مقـآرنــة بين آلبنــت وآلولد آذآ رجعوآ من عزيــمــة آو منـآسبــة ..
البنت بعد الرجوع من العزيمة
هي: يوووه فاتك نص عمرك.. توني جايه من العزيمة
أختها: وش حطوا؟
هي: يو يو يو ، حطهم يجنن، ما فيه شي ماحطوه ، أول شي الشاهي، بيالاتهم تجنن مزخرفه ومسكاتها ذهبيه ، بعدين القاتوه مدري من فين جايبينه طعمه يجنن وحاطينه في صياني خربزيه وفيها نقط صغيييره لونها أخضر ، والمكسرات تموووووت ، حاطين كل كسرة في كيس! والا العشاء يالبيييه يهبببببل(يستمر وصف الاكل ساعة ونصف)
أختها: جت نوف؟
هي: ايه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل
أختها: لايكون نفس اللي لبسته قبل 5 سنوات؟
هي : لا لا ذيك المره لابسه فستان أحمر مو وردي ولا كان فيه كرستالات
،
اختها: أجل شكلها لابسه فستان بنت عمها ريم لاني شايفه اللبس هذا عليها
.
هي: اي والله، يووووه يخزياه، والله انه ماتستحي ؟ لا وريم تدرين وش لابسه ؟ اليوم لابسه لبس يحوم الكبد، الظاهر انها شاريته من أبو ريالين
أختها: وجزمتها؟
هي: ما أدري ماشفتها، تصدقين طول العزيمه وانا احاول اتشوف للجزمة لكن ماقدرت، حتى اني يوم طفشت في الاخير ذبيت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،الكلبة لبسها كان طويل مرة ومغطي رجولها
اختها: اكيد جزمتها مثل لبسها يحوم الكبد .. هي دايم كذا ذوقها خايس ...طيب ومكياجها كيف كان؟
هي: وععععع ، مكياجها مخليها اكبر من امها، تخيلي حاطة روج بني، الظاهر انه ديرما مو روج، والله المسكرة بعد يووووووووه مالها داعي، ما ادري مين النذلة اللي حاطه لها االمكياج ، شكلها زوجة ابوها
اختها: طيب وتسريحة الشعر
هي:حقت مين؟ نوف والا ريم؟
اختها: كلهم
.
هي: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل،
اختها: كحكحي؟ يعني ايش؟
اختها: ماتعرفين الكحكحي يالقروية؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني النجسة، اما ريم تسريحة شعرها باييييخة، شفتي تسريحة خدامتنا جيناتا وهي تغسل المواعين؟ نفسها بالضبط
اختها: على طاري الخدامة؟ خدامة ريم وش لابسه
..
هي: الخدامة لبسها عادي، لكن جزمتها خقااااااااااااق ، تهبل ماكأنها جزمة خدامة، لونها اسود وعليها خيوط فسفورية
اختها: صدق والله؟ هذي مو جزمة ريم؟
هي: الا والله؟ وانا اقول وين شفت ذا الجزمة فيه .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة.
(ويستمر الحش إلى صلاة الفجر)
------------
الولد بعد الرجوع من العزيمة
هو: السلام عليكم، توني جاي من العزيمة وترا كل الشباب يسلمون عليك
اخوه: عليك وعليهم السلام
انتهت المحادثة
ذكرتن بخواتي والوالدة إذا بدوا يسولفون بعد العرس والعزيمة
أنواع المطاق أيهن أحسن وأي الحاضرات أشيك وفلانة شينة وفلانة الله يهديها مالبست زين مشخلعة ووووو
أحيانا أخش جو وأبدا أتطاق معهم وأعيب هذا وأمدح ذيك
صدق هذا اللي يصير دائما
لازم نحش والا ما نستانس
الله يهدي الجميع
وحتى الرجال يحشون بس مو شرط في نفس اليوم
انا دائما اسمعهم يقولون شفت فلان ما سلم علينا
وشفت فلان ما يستحي قعد على المفطح و ما قام الا هو مخلص نصه
الله يهدي الجميع
مقـآرنــة بين آلبنــت وآلولد آذآ رجعوآ من عزيــمــة آو منـآسبــة ..
العرض العادي
