الــمجــلس الإجتـمــاعـي /// لـ النقاش والحـوار الهادف !!

[فاطمة الوليعي]

مرحبا منول

اقتباس: بصراحة كلكم كوم و عرض أستاذتنا فاطمة كوم ثاني ، تقول تعال مع أهلك شووفوا بيتي و أنتم لسه بتنزلون صور ؟؟

وش فيها !!!!!

لا يصير فيها شيء وأنا على نياتي !!!!!


.. لأني والله .. أشعر بمعاناتهم .. لما كنا نعمر .. وبالذات في هذه المرحلة ..
والتي تعد أخطر مرحلة ..

واللي لو ما ضبطت ... راح تعب كل .. السنين ملح " سنين العمار "


,,,,,,,,

مرحبا شموس ..
عندي ملاحظة يسيرة ..

اقتباس: اما المجالس الرسميه يفضل بها اللون البيج مع اسقف من اللون الاغمق

من الناحية العلمية .. <<< حلوة العلمية .. " مالقيت مرادف لها "

أن لون السقف لابد أن يكون أفتح من لون الحائط ..

حتى لا يعطي .. ضيق للمساحة .. وأيضا الآن .. ديكور الجبس يأخذ حيز من الأرتفاع ..
فتخيلي .. لو كان اللون أغمق .. !!!

سيأخذ حيز أكبر ... ويعطي شعور بالضيق ,,

اقتباس: أنا الحقيقة يالمبة أنصحك بالآتي ومن واقع خبرة طبعاً لا تتعدى اللون الإرتكوازي الفاتح مع تعتيق بإرتكوازي غامق يعني يميل للبيج شوي صدقني إختك غلطانه هذا الكلام قديم هالحين تقدر تحط ثيل وتصير بيئتك خضرا مخضره وبالنسبة للأرضيات أنصحك بالبرتقالي الداكن مع تعتيقه صفراء فاقع لونها سبحان الله تعطيك راحة بالنفس ماتتصورها وزي ماقلت لك ركز على الجدران إنها تصير عشبية مع تعتيق أو خطوط أو تحديد برتقالي أو بنفسجي روح وبتدعي لي أم العيال وبالنسبة لأثاث روح لإيكيا أمس زرته بصراحه متكتك لأنه شوف هي المسألة توزيع يعني مثلاً غرفة الجلوس كنبة كلاسيكية لوحة كلاسيكية طاولة هادية أباجورة بزر نايم وهكذا بيطلع الأثاث مره حلو زي إيكيا أنا كل يوم أروح إيكيا مره حلوه وراااااااااااااااايقه الله يوفقك لمبه وتخلص بيتك وتسكن فيها وتخلف أولاد وبنات

ليه تتريق علينا يا مون ..
أكيد انك ما مريت بالتجربة ..

تشوف بكرا .. إذا جيت تسألنا هنا .. بلش .. ما راح نعطيك خبراتنا

اقتباس: ماشفت مشاركة فاطمة التي ماقبل الأخيرة إلا دوبي و لو شايفتها ماكان قلت إللي قلته سوى تذكير أخي لمبة بورق الحائط . حياك الله فاطمة .

وحياك أكثر يا منال ,,

لكن ليه تقولي كذاااا

بالعكس مشاركتك ثرية .. ومفيدة ..


باستثناء .. استخدام اللون الأحمر ..

لأنه لون " طاقتة خارجية " <<< أنواع الفلسفه

لذلك استخدامنا له .. يجب أن يكون وقتي .. وينحصر في تحفه أو ما شابه ذلك ..

لتعكس وتظهر بقية الألوان .." المتدرجة "

وهو أيضا لون محفز .. ولذلك أغلب مطاعم الوجبات السريعة ..
على مستوى العالم .. تستخدمه
وتدخله .. كلون رئيسي في الديكور ..

وذلك لإثارة وتحفيز شهية الأكل .. وبالتالي الشعور بالجوع ,,


وسلامتكم ..

