بسم اللة على بركة اللة..
بستبيح العذر منكم والسموحه ... كاني ابطيت بالرد اعذروني
1- مامدى علاقتك بالشعر؟
علاقة ود ومحبة"لاغنى لي عنة"
2- من هو شاعرك المفضل ؟
ليجذبني أسم الشاعر بقدر مايجذبني الكلمات التي سطرت على الشطور لذالك كل الشعراء فيهم الخير والبركة..
3- اعضاء في منتدى بريدة كم تثق في ذائقتهم الشعرية ؟
فترت أقامتى ماسمحت لي اتذوق شاعرية الاعضاء
ولكن كل الاعضاء فيهم الخير والبركه انشاءالله..ولكن منهم مشرفنا الشاعر "الهرم"والشاعر موسى العناز..تذوقت ذائقتهم الشعرية سواء من ناحية الالقاء او الكلمات>>الي يتوقيعهم..أهنيهم على ذالك فهن راقا لي جدا..
أما من ناحية تصفحي لي مدونات بعض الاعضاءفهم"طبيبة القلوب.عاشقة القصيم.أميرة قلبي.الامل الضامي.عادل الحبيتر.البدر .الفتى الذهبي.عطر الليل.اليـن اليوم"وغيرهم كثير ولكن لايحضروني الان أتمنى يعذروني أذلم أذكرهم..فاكلهم فيهم الخير والبركة..
4- بيت شعر يحضرك دائما ؟
وش بقى دام الرّجال تنقّل علوم الحريم....يعني عادي يوم ألخبط بين رجّال و مره.
أيضا..
لا يغرك وٍقـتي الحاليـﮯ عجاج ,
مايجيـﮯ بعد العجاج الا ( مـطر )
5- قصيده تعدها من اروع القصائـد ؟
جاني يقول لاتنسي من أكون ... أنا حلم كل بنت بهالكون
يابنت أنا ولد فـــــــلان... ولي جاه بين الناس ومكــــان
أنت من تدخلي أي مجلس اومكان... قولي بس فلان " فــــلان"
والا أقولك من غير ماتقولي فلان... بتسمعي أسمي نغم على كل لسان
وبتقولي يابخت هالانسان... والله سيد هالزمان
وبتكوني بس معي سيدة هالزمان... وتشوفي الدلال كيف والعز والسلطان
تصدقي أنا كل صيف اقضيه بـ"كان"... شفتيها أو شكلك مارحتيها من زمان
بس لايهمك راح أخذك معي و لكل مكان... وتشوفي كيف عايشه الناس بجنان
و...
"قطعت عليه حكيه وأحلام مالها بقلبي مكان"
قلت هونك هونك علي يافلان... باين عليك غلطت بالعنوان
همومي ماهي صيف ب"كان"
ولا مال ولا حتى أكون بنت سلطان
همومي أكبر من حكيك والزمان... همومي اكبر منك ومن هالزمان
لكن عندي لك سؤال ياولد فـــــــلان؟؟
ولا تظن سؤالي "كم رصيدك بالمليون
أو عفوا بالبليون ؟؟
أوكم عندك من سياره وكم لون ؟؟
أو ياترى هالمره بتصيف بأي مكان بهالكون ؟؟
سؤالي بما أنك سيد هالزمان
هو ياترى العز اللي أنت فيه والسلطان
يشري الفرح... يمحي الحزن
يعلمك النسيان
ينسيك الحرمان
أو يجردك من مشاعر كانسان... وينسيك كل ماكان
بيخلي الفرح لك عنوان
يحسسك بالامان
يمحي من حياتك هموم واحزان
ويطفي جوا قلبك نار و بركان
أبسألك
هو بيرجع اللي مات واندفن
ويقصر ليل الحزن
هو مايخليك تفارق أهل وأحباب وخلان
هو يوقف ساعات العمر والزمن
يخليك ترحل بلى ذكرى ووجه حزين
وماياخذك لدرب الوله والشوق والحنين
اوياترى يرجع ايام عمرك والسنين
وتلقى احبابك بشوق لك منتظرين
أبسألك هو حقيقي انت لو رحت كل ديره وكل مكان
ولو درت الكون مليون
بتنسى همك والاحزان
أو تزيدأحزان فوق أحزان
أو تجردك من مشاعر كانسان؟؟
جوابني ليه تطالعني هاللون
تبي اسكت ماكمل ولا يهمك ولا تهون
لكن اسمح لي اقول تبقى غلطان
وصدقني غلطت بالعنوان
همومي ماهي صيف ب"كان" ولا مال ولا اكون بنت سلطان
همومي اكبر منـــــــك ومن هالزمـــــــــان
أنا كان حلمي قلب شاعر وفنان يملى حياتي حب وحنان
يجيني دوم بشوق ولهان يعوضني عن ايام الشقى والحرمان
وينسيني همومي والاحزان يحسسني معه بالامان
ويكون لي جنه وروضه وبستان فيها أحلى الألوان
ورود صدق وفاء واخلاص وعرفان
بس خساره الزمن ماله أمان
قتل حلمي و لقيت الكل خوان
حلمي ماهو بهالزمان
مـــــات الشاعر ومـــات الفنان
وصار الزمن
أنا فـــلان أانا ولد فـــلان
عزاي ياحلم ياحب ياحنان
لكن قبل مارحل بقولك ليه سألتك هالسؤال
يمكن ياخذك الفضول
راح اريحك واقول
لان ياسيدي اللي تفتخر فيه مايعني لي ولا عنوان
و أنا لي قلب انجرح من كل انسان
وأنا الحزن صار لي عنوان
وأنا الفرح ماله بقلبي مكان
مقبره فيها ملاااااايين
أنا عنوان لكل أنسان حزين
أنا قلب نصبت فيه خيام للبائسين
ياسيدي انا روايه مو في عالمك ولا عالم كان يامكان
أنا روايه بعالم القهر والحرمان
عالم الخـــــــــوان
عالم الخــــــذلان
عالم النســـــــــــــيان
وقلت الوداع حان
و الدرب قدامي طويل
والتفت التفــــــــــت
وبعد مامشيت خطوتين
ناداني قال لحظة قبل ماتسرين
عندي سؤال لازم أسألك الحين قبل ماتمسكي الدرب وتبعدين
ومدري القاك او مالقاك بعد سنين
قلت اسأل انا واقفه يمك الحين
قال أنتِ بنت مين؟؟؟!!!
