ابي اسأل خواتي

[@ ابتسام @]

[align=center]

سؤالي هو : عن ازالة الشعر بالليزر ؛ اللي تعرف عنه شي ياليت تفيدني

هل هو فعلا ناجح ؟؟؟

هل له اضرار ؟؟؟

وين احسن مكان يسو يه ؟؟؟

وهل صحيح انه يسوي بقع سوداء للي بشرتهم بيضاء ؟؟؟

اتمنى اتمنى اتمنى القى جواب شافي وكافي


واللي تعرف اي وصفه او خلطة تخفف الشعر ياليت تضيفها .... وشووووووووكرن

[/align]

[سيدة الحور]

السلام عليكم ورحمة الله وبركاته

يابنت الحلال لاتخربشين برويحتك أكيد له منافع مايخلق الله شيء عبث

الدنيا أتوحش أمراض مختلفه الله يستر لاتسببين لنفسك بلاء

الحمدلله فيه أشياء تزيله غير هالليزر الي مايدرى يسبب أمراض

لاسمح الله بالمستقبل والا لا حفظكي الله من كل مكروه

وأعقلي خلي عنتس هالخرابيط هها...........

[iiigil]

هلا بسوم


الليزر الله يعافي مخترعه بصراحه


جربتته لمنطقة خف الشعر كثير ولو مكملة الجلسات كان رايح كله


رووووووووووعه بصراحه


لا تسمعين اللي يقول سرطان لان هالامور بيدالله


وانا ساله العيسى شخصيا وقايل ان تاثير ليزر الشر محدود بس عمك اصمخ


ناوية اكمل الجلسات بس هالمرة على نطاق اوسع

وان شاء الله بداوم عليه


واذا انتي بالرياض عطيتك عنوان مركز خيال جهازهم نفس جهاز ديرما وهم الجهازين الوحيدين بالرياض من هالنوع


لان انتبهي ترى اجهزة الليزر انواع يعني لايغرك ان هالمركز ارخص من ذا شوفي الجهاز وش نوعه


ونصيحة ان كانك متفقه مع مركز خذي اسم الجهاز وشوفي هو يسوى سعرهم او لا


وعلى فكرة انا بشرتي بيضا ولا ضرني


بس ترى يمكن اللي صار عندهم تلون سووه عند ناس مو مختصين !!

[@ ابتسام @]

سيدة الحور : يا حبيلتس بس


آنسه : انا مو من الرياض بس الرياض رمية عصى قوولي اسم المركز الله يخليك

[سيدة الحور]

السلام عليكم ورحمة الله وبركاته

هاه وش تقولين تنوشه زين الليزر<<<<غيرت رايه

أجل خف الشعر ترانا نبي نجرب على مسؤليتك.....

على طول تقتنع......

[@ ابتسام @]

سيده : على طوول اقتنعتي ههههههههههههههههههههههههههههههه

بس تدرين ؛ فيه وحدة عندها لخبطة بالهرمونات وكان يطلع لها شعر خفيف على جوانب الخد وراحت جلسه

وحده ليزر وانشغلت بعدها وما راحت مرة ثانيه المهم .. زاد الشعر على وجهها وصار يطلع في الجوانب



وتحت اللحية وتاذت المسكينه حيل بس ما ادري العيب في الشخص اللي سوى لها الليزر او في

الجهاز او لانها ما كملت ؟؟؟

[@ ابتسام @]

وينكم يا الباقين معقوووووووله كلكم ما عندكم شي

[البراق999]

بصراحه انا دخلت على انه سوال بس مادريت انه يخص ازاله الشعر
بس اذا عرفت شي ابقولك

[بنت البدائع]

اختي بسوووومه انا اشوف بنات كثير استخدموا
اشعة اللايت ويقولون مفعوله حلو مره
وهو اقل اضرار من الليزر.....
وانا عندي لك وصفتين لتخفيف شعر الوجه:
بياض بيضه+سكر +طحين الذره
نخلطهم جميعا حتى نحصل على عجينه لزجه ندهن بها الوجه
وعندما تجف نزيلها بلطف...
كرري الوصفه 3مرات اسبوعيا.....

