عن المذيع الغبي أحدثكم .

[جلوي العتيبي]

قصمنجيه

الوجوه الإعلاميه في الفتره الأخيره كثير ماشاء الله لكن ربما لاينجح احد

المشكله في عبدالله الحصان وغيره أنهم يفتقدون إحترام الضيف يعني كانه جاي مغيب كذا كلمه ورد ومايدري متى يقولهم

التلقائيه والبساطه تعطي للبرامج الحواريه طابع خاص لكن اللي يقدمونه ربعنا نصوص محفوظه

شكراً لك

[لمبة شارع]

اقتباس:  المشاركة الأصلية كتبت بواسطة the-moon     أجل متابعه للأهلي ماشاء الله الأخت راعية كوره هع هع والله لا أعرف هالمذيع ولا البرنامج فشيء ماتعرفه لاتهرج به على فكره أنا مستغرب فيه أحد للحين يتابع القنوات السعوديه ... غريبه

ايه !!

انتبهي ياقصمنجية !!!

ترى انتي مطوعة ..!! وعشان انتي مطوعة لازم ماتطرين الاهلي والكورة حتى لو كان محمد العبدالله الفيصل قفز الى ذاكرتك عبر نافذة النادي الاهلي في حصيلتك المعرفية المتراكمة..لان النادي الاهلي كورة .والكورة فسوق وعصيان ...ولأن المطاوعة جزء من عباءتهم الحروفية عند طاري الكورة أن يقولوا (والعياذ بالله نسأل الله العافية) ..حتى ((يظهروا)) كمطاوعة...

ايه..

أجل ويش...؟؟؟

هو يصح مطوع وعليه مرزام؟؟؟؟

او مطوع وعليه كبك؟؟؟

او مطوع وعليه عقال؟؟؟

ماتجي...

هذي انماط لازم نحافظ عليها..مثل محافظة المذيع على وجهه المكترب المكتئب عشان الرسمية وهيبة المحطة وكآبتها ...

تصدقين ياقصمنجية مرة شفت مطوع ياكل همبرقر في مطعم هرفي !!!!!

اخس ..

مطاوعة آخر زمن !!!

المفروض يأكل الأسودان التمر والماء ثم يتسوك بعود آرااااااااك...!! بلا سيقنال تو بلا فسق وعصيان...
وفي المرة الجاية ياقصمنجية اكذبي وقولي اعرف محمد العبدالله الفيصل لانه احد الداعمين لجمعية التحفيظ في جدة!!

ايه حطي سبب يناسب الستايل المطوعي !!!

عشان تواصلين كرب وجهك على الشبكة !! وعشان ماتحوسين الطابور


ياسلامي عليكم يالسعودية

ياديار المطاوعة من كل الاوطاني

وش يقال له هذا !!ايقاله ملتزااااامي

ساقه عريض ولا حط مرزااااامي

وهو شفه يطعّس فوق النفودي

ويالمبة ماعيك زووووودي

[فارس الميدان]

قصمنجية القنوات السعوديه هي افضل مكان للتدريب الاعلامي حتى يصعد بعدها الى قنوات افضل

يعني القناه الي تابعتيها انتي هي المدرسه والي يكون فيها اخذ الخبرات والممارسه

بس لو شفتي قنوات اكبر منها لوجتي ان الاعلامي الذي كان في السابق في السعوديه خرج منها بعد صعوده وخبرته وممارسته الى قناه اخرى افضل منها ..

[:: ابعـاد ::]

.

.

لااخفيكـ اصابني مااصابني من القهر والغيظ وقلة النوم تلكـ الليلهـ

ليس بسبب المذيع ياقصمنجيهـ انما بسبب ذلكـ المتغطرس اللذي لم يشفع لهـ كبر سنهـ

رجل بالقبر ورجل بالدنيا لأن يتنازل قليلاً وينزل من ذلكـ البرج الخرطي ...

اتى مستهزأ وذهب مستهزأًً .. رجل افسدهـ الغرور واطغاهـ المجد ...

الرجال في نهايتهم يبحثون عن الأعمال الخيريهـ ...

وهو يكتشف الفنان الفلاني ويعطي قصيده للفنان الفلاني ....

