معزوم من حرمة!!!

[ضمير بريدة]

دخلت بيته وبعد السلام قالت له زوجته : ترانا معزومين عند أخوك أو عند عمك أو خالك أو عمتك أو خالتك أو ولد أخوك أو ولد أختك أو .... . زوجته اتصلت علي وعلمتني وقالت علمي رجلك ولا تخلونا !! المسكين على نياته : زوجها قبل شوي مسلم علي ولا علمني !! أو متصل على وما علمني !! أو وراه ما علمني رجلها؟ ما يعرف رقمي ؟ !!! هذه حال بعض الرجال مع الاسف ، والظاهر هو نفسه ما يدري أن عنده عزيمة !!!

[فديكا التميمي]

صايرتن الحريم هن سالفك هاليومين يالضمير ...
والرجال تحسبهم على خبرك اللحين كلشن بيد الحريم ....

[إيثــــار]

كنت مشاركه لكن بسحب مشاركتي
لان تم تعديلها وهي ليست مخالفه

[بسومة بريده]

عادي كل الناس على هالمنوال...

اغلب العزايم مايقومها الا الحريم ..

[سل سبيل]

ماتقول لا ينسحب على العموم هو صحيح في جزئية معينه وهو ان تكون زوجة العازم على علاقة بزوجتك اما عدا هذه الحالة فنوادر والله اعلم

[جلوي العتيبي]

والله يالصياغه متعبه وانا اخوك

مع كامل الإحترام هذا سائق مع مرتبة الشرف ماعندنا مشكلة تعزم زوجته لكن أن تكون العزيمه لهما معاً ويروح فهذي ماتجي ولاتقبل .

[نـدى الـورد]

*

وين شموخ وعزة الزوج؟

لما الزوجه تتهاون فيها امام من حولهم؟

,

[رايق دايم]

.
عموما مابقى غير (العصمه) تكون بيد الزوجه وتكمل خلاص .
الرجاجيل ياحبيبي شفهم بالمقابر اللي منول إذا دخل هز البيت من قوة شخصيته . هالحين تلقاه مسيكين وزوجته هي اللي تصرف عليه .

[الـــفـــ@ــــد]

اعتقد الوضع عادي

خلاص تماولس الجلد وصارت المعزبه تامر وتنهى

بس لا تقول هات لهم عشاء من المطعم وتسوي اللي تبي

خلاص الرجال بالمقابر عليهم رحمة الله

[سحر الورد]

موب حلوة انو الرجل يروح لعزومة مرة يمكن الرجل ماودة يعزمة

وكذاك بنسبة للمرة

الا عاد يمون مثل الاخوة يمكن تحصل





.

[حبر جاف]

بصراحه موب زينه بحق الرجال
تخيل يجي بعزيمه حرمه ...!!
لو هي امه اشوف انه مو زينه بحقه
الرجل يقدم ويبدأ بالعزيمه اذا وافق تعزم بقيه العائله لكن يصير مهمش ويجي مع زوجته ولا امه لا تكفون

[ضمير بريدة]

والله يا ريق والمدير جلوي بعضهم لازم تمسك يده حتى يفهم لهذا جبت كل الاحتمالات

[أورگـيـد ..❤]

_


غلطاان الرجل اذا حضر عزيمه بالطريقه << قوويه بحقووه
أحيآآنا بعض الحريم بهن لقآآفه
(مالووه داعي تدقون على أبو فلان اللي هو زوجها
خلااص أنا بقوولووه إنك معزووم )
إقاله ماتبي تتعبهم ولا تكلف عليهم
على حساب آلمحرووس << رحمتووه

بس هالشي بيد آلرجل
مآتسوي المره هالسوآآت
إلا إذا هو مسلمه الخيط والمخيط

[الـــرامي]

مي حلوة بحق الزوج و لو أنا مكانه ما رحت في الغالب .

[طقاقة بدون مايك]

اصرآحة أنآ م أعرف الحالة تمآم ...يعني هل الزوج فعلا عنده دراية ب الموضوع ...هل جاء قرار العزومة فجآة هل و هل و هل ....>>... ّّ



لكــــن....>>... ّّ




م أشوف شئ مخزي ب الموضوع ...حتى يتمنى بعضكم رجآل المقابر يخرجو من قبورهم ل نرى ويعلمونآ كيف هي رجولتهم وسناعتهم؟....>>... ّّ

حرمة دقت على حرمة وقالت ترآكم معزومين أنتي و ورعانتس ورجلتس ....وين المشكلة ي‘ربي بس !!!....>>... ّّ


أمـآ الزووج والزوجة شئ وآحد المفترض...عزم هو عزمت هي ..مآهنآ مشآكل خصوصن لصارو عيلة وحدة....الاهم هو ان يتجمعو الخلدز.....>>... ّّ

آشوف الموضوع جدن عآدي وآقل ....بس يمكن أنتم حسآسين شوئ ....>>... ّّ