بالصور فرع صندوق التنمية العقارية ينتهي دوامه الساعة12 ؟؟؟

[الكرّ]

السلام عليكم
فقط 4 ساعات يتم من خلالها خدمة منطقة القصيم كاملة
ناس تتكبد عناء القدوم من مسافات بعيدة تصل الى أكثرمن 100كم لتصل الساعة 10 صباحا وينتهي الأمر براجعنا بكرا ما يمدينا اليوم !!!!

اللوحة التالية ليس لها علاقة بالموضوع سِوا انها تحتوي على أخطاء املائية :

الخطاط : أضواء

[الشجاع الصامت]

يا ابن الحلال ماوراهم أحد ولا كان يجلسون حتى الساعه 3 العصر

[أبوفيصل]

من الذي سمح لهم بهذا !؟ ينظر إن كان النظام فليعاتب النظام ، وإن كان اجتهادي فبأي حق !!

[احمد النجم]

من خلال مراجعني للصدنوق الفتره السابقه .وبحكم وجود كثافه عاليه من
المراجعين وبعد القفزات الكبيره وسرعه صرف الدفعات

ربما كان هذا تنظيم للعمل ,, لان فتره مابعد الظهر قصره وقد يكون هناك
مراجعات لملفات المتقدمين

لو كنت المشكله (تسيب) لوافقتك ,,ولكن تنظيم الوقت هو في صالح المراجع ..
وعلى فكره الكثبر من الجهات الحكوميه لديها تنظيم بخصوص التعامل مع المواطنين ..


تحياتي لك

[جلوي العتيبي]

اخي الكريم

عنوان الموضوع يخالف المضمون فصندوق التنمية لاينتهي دوامه الساعه 12 والكثير من المراجعين يتمون طلباتهم بعد هذا الوقت .

لكن التنظيم الداخلي هو امر يخص القطاع الحكومي وبالتاكيد لديهم مبرراتهم

[الكرّ]

اقتباس:  المشاركة الأصلية كتبت بواسطة جلوي الشقير     اخي الكريم عنوان الموضوع يخالف المضمون فصندوق التنمية لاينتهي دوامه الساعه 12 والكثير من المراجعين يتمون طلباتهم بعد هذا الوقت . لكن التنظيم الداخلي هو امر يخص القطاع الحكومي وبالتاكيد لديهم مبرراتهم

اخوي جلوي الدوام الرسمي ينتهي 2:30م وعلى فكرة تراهم يصلون بنفس الفرع يوجد مصلى.

وبعدين الصورة الأولى تقول 12 والصورة الثالثة تقول الساعة 1
ايهم نصدق ؟؟؟؟

[عشقتك صغير]

باعتقادي هي توزيع للمهام قالاستقبال يكون فترة الصبح والظهر يكون اعمال اخرى .. ايضا تنظيم للعمل وهذا مهم ...

[ibotrke]

ممكن لديه تعاميم بخصوص تحديد الوقت الدينا مش فوضه

[رومنسي بس منسي]

طيب

دوامهم الرسمي حتى الساعة 2:30 ظهراً

وين المتابعة الادارية عنهم ؟؟؟؟

مشكووووووور يا صاحب الموضوع

[الافق]

لكرّ .. لامشكلة
هو إجراء تنظيمي ككتابه العدل و أخذ التحليل في المستشفيات وغيرها الكثير من القطاعات الحكومية حيث لايستقبلون المراجعين بعد الواحدة ظهراً .. وينتهي دوامهم في الثانية والنصف بعد الظهر.


تحياتي

[عادل الحبيتر]

المشكله ان بعض موظفين الدوائر الحكومية تلاقيه يجي يداوم الساعه 8 ونص او الساعه 9 .. واذا جيت له الساعه 12 وخمس دقايق تلاقيه يقول عفوا لانستقبل طلبك بعد الساعه 12 .
يعني يحاسب الناس على التأخر وتلاقيه ما يحاسب نفسه على تأخره على دوامه ..
لو كل الموظفين يداومون الساعه 8 بالضبط ومن غير ما يتأخرون .. فأهلا وسهلا بأنظمتهم

وانا مع مثل هذا التنظيم .. لكن بشرط انهم يدوامون كلهم بالوقت المحدد

[قطووش]

انا امس كان موعدي في الصندوق والمحدد لي من قبل شهر تقريباً
دخلت الصندوق الساعة 8 صبحاً وطلعت الساعة 8.18 بالضبط
على الرغم من ان رقمي 9
لكن دخلت وبكل هدوء جلست لين نادو الارقام قمت وقعت العقد بكل سهولة على الرغم من كثرة المراجعين لكن المشكلة بالناس الي تراجع تلقاه يلخبط بين طلبات الرهن او طلبات توقيع العقد او بين طلبات صرف الدفعات
هذا غير الي يجيك ما كمل اوراقة
والا مثل الي كانو فية اامس ينادي على رقم 1 و2 و3 رهن تلقى رقم 4 و 5و 6 جايين طايرين مسوين زحمة عند الشباك ويقول وانا متى رقمي وين دوري


خلها على ربك
ما اقول غير الله يعينهم على بعض المراجعين

وعلى فكرة استقبال الطلبات قبل الساعة 12 الظهر لان بعد الظهر عملية فرز للطلبات وتجهيز وخلافة يعني مو تسيب
لكن يعاب عليهم قلة كراسي الانتظار مع كثرة الغبار عليها

[الفهد الرياضي]

الله يوفقهم لخدمة الشعب والمواطن ,,

[الكرّ]

اقتباس:  المشاركة الأصلية كتبت بواسطة قطووش     انا امس كان موعدي في الصندوق والمحدد لي من قبل شهر تقريباً دخلت الصندوق الساعة 8 صبحاً وطلعت الساعة 8.18 بالضبط على الرغم من ان رقمي 9 لكن دخلت وبكل هدوء جلست لين نادو الارقام قمت وقعت العقد بكل سهولة على الرغم من كثرة المراجعين لكن المشكلة بالناس الي تراجع تلقاه يلخبط بين طلبات الرهن او طلبات توقيع العقد او بين طلبات صرف الدفعات هذا غير الي يجيك ما كمل اوراقة والا مثل الي كانو فية اامس ينادي على رقم 1 و2 و3 رهن تلقى رقم 4 و 5و 6 جايين طايرين مسوين زحمة عند الشباك ويقول وانا متى رقمي وين دوري خلها على ربك ما اقول غير الله يعينهم على بعض المراجعين وعلى فكرة استقبال الطلبات قبل الساعة 12 الظهر لان بعد الظهر عملية فرز للطلبات وتجهيز وخلافة يعني مو تسيب لكن يعاب عليهم قلة كراسي الانتظار مع كثرة الغبار عليها

أشكر مرور الاعضاء وشكر خاص لقطوش ... صدقن فرحت بمرورك لأنك عضو من 2005 ولك 49 مشاركة فقط.
هذا يعني اني اثرت اناملك البخيله .

[أسامة99]

عنوانك سليم في حالة عدم تواجدهم بعد الظهر


إما إذا كانوا متواجدين فإن عنوان ظالم وانتهازي !


ويبقى من حقهم تحديد وقت تلقي الطلبات والتعامل مع الجمهور


وقرارهم ( معلن ) للجهات الرقابية وأمير المنطقة فلو رأو أنه مخالف


لتم عقابهم .


الجوازات مثلاً تضع وقت لا يدخل معه مابعد الظهر لبعض الاجراءات