يا زين الحوار .. لما يكون في مجال الاهتمام

[عازفة ألحان الليل]

[quote=لمبـة شارع;1364516]وعليكم السلام والرحمة ومرحبا اختنا الفنانة المبدعة..
بخصوص عتبك على الاخوة والاخوات بخصوص التفاعل والاستجابة فأرجو ان تتلمسي العذر لهم.. فطبيعة هذا المتصفح تقوم على حرية التفاعل مع مايرغب فيه العضو الموجود على التواجد دون تحرُّج من المداخلات الأخرى..والقصد هو عدم تقييد احد بالحدث فيما لايهمه أو لايجد عنده الآن مايضيفه بخصوصه...أو ربما تطغى مداخلة على غيرها فتستأثر بقدر من التداخلات فتتراجع المداخلة السابقة في الصفحات السابقة دون أن تأخذ حقها من التفاعل..وهذا طبيعي في هذا المتصفح...

يعني القصد من كلامك ان بعض الاعضاء يردون على الي هم يبون
وحتى انا اقدر ترا اصف من هالكلام وملى الصفحة عادي ترا مب صعبة
بس انا ؤؤمن بخير الكلام ماقل ودل
ويكون بعلمك في كثير بالمجلس يقولون كلمتين لا كن على طول يردون عليهم
لاكن مانقول الا حسبي الله عليكم ..

[إشراق]

أخ لمبة شارع

أنا صبغت غرفة النوم أصفر بس مو فاقع مره

ونفس اللون دخلته على الديكور بالسقف بشكل دوائر يعني طلع السقف أبيض منقط

بأصفر

وصراحه طلع روعه مع الاثاث لأنه حطيت كل ستاير ومفارش وخداديات والاريكه أصفر نفس لون

الجدران ومن قماش واحد


والموكيت اخترته أصفر ببيج لانه الغرفه خشب بيجي


ومصورته بكاميرة فيديوا بس ماعرف احملها للجهاز ولااعرف احملها هنا

وبصراحه من شافها انهبل عليها

ولا أحس اللون ممل بالعكس مبهج ومرح

خساره نقلنا من بيتنا وماصبغت الغرفه اصفر حطيت العفش على ماهو عليه ابيض

والله ياهو ممل بشكل حتى الاثاث اللي متكلفه عليها ماطلعت شي

لانه الوان الجدران تراها تعطي لمسه خياليه للأثاث وتبرز تعبك باختيار الأثاث

[الملتاعه]

[align=center]لمبة شارع

شوف لونين من التعتيق إحدى غرف بيتي




[/align]

[مــنــال]

هلا فاطمة ، لا مافيها شيء ولا قصدت اللي فهمتيه

بل أقصد هم لـــســـه بينزلون صور !!

لكن إنت ِ ماشاء الله اطلعتي أخي اللمبة على وجهة نظرك ودعمتيها بدعوة لمنزلكم الطيب ، شعرت أن عرضك

أقوى و لربما يكون مقنع أكثر



الملتاعة ..

ماشاء الله تبارك الله ..

لكن حقيقة ماعجبني رسم التعتيق ..

الا ّن طلع رسمات أحلى و أجدد و لو محد يقول أنه تعتيق نحسبه ورق من كثر ماهو مضبوط و مرتب .

الظاهر يبغالي أصور أنا كمان

[الملتاعه]

منال يا حبوووبه هو فيه رسم هذا

بس مب واضح

[رتاج]

اقتباس:  المشاركة الأصلية كتبت بواسطة الا ّن طلع رسمات أحلى و أجدد و لو محد يقول أنه تعتيق نحسبه ورق من كثر ماهو مضبوط و مرتب . :)[/center     [/b][/size][/font]

اعتقد يا منال انك تقصدي بوية الطابعات مثل الورق والرسم اللي فيها زي الحفر مرررره حلو وتعطي البيت فخامة تصلح لشقة الضيوف
وكمان طلع بوية الشاموا مررررره ناعم تصلح لغرف النوم
اما الممرات طلعوا الناس يحطوا من الحجر الاردني يصمم بأشكال جداً رائعة

اما التعتيق والترخيم اعتقد انها موضه قديييييييييييييييييييييييييمة

.................................................. ................

الملتاعة
منزل مبارك بسم الله ما شاء الله ذوقك رائع وصوره التانيه الرسم واضح فيه اكثر

[مــنــال]

هلا رتاج ، صباح الخير ..

