فيمتو .. في قلب الدهناء

[أبوفالح]

[align=center]

اقتباس:  المشاركة الأصلية كتبت بواسطة كرباج     ابو فالح وين الناس صراحه مابغيت ارد خوفي يقولون عني اشهب خبرك الخوال من بلودان ههههههههههه وتبي الجد والله مالي بالبر حدي رصيف وزمزميه شاهي وشطرنج <<<اللي مايعرف الصقر يسده ويستريح لاتقول طلعت خ.........؟ هذا حنا ياحقين الرياض واذا انهبلنا رحنا لغبرات الثمامه وركبنا دبابه النص ساعه ب50 والوعد رجلك عليه جبس ههههههههههههههههههه عموماً موضوع راقي وياحظ فيمتو انكتب اسمه بالدهناء عقبال ماتكتب اسمي بلبنان اااااااااااااخ على الديره تشاااااااو

كرباجوووه .. أهلاً هووووه << ترحيب لبناني

صراحة .. من خلال متابعتي لكتاباتك كنت أدرك أنك لبناني تعيش بين أكناف وردهات طبيعة و رذاذ الشماس الحالم ...

لكن أقترح أنك أتعين خير .. والناس تراهم ما يعطون خير يا بلوداني أميمته .


عموماً .. يعطيك العافية يا بعدهم وشكراً على مرورك وتسييرك هيييك .


أعذب تحية ... لأعذب بلوداني لعبته الكبسة [/align]

[الرمادي]

ابو فالح والجيب والدهناء والنار والأرطى


كل شئ طبيعي


لكن الفيمتو وش جاب طاريه



لاتقولي بس إنه هو اللي معك والله ياهي صعبه



نبي لنا وحدة مثله لاتخلينا




تقبل تحياتي ...

[أبوفالح]

[align=center]

اقتباس:  المشاركة الأصلية كتبت بواسطة فيمتو     السلام عليكم ورحمة الله وبركاته أخي الغايب الحاضر >>>أبوفالح الغالي كم إشتقنا لك ولإبدعاتك والله يذكر أيام مضت >>> يوم نروح للسودان نصيد غزلان >>>هي كذا صح وبصراحه يوم تدق علي ياأبوفالح وتقول لي قوه للدهناء إعتذرت لأنه قريبه علي وأنا تعرفن إن ما وصلت بالكشته إلى صحاري ونفد أفريقيا وإلا ما أسميها طلعه >>>وش عنده أخي الغالي كم هو شرف عظيم أن تدرج إسمي ضمن قائمة مواضيعك وأشكرك على طرحك الجميل لهذه الرحله وراح الصيف >>>يعني ما فيه قميري لكن مازلت أتلذذ بالقميري من ذيك الليله الله يعيدها وكل ما نتمناه إتصال منك يا خلفهم ولا تنسانا بجديدك

هلا با المعزب الجديد .. فيمتو قلبي

أيييه يا فيمتو .. ذكرتن طلعاتنا با السودان يو أنمقط أنا وياك دايم .. تصدق جتن الصيحة

أنت نسيت يوم تطلع مع الدريشة وتمحط الغزال أطيار .. يوم نزل من كبد السماء تقل خرقه .. أنا ما نسيته .

وسالفة صحاري ونفد أفريقيا .. ترك با لغت با الوله .. يا خوي أمس أمراسلن با الكنود وتقول أني أهناك .. هوو


حبيبي فيمتو

تظل أنت راع الأوله في خربشاتك الجميلة

وما هذا الإهداء المتواضع .. غير احفاله أصعينونة .. بمناسبة تسلمك دفة الإشراف في هذا المنتدى


أحلى تحية لأحلى فيمتو [/align]

[صالح32]

مشكور علي هذا الموضوع الجميل كني معكم

[أبوفالح]

[align=center]

اقتباس:  المشاركة الأصلية كتبت بواسطة for you     الغالي ابوفالح اشهد انك راعي وناسه من الطراز الأول ... مشكور يالغالي على إمتاعنا بتلك الصور ... دُمت بخير وعافيه . ___________ تحيتي للكل .

