مقاديرك ناقصه؟؟؟ ولايهمك عندي الحل....

[>ريانه<]

بســــــــــــــم اللــــــــــــــه الرحمــــــــــن الرحيــــــــــــــم

كثير منا إذا فكرت تطبخ وإذا جتها الهمة .. وحددت الطبخة الي تبيها تتفاجئ إن بعض المقادير ناقصة
فمالحل؟؟؟

هناك بعض البدائل:

سأبدأ بحليب النستلة
فكرتي بحلا وكل المقادير توفرت إلا حليب النستلة أو الحليب المركز ماكان متوفر عندك
البديل كأس حليب جاف + كأس سكر بودرة + بيالة ماء(قد تحتاجي لإضافتها )
ضعيهم بالخلاط لتكتشفي أنك صنعت حليب مركز بكل سرعة وسهولة ومقاديره غالبا تكون متوفرة

======

اذا البسكويت خلص وبتسوين حلى
ستخدمي الكورن فلكس اطحنيه
اذا القشطه خلصت
استخدمي 3اكواب ماء+2كوب حليب بودره+شوي سكر+3ملاعق دقيق+ملعقه ماء زهر +ملعقه ماء ورد
الطريقه
نذوب الحليب البودره في ماء ثم نظيف الدقيق+السكر نضع المزيج في قدر على النار متوسطه مع التحريك المستمر
عندما يغلى المزيج نضيف ماء الورد والزهر مع التحريك حتى يشتد ثم نستخدمها في حشو القطايف والحلى عموما

=====

والنشاء اذا مافيه
استخدمي الدقيق العادي مثلا تبغي تعملي حشوة الكنافه واكتشفتي ان مافيه نشاء استخدمي الدقيق

====

كثيرا ما نحتاج مخل بوقت سريع .. وتصنيعه يحتاج فترة طويلة تستغرق أياما
اكتشفت طريقة تجعلك تصنعين المخل بأقل من ربع ساعة
وهي تجيبي خيار وتقطعيه بالطول 4 قطع .. وتحطيه بقدر وتضيفي له فصوص ثوم وكأس خل ونصف الكأس ماء وشوي ملح ..
وأشعلي النار عليه ربع ساعة ويتكون عندك مخل لذيذ
جربوه مع غير الخيار ينفع أيضا

===

اذا كان عندك حساسيه من البيض في الكيك والمعجنات
استخدمي بداله زبادي كل ملعقه كبيره من الزبادي عن بيضه

====

سويتي مرق وطلعت كمية المويه كثير
لا تحتارين بس زيدي ملعقة دقيق على الطبخه

===

بغيتي تتبلين مشاوي ومالقيتي زبادي
ولايهمك البن حاضر ويقوم بنفس العملية

===

الحليب المركز المحلى إذا ماعندك ,,, مو مشكله أبدا
أي حليب مركز وأحط سكر ,,, وأغليه شوي على النار ,,, ويا سلام

===

بديل الكاتشاب لنقع لحوم المشاوي او حتى للاكل مع البطاطا
كوب صلصة بندورة و نصف كوب سكر و ملعقتين خل
الكريما / زبدة مخفوقة مع حليب كامل الدسم
الزبادي/ حليب دافيء مضاف لكل كوب ملعقة خل او عصير ليمون
لا يتم تحريك هذا المزيج لمدة 10 دقائق

===

خلص البقسماط ومحتاجته ضروري
دقي أي نوع شابوةوأنخليها وأستخدميها او كورن فليكس
ويطلع طعمه لذيذ كمان

===

بدل الدريم ويب
علبة قشطة ,ملعقتين سكر ,ملعقتين زبدة
ويخلط على النار الى ان يذوب السكر وينتج عندنا دريم ويب

====

مافيه مايونيز بسيطة
بيضة واحدة + ثلاث ملاعق كبيره خل + ملح ملعقة صغيرة + ثوم حسب الرغبه ..
توضع بالخلاط إلى أن تتجانس ثم يصب الزيت بالتدريج ملعقة ملعقة إلى أن يثقل قوامها وتصبح كقوام المايونيز بالضبط

====

بديل للبيكنج باودر
كل ملعقة صغيرة منه تستبدل ب ربع ملعقة بيكربونات الصودا مخلوطة مع نصف كوب من البن
و طبعا يتم استبعاد نصف كوب من الماء او السائل المذكور في المقادير لاننا وضعنا البن بدلا منه

====

إذا خلص البرتقال والحلى أو الكيك في مقاديره برتقاله
ممكن تحطين ملعقة عصير تانج البرتقال وتطلع شي

====

خلص الطماطم عندك وبتسوين كبسه او مكرونه اوايدامات
بس استخدمي معجون الطماطم والسر زيدي عليه شوي سكر
(بالنسبه للسكر الهدف منه تعديل النكهه وليس التحليه ..ولأن الكميه بسيطه مايحلي بس يعدل النكهه ويقضي على حمضة الطماطم)