ماعلينا ....

تلكـ الحلقهـ وصمهـ في جبين عادل عصام الدين وسقطهـ ليس للمذيع

وانما للمعد او من اختار هذا المتغطرس لكي يتحدث عن ابيهـ ...

اسألكـ ياقصمنجيهـ ماذا قال عن ابيهـ ... لم يقل شيئاً

كل ماحاول الحصان اخذ معلومات منه ضحكـ ضحكات تبط الكبد

والطامهـ حديث زوجتهـ ياقصمنجيهـ ورب البيت استحيت لها

قاعدهـ تغزل فيه ياحياتي ياعيوووني ياحيااااااتي انت يابعدهم كلهم ؟؟!!!

بدأت المكالمهـ بخرابيط وانهتها بقول انتم ماتعرفون عن عمي وعمتي شي

طيب اجل ليش المذيع جايب زوجكـ ... بصراحهـ الطيور على اشكالها تقع

وانتهت الحلقهـ مااستفدت اي شيء .... وكنت انتظر منهـ ان يستحي على دمه اشوي وينزل رجلهـ من على وجهـ المذيع ...

طوال الحلقهـ وانا اتمنى بتال القوس !!

احسن لي اسكت واعتمد الرد

.

.

[the-moon]

[align=center]

اقتباس:  المشاركة الأصلية كتبت بواسطة لمبة شارع     ايه !! انتبهي ياقصمنجية !!! ترى انتي مطوعة ..!! وعشان انتي مطوعة لازم ماتطرين الاهلي والكورة حتى لو كان محمد العبدالله الفيصل قفز الى ذاكرتك عبر نافذة النادي الاهلي في حصيلتك المعرفية المتراكمة..لان النادي الاهلي كورة .والكورة فسوق وعصيان ...ولأن المطاوعة جزء من عباءتهم الحروفية عند طاري الكورة أن يقولوا (والعياذ بالله نسأل الله العافية) ..حتى ((يظهروا)) كمطاوعة... ايه.. أجل ويش...؟؟؟ هو يصح مطوع وعليه مرزام؟؟؟؟ او مطوع وعليه كبك؟؟؟ او مطوع وعليه عقال؟؟؟ ماتجي... هذي انماط لازم نحافظ عليها..مثل محافظة المذيع على وجهه المكترب المكتئب عشان الرسمية وهيبة المحطة وكآبتها ... تصدقين ياقصمنجية مرة شفت مطوع ياكل همبرقر في مطعم هرفي !!!!! اخس .. مطاوعة آخر زمن !!! المفروض يأكل الأسودان التمر والماء ثم يتسوك بعود آرااااااااك...!! بلا سيقنال تو بلا فسق وعصيان... وفي المرة الجاية ياقصمنجية اكذبي وقولي اعرف محمد العبدالله الفيصل لانه احد الداعمين لجمعية التحفيظ في جدة!! ايه حطي سبب يناسب الستايل المطوعي !!! عشان تواصلين كرب وجهك على الشبكة !! وعشان ماتحوسين الطابور ياسلامي عليكم يالسعودية ياديار المطاوعة من كل الاوطاني وش يقال له هذا !!ايقاله ملتزااااامي ساقه عريض ولا حط مرزااااامي وهو شفه يطعّس فوق النفودي ويالمبة ماعيك زووووودي

