+[ يوميــــاتـ الاعضـــاء ,, تعــال و فضفــض ]+

[رعد الشمال]

تنبيه!!


الرجاء اخي الكريم عدم الاستهزاء والسخريه من المشرفين لتاديتهم عملهم

[بريداوية وأفتخر]

والله كل يوووم غييييير

بس الأغلبية الكمبيوووتر

[خـــــــــــــــالـــــــــد]

اخي الكريم بريداوي مزيون

الموضوع الجيد يثبت نفسه برفع الاعضاء له في حدود محوره الاساسي


و التثبيت راجع لتقدير مشرفي القسم فلديهم معايير للمواضيع التي تستحق التثبيت .



و موضوعك جميل فاسمح لي بالمشاركه ..

في ايام الدوام كالعاده صباحا الى الظهر في الدوام


و فور عودتي من عملي افتح منتدى بريده و التلفزيون على القنوات الاخباريه

الى ان يحين موعد الغداء


و بعد صلاة العصر اما اذهب لزياره او انجز بعض اعمالي

واعود مجددا لمنتدى بريده من صلاة المغرب الى وقت نومي اذا لم يكن لدي ارتباط او عمل

يتخلل ذلك جلسات مع العائله

[هدووء]

موضوع جميــل .. الله يعطيك العــآفيه بريــدآوي ..
عن نفســي برنــآمجي متنووع غير ثــآبت وخصوصــآ الحين عشــآن الإجــآزه ..
تقبل مروري ... تحيــــآتي ..

[هادي الطبع]

موضوع جيد


تسلم بريداوي



انا غالب الايام في الدوام صباحاً لحد الظهر ثم اريح بعد العمل ولى ادخل منتدى بريده
والعصر مابين صله للاقارب ومابين دخولي للانترنت والمغرب دخول للمنتدى والاخير دخول للمنتدى ولى زياره الاهل ثم العشاء ثم الخلود الى الراحه

[جنونكـ]

مشكور ياعيووني ’’’


بالنسبه لي انا <<< والعياذ بالله من كلم انا <<< طولها الأخ ’’

الصباح اروح للعمل << اخس يالعمل ’’ يؤ قصدي الدوام وهمن ارجع الظهر وهمن اتغدى وهمن اشرب كاس شاهي العصر اصلي وهمن انسدح بفراش وفكر وفكر لين يذن المغرب وصلي وارجع للبيت ’’ واجلس العب سوني

مع اخوي ناصر << للمعلوميه انا واخوي فقط من العائله ماعندي اخوان ’’

وهمن اروح للمزرعه هناك جلسة شيبان ورح مفهي عندهم اذا جيت شفروو << يحسبونن غبي مافهم ’’’

بعدين ارجع للبيت وهمن اسلم على امي وبوس راسها ونام ’’’

وتغطين وتقولي تصبح على خير ياسبدي <<< كلاك هع

واحط الجوال على المنبه ويدق ويدق ’’’ وتجي الشغاله ’’ يالله قم ’ واقوم والبس واتروش << لاتسالوني ليش هع

والبس ملابسي واشرب حليب <<< يقاله موهب شاهي به 2 لبتون ’’ واروح لدوام ’’ اكمل ولا يكفي ’’’

[جـــوان]

[color=#483D8B]

اقتباس:  المشاركة الأصلية كتبت بواسطة جنونكـ     مشكور ياعيووني ’’’ بالنسبه لي انا <<< والعياذ بالله من كلم انا <<< طولها الأخ ’’ الصباح اروح للعمل << اخس يالعمل ’’ يؤ قصدي الدوام وهمن ارجع الظهر وهمن اتغدى وهمن اشرب كاس شاهي العصر اصلي وهمن انسدح بفراش وفكر وفكر لين يذن المغرب وصلي وارجع للبيت ’’ واجلس العب سوني مع اخوي ناصر << للمعلوميه انا واخوي فقط من العائله ماعندي اخوان ’’ وهمن اروح للمزرعه هناك جلسة شيبان ورح مفهي عندهم اذا جيت شفروو << يحسبونن غبي مافهم ’’’ بعدين ارجع للبيت وهمن اسلم على امي وبوس راسها ونام ’’’ وتغطين وتقولي تصبح على خير ياسبدي <<< كلاك هع واحط الجوال على المنبه ويدق ويدق ’’’ وتجي الشغاله ’’ يالله قم ’ واقوم والبس واتروش << لاتسالوني ليش هع والبس ملابسي واشرب حليب <<< يقاله موهب شاهي به 2 لبتون ’’ واروح لدوام ’’ اكمل ولا يكفي ’’’

ماشاء الله تبارك الله ..ايه النزام ده ؟ ايه الحلاوة دي ؟
بصراحة ( فضفضتك) موتتني ضحك ..

خصوصاً سالفة الشيبان يوم شفروا ..

تلقاهم مصدقين أنفسهم إنه إنجازلا ويسمون هالحركة.. العملية :
(xwx89)على غفلة فلم آكشن ..


يا حليلهم ..










بالنسبة لي ..يومي كان مزحوم ( بالعكس) ..

الصراحة راجعة من حفلة أمس حالتي حالة ..

كلها ركض واستهبال ( نفش غلّنا من أيام الدوامات والإمتحانات)

فــ تضامنا معي ومع أخواتي ما طلعوا الأهل اليوم ..خليناها جلسة سواليف وقهوة ..