اقتباس: اعتقد يا منال انك تقصدي بوية الطابعات مثل الورق والرسم اللي فيها زي الحفر مرررره حلو وتعطي البيت فخامة تصلح لشقة الضيوف

لا لا رتاج أنا أتكلم عن التعتيق لطالما حطوا صور ، الا ّن فيه تعتيق أحلى من كذا و ماتعرفي تفرقي ما إذا كان ورق أم تعتيق لجماله و الشغل مضبوط ايضا ً.

اما بالنسبة للورق و الرسم هذا شيء مايحتاج نتكلم فيه لأنه رائع جدا ً و ذوق وأشرت و نصحت أخي لمبة فيه

بدل الصبغ و التعتيق .

اقتباس: اما الممرات طلعوا الناس يحطوا من الحجر الاردني يصمم بأشكال جداً رائعة

صحيح و كمان ممكن ينعمل من نفس " الديكور " مدخل و كمان رفوف للكتب و يطلع شكله مررره رائع .

اقتباس: وكمان طلع بوية الشاموا مررررره ناعم تصلح لغرف النوم

صح عليك رتاح ، شفت الشاموا قبل شهر مع خالتي يوم غيرت بيتها مرررره كان حلووو وفخم ..

[شموع تحت المطر]

[شموع تحت المطر]

تفضلوا بزيارة متصفحي...بقسم الديكــــور..
هنــــــا

[بنت البدائع]

الملتاعه يابعدي تعتيقك هو اللي أنا أقصدة مررررة روعه

مع أنه مو واضح زي وضوح الطبيعة

بيتك زي بيتنا نفس التعتيق ولون الأثاث بني

لايق مرررة ..

[شديد الملاحظة]

الأخ الكريم : لمبة شارع

أنا قدّر الله عليّ وقرّرت أسوي خطة تغيير وانقلاب شاملة على كل ماهو موجود بالبيت ! أغير ديكور بيتي وأعتق الجدران, وأهد بعضها بعد ..... الخ وخسرت فيها سبع كيلو على الأقل من وزني بالإضافة إلى غيرها من الأشيــــــــــــــــاء ! ! >>>>>>>>>>> مقدمة معتادة لتحسس الجيوب من أصحاب القلوب الرحيمة ... هــــه

وقعت طال عمرك فيما وقعت فيه من الحيرة وأكثر وأصبت من حولي ( زوجتي , الدهانين , مهندس الديكور , المتابعين المقرودين اللي ابلشو بي وكأنه بيتهم : متى تخلص ؟ وش تسوي أنت للحين ؟ بيتك طلع له سنون وقرون !) >>>>>>>>>>> حشا صار قصر .. بالقرف والملل من تخبطاتي وعدم استقراري وعدم وضوح رأيي واختلاف مزاجي عن مزاج زوجتي ومهندس الديكور لدرجة تقارب العكس ! فأنا ( باعتباري عصبي وقلق نوعا ما ) كنت أفضل الألوان الهادئة والفاتحة اللي تساعد على تعديل مزاجي بعكس زوجتي ومهندس الديكور اللي كانوا يفضلون الألوان الغامقة والألوان الجريئة وربما الصارخة ! ويبررون هالشي بانه يعطي المكان نوع من الفخامة ...هذا الأمر طبعا ماكان يتعلق بس بألوان الجدران ..... لا ! كل شي ! الجدران , الدرابزين , الأرضية , الأشكال الجبسية , الكهرب والإضاءة , الأثاث المقترح اللي مابعد تم شراؤه للحين بسبب الدجّة

وَضِعت أنا بين قناعاتي الشخصية ومزاجي الفريد وقناعات زوجتي وبين الخوف من إعادة ماتم عمله من أول وجديد نتيجة الزّنّ على الدماغ ( وقولة وع , ولو انك طايعن , وياما قلت لك بس ماتسمع الكلام , واللي مايطيع يضيع وغيرها الكثيرمن عبارات التقريع والتوبيخ الزوجية المعتادة ) وخاصة إنها دايم تستشهد لي بكذا فلة من أقاربها والمهندس اللي يعرض علي اقتراحاته ! >>>>>>>>> للأسف اتفاقي معه كان في وقت لاحق لبداية الشغل علشان كذا ماكان فيه وقت كافي يرسم لي تصاميم وآخذ وقتي أنا وزوجتي باتخاذ القرار ........وكانت زوجتي تهوّن علي اتخاذ القرار وعدم اعتباره مغامرة مثل ماكنت أردد دائما كجملة أخيرة أنهي به حواري معها المتأزم أصلاً بقلقي وحيرتي !