تدرون ياجماعة اللي جايته الشكحه جميع يصير مبهدل عالآخر
تصدق حامت تسبدي أحلى ياقوي ماهمك شيء انت أفتح واحد هع هع
بالله مخك ما أسعفك إنك تفهم إني فهمت إنه تتابع كوره وبس قلت وين إلتزامك
بس بعض الناس يحب يطلع ******* من الشسموه ( مب الكبري وراكم عليه هع )
أنا ماقلت ليش تشجع ولا حرام وحتى لو قلت أنا حر وانت حر بعد لأنك بتهذر بتهذر الله لايعوق
إلا شجعي لين ينشحط حلقك وعمرك ما عقلتي وأنا وش دخلني
بعدين ترى حركات هاليومين اللي مسوي فيها مفتوح عالآخر ترى ملينا من هالسالفة
هذا وأنت شايب أكبر من راشد الله يرحمه هذي طيحاتك الله يخلف بس على بزران منول هع هع
ترى هالسوالف وهالخرابيط والتشدد منتهي من زمان والكبك والعقال كانت على عهدكم ياشيبون قريح
لكن مو نجي جميع على وجيهنا مثل بعض الناس اللي مسوي فيها أوبن الأوبن ويجيب طبلونه
كل شيء بالمعقول وملاحظتي كانت عابره ولا قصدت به شيء بس قفشه عاديه
لأن الموضوع مالي إطلاع عليه فما شاركت بذات الموضوع
لكن ترى الرد له أصل بالموضوع يعني لا يجي حدا هالمشرفين يقرى ردي ذا يروح يكنسل ردي الأول مفهوم


مايستفاد من السابق إن لمبه فاضي الليله ووده بأحد يقرق معه وأنا مب فاضي له هع[/align]

[مــنــال]

هههه أبعاد ..

يمكن من أسلوب المذيع عمل الحركات هذي ..

شفت مقابلة للأمير / محمد الفيصل في قناة ابو ظبي أو دبي مع نجاح المساعيد منذ زمن

عادي جدا ً كانت مقابلته و لم نشعر بهذا الغرور أو الغطرسة ..

عموما ً ياقصمنجيه ..

قرأت موضوعك قبل هذا الوقت و لكن لأنني أود التداخل بمشاهدتي لأحد البرامج في القناة السعودية

و كنت أحاول جلب اسم المذيع و البرنامج أو لعله يكون هو " عبدالله الحصان " و لكني لم أستطع ..

فقد كنا نشاهد برنامج يكرم أول دكتوره جراحه سعودية لممارستها المهنة لأكثر من عشرون عاما ً أعتقد ..

وقتها حقا ً لم يعجبني المذيع و شعرت أن أعلامنا متأخر جدا ً ..

تخيلي البرنامج " تكريمي " و الأسئلة ستكون للضيفه عن كيف بدأت و كيف مارست المهنة طوال هذه السنون وهكذا

و لكن الإعداد وهو قاموا بإستقبال اتصالات " إستشارية " قد شعرتها بأنها لازالت في المستشفى !!

غير نظراته التي أشعرنا بأنه " خائف " من الكاميرا ولازالت العدسة مصدر قلق و أرتباك له !!

صحيح إعلامنا يحتاج إلى تطوير و " إدارة تطويرية " وهذا لا يحدث إلا بوجود الشخص المناسب في المكان المناسب .

[قصمنجيه]

الأخ الرأي الأول .

صدقت , أيضًا الأخراج تحوم تسبدك منه , لكن الأمور من بعضها .. يعني إذا ما كان فيه أحترافية في انتقاء المذيعين فابتالي راح يكون نفس الوضع مع الأخراج و باقي الطاقم .. لأن الأمور تقام على طريقة الخبط و اللزق .

--------
أهلاً الكبري ..

بالنسبة للأعلام العربي إذا ما قورن بغيره فبتأكيد تظهر الفوارق الكبيرة و هي ليست لصالحه على كل حال, و لكن ربما المعضلة التي تواجه الأعلام العربي حتى الخاص منه , هي السلطة.. و غياب الحرية .. إلا في الإبتذال ..و و غيره الكثير من العوائق التي غيبت دور الإعلام الحقيقي , فبتالي أضعف هذا من ظهور كوادر أعلامية على مستوى عالي .. الكلام هذا عام و ربما يحتاج إلى تفصيل أكبر .

و لكن نرجع لأعلامنا المحلي فكوننا مختلفين عن العالم بكل شيء فبتالي راح يكون حتى بالغلط نختلف ... لكن بالنسبة للمذيعين الجيدين الذين من أنتاجنا المحلي, فربما هم أثنين الذي من وجهة نظري يستحقون الأحترام (حامد الغامدي) هو ليس محاور بالطبع و لكن يمتلك ثقافة واسعة و سرعة بديهة و عدم التكلف مع المشاهد و ذكي بنفس الوقت . الثاني.. بتال القوس كـ(محاور) فهو محاور جيد , و ذكي بنفس الوقت ..

