حديقه قوافي خيمه الشعر

[طاري الشوق]

تعبنا نكتب إحساس القلوب ومابقى إحساس
ومن يفهم كتابات القلوب الي نخاطبها

بوحي

[كروومه]

يابعد من نزل بين الضلوع ورحل ..
‏لاتطول قصير ولاتقصر طويل ..
‏ليلة ما تجيبك وانت راعي محل ..
‏جعلها ما تجيبك وإنت عابر سبيل ..

[طاري الشوق]

من يســـــابقـني عــلى لحـــظة غــــلا
اسبقه وافرش له الخافق ورود
ولـعـــيونه تنطــق عيـــوني هـــلا
واحضنه والـفرحـة بقـلبي تزود
واكرمه من بسمة الفرحة حلا
واملي الدله من اشواقي قنود
واغسـله بالطــيب لامنه ســلا
واسكبه من فوق رأسه دهن عود

بوحي

[كروومه]

‏لله در .. الصديق الصـادق الوافي
‏ولله در. .الخـــوي ومقدّر الخــــوه
‏،
‏الكفو يبقى معك مطنوخ وسـنافي
‏واللاش في كل لحظه يختلف جوه
‏

[إبن الجبل]

غيابكي عني جرحا في عيوني. ..
يا غزالتي لا -لا تخذليني

هانت عليكي مواجعي. ...
يا وردتي لا-لا توجعيني

ولقد عشقتكي و القلب تائها ....
وذاكراكي صارت رمزا لشجوني

إن غبتي عني لحظة....عشت في رعب حد الجنوني

يا مهجتي هلا فهمتي رسالتي...

لا تمزقي حب قلبي وعيوني

لا تغدري بالعشق مهلا...
إن الشوق سهما في ظنوني

ولقد سكنتي في دمي...
حتى ارتوت شراييني من حنيني

[كروومه]

ياحي راس مايفوت صلاتــــه
‏لاجاك وقت الفرض كبر وصلا
‏-
‏هذاك يبشربالسعد في حياتـه
‏اللي مع العربان صيته تعـــــلا
‏.

[طاري الشوق]

هـذاالمسـا يفتــح من الشــوق ابواب
تعــــال راح النـــــور للنـــــوم بـــدري
شمس الغروب ولون الأشفاق جذاب
لـون المســا في بحـــر الأشـواق يغـري
كنـه ينــادي بالـــغلا جمـع الأحبـــاب
فيــها القلوب تـذوب والــجو سحري
مــوج البــحر من بين الأقـدام ينساب
جـــو يــرد الــــروح لا صـــار بحـري

بوحي

[كروومه]

جعل المساء كله مسرات وافراح

‏ بعد الغروب ولين وقت الصباحي

‏واللي شعر بالهم عساه ينزاح

‏ ويصير سالي بال والهم راحي

‏

[طاري الشوق]

وش حيرالقلب الا هالغلا واكثر
وش ضيع الحب الا هالوصل غادي
وانا من الوضع متعجب ومتحير
لا تحسب الوضع في هالمسألة عادي
مابيك عن باقي الأحلام تتعذر
خل العواطف تعيش بجوها الهادي

طاري

[كروومه]

‏يا وقت ماني طامعٍ في عطاياك
لا دامت الدنيا .. ولاني بدايــم

اللــه يجمّـل سيـرتـي و آتعــدّاك
للجّنه اللـي من كبـار. الغنــايـم!

[طاري الشوق]

يامرحبا يالي على البال مريت
ترحيبة من خاطري تقبل الزود
في خافقي يازين حطيت لك بيت
بين الحنايا والوريدين موجود

نبضي

[كروومه]

أسج .. وجروحي معه السجه تطيب
‏ولي مع السجات.. غايه .. ومارب

‏أصنع بحر من فيض فكري ولا أغيب
‏وتبحر بي الآفكاااار .. مثل القوارب

[طاري الشوق]

غنت بحلو الصوت والصوت مبحوح
مثل المطر لا من نزل من سحابه
رشت سحايبها على القلب بوضوح
واسقى شغاف القلب بارد شرابه

بوحي

[كروومه]

لازهمك البوح حرفك لا ،،تكنه
‏سجل احساسك والألحان الفريده

‏ميل عقالك وغن الحرف غنه
‏لين تشعل نار هوجاس البعيده

‏كل شاعر يكتب الابداع فنه
‏والمعاني بوح والناتج ،،قصيده

‏ولا اختلف ضن الهوى واخلفت صنه
‏قوله ياصاحبي ،،فرصه سعيده 👌🏻

[مخاوي البرق]

سأطوي حديثَ القلبِ حتّى أُمِيتَهُ
وأستُـرُهُ ، لو أستطيـعُ ، عن القلبِ !
.