المهم ! قلت مافي إلا أسوي حل وسط بيني وبينها ! ( تسوية يعني ) بس اشلون !؟
وبديت أستعرض أنا وياها الحلول المقترحة ! ونفذت أغلب العمل باسلوب مقارب يجمع قدر المستطاع بين مزاجي ومزاجها بس بشق الأنفس وياما سويت شي ورحت أهدّه مرة ثانية ! ( نتيجة الحلول الوسطية )

ياساتر! بديت أحس بالصداع وزفرات القلق يوم تذكرت ذيك الأيام المليانة بالتخبط والحيرة !

تصدق ياخي لمبة اني كتبت كلام عن مراحل العمل بهالرد ومسحته ؟ مالي خلق والله أتذكّر ولا ودي بعد أوجع راسك بشي مايفيد ! ولا أعتقد ان الاقتراحات المحددة بالألوان وأشكال الديكور ونوعيته راح تكون مفيدة بالنسبة لك .. لأني أظن مهما كان عند الواحد خبرة بهالشي لايمكن تعطيه الحق باقتراح محدد في مكان محدد بقولة حط بالمكان الفلاني كذا والمكان العلاني كذا للأسباب التي راح أذكرها لاحقا . و للأمانة أيضاً أنا كتمت أمر تفاصيل العمل ببيتي لسبب إضافي آخر هو انه فيه ناس معنا بالمنتدى أعرفهم ولايعرفوني , وإذا كشفت التفاصيل راح يعرفوني ....



<<<<<<<<< وش يبي ذا أجل !؟ وش مدخله بالموضوع من أصله إذا كان هذا رأيه !؟

أنا راح أحاول أعطيك بعض النصايح اللي تعلمته من هالتجربة واللي راح أطبقها إذا فكرت أعيد التجربة في بيت ثاني ان شاء الله :

أولا : لازم يكون العمل منظم ومعد له إعداد جيد منذ البداية ولازم يكون فيه تصور شامل لكامل الخطوات بداية من الأرضيات : لونها , نوعيتها , الخ إلى الجدران والأسقف إلى الجبس ومايندرج ضمنها من تشكيلات مختلفة على الجدران والأسقف والزوايا إلى الإضاءة والكهرب إلى شكل الديكور واللمسات الجمالية المقترحة بالزوايا وغيرها ! يعني قبل ما تبدأ الشغل مو مثل ماسويت ! بديت وبعدين قلت وينك يامهندس ! غُلب حماري !

ثانيا : لازم تضبط شغلي على قدر ميزانيتي المادية .

ثالثا : الاستعانة بمهندس ديكور داخلي لوضع التصاميم كاملة على الورق المطبوع بالحاسب وبالألوان للعمل المقترح وأخذ الوقت الكافي للتعديل والإضافة بحيث تتخلص من المفاجآت واللخبطة وإعادة التفكير ومن ثم إعادة العمل . ( أستغرب من اللي يستخسرون يدفعون ألف ونص لمهندس الديكور ومستعدين يعيشون بحيرة في اتخاذ شكل الديكور والألوان المناسبة ومستعدين بعد يهدّون اللي بنوه ويعيدون بنائه بمبالغ أكبر بكثير !!! )