----------

السمنسي ...

طيب لا تغز

-------

لون المطر بالنسبة لستفسارك .. فهو مذيع يأتي في برنامج أسمه cv و المذيع خلقه غبي .. يعني سيماهم في وجوههم ..
و بنسبة لتورعك و نصيحتك .. فمشكور و جزاك الله خيرًا ..

.

[لمبة شارع]

اقتباس:  المشاركة الأصلية كتبت بواسطة the-moon     [align=center] تدرون ياجماعة اللي جايته الشكحه جميع يصير مبهدل عالآخر تصدق حامت تسبدي أحلى ياقوي ماهمك شيء انت أفتح واحد هع هع بالله مخك ما أسعفك إنك تفهم إني فهمت إنه تتابع كوره وبس قلت وين إلتزامك بس بعض الناس يحب يطلع ******* من الشسموه ( مب الكبري وراكم عليه هع ) أنا ماقلت ليش تشجع ولا حرام وحتى لو قلت أنا حر وانت حر بعد لأنك بتهذر بتهذر الله لايعوق إلا شجعي لين ينشحط حلقك وعمرك ما عقلتي وأنا وش دخلني بعدين ترى حركات هاليومين اللي مسوي فيها مفتوح عالآخر ترى ملينا من هالسالفة هذا وأنت شايب أكبر من راشد الله يرحمه هذي طيحاتك الله يخلف بس على بزران منول هع هع ترى هالسوالف وهالخرابيط والتشدد منتهي من زمان والكبك والعقال كانت على عهدكم ياشيبون قريح لكن مو نجي جميع على وجيهنا مثل بعض الناس اللي مسوي فيها أوبن الأوبن ويجيب طبلونه كل شيء بالمعقول وملاحظتي كانت عابره ولا قصدت به شيء بس قفشه عاديه لأن الموضوع مالي إطلاع عليه فما شاركت بذات الموضوع لكن ترى الرد له أصل بالموضوع يعني لا يجي حدا هالمشرفين يقرى ردي ذا يروح يكنسل ردي الأول مفهوم مايستفاد من السابق إن لمبه فاضي الليله ووده بأحد يقرق معه وأنا مب فاضي له هع[/align]

[align=right]_يانهار أسود !!!!

_هاه ؟؟وش فيك؟؟؟

_ الواد مون !!!

_ وش فيه ؟؟؟

_ صار طابوري وجاب حاصله !!

_ أفااااااااااااااا ..!!!! طيب رح حاول تطلعه من الطابور...

_ طيب !! بحاول...[/align]


..............

مون.....

هالحين هذا وانت مون جبت حاصلك وكبيت غريفك !!؟؟؟

يعني عشان انا التقطت قفشة من مداخلتك ووظفتها في سياق رغبت في الاسترسال فيه بطريقة ساخرة تحسبني أوجه انتقاد لك أنك تستهزي في معرفة قصمنجية للنادي الاهلي؟؟؟

يا مون اذا صرت انت تفهم الامور بهذي الطريقة فما على أحد شرهة !!!

يامون الله يحفظك <<<أول مرة اكلمك جد ما تلاحظ؟ (اكرب وجهك لاتضحك تراني صادق).....اقول هذي القفشة اللي انت قلت على سبيل الدعابة المألوفة منك هي موجودة في العقل الجمعي المحلي كرمز للتدين وقلته انت بطريقتك الساخرة التي افهمها انا جيدا ولا يمكن ان اسيء فهمها ...ثم أخذته انا واسترسلت فيه باتجاه يناسب مسألة ارغب في التعبير عنها دون أن يكون لـ كونك ذكرت ذلك علاقة موضوعية..بل هي علاقة مناسباتية فقط...يعني أنت (طقيت لي بالطار وأنا رقصت ) فهمت يا .............!

يامون مش معقول كذا؟؟؟

مش احنا نسحب خيوط كلامنا من بعض ونسترسل على طريقة عدائي التتابع وكل واحد ممكن يعطي الثاني أداة السنترة وبذلك كل واحد يفتح للثاني آفاق حروفية ماجت على باله؟؟؟


جاي قاعد تهاوش وتشيل وتحط كأنك حدى الطابوريين !!!