يا مراحب في جنيني فور قلبي

ونا بعد اشهد أن تسييرك على هذا الموضوع وسام جميل

يعطيك العافية يا بعدهم .. والصور الممتعة يستاهلة أنت وشرواك

أعذب تحية [/align]

[أبوفالح]

[align=center]

اقتباس:  المشاركة الأصلية كتبت بواسطة حنيش الملز     هههههههههههههه حنا شهبان يا ابو فالح ؟ ههههههههههههههه صراحه مناظر حلوه ( البر واش خليت عاد ) بس أنا رآيي اقول يخوي فيمتو : اقضب الأرض لا عاد توهق نقعد ندورك !!!! القصيم اطلق من الي انت رايح له ، والا مسوي اوربي تروح سياحه للدهناء والربع الخالي ؟ والا بس تدربي هالرآس ، ومع الخيل ياشقراء توحيهم يقولون الدهنا وطرت ؟ والا ابو فالح يمزح ؟ مشكور مناظر جميله ( رد علي لاتخلين تراي احتريك ) ابصكك ببيت شعر

يا مراحب با الحاج أحنيش .. يا هلا يا هلا

أولاً : الحمد لله على السلامة ومقيول السعي

ثانياً : ما عليك من فيمتو .. تراه بب سهل با البر .. راعي معاميل وشبة نار وقومة فجر وطرد أطيور .. يعني كوكتيل أسنافي ورتح

يعطيك العافية .. وشكراً على مرورك [/align]

[أبوفالح]

[align=center]

اقتباس:  المشاركة الأصلية كتبت بواسطة الرمادي     ابو فالح والجيب والدهناء والنار والأرطى كل شئ طبيعي لكن الفيمتو وش جاب طاريه لاتقولي بس إنه هو اللي معك والله ياهي صعبه نبي لنا وحدة مثله لاتخلينا تقبل تحياتي ...

هلا با الريس الكبير .. أبوفهد

لكن ش دعوى الفيمتو مو طبيعي .. حرام عليك .. يعني أنت أمشكك أنه هو اللي معي

يا بعدهم .. فيمتوكم هذا .. لا طلع عن الدائري ... صار شئ ثاني ولا هو على ظنك المجحف :

طالت الشنبات .. وتظخم الصوت .. وطلعت السبحة .. وحلت الغاز .. يعني كل شئ على الحطب يا كنتاكي .


لاكن ماقول غير : ( إللي ما يعرف الصقر ينتف شكته )

أحلى تحية
[/align]

[أبوفالح]

[align=center]

اقتباس:  المشاركة الأصلية كتبت بواسطة صالح32     مشكور علي هذا الموضوع الجميل كني معكم

يعطيك العافية أخي صالح .. والجمال هو مرورك وتشريفك ... تقبل أحلا تحية [/align]

[خـــــــــــــــالـــــــــد]

الغالي ابو فالح

انا دخلت لانك قلت احبتي

بس الشهبان قريتها بعد مادخلت ومايمدين ارجع


الله عليك مزاج في البر

وصور روعه

لكن انتم بس اثنين؟

احس ماتصير كشته اذا ماصرنا اقل شيء اربعه

واحد يجمع حطب

واحد يشب الضو

واحد ينزل الاغراض

وواحد يتقهوا <<<<<<<< هذا انا


شكرا على مواضيعك ذات النكهه المميزه

[عبدالله القيعاني]

تسلم على النقله حلووه مااروع المناظر الخلابه في ارضنا .... >>> يعشق البر


ليه ماعزمتونا معكم ..........


تحياتي لكم ،،

[أبوفالح]

[align=center]

اقتباس:  المشاركة الأصلية كتبت بواسطة خـــــــــــــــالـــــــــد     الغالي ابو فالح انا دخلت لانك قلت احبتي بس الشهبان قريتها بعد مادخلت ومايمدين ارجع الله عليك مزاج في البر وصور روعه لكن انتم بس اثنين؟ احس ماتصير كشته اذا ماصرنا اقل شيء اربعه واحد يجمع حطب واحد يشب الضو واحد ينزل الاغراض وواحد يتقهوا <<<<<<<< هذا انا شكرا على مواضيعك ذات النكهه المميزه

يا مراحب با الشيخ خــــــــــــالد .. يا هلا وم هلا

أولاً .. كدها وزت .. يعني ما يمديك .. أنت الآن في بورصة الشهبان .. وجميع من سجل رد في هذا الموضوع .. فهمت يا الأشهب

ثانياً .. أنت تتعجب من ثنائية الرحلة ... يعني تستغرب وشلون نلقى سواليف ووناسة وحنا حدنا أثنين .. صح يا بعدهم .

اسمع يا خلفهم .. والله يا بعض أخوياي لو أطلع أنا وياهم ( ثنائي ) شهر كامل كان ما قضا هرجنا وتعليقنا ومزحنا وقرقنا وكيافتنا .

يعني النمرة طابقة .. لكن تراهم عملة نادرة .. يعني قليل ها الجنس .. ورفيقي في هذه الرحلة أحد هؤلاء القلة .

وفي الجانب المضاد .. هناك الكثير والكثير .. لو نصبح عشرة أفراد والله ما أقدر أعبرهم ولا حتى آصل الطرفية .

يعني با ختصار شديد .. هي واقفة على الرفيق شنهو من لحية .