الوصفه الثانيه..
ملعقتين ونصف عسل +3ملاعق سكر
نمزجهم جيدا وندهن الوجه مع تجنب شعر الحاجبين
ومنطقة حول العينين وندعك الوجه بلطف...ثم نغسل الوجه بالماء البارد ونجففه بالتربيت
تكرر هذه الوصفهكلما ظهر شعر على وجهك وهذه الوصفه سوف تقلل من نمو شعر الوجه.

منقول من منتدى وماجربته اتمنى انه تفيدك..

[الذاهبة]

يابنت !

لا تصدقين يا قلبي كله خرط فاضي ..



أعرف بنات كثير توهقوا فيه ..

والله لا يزيل نهائي ولا شيء

هو : يخفف من نمو الشعر .. لا أكثر ..


وحدة من البنات مراجعه عيادات هنا في بريدة .. و الله لا يوريك أسعار خيالية ..

ولا استفادت شي ..


وحدة ثانية .. راحت لم عيادات كبيرة و مشهورة على طريق الملك عبد الله بالرياض ..

و التهبت يدينها إلى يومك و هي تعالج الالتهاب ..


وحدة ثالثة .. كانت عروس .. و أيام زواجها راحت لمستشفى كبير بعد بالرياض ..

ما خلص شهر العسل إلا و هي ........ كيف الحال ؟!


يابسومة .. مالك إلا الطرق التقليدية ..


و استعيني ع الشقا بالله ..



بنات معليش أنقل الموضوع لــ خاص لها ؟

[سيدة الحور]

هلا بسومه وش أخبارك أقتنعتي

[رونق]

شوفي بسومة حبيبتي ..خليني افيدك

كل المخترعات وكل الوسائل الحديثة في ازالة الشعر

ممكن تعطيك نتيجة ...اوكي ...وممكن ما بيها اضرار جانبية ...اوكي

لكن الطريقة التقليدية ...اللي ما اعرف انتم في المملكة شنو تسمونها

بس اعرف ان المصريات يسمونها (الحلاوة)

احنا بالعراق نسميها الشيرة

هذي احسن طريقة ...وتعطيك جسم لماع وناعم بصورة خيالية

خليكي من الليزر وغيره ..واسمعي كلامي

[@ ابتسام @]

[align=center] هههههههههههه عادي اخوي البراق 999 وننتظر اذا عرفت شي تفيدنا لك تحياتي


[line]

اختي بنت البدايع الله يعطيك العافية على الوصفتين والمرور وتسلمين ما قصرتي

[line]

اختي الذاهبه تسلمين على الافادة والله ضاعت بنا الاطباب على قولة جدتي

[line]

اختي سيدة الحور هلا بك اما من ناحية الاقتناع تقدرين تقولين

[line]

اختي غفران تسلمين على المرور والافادة بس الحلاة فيها الم وتسبب ترهل ببعض المناطق واحنا نبحث

عن اشياء تنهي الشعر وبدون الم بس ياليت نتاكد انها آمنه واللي يعملونها عندهم اجهزة وخبرة ممتازه [/align]

[سفير الغرام]

اختي بسومه من حبي لك ابعلم

الليزر الي جربوه يقولون ممتاز وهو صحيح ممتاز للي ينظر نظره قريبة المدى بس مع مرور الاشهر بيطلع الشعر وبأكثر من قبل وبيكون فيه حكه بسيطه طبعا ما تطول الحكه ((((ترى فيه فرق بين الحكه والكحه الي نتكلم فيه الحكه)))))))))



ويطلع نقط سود خفيفه بس لبعض الناس على حسب الهرمونات الي فيه بس هذا على المدى البعيد

بس انتي استشيري اخصائية جلد شوفي هو يصلحلك ولا لا واسألي اكثر من وحده


واتمنى لك التوفيق
للتواصل dob_113@hotmail.com

[@ ابتسام @]

ماااااااا صااااااار ممتاز خيوووووو العزوبي كل هذا فيه وتقول ممتاز { يطلع شعر كثير ؛ وحكه اللي هي مو كحه هه هه هه هه

؛ ونقط سود خفيفة } وش بقى يالغالي ...... على العموم تسلم اخوي ورايك حلوووو نستشير اكثر من

اخصائية