السوريات وقمة الوفاء والتضحية .

[عـــــســـــولــي]

سورية تضرب أروع أمثلة الوفاء بتبرعها بجزء من كبدها لزوجها‬ الأحد 21 مارس 2010
12:57 ص

​عبير الرجباني - سبق - الرياض : ضربت مقيمة سورية بالرياض أروع أمثلة للوفاء والتضحية بتبرعها بجزء من كبدها لزوجها وشريك حياتها. وكان الزوج الذي يعاني من فشل كبدي ويرقد في مستشفى الملك فيصل التخصصي, انتظار متبرعا له بجزء من الكبد , ففوجئ بزوجته تقوم بالتحاليل اللازمة للتبرع له بجزء من كبدها لزراعته . وقد تكفل الأمير نايف بن ممدوح بن عبدالعزيز بتكاليف العملية على نفقته الخاصة, تقديرا لموقف الزوجة العظيم التي ضربت فيه أروع الأمثلة للوفاء .
وأشاد الشيخ غازي بن عبدالعزيز الشمري رئيس التكافل الاجتماعي بإمارة المنطقة الشرقية بموقف الزوجة ووقفتها بجانب زوجها في مرضه وتبرعها بجزء من كبدها معرضه حياتها للخطر , مضيفا أن هذا الموقف يدل على الحب والترابط الأسري الذي يجمع هذه العائلة داعيا المولى أن يمن عليهم بالصحة والعافية وان يحفظهم من كل مكروه . من جانبها قالت الزوجة : هذا اقل ما أقدمه لزوجي ووالد أبنائي ولن أتخل عنه مهما حدث . (منقول)

قمة التضحية ..هيك الحب او بلاشي .
الله يرزقني وحده يكون معدنها واصلها من نوعية هالزوجه .
الحمدلله بعض السعوديات فيهن من هالنمونه بس ضاعن بزحمة الحياة وصارت الحياة الزوجيه عندهن مجرد (هات ..عطني . ودني للسوق ووو) وبمجرد يمرض الزوج ويمكن تكون الزوجه هي السبب بمرض زوجها إرهاقه بالطلبات تبدأ التغيرات وتشين النفسيه على الزوج وتبدأ تتضجر منه وبالنهاية تقول (طلقني طلقني) لو معها (عشرين بزر) .
ماأحلى التضحية النابع من الحب وماأكره الجحود والنكران .
اقدع سلام مربع للسيده السوريه وياريت اطول رأسها كنت أبوسه .

["غرك غلاك"]

السوريات التعميم لغة خاطئة دوما لا يجيدها إلا من لا يعرف الاستفتاء
أنت تتكلم عن شيء نادر ويعتبر مفاجأة غير متوقعة سورية تقدم لزوجها جزء من جسدها لا بد أن تكتب هذه التضحية بماء من ذهب لندرته ,
سمعنا عن زوجات سوريات جاءت ولدت ابناء فهربت وتركتهم يواجهون مصير الضياع بعد رحيلها .
من النادر أن تجد زوجة شامية تقدم الأخلاص لرجل خليجي .اللهم كثر أمثالها من أجل أن نتقدم خطوة لبني جنسها .

[أبواحمد]

اقتباس:  المشاركة الأصلية كتبت بواسطة "غرك غلاك"     السوريات التعميم لغة خاطئة دوما لا يجيدها إلا من لا يعرف الاستفتاء أنت تتكلم عن شيء نادر ويعتبر مفاجأة غير متوقعة سورية تقدم لزوجها جزء من جسدها لا بد أن تكتب هذه التضحية بماء من ذهب لندرته , سمعنا عن زوجات سوريات جاءت ولدت ابناء فهربت وتركتهم يواجهون مصير الضياع بعد رحيلها . من النادر أن تجد زوجة شامية تقدم الأخلاص لرجل خليجي .اللهم كثر أمثالها من أجل أن نتقدم خطوة لبني جنسها .

