[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي زعلتي من كلامٍ رميته=في لحظةٍ ضاعت بها كل الأفكار
قلته ولكن الردى ما نويته=لا تحسبيني يا هوى البال مكّار
من عقبها همي وغمّي كميته=وضاقت بي الدنيا وضاقت بي الدار
منّي الغلط والصفح منّك رجيته=لو كان ما تنفع كثيرات الأعذار
لا يا بعد قلبي وحيّه وميته=ولا يا بعد منهو بدرب الهوى سار
أدري شعورك يالحبيبة كويته=وأحرقت في قلبك نديّات الأزهار
واستاحشت روحك من اللي بغيته=وهو كلامٍ لا تحقّق ولا صار
وشلون؟ مدري .. لكن اللي عنيته=مزحة وبعض المزح لا شك غدّار
أرجوك عِدّيها كلامٍ هذيته=غلطة حبيبٍ ضاع عقله بالأسطار
واشفي جروحٍ في ضلوعي طويته=وكُفّي دموعٍ فوق الأوجان نِثّار
وأنا عروقي من حنانك رويته=وأدمنت حبك يابعد كل الأقمار
ما أقوى فراقك والزعل ما قويته=ياجنة الدنيا وياروح الأشعار
فلّي حجاجك وانسي اللي جنيته=وخلي هوانا يشتعل نار في نار
ومن يقبل أعذاري بقلبي حويته=ولا شك قلبك لي دموحٍ وعذّار[/poem]
[/align]
العرض العادي
