السلام عليكم ورحمة الله وبركاته
اخوني انا بنت عمري 19 سنه اعيش حياة كلها جمود ابوي مشغول باعماله واذا رجع البيت فتح التلفزيون وجلس يتفرج عليه ماعمره بحياته سولف معي عن اموري الخاصه او سولف معي عادي
ان تكلم كلمتين ويسكت
وامي 24 ساعه مشغوله بالبيت من تقوم الصباح لحد ماتنام .. عندها قناعه انها اذا قامت بشغل البيت خلاص سوت الي عليها مع انه لو تروح امي ونجيب خدامه ماحسينا بفقدها ابدا .. صحيح انها ترتب البيت كله وماتخليني المس شي وحتى غرفتي هي الي ترتبها بس انا مابيها تسوي كل هذا بس ابيها تجلس معي وتسولف معي .. وحاولت مرة ومرة اني اسولف معها لكن من كثر الشغل تكون نفسيتها زفت وبدال ماتسولف تجلس تهاوش وتعصب بعدين اتركها اروح ابكي على فراشي من الضيقه
دورت احد بالبيت يسمع لي يسولف معي اشكي له عن الي داخلي بس بلا فائده
بديت ادخل شاتات عشان القي ناس اتعرف عليه واشكي لهم بعدها تعرفت على واحد وتطورت المساله الي مكالمات وبعدها مقابلات مع اني ادري اني الي اسويه غلط وحرام وهو مايحبني صدق وكل الكلام الي يقوله كذب لكن جزاء لاهلي هم الي مارضو يسمعوني بالاول يتحملون الي اسويه
صارت المكالمات شي عادي عندي جوالي طول الوقت يرن وطلعت شريحه من دون علم اهلي ..
لكن مليت من هالحال مالقيت عندهم الي ابيه ماحد حاااااااس فيني كلهم يدورون الشهوه فقط واذا خلصو من الشي الي يبونه سكرو وراحو وبعده احس بحتقار نفسي ماحد فيهم عنده الحنام والحب الي ارتجيه
مالقت حل الا التفكير بالانتحار وصارحت امي بهذا .. بس للاسف ضحكت وقالت بكل برد جهنم وسائت مصيرا !!
مليت من حياتي كل شي صرت احسه ممل وكئيب كرهت كل الي حولي لان كلن يدور على مصلحته
وكرهت امي وابي واهلي
عندكم حل لها الحياة البائسه