::بقــــــــــايا طعوونكـ ::
-----------------------------------------------------
لاجيت أبنسى وأتراجع وأسامحك
صاحت جروحي واشتكت لي طعونك
كلك خيانه قول وش لون أبمنحك
وش موقفك من شخص دايم يخونك
أكبر خطا لو جيت يمك أصالحك
أول تحّول لا تغرك لحونك
اللي تقوله صح لو كنت جارحك
مير أنت غارق للأسف في ظنونك
وصفك نسيته بس باقي ملامحك
بنهيك وأنهي بالنهاية جنونك
ما تستحق أمد يدي و أصافحك
مثلك غلط عمري و أبحيا بدونه
لعبت دورك شاهداتٍ مسارحك
خدعتني وأظهرت خافي فنونك
كنت أعتقد قلبي هو أبرز مطامحك
اللي يبيع الناس لجله يصونك
تعبت أسوق الشوق يمك وأصارحك
أخلصت لك بالحب شوفة عيونك
لكن خسارة صرت غاية مصالحك
ياليتني ما جيت لحظه بكونك
بالأمس كنت بنشوة الحب أمازحك
أخيل برقك و أتحرى مزونك
واليوم من صفحة حياتي بأمسحك
هـّديت صرحك ثمـ طاحت ركونك
ولا أبي عيوني لو تصورت تلمحك
أعلنت موتك والسجن لي كفونك
وإن جيت تطلب ترتجيني أسامحك
بهديك طعنة من بقايا طعونك. !!
كلمات اعجبتنى نقلتها لكم [/color][/size]
العرض الشجري