[مسهرهم]

اقتباس:  المشاركة الأصلية كتبت بواسطة تلميذة الحياة     إذا ماشفتها زين لك الحق تطلب انها ترجع ثانيه وتشوفها ذاا زواج وعشرة عمر يعني مو لعبة ..!! والله يوفقك ..

مشكوره تلميذة الحياة على هذه النصيحة
بس عادي أطلب ها الطلب أخاف ابوها يرميني وراء الباب !!

[مسهرهم]

اقتباس:  المشاركة الأصلية كتبت بواسطة اسم العضو     المهم لاتجيبلك بخور ينكب عليك الجمربحجرك صارت لصاحبي من الدلاخه

عاد تكملها لا مانبي لها بخور الله يعدي الأمور من غير حوادث
الله يعطيك العافية

[مسهرهم]

اقتباس:  المشاركة الأصلية كتبت بواسطة ثلوج دافئه     وفيه ناس ماتسمح الا بنظره خاطفه يعني مافيه أمل أنك تتكلم معها ولا كلمه وأعتقد أن الأغلبيه كذا تحياااااااتي

هذا الي خايف منه كيف نحكم بها السرعة وهنا المشكلة ومربط الفرس
الف شكر

[شموع تحت المطر]

ياخوي وش عصيرة والله ان تكبه على راســـــــــك...

اذا جلست احسن عشان انت تشوف زين..

واذا حسيت نفسك ماطالعتها عدل...قول رجعوها لان هذا زواج مو لعبة وماظن بيردونك ويحلتونك وراء الباب

فتح عويناتك... ومبروك مقدماً والله يوفقك..

[تلميذة الحياة]

اقتباس:  المشاركة الأصلية كتبت بواسطة مــــا زنــــــــ     مشكوره تلميذة الحياة على هذه النصيحة بس عادي أطلب ها الطلب أخاف ابوها يرميني وراء الباب !!

اخووي مازن ..

شوف اذا انت واثق انك ماراح تشوفها زين اذا حطت العصير وراحت

خل امك تتفاهم مع امها قبل تشوفها وتقول لها ان ولدي ((اللي هو انت ))

يبي البنت تجلس على الاقل لو خمس دقايق عشان يشوفها لأنه يستحي وماراح يقدر

يشوفها بلمحه

واكيد بيتفهمون الوضع وبتجلس شوي ..

[مسهرهم]

اقتباس:  المشاركة الأصلية كتبت بواسطة عاشقةالجنة     بدون عصير ولا سله شوكولاته والله الفاضيه توزع؟؟؟؟؟؟؟؟؟؟؟؟؟ امر شوي ويحمد ربه انا ما اذكر الا شرباته !!!!

ترى من حق البنت تشوف خطيبها ليش بس تنزل رأسها من الحياء من غير ماتشوفه يمكن هي ماتقتنع فيه ؟!
وبعدين ترى والله من صالح البنت من اجل يكون الزواج عن أقتناع من الطرفين
وحياها الله مانبي تقدم شي .
مشكوره عاشقة الجنة

[رحيل]

اقتباس: اخووي مازن .. شوف اذا انت واثق انك ماراح تشوفها زين اذا حطت العصير وراحت خل امك تتفاهم مع امها قبل تشوفها وتقول لها ان ولدي ((اللي هو انت )) يبي البنت تجلس على الاقل لو خمس دقايق عشان يشوفها لأنه يستحي وماراح يقدر يشوفها بلمحه واكيد بيتفهمون الوضع وبتجلس شوي ..

وشوله اللف والدوران يقول لأبوها ولا لأخوها إنه يبيها تطول شوي
ويصير كلام رجال لرجال

[بحر العطاء]

اقتباس: تذكرت أحد الشباب يقول بعد ماجلست حاولت اتكلم بشيء ماقدرت فقلت لها : ما أسمك ؟ ابوك ياللغه العربيه

هههههههههههههه ...دمعت عيوني من الضحك الله يقطع إبليسك

من هالحين كثرة الاسئلة ...مااسمك

اخوي مازن ...
طبعآ النصيب هو للي يحدد
من الظروري الجلوس شوي ...؟؟

في نقطة لازم تسويها هي الاستخارة قبل الشوفة ..لان بعض الناس يستخير بعد الشوفة ..قبل وبعد ...

[MiSs_7o0oRyAh]

[align=center]
[grade="008000 00BFFF 00008B 00BFFF 008000"]السلام عليكم ورحمة الله وبركاته[/grade]


اولا الله يوفقك ويجمع بينهكم بخير
والله يجعلها عين الخيرة

واهم شي استخير قبل تروح واسال الله انه يعينك ويوفقك

ثاني شي مسالة انه تجيب عصير او تجيب بخور هذا مالك يد فيه يعني ما تدري

ثالث شي انا من راي تلميذة الحياة انك تخلي امك تقول لانها تخليها تقعد شوي

لان بعض الاباء ما يقتنع بهالشي واذا قلتله يمكن يقول ماله داعي خصوصا ان بعضهم اصلا يرفض هالنظرة ويشوف مالها داعي
فخل التفاهم بين الحريم افضل وهي تفهم بنتها شو الملطوب منها

رابع شي اذا دخلت المجلس من الاول حاول يكون مكانك بعيد عن الباب علشان لو دخلت ابنت يمديها تمشي شوي وتشوف مشيتها شكلها زين مهب تقعد بطرف الباب وما تدري الا هي عندك

خامس شي ... اممممممممم وش بعد

ايه بعد ما تشوفها ولا تستعجل وترد عليهم بنفس الوقت
اذا رجعت للبيت استخير وتمهل

وربي يوفقك




•
•
•
[/align]

[امرؤ القيس]

مابقي الا تقوول ليش مانجلس نشرب انا وياها العصير واهلها يطلعووون براا


الا ماتبي تتصل على اخوها يجيبها للحديقة



المفروض النظرة من ثقب الباب وترى الثقب فيه مفتاح يعني خرم ابرة يكفيه للشووفة

او يجلس على طرف رصيف وهي تركب مع اخوها ويمرون وهم يمشون 120 في الليل طبعااا

يكفيييييي كذااا شوووفة

[بنت البدو]

اخوي مازن لاتربط الطلاق بموضوع النظرة

الطلاق له دوافعه واسبابه

اما النظرة فثق تماما انها لو زادت عن (كاس العصير على قولتك) كان كثرة الشروط وبحثتوا عن ماهو ابعد من ذلك