فعلاً هاذا اللي حاصل وقليل جدا من هاذا النوع لا وبل ناااااادر الله يكثر من امثالها

[عـــــســـــولــي]

الى عاشق الخير والخالدي .. جيل البنات الحالي .
قصة ترويها المرشده الطلابية (نوال المرشدي) :
جائتني بسررررعه ودخلت غرفة الارشاد وهي تبكي
:استاذه ممكن ادخل ؟
قلت:خير ان شاء الله استأذنتي من معلمتكم ؟
قالت:استاذه تكفين خليني ادخل .....ثم انهارت بالبكاء
قلت :تفضلي خير يا..........خير تعبانه ؟فيكي شي؟
قالت بالحرف الواحد:حسبي الله على بعض الشباب!!!
قلت:نعم؟استغفر الله وش السالفه يا..............تراك خوفتيني
قالت:حسبي الله على كل ام وابو واخو غافل عن اخته!!!
انا ضعت يااستاذه ضعت!!
وانهارت بالبكاء ثم مسحت دموعها وقالت :استاذه اهلي وثقوا فيني ثقه عمياء وفروا لي كل شي دش اقلب فيه القنوات علىكيفي لاب توب واخيرا بلاك بيري وهذي النتيجه!!!
الشيطان شاطر وانا يااستاذه عجزت اقاوم ماقدرت ....ماقدرت
زميلاتي هنا بالمدرسه اذا انتي ماتكلمين او مالك علاقه مع واحد فأنتي متخلفه معقده مسكينه ويبعدون عني!
حتى بنات خوالي وعماني كل وحده معها البلاك بيري وتراسل خويها او خوي فلانه وعلانه!!!
اهلي يحسبون اني عاقله ورزينه وقدامهم وش حليلي يحسبون اطهر الارض اللي امشي عليها
ومايدرون اني لي علاقه مع.......وانهارت وبكت
وبعدين قالت لي علاقه مع 5 شباب!!!
اكيد بتنصدمين يااستاذه مني بس بقولك شي ترا الشكل والرزانه اللي من الظاهر مو دليل
والله العظيم ان ثلاثة ارباع المدرسه اللي عندهم لاب توب وبلاك بيري يكلمون
تلقين الام تثق ببنتها والاب يوافق من الحاح الام ويعتمد على الام والام اصلا همها المظاهر وتوفير كل شي لبنتها عشان ماتكون اقل من غيرها !!!وهذي نهاية الثقه!!
تعرفين يااستاذه بنت فلان وفلان اللي ابوهم مطوع تراها تكلم وعندي الدليل!!
شوفوا لنا حل!!
المشكله واحد قاعد يهددني بصوري يااستاذه تكفين وش اسوي!!
وبعدييييين سكتت وقعدت تبكي وقالت: امانه يااستاذه لاتعلمين احد عن اسمائنا !!قلت مستحيل !!
قالت ترا زميلتي فلانه تطلع مع شباب اذا ناموا اهلها واحيانا تقول لاهلها بروح لزميلتي او بنت خالتي بذاكر عندها او اي كذبه من هالكذبات وتروح شوي وتواعد خويها هناك يمرها وياخذ فيها كم لفه يدور بها على الحاره والله العالم وش يصير بالسياره يااستاذه!!!
وابحاول اقنعها تنزل عندك لانها متورطه معاه بورطه وخااااايفه مررره
قلت طيب اللحين انتي كيف تكلمين وين اهلك عنك؟
قالت اسجل اسمه باسم بنت عشان اذا دق الجوال يحسبون انه زميلتي واكلمها على اساس انها بنت
او اذا رحنا عزايم والا لبنات خالي اطلع شريحتي الثانيه واكلم
ياابلا ترا فيه الف طريقه وطريقه وين عايشه انتي؟؟؟<<<<<عجبتني بكلمتها فعلا فتحت عيوني على اشياء ماكنت ادري عنها
قلت لها شوفي لازم تستغفرين وتتوبين وتصدقين بتوبتك وان شاء الله ربي بيساعدك ويستر عليكي وانا بحاول اساعدك
ثانيا:اذا الولد يهددكي بصورك وعارفه اسمه وكل شي اختصري الطريق ودقي على الهيئه وبلغيهم هم يتصرفون
قالت:بس اخاف يفضحوني قلت:لا تخافين الهيئه همهم اكبر من كذا وراح يساعدونك ويفكونك منه والولد راح ياخذ عقابه!!
قلت لها طيب انقلي اذا انتي منتي مرتاحه هنا!!
قالت والله يااستاذه انك ماتدرين عن شي!!
قلت وشو؟
قالت انا لي بنات خالات وخوال وعمات وش كثرهن ماشاء الله والله اغلبهن يكلمن ويتفاخرن بهاالشي وكل وحده معاها بلاك بيري ولاب توب ادهى وامر!!!
حتى بنت عمي اللي داخله بتحفيظ القران تكلم شباب!!
قلت :بس لاتكملين
قالت:اسفه يااستاذه بس والله هذا الواقع شوفوا لنا حل حنا نضيع بسبب الدشوش واللاب توب والسهر وطلعاتنا لبنات خالاتنا واعمامنا وبسبب البلاك بيري والام والاب والاخو اللي يشد فيه الظهر كللللللهم غافلين عنا ولا رقيب ولا حسيب
هي كلمه بقولها
الله المستعان راح زمن الاخو اللي تخاف منه اخته وتسمع كلمته وتسوي له الف حساااااب!!!
الا من رحم ربي!!!
من جد بديت اخاف من هالزمن!!!!
فأنا أقول لكل أب ومسؤول عن عائلة: إتق الله في بناتك وأخواتك راقبهن وناصحهن وحذرهن قبل أن يكثر الفساد في المجتمع فأنت مسؤول عن عائلتك.
وأقول لكل بنت: إتق الله لاتخوني أهلك وقاطعي جميع هؤلاء الذئاب فأهم شي عند البنت الشرف والعرض فحافظي على عفتك وأتركي الحديث مع الشباب الذين لايحلون لك فأنا والله لك ناصح .
بالله عليكم هل هؤلاء هن أمهات المستقبل ؟؟ هل ينشد فيهن الظهر؟؟ خيانات في خيانات وماضي اسود (بكره لماتتزوج يبي يلاحقها صديقها ويبي يمارس الجنس معها بالغصب مو بالطيب ,,كيف تبي تجيب اطفال ؟؟ .
يابنات اصحن من غفلتكن .ترى موت الفجأه كاثر هاليومين لو وحده ماتت وهي على هالحال بالله كيف ستقابل خالقها ؟؟؟