رابعا : لازم يكون لشخصيتك ومزاجك ومزاج ورأي اللي يسكنون معك دور بشكل الديكور والألوان ونوعيتها وكل شي..... وتأكد أنك مهما عملت لن تصل إلى القمة حتى أنت وأهلك لن تبقوا على مزاج واحد فلاتشطط على نفسك .... هذا من جهة ! ومن جهة أخرى لاتتكل على رأي مهندس الديكور الداخلي فقط ! حسب خبرتي كل مهندس له نظره مختلفه ويحاول يفرض شخصيته على العمل ! عندك مثلا مهندس الديكور الموجود بمحل لمسات اللي على طريق الملك خالد يحب الألوان الهادية والفاتحة والتعتيق الناعم , غير اللي موجود بمحل رتاج بمحلات الراجحي اللي يفضل الفخم ولايهمه تكاليف العمل والتصميم لذلك يتعامل غالبا مع أصحاب القصور , غير المهندس رضا الموجود بوكالة الحمود للدعاية والإعلان الجريء بطرح الألوان والتصاميم ويفضل دائما الألوان الغامقة والسادة وعنده بعد تصاميم جاهزة للاطلاع عليها _ إذا حبيت _ على سي دي ومن أعماله الخاصة وممكن يمسك تنفيذ العمل والإشراف عليه بشكل كامل , وفيه بعد على نفس صفّة المحلات اللي فيها رتاج محل تجيب له شكل الديكور المقترح مطبوعا على الكومبيوتر أو مأخوذا من مجلة أو موقع انترنت وينفذ لك العمل بشكل كامل ولهم مصنع متخصص بالرياض في تنفيذ الأعمال المطلوبة وعمالة متخصصة خاصة فيهم على حسب علمي .

خامسا : لازم توسع ثقافتك الشخصية في العمل الفني اللي تبي تسويه ! مثلاً التعتيق مو واحد ! فيه القماشي وفيه عن طريق المسدس وفيه عن طريق الفرشة وهذي أشياء يعرفها الدهانين اللي يتفاوتون في مستوى الشغل وأجرة إيديهم وغالبهم يقولون لك نضبط الشغل لكن إذا اطلعت على عملهم تلقى الواقع مختلف عن كلامهم , وخاصة في التعتيق اللي يعتمد بالدرجة الأولى على مهارة اليد والخبرة السابقة في تنفيذ عمل مشابه ! ونفس الشي ينطبق على البوية المكسيكية ( البوية على المعجون ) , والبوية المطبوعة , وورق الحائط وغيرها من أنواع الدهانات والملصقات الجدارية .

سادسا : العمل لازم يكون متناسق بحيث يكمل بعضه بعضا ويكون بالنهاية له فلسفه خاصة وموحدة إلا إذا كان البيت ضخم جدا ( قصر يعني )!............ يعني لاتحط بزاوية الصالة شكل ديكور على النمط الأوربي اللي يعتمد على الفخامة وبالزاوية المقابل لها شكل ديكوري ثاني ناعم وهادي ! مو بس بالصالة... لا ! .. ديكور البيت كامل ! علشان كذا استغربت منك لما طلبت المشورة يا أخي الكريم وش تحط لون التعتيق !! لازم يكون لون التعتيق جزء مكمل لما قبله ومابعده ! ومتناسق مع الديكور العام للبيت ومتداخل معه ! واستغربت أكثر من اللي يقولون حط اللون الفلاني بالمكان الفلاني !!! يعني ممكن هم يعطونك مبادىء أو سياسة عامة لاختيار اللون أو يقولون اللون الفاتح يعطيك مساحة أوسع لكن اللون الغامق يعطيك فخامة بس أنا رأيي انه تحديد اللون صعب إلا إذا كانوا مطلعين على العمل بالبيت بشكل كامل !

سابعا : لو كان الأمر بيدي أو استقبلت من أمري ما استدبرت لكنت غيرت تفصيل البيت بشكل جذري وخاصة الدور الأرضي المليء بالممرات والغرف المقفلة وفتحت الصالة على المقلط ومجلس الحريم على الصالة والمطبخ على مجلس الحريم , وألغيت الممر الفاصل بين مجلس الرجال ودورة المياه , مع الحفاظ طبعا على الخصوصية المطلوبة في حال تواجد ضيوف غرباء ! ولا أخلي شي مغلق إغلاق تام بِباب وجدار وقفل إلا دورات المياه وغرف النوم ! مو مثل بيوتنا وتفصيلها التقليدي ! البيت صاير كنه مخافق حمام على طراز بيوت الأولين أيام كان البيت بيت حموله ... أيامها كان 90% أو أكثر من الحريم اللي بالبيت تغطىّ عن 90% أو أكثر من الرجال ! وهذا التفصيل الحديث يعرفه مهندسين الديكور الداخلي أكثر من مهندسين التصميم المعماري ..

أخيرا : ربما كان من الأولى ترتيب تلك النقاط بشكل أفضل ولكن هذي مشكلة كثرة الهذر .. عاد أنت خذ وخل !

اعذرني كثّرت الهمق فيما لايفيدك أو قد يفيدك .. أتمنى لك اختيار موفّقا ..

تقبل تحياتي ..

[مــنــال]

ماشاء الله تبارك الله أخي شديد الملاحظة ، قرأت ماكتبته و بالفعل نصائح ثمينة و متأكدة أن أخي لمبة سيستفيد منها .

جزاك الله خير على هذه الفوائد .

اقتباس: أو يقولون اللون الفاتح يعطيك مساحة أوسع لكن اللون الغامق يعطيك فخامة بس أنا رأيي انه تحديد اللون صعب إلا إذا كانوا مطلعين على العمل بالبيت بشكل كامل !

نعم مطلعين على مداخلته الأولى الذي قال فيها أنه سيبدأ في مرحلة تحديد الألوان و بالفعل أخي شديد الملاحظة

اللون الفاتح يعطي اضاءه للمكان و انشراح أكثر و هذا عن تجربة و ليست قراءة فقط .

و حياك الله أخي و شكرا ً لك َ عرض تجربتك و إن شاء الله يستفد منها الجميع هنا .

[بنت البدائع]

أبنزل هذة الصور وعسى الصورة تكون واضحه ..



هذا معتق بألوان بيج فاتح مع بيج غامق وينفع معه الأثاث البني

مثل ماهو موضح بالصورة الثانية







عاد لاتطيرون عيونكم على الكراتين اللي تحت تراه عيب بس شوفوا نوعية التعتيق


والباقي أنزلة وقت ثاني

[فاطمة الوليعي]

اقتباس: سابعا : لو كان الأمر بيدي أو استقبلت من أمري ما استدبرت لكنت غيرت تفصيل البيت بشكل جذري وخاصة الدور الأرضي المليء بالممرات والغرف المقفلة وفتحت الصالة على المقلط ومجلس الحريم على الصالة والمطبخ على مجلس الحريم , وألغيت الممر الفاصل بين مجلس الرجال ودورة المياه , مع الحفاظ طبعا على الخصوصية المطلوبة في حال تواجد ضيوف غرباء ! ولا أخلي شي مغلق إغلاق تام بِباب وجدار وقفل إلا دورات المياه وغرف النوم ! مو مثل بيوتنا وتفصيلها التقليدي ! البيت صاير كنه مخافق حمام على طراز بيوت الأولين أيام كان البيت بيت حموله ... أيامها كان 90% أو أكثر من الحريم اللي بالبيت تغطىّ عن 90% أو أكثر من الرجال ! وهذا التفصيل الحديث يعرفه مهندسين الديكور الداخلي أكثر من مهندسين التصميم المعماري ..

هذه الملاحظة .. في غاية الأهمية ..

فوضعنا الاجتماعي .. وتركيبته تغيرت .. ومع ذلك
لازلنا نرى .. نفس التصاميم السابقة ,,

بيتي مساحته مساحة دبلوكس .. يعني مساحة محدودة جدا...

فكان لزاما .. التخلص من سلبيات التصاميم القديمة .. لاستغلال أمثل للمساحة ..

وفعلا .. ألغينا " .. " سيب " الرجال .. ودخلت مساحته مع المجلس ..

فصار صالة مستقلة .. ومساحته رائعة مقارنة للمساحة الكلية للبيت

وكذلك غرفة النساء .. خليناها مفتوحة على الصالة الرئيسية .. وبمستوى أعلى قليلا

فأوحت .. أنها صالة جانبية صغيرة ..

وأعطت مساحة خيالية للصالة رئيسية ..

ولا تقارن بالبيوت المماثلة لنا .. في المساحة ..


وبالمناسبة .. جاءت هذه التعديلات .. بعد " العظم " .. يعني أنواع الغرابيل

بس الحمدالله النتيجة مرضية .. وهذا المهم ,,




أخي شديد الملاحظة :

شكلك ما شاءالله خبرة .. هل ممكن .. تدلني مشكورا
عن المحلات التي تبيع " ورق الحائط " ببريدة

وجزاك الله خيييييييير