وبأسلوب آخر .. إذا كنت تصطنع الابتسامة وتجد ثقل وحرج الكلفة .. فا الرحلة الثنائية فاشلة ثم فاشلة .

وإذا كان الوضوح شعارها .. وما على القلب يبديه اللسان بكل شفافية وميانة فا الرحلة ناجحة ثم ناجحة .

ومن المهم أن تكون الأهواء والطباع البرية متقاربة جداً .


لكن خلنا من سالفة الطلعة الثنائية .. تبي أعلمك اللي ما يدخل العقل والكيف ولا با الواسطة :

إذا خرج الرجّال وحداني للبر .. وليست السالفة يوم أو يومين أو ثلاثة .. بل تصل إلى أكثر من أسبوعين .

صدقني .. أنا أعرف من يهوى هذه العادة الغريبة والنشاز .

يعني تخيل .. يسافر لوحدة لأماكن برية بعيدة .. يتتبع منابت الربيع في الفياض والنفد

مثل الدهنا والحجرة والصمان .. وإذا أمسى الليل دخل التنزاني وخشده نومه .

يعني إذا جازتله فيضه .. ثم نزل معاميله وضبط أقهوته .. ما ينزل أكثر من فنجال واحد .. أيضاً ما يقدر يقول سم .. لأنه ما معه أحد .

أيضاً .. مستحيل ينطق لسانة بكلمة واحدة حوارية .. لأنه ببساطة وحداني إلاّ من ربه .

ولن أتطرق إلى الأخطار المحدقة والنقص الوقائي لأصحاب هذه العادة

عموماً .. ها الجنس ما تقدر تلومه أو تعنفه في شئ .. لأنّ هذه سعادته ورضاه .. يعني لا تزيد على قوله ( الله لا يبلانا )

ملاحظة : الشماسي واحد منهم

بمان الكريم يا خالدوووه [/align]

[أبوفالح]

[align=center]

اقتباس:  المشاركة الأصلية كتبت بواسطة بــدر730     تسلم على النقله حلووه مااروع المناظر الخلابه في ارضنا .... >>> يعشق البر ليه ماعزمتونا معكم .......... تحياتي لكم ،،

ونت بعد تسلم على مرورك وتسييرك .. والروعة تكمن في رضاك وإعجابك يا بعدهم

والعزيمة .. تكون في الجايات إنشاء الله .. الأرض مقبلة على خير والفقع أصبر عليه عشرين يوم ورح لقط با الدبدبة لما تمل

أحلى تحية [/align]

[خـــــــــــــــالـــــــــد]

اخي ابو فالح

اقتباس: إذا خرج الرجّال وحداني للبر .. وليست السالفة يوم أو يومين أو ثلاثة .. بل تصل إلى أكثر من أسبوعين .

هذولا ما يزوجون ان تهج بنت الناس من ثاني اسبوع

فجمال الرحلات بمرافيقها

و عودة على رايك <<<<<< ما اقتنع بلشه بس البر زينته بالخبه و الصجه مب اثنين يخفتون بالحكي خفت

[العندليب]

رحلة رائعة ابو فالح واسلوب ممتع جداً ((كننا معكم))<== يلمح ..

والله الأجواء اليومين باردة وما ودكـ أحد يتوهق حتى ((بالعنّة)) لأنه أظن ما ينفع إلا الدفاية الزيتية بوسط الغرفة

ابو فالح نبي نروح لسامودة وما جاورها .. عندك صور ولا شين ..

تحياتي لشخصكم الكريم .. ابوشهد

[أبوفالح]

[align=center]

اقتباس:  المشاركة الأصلية كتبت بواسطة خـــــــــــــــالـــــــــد     اخي ابو فالح هذولا ما يزوجون ان تهج بنت الناس من ثاني اسبوع فجمال الرحلات بمرافيقها و عودة على رايك <<<<<< ما اقتنع بلشه بس البر زينته بالخبه و الصجه مب اثنين يخفتون بالحكي خفت

هلا با الشيخ خــــــــــالد

تبي أعلمك .. بعض ها الوحدانيين .. إذا تزوج قضب الأرض وصارت صاله بيته أحلى فيضة با الدنيا

لأنه شخص يحب الخصوصية والعزلة .. والزوجة ليست غير ذاته المنفصلة

نرجع على سالفة ( الطلعة الثنائية ) ... أنا جايزة لي .. وش دخلك أنت

لكن صدقني .. والله يا حلوه الطلعة الخفافية .. لكن أجملها أربعة أشخاص ... ثم ثلاثة ... ثم أثنان

يعني أثنان ليست الأجمل .. لكن لا تخرج عن بوتقة الجمال والأنس .. أهم شئ .. الرفيق .. الرفيق


أحلى تحية للشيخ المشاكس [/align]