.

[عاشق الخير]

[align=center]إن كانت قد ضحه بكبدها ..[/align][align=center]
فبيننا من ضحت بعمرها ووقتها و شبابها وراحتها ..
لكن
أين من يثمن لها تلك التضحية ..
المرأة عندما تجد الرجل الذي يستحق هذا او يمكن ان يوصف بالرجولة ..
ستجدها تنتزع روحها من جسدها لتهديها له..
لكن
المشكلة .. في قلة من يستحقون .. للأسف !![/align]

[عذبـــــة]

اقتباس:  المشاركة الأصلية كتبت بواسطة عاشق الخير     [align=center]إن كانت قد ضحه بكبدها ..[/align][align=center] فبيننا من ضحت بعمرها ووقتها و شبابها وراحتها .. لكن أين من يثمن لها تلك التضحية .. المرأة عندما تجد الرجل الذي يستحق هذا او يمكن ان يوصف بالرجولة .. ستجدها تنتزع روحها من جسدها لتهديها له.. لكن المشكلة .. في قلة من يستحقون .. للأسف !![/align]

صدقت ثم صدقت ثم صدقت
تحية عذبة خالصة لك

[غرشوبه الرعبوبه]

اقتباس:  المشاركة الأصلية كتبت بواسطة عاشق الخير     [align=center]إن كانت قد ضحه بكبدها ..[/align][align=center] فبيننا من ضحت بعمرها ووقتها و شبابها وراحتها .. لكن أين من يثمن لها تلك التضحية .. المرأة عندما تجد الرجل الذي يستحق هذا او يمكن ان يوصف بالرجولة .. ستجدها تنتزع روحها من جسدها لتهديها له.. لكن المشكلة .. في قلة من يستحقون .. للأسف !![/align]

رد منطقي جدا الله يخليك لزوجتك ويخليها لك
سعاده دايمه يارب ^_^

[لمعة سيف]

لو ماعمم ماضبط موضوعه

عمل إنساني نبيل

لكن ياصاحب الموضوع أسمح لي لفت نظر العضوات مو بهالطريقه

[ツ • بسْـطـَويِـسـْي]

[align=center]التعميم مايصلح عسولي ...