حنا من النوع اللي سواليفنا ما تخلص

يعني اللي يشوفنا يقول مستحيل هذولي خوات

طول الوقت مع بعض وطول الوقت عندهم سواليف ..

حتى أمي تقول أنتم منين تجيبون الكلام ؟



أحياناً تجي حالة تقفييييل وأمسك لي رواية وأقرا...

أو دفتر وقلم رصاص وأرسم


..حالياً أنا ما أشوف الكيبورد من الدوخة ..وكلها ربع ساعة وأقول تصبحون على خير ..


يعني لا تشرهون على الشخاميط اللي فوق ..والله لو أجيب شغالتنا كان عرفت تصف كلمات اطلق مني ..

سلام [/

[جنونكـ]

اقتباس: بالنسبة لي ..يومي كان مزحوم ( بالعكس) .. الصراحة راجعة من حفلة أمس حالتي حالة .. كلها ركض واستهبال ( نفش غلّنا من أيام الدوامات والإمتحانات) فــ تضامنا معي ومع أخواتي ما طلعوا الأهل اليوم ..خليناها جلسة سواليف وقهوة .. حنا من النوع اللي سواليفنا ما تخلص يعني اللي يشوفنا يقول مستحيل هذولي خوات طول الوقت مع بعض وطول الوقت عندهم سواليف .. حتى أمي تقول أنتم منين تجيبون الكلام ؟

ههههههههههههههههااااااااي ,,, اهم شي ’’ الكراث والفصفص الصامولي ولا خبز خباز ’’

ولا ننسى الفاين ’’ هع مسح بالكراث ’’ ارزااااااااااااااق ’’’

اقتباس: أحياناً تجي حالة تقفييييل وأمسك لي رواية وأقرا... أو دفتر وقلم رصاص وأرسم

اهم شي نبداء بالرسم عيوون وتظبيط بالرموووش ’’ هع

[بريداوي مزيون]

مشكووريييييين على ردوودكم

[ن م ر 666]

أنا يومي
من بعد الفجر أروح للدورة القرآن الكريم إلى الساعة7
بعدين أجي أنام
إلى صلاة الظهر أقوم وأتغدى وأجلس إلى العصر على النت
بعدين عقب العصر أروح للمركز الصيفي وأجلس إلى العشاء بعدين أجي وأتعشا
وبعدين أجلس عند المجد وأتفرش بعدين إذا صارت الساعة 12 رحت للنت إلى أذان الفجر
وهكذا يومي

أتمنى أن يكون حاز على إعجابكم

[بريداوي مزيون]

مشكووووووووووورررررر على ردك

[دينا]

اما انا<<<<<بدت تسولف
تعرفون الاجازه لاعبه في جداولنا
صايرن نوم اكل طلعه نت حاله والله مااحب الحوسه هذي
اما الحين تقدرون تقولون نوم للعصربعدها اقوم اتفنجل<<الانسه الي يسمعها يقول تموت بالقهوه ههههه
لا والله قهوه وتوكس وكندر واااااااااو<<<جاعت
وسوالف مع الوالده الله يطول بعمرها بعدها اطالع برنامج متابعته وبعدين العب كوره مع اخوي<<تكفين
بعد الغرب جلست ع النت الا اذان العشاء<<طولتي
طبعا اليوم بعد العشاء سيرت ع المشغل نسيت اقولكم قصيت شعري<<<قولو نعيمـــاً
بعدها رجعت للبيت<<<قولي والله احسبك جلستي تتمشين بشارع التحليه
اممممممم طبعا رجعت للبيت بين عشاء وبين امي
واخواني وبين النت للفجر
بس خلص اليوم
-------------------

ثانكس بريداوي ع المواااااااازيع الروعه

[..أناستازيا..]

هذا الموضوع غير مخالف ..

المطلوب : كل عضو يتحدث عن يومه .. و ليس تبادل الأحاديث مع الأعضاء ..


بريداوي مزيون .. شكراً لك ..

تحيتـــــي .. أناستازيا ..

[بريداوي مزيون]

العفو أختي اناستازيا

نسيت أقولكم يومي

انا يومي



نبدأ




الصبح من الساععه 7 أروح انام وأقوم العصر
والعصر أروح لم المركز لين الساعه 7:30
وبعدين أول ماأدخل البيت أروح آخذ إنترنت
إلين الساعه 7
بعض المرات ماأنام إلى 9 الصبح
وبعض المرات يتغير الجدول
يصير الصبح نايم والضهر
أقعد عند التلفزيون والعصر بالمركز
والــمــغــرب عــنــد أصــدقــائــي
والعشاء أدخل النت إلين الساعه 12
يعني كل يوم لي جدول يمكن العشاء
أروح السوق أتمشى أو اروح إستراحه
يعني فيه تغير مافيه أحد ماله تغير

تحياتي

[كسرة ملح]

مشكور على الموضوع..............

انا بالنسبالي هاجه شغالتنا الله يخويه فأقوم انظف ....اتغدى ....ارجع انظف .....عالمغرب اخلص
ولا يخلو اليوم من الصراخ والتولول على امي والكفوف لخواني الصغار .....

المغرب اتقهوى وبعدين اتابعلي فلم اومسلسل اذا ما كان فيه طلعه ......الساعه 2 ادخل النت........