[align=center]قصيده قرأتها في أحد المنتديات واعجبتني وحبيت انقلها لكم
لكن للأسف لم يذّكر اسم الشاعر
في مجتمعنا الخليجي عموماً ننظر للبنت المطلقة على
انها مصدر الخلل في الحياة الزوجية ونصدر الاحكام
الجائره بتجريم البنات وتحميل المطلقة كامل المسؤلية
مع العلم ان الشاب قد يكون المسؤل الاول والاخير
عن فشل هذه العلاقة [/align]
[align=center]البنات العطر نور القلب بستـان القصايـد
والخطاء منهن قليل وفي سجاياهن قصيـدة
ادري ان الذوق منهن والحلا والزين زايـد
البنات احساس قلبٍ ينزف الحـب بوريـده
فيهن المزح الطفولي فيهن الغـر الفرايـد
فيهن اسرار المحبة فيهن المهـر الفريـدة
بس انا استغرب سوالف تلبس ثياب العوايد
تمتهن بعض البنات وعندها اسبابٍ عديـدة
تكسر قلوب البنات وترفـع ذراع المكايـد
تكتسي بالظلم يوم وتشرب اسباب المكيـدة
الطلاق اخر حلول واصبـح اليـوم بتزايـد
والسبب جاهز لدينا بنت لو كانـت شديـدة
لية ياقسوة زمننا ؟ الولد دايـم محاااااايـد
لية ماعندة خطايا ؟ لو سرق مانقطع ايدة؟
ودارت الايام دورة ونكشف هـم الشدايـد
بس تبقى البنت دائم في عوايدنـا وحيـدة
لوخطبها شخص ثاني قامت الدنيا مصايـد
وش تبي ؟ كانت وكانت والهدف كل ٍ يصيدة
وذبحوها في فرحها والشكوك اكثـر تزايـد
لية الاول ماتركها يمكن انسانـة عنيـدة؟!
يمكن تكون البنيـة اخطـأت ولـلا تكايـد
يمكن تكون البنية رغـم مظهرهـا مريـدة
لية ياقسوة زمنـا ؟ الولـد بالطهـر رائـد
لية ؟ يمكن يازمن تظهـر العـذرا شهيـدة
الشباب اكثر خطايا والبنات اصدق وعايـد
الشباب اللي نشوفة نادر ٍ يصـدق وعيـده
الشباب احيان طايش مايفكر فـي النقايـد
وان تيسر لة خطيه قال يافرصـة سعيـده
وارجع اقول البنات العطر بستان القصايـد
والخطا منهن قليل وفي سجاياهـن قصيـده [/align]
[align=center]دمتم بود
بدر البشري [/align]
[align=center]
والمعذره حاولت عدة مرات اني انسق القصيده بس ما ضبطت معي [/align]
العرض الشجري