لكن والله الجيل التالي من البنات غاسلن ايدي منه احسه شوي متطلب ولاعنده وفاء ..

بعكس جيل جدتي واميمتي والله وقت مكان جدي عايش والله ياجدتي كانت تقوم به وتسوي له كل شي ياحبيله بعد ..

واكيد لو صار مثل هالموقف ان تعطيه عيونه مو بس كليته !

بس الجيل التالي والله مايندرى عنه والله يرزقنا الي كلها وفاء وحنيه : )

وشكرا لك عسولي : )[/align]

[رزه مرتزه]

مآشآءالله
الله يخليهم لبعض ويتمم عليهم

اقتباس:  المشاركة الأصلية كتبت بواسطة  • آلْطآوُوُسْ‏     [align=center]التعميم مايصلح عسولي ... لكن والله الجيل التالي من البنات غاسلن ايدي منه احسه شوي متطلب ولاعنده وفاء .. بعكس جيل جدتي واميمتي والله وقت مكان جدي عايش والله ياجدتي كانت تقوم به وتسوي له كل شي ياحبيله بعد .. واكيد لو صار مثل هالموقف ان تعطيه عيونه مو بس كليته ! بس الجيل التالي والله مايندرى عنه والله يرزقنا الي كلها وفاء وحنيه : ) وشكرا لك عسولي : )[/align]

يآسآتر ورآك تسذا علينآ وه


عآد شف يآكثركم أنتم الي وافيين>> تطلع لسانه

صدز قوه حطمتنا
قسم بوه بنات يحطن ع الجرح يبرى بس دايم هالنوعيه مبليآت برجال شياطين يوطون ع رآسه من القهر

[دحيم السادس عشر]

من المؤلم جداًُ ان يختزل الوفاء بـ فئة معينه او شعب معين فهذا قمة الظلم والإجحاف وهذه المرأة فعلت ذلك لزوجها ولم تفعله لغريب لذلك لاأجد غرابة في هذا الأمر فـ الزوج والزوجه كالجسد الواحد والروح الواحده ومافعلته ستنال جزاءة من رب العالمين.
ففي ببلدنا العزيز يوجد الكثير من النساء ومن الرجال من ضحوا بالشيء الكثير من اجل بعضهم البعض.

[مساكن برزه]

وش خليت ( سوريه) الله يرزقن وحده تسر خاطري واكحل عيناتي به ..

الا يعطون اللي ماتزوج يعني عزوبي سوريه ولا لازم اخذ من ديرتي بعدين اروح ( افيدوني ياصحاب الخبره )

[كلوز]

سوريه مره واحده

شكلها قيد مرت بالزبداني هي وززوجها وكتب فيها قصيده وضحت من اجله

لاتتعجب من تضحيتها

ولكن

هنــا سعوديات

اناث

ولكن بألالاف الرجال بأفعالهن وتضحياتهن

ولكن للأسف

ليس هناك من يقدر هذا الشي

[آح ــسآآآس]

هههههههههههه [[شر البليه مايضحك ][

انا مدري ليش كل هالتحامل على السعوديات ونظرتكم لهن سوداويه ؟؟!

وكل ماصار شي السعوديه فيها وفيها السعوديه كل عيوب الدنيا فيها !؟

ماقول الا الله يعوضهن بالجنـــــــــــه...

[اصالة نادرة]

اقتباس:  المشاركة الأصلية كتبت بواسطة آح ــسآآآس     هههههههههههه [[شر البليه مايضحك ][ انا مدري ليش كل هالتحامل على السعوديات ونظرتكم لهن سوداويه ؟؟! وكل ماصار شي السعوديه فيها وفيها السعوديه كل عيوب الدنيا فيها !؟ ماقول الا الله يