للنســــــاء فقط !!

[عاشق ديرتي بريده]

صارت عاده عند اكثر الحريم اذا تزوج زوجها حرمه ثانيه تزعل وتروح

لم اهلها !!

مادري ليش تروح وتترك بيتها مع انه ماسوى شي حرام !

بصراحه اعتبرها دباشه من الحريم لكن هذي هي وجهة نظري

بس ودي اسمعها من الحريم

ليش تروحين لبيت اهلك !!!

[yousef]

كثير من النساء لم يذهبن ولكن قد يكون ذلك وهذا شيء طبيعي بسبب صدمتها في بداية الأمر وليس بسبب
< الدباشة >
و هن اخي الفاضل ليس < دبش و لاحيوانات >
بل احاسيس ومشاعر و عواطف ولحظة غضب .!
حتى يطلق عليهن مثل هذا الوصف العقلي .

تحياتي

[قلب الأسد]

عاشق ,,, امر طبيعي ان الزوجه الأولى تذهب وتزعل وتروح لأهله

لحظة غيره وغضب والسبب الرئيسي نتاجه من الزوجه ( المجمتع المحيط بها

من النساء ) ومصيره الرجوع لبيت زوجها ,, .

عاشق اجزم بس وخله تروح لأهله علشان ترتاح شوي من الغرابيل

> > يبي يوهقك خخخخ

[نهاية الحتسي]

يوسف وقلب
كان الله في عونكن
اما عن نفسي فاماخظت التجربه
خحخخخ
دعابه

[سهاد]

وش بك على هالمواضيع ؟؟
ناوي لك على نيه .....؟؟؟؟

على فكره ليش دباشه.. لا بلحظته ردة فعل طبيعيه وبداية الصدمه
تكرهه تفكر تتركه نهائياً وبعضهن تزهد فيه صدق وترجع علشان عياله تتحسر طول عمره على ايام مضت مثل خشته وعلى عمره اللي راح ..لعيون من لايستحق

يعني يختلف تفكيرهم مهب بس من تأثير اللي حوله

ع العموم الله لايجيب هذا اليوم لكن والله مااروح لأنكد عليه مااخليه يفله معه
وانا عند اهلي ابكي عليه وع عليه وعلى امثاله

وراك تحب تغثنا بهالمواضيع ترى قلوبنا رهاف واختيارك يسوي اضطراب نفسي للقاريء

اغديك ماتعرس حلفت ..خخ

تشكراتي ..

[eivl girl]

ردة فعل طبيعيه
لكن تعامل الرجل بذيك الفتره راح تبين ذكائه من غبائه ولها تحدد انو يستحق تكمل معه او لا
يعني المفروض الرجل يعرف انه شي كبير على قلوب الحريم فيتاعمل معه بالي يناسه
وهو انو مايتركها ويلتفت لحرمته الجديده لا اعطيها حقها واكثر لحد ماتهدئه الامور
اعرف واحد من اقاربي تزوج الثالثه الفتره الي قاتت ولما رجع من السفر
عمل سفره ثانيه لزوجاته الاولى والثانيه بكذا طيب خواطرهن وخفف من غيرتهن
دمتو

[موسى العناز]

أنا اتوقع تعبير عن زعل فوق حدّ الكلام بس مالها حيله غير كذا!

الله يصبرهن ترى الموضوع ماهو سهل

وجهة نظري

يسلمو عاشق

[أســماء]

الغيـّره تقتل ..

[المنطق]

لكل فعل ردة فعل




توقع هذه الردة بحذر



قد تكون قاتله عند أنفجارها .



مثال حقيقي على ذلك



ماحصل من ردة فعل قوية جدا .



خيمة الجهراء



زواج زوجها من أخرى كان فعل .



وأحراقها للخيمة ومن بها كانت ردة فعلها .



في هذه الحالة تتصرف المرأة بقلبها لا بعقلها .!!

[{!ع ـبث طفلهـ ’]

السلام عليكم ..

عاشق يبدو انك نسيت المرأه وفطرتها .. ونسيت امهات المؤمنين
شف عائشة "رضي الله عنها" غيرتها الى ماذا تجذبها .!
بس بالنسبة لي :
الغيره فطره وانا ما انكرها
أذا نصيبي أوقعني في واحد بيننا حب متبادل واحترام ماظن بهون عليه ويسويها وان سواها لدناءته الا اذا كان في سبب واضح ويجبرني اتجاهل احساسي
اما اذا وقعت بواحد لايمت لمن اريد بصلة فالله يوفقه .. منه انا ارتاح وهو يحس إنه " جنتل مان "

[مساكن برزه]

شف وانا اخوك

طب وماعليك .. الشرع حلل اربع لك مالمانع اذا انت مقتدر وقادر على العدل والمساواه .. وجهة نظر

انا لو عندي دريهمات تسان اصك اربع وانا ماشوف الجاده.. خل كل وحده تسنع الثانيه وانت المستفيد؟..

[تذكار العمر]

بالعكس ياعاشق ماهي دباشه على قولتك بس اكيد بتغضب وبتتحسف ع الايام اللي عاشتها مع زوجه لانه صدمة قويه على قلبه ...

[تذكار العمر]

هههههههه حلو ردك اصاحب المشاركة رقم (11) بالعكس مو حل هذا لكن الله يعين قلبه اللي بيصك اربع والله مايلقى الا وجع القلب ع طوووول ربي يعينه هو اللي جايبه لنفسه عاد انتم يالرجااال ماتملى عيونكم الا التراب مو كلكم لكن الاغلب

تقبلووو مروري

[oldman]

السلام عليكم



عاشق تسنك ناوينلك نية زواج ثانيه
ترى حلال مهوب حرام وتسان تبي نخبطلك عفواً قصدي نخطبلك تراها قريبه بس انت وضح أكثر
فيه شيء لو تقوله الزوجه لزوجها خاصة اللي يغثون حريمهم بين الفيينة وضحاها
لوتقوله : شفت يابو فلان البارحة حلمت بأن عديلك اللي هو زوج أخيتي(بالحقيقه) تزوجني وسافرنا بشهر هذاك العسل اللي ماهنا ملحه ووداني لبلاد برا أحسن من شهرنا اللي كله مغثه وقحطره وتعدد علينا وش صرفت وش بقى تسان يقعد يطحله ويرجف ببطنه ويلخها بالرزة المزدوجه(الله على أيام قريندايزر .. حنيت لذيك الأيام )
وبكل عزيمه تجمعه بعديله تلاقيه يناظره بعين حاقدن عليه وينطه ولايصب له قهوه همن عاد يقعد عديله يتقربله لأنه تسد تغير عليه ومهيب هذي أخلاقه لكن مايعطيه ريتزن حلو ويجي عديله ويوسط ناس ويقولهم أنه ماتسد يوم زعله ومايدري وش اللي صابه ومير يجون يتوسطون للعديل خلاص بس
*اللي باللون البمبي(مايدري وش البمبي) تراوه زيادة هرج
والا لوتقوله بس إنها تزوجت عديله بالحلم تسان تتغير اموره ويكرهها ويكره العديل اللي ماله ودب الدوم مشقيني <-- مل وبدا يخربط
خلاااص!! مالي خلق أكمل تفهمون اللي ابي أقوله وإللا أحذفوا ردي انغثيت مادري وش ذكرني بشي على إثره حامت تسبدي بدت تقلب تسنه فرث أو مهوب أسمه تسذا ...
هذا الفرث --><--عينه بعلمه متربعه ومافي أمل تقوم عن التسبد قومي طاعون تحلحلي من متسانك

[line]-[/line]

سبحان الله وبحمده
.... عدد خلقه ... ورضا نفسه .... وزنة عرشه .... ومداد كلماته ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

[روح لايسعهآ جسـد]

[align=center]لاتنسى تطرح بموضوع ( للاطفال فقط) [/align][align=center]

بالنسبه لموضوعك والله مادري لانه مابعد تزوج على
اوعدك اذا تزوج ثانيه ارد على موضوعك من بيت اهلي [/align]