أثاريييييك هناك في المجلس تقول كبك وعقال ومدري ايش....!!!!

اثرك يابعدي جاي هنا وحاطها مناحة وانا مدري ياغافل لك الله!!!

طيب علمني ..!! قل لي هناك يالمبة مر على موضوع قصمنجية بدل شغل التلميح اللي بلاطعمي !!


لا لا لا ..انت وعيون الصقر وراشد هاليومين مدري وش جايكم!!؟؟شكله اكتئاب بداية الصيف!!!

بالله عليك وش فرقك هالحين عن ابوحصان مذيع قصمنجية اللي بغى يفقع مرارتها..؟؟

وعلى كل حال تراها لك هالمرّة أما المرة الجاية تراني ابزعل....

مش ابزعل على شتائمك الساخرة المحببة أبزعل على سوء فهمك الغير معتاد...

هنـــّك تقول شي بالسطرين الاخيرين..!!

[قصمنجيه]

الكريم فوريو ...

طيب لا تغز على الفرهود
لكن بالفعل , بعض المذيعين أخذ يهتم بشكله أكثر بكثير من الأهتمام بمضمونه ... و هذا راجع لثقافة القشور التي نتحلى بها كمجتمع ... لكن بالنسبة لمن وافق على ظهورهم هو ذاك الذي وكل أمر ليس له ...


لمبة شارع..

بالفعل كما تفضلت , لو نظرنا له بشكل أعمق فهي نفس أشكال الناس مع الصحة و وزارة العمل و غيره .. و ضع الأشخاص بغير أماكنهم هذي ميزة تميزنا عن باقي الشعوب ولله الحمد . و حتى لو أتى الكفء تجد أمامه العراقيل الكبيرة , فبتالي يستسلم و يدخل في الفورمة _ أي فورمة الشليلية _

لكن بالنسبة لقولك نوعية التوثيق , و ضربك للمثل بأحمد منصور ,فأنا عشان كذا أقول الرجل غبي بدرجة أولى , فهو غير ملم أبدًا أبدًا أبدًا .. بالشخصية التي قدمها و هذا مادعى الضيف يتنرررررفز في كثير من المواقف ..
فأبسط الأشياء كان يجهلها . مما قال ..( يعرف عبدالله الفيصل بربع المملكة ..!!!!!!! )قال الضيف " أي المملكة..!! ربع الدنيا .. و القصة مشهورة ." حتى لما أتى في حديثه عن تأسيسه للكره في المملكة كان من المفترض أن تكون ملم خصوصًا إنك في قناة رياضية , كان كل شوي يجيك بعلومة تبين لك جهله بشكل أوسع , حتى المجتمع و التباين فيه في تقبل الأنفتاح كان يجهله . مما قال أن الأمير واجه صعوبة مع أهل الحجاز في تقبل الكرة ..!!! _ بالله عليك يا أستاذ لمبة عمرك قريت عن أهل الحجاز تشدد ..؟؟؟_قال الضيف : أي حجاز ..؟؟الحجاز لم يختلفون أختلاف ديني مع الحكومة .. الذين أختلفوا و رفضو الكرة أهل نجد .. قال لكن يا سمو الأمير واجه صعوبة .. قال : نعم مع نجد و ليس الحجاز يجب أن تفرق ...
الموضوع يطول عن غباء ذلك الرجل ,و غياب أي ميزة له تغفر له وجوده كمذيع ..

.

[لمبة شارع]

8
8
8
8

مادم الامر الى هذا الحد من الإغراق في الغرائية اللزجة فالحمد لله الذي شرفني وجنبني حظور هذه ال(خقلة)...

[قصمنجيه]

حنيش الملز ..
طيب ما تعطينا رأيك ..؟؟ و ألا لمبة كفى المؤونة .

---------

أهلاً موون ..
أيه متابعة كورة و أنا أختك , و بالمارية أعرف أنا أن عيال فيصل محتكرين الأهلي, مثل ما عيال السعود محتكرين النصر .. و لكن الفرق أن هذولا مخهم بروسهم .. و عيال سبحة الجيزاني برجليهم .

------------
هلا و غلا بفراشة ..

أكوس شيء بالدنيا أن كلن شايف اللي أنا شفت من خنوع .. يختي حنا مجتمع خانع لكن بالشكل اللي عليه هاك المذيع .. ماشفته .. حبيّب .. يمزعه الأمير ويجي يضحك يدربي راسه .. بس ما تلاحظين أنه مرتااع ..؟؟
لكن بالنسبة لزوجته ... ياختي ياختي ... مدري وش خلت لبيتهم .
.

[قصمنجيه]

اقتباس:  المشاركة الأصلية كتبت بواسطة لمبة شارع     8 8 8 8 مادم الامر الى هذا الحد من الإغراق في الغرائية اللزجة فالحمد لله الذي شرفني وجنبني حظور هذه ال(خقلة)...

لأ .. لا أوافقك على التورع عن مشاهدتها ..
لأن تلك الخقلة , تجعلك تتقرب إلى الله بشكل أكبر, بالتحميد على تفضيل على كثير ممن خلق .

[قصمنجيه]

الزعيم ..

لا يعني خلو الوجوه الأعلامية ذات الكفاءة العالية , يعني خلونا من المواهب و لكن الأشكال دائمًا في أبرازها و تدريبها .. و وضع مناخ صحي لها ...هذا بالنسبة للوجوه الإعلامية
لكن مشكلة الحصان أنه كان كلش من جنبها ... يعني لا أريحية و لا التلقائية مع المشاهد كما تفضلت .. و لا قدرة على محاورة .. و لا أي حاجة تؤهله .. يعني هذا لا ينتظر منه أي شيء .. فوجوده ينرفز حقيقة ..؟؟ غيره قد يغفر له موهبة مدفونة .. هو لأ ..

-------
فارس ...
ربما القنوات السعودية مكان تجريب أكثر منها تدريب ... بمعنى المذيع الموهوب يجرب بها الأطلالة على المشاهد و التعود على الكاميرة و هكذا .. و لكن تدريب بمفهوم التدريب فهذا يغيب عنها ... و أتفق معك في كون المذيعين الموهوبين تطورهم القنوات الآخرى , كونهم وجدوا بها الجو الصحي الذي تفتقر إليه قنواتنا المحلية .

--------

هلا و الله و غلا باللي بدينا ما نشوفه .. أبعاد .

نرجع لغيظك من الضيف صدقين لم يغظني بقدر ما أغاظني المذيع ياشيخة يحوم تسبدك الغبي حتى لو كان طيب .. مثل ما يعجبك الذكي حتى لو كان خبيث .. هذا ما حصل مع محمد العبدالله .. غطرسته و حدته هي حدة أبناء فيصل .. ففيهم رفعة الخشم , و الكبر .. و لكن لا يعني هذا أنه ليس فيهم مميزات, فأنا أعتبرهم أفضل بكثير من أبناء باقي الملوك .. سعود و خالد و فهد .. و حتى عبدالله .. فبهم الحنكة و القيادة و الثقافة و الذكاء .. أضافة للغطرسة و الكبر ... و الأزدراء ...

بالنسبة لمرته يا بنت الحلال اللي أختشو ماتوا ..


على جنب ..
بجد أعجبني أنك لاحظتي الرجِل ..
و لله ياهو رازة بوجه هالتنكة رزة يحبها قلبك ..


.

[الفيل المرح]

ماسح من الدش كله
مو حلوه
...,,,



ka_ka_998@homail.com)

[قصمنجيه]

اقتباس:  المشاركة الأصلية كتبت بواسطة الفيل المرح     ان ماشوف السعوديه كله!!!!!!!!@ ka_ka_998@homail.com)

اقتباس: ان ماشوف السعوديه كله!!!!!!!!@ ka_ka_998@homail.com)

طيب ممكن تروح ترقم هناك ...
أنا أستغرب حقيقة .. من تساهل المشرفين مع أشياء لا تستحق التساهل , و كربهم مع أخرى هي لا تستحق كل ذاك الكرب ..؟؟!!!!!!


.