====

ماعندك فانيليا علشان مايبين نكهة البيض في الكيك
ممكن تضعين ملعقة صغيرة خل بدل الفانيلا لتقطع نكهة اورائحة البيض
وممكن بشر اليمون يغنيك عن الفانيليا

====

اذا طبختي جريش وطلعت الماء زياده
حطي شوربة كويكر بودره و يتخن
وكذالك الايدام (الخضار)اذا تبغيها تكثف حطي حسب الحاجه كويكر بودره

=====

واذا فيه حلا يحتاج جيلي فراوله مثلا وماعندك
استخدمي عصير فيمتو زايد ملعقتين نشاء
ممكن تحطي سكر او لاحسب الرغبه وحركيه عالنار لما يثقل وكملي حلاك بكل ثقه

=====

اذا ماعندك بسكوت للحلا م
مكن تستخدمي التوست او الصامولي بعد ازالة القشره الخارجيه شرط تبليله بحليب محلا عشان يعطي طعم حلو
ممكن ايضا استخدام الكيك بدل البسكوت

=====

بالنسبة للشوكلاتة لو بتعملي حلا وماعندك شوكلاتة جالكسي او هيرشي
دوبي مقدار زبدة على النار واضيفي بودرة شوكلاته نسكويك او الي موجود لحد ماتغلظ وزيني فيها دوناتك او كيكاتك او حلوياتك

=====

اذا بغيتي تصلحين كيك وكتشفتي انك ماعندك دقيق او حتى بسبوسه ولا عندك سميد
حطي شوفان الي انصلح فيها الشوربه عرفتوها اكيد عرفتوها مافيه احد مايعرفها وتطلع حلوه وفكره جديده

=====

بعد اذا اشتهيتي اندومي ولاعندك اندومي
حطي شعيريه وبعد ماتستوي حطي مكعب ماجي وفلفل اسود وكاري وممكن زبده وبس وعليك بالعافيه

=====

اذا اشتهيتي كنافه ولا عندك شعيريه
اطحني خبز توست او صامولي وصلحي فيها كنافه كذابه

=====

السليق بعد عندنا له حل اذا خلص الرز المصري
عادي وبكل سهوله حطي رز عادي ويطلع تمام التمام
بس النوع يكون بيشاور (الي يشرب موية كثير ).ونزيد في كمية الماء
كثير اسويها ويطلع طعمه خطير

=====

صلحتي شوربه شوفان ولمن جيتي تحطين الشوفان لقيتيه مخلص او مايكفي
حطي دقيق بر في شوي مويه وكملي طريقتك وراح تذوقين احلى شوربه

=====

ذاك اليوم صلحتي تبوله بس البقدونس مايكفي
عادي جيبي جرجير وقطعيه صغار وحطيه معه يطلع روعه ولاحد يدري انه جرجير وتصير طعمها يجنن

=====

صلحتي قهوه ويم جيتي تقهوين لقيتيها خفيفه
بكل بساطه ذري عليها شوي نسكافيه داخل الزمزميه او الدله ولا كن شي صار

=====

بتصلحين بسبوسة ومالقيتي قشطة
الله يخلي الزبادي يقوم بنفس المهمه وبنفس الطعم

اتمنى اكون ا فدتكم وعطيتكم بعض الحلول

م ن ق و ل

[سرياليه]

ياما من الهمم اللي تقتلها نقص بعض المقادير ..
خاصه لطرت حلى بنص الليل

[التوت البري]

[align=center]تم اضافته للمفضله .
الف شكر لك .[/align]

[فراااااولة]

بعد اليوم ماراح أشيل هم إذا نقصت مقادير


يسلموا لك حبيبتي

[عشنا وشفنا]

يعطيك العاااافيه

[لاشيء بدونك]

مشكوره ريانه حلوه الافكار مرررررره
كثير نجي نسوي حلى وينقص غرض ولا نسويها ..انقذتينا ..هههه
يسلمووووووووعلى الحلول ريانه ..

[>ريانه<]

شاكره مروك العطر

[≈ Śķőőŋ »]

والله انها تغث لانقصت المقادير واثره تسذا النسلته

يمآآل العافيه افدتينا كثير

شكرآآ

[ريداويهـ]

[align=center][table1="width:60%;background-image:url('http://www.buraydh.com/forum/picture.php?albumid=561&pictureid=6458
');"][cell="filter:;"][align=center]




||~





ريّانه شيء جميل ’,.
بس والله من العجز بي أنا : ) ’,.
عوافي خيّتي ’,.








[/align][/cell][/table1][/align]

[مهـــــآآوي]

يسلمووو يااقمر على الافاااادة ....

[>ريانه<]

شاكره مروركم العطر

[شختور]

تم اضافته للمفضله

الرجاء التثبيت لتعم الفائده

والجميع يدعون لك

[pepsi]

موضووع خطير تم الحفظ

الف شكر

[الحبيبـــة]

تم اضافته للمفضلة

افكار خيالية وفقك الله