؟؟؟؟؟
طالعت السماء فوق والليله كانت قمرا
وغصب عني سالت مني الدمعة
هي دمعة قهر
أو دمعة حزن
أو دمعة فخر؟؟
نعم فخر
قلت له بعالي الصوت
وأقولها بكل صوت وبكل فخر
انا مو بنت امير ولا تاجر ولا وزير
أنا بنت فقير
أبوي رجل فقير
عاش فقير
ومات فقير
وأفتخر انه ابوي الفقير
أهو مثل البحربس مو بجاهه وكبر منصبه بقوته بعزته بقلبه الكبير
أهو مثل النهر جارف مو بماله وفلوسه بحنانه وحبه اللي دوم بدمي يجري
أهو مثل الشجر مات وهو واقف رجله ماوطت درب الخيانه ولا العار
أهو مثل القمر مو بغروره وبمكانه اللي فوق كل البشر
بنوره اللي ينور ليل القهر
أنت تشوفه مره في الشهر
بس أنا أشوفه كل يوم وكل شهر وكل الدهر
بعيوني عايش بقلبي عايش بروحي عايش
مايموت لو يموت كل البشر وكل الشجر
ويجف النهر والبحر
أقولها بكل فخر
بنت فقير
وأنا بعده صرت عابرة سبيل>>أهداء لروح والدي "رحمة اللة"
6- اذا لم تكن شاعر .. هل لك محاولات في كتابه الشعر ؟
تمنيت أن لدي موهبة شعر..لكن الحمداللة على الحال شي ولاولشي محاولات"الخواطر "أكتفي بها>>ممكن مع الزمن تتحول الى شعر..
7- لك مساحه بلآ حدود امتعنا بقصيدة على ذوقك ؟
|علم غرورك عزتي مالهاحد|
إن كان تحسب عزتي تحت أياديك ....علم غرورك عزتي مالها حد
وإن كنت بايعني وأنا قبل شاريك....اليوم أبيعك وأقطع الوصل وأصد
لاتنخدع في كلمتي ياهلا فيك ....ولاتنخدع لو قلت حبك تجدد
أول ترى بالهجر ماني بناويك....مستبعد إنك تنكر الحب والود
لين إنكشف قصدك وبانت مواريك....طعنتني والغدر من صوبك إشتد
كم قلت لك مليون مره ترى أفديك ....لاكن حسافه غلطتك دوم تجحد
وكم قلت لك إحذر من إني أجافيك....لاتزيد غلطاتك ترى الحال منهد
لاكن هذا إنت طبعك يوديك....إنت الخيانه والغدر فيك مولد
تقدر تجيب القمر تحت رجليك ....وتقدر تحط الشمس على راحة اليد
وتقدر تذل قلوب نفس تداريك....وتقدر تجيب من الحجر مويت الورد
لاكن لوجيتني مع أولك وتاليك....مع القمر والشمس مع مويت الورد
ماتهز شعره في قلب من يحاكيك....عند الكرامه كل شئ وله حد
عند الكرامه نمشي بدرب المهاليك ....نارد حياظ الموت لاكم لاعد
من قبل حبك فوق عرش المماليك ....واليوم حبك تحت رجلي تمدد
روح في دربك عسى الله يهديك ....سافر ترى مثلك خساره به الود
وأنا بعد هاليوم ويش أبي فيك....بدور اللي يحفظ الحب من جد
واليوم أنا يادفتري جيت أعزيك ....زمان ماشفتك ياقصيدي توجد
هات القلم أبغاك تشكيلي وأشكيك....إنت الخوي وخابرك ماتبيح السد
أبيك تقول لكل مغرور يجافيك ..
|علم غرورك عزتي مالهاحد|
...
أتمنى أنها قدراقت لكم ذاقتي.."فاعذروني على الاطالة"
أذكان لي حق في الاختيار فاأتمنى أن يشرفنا العضوأ."الـــــبدر"..لي أني أشوف لة محاولات في الشعر..فايليت يتحفنا بذائقتة..مشكورا ليسى مأمورا..
لكـــــــــمـ خالص شكري وتقديري..
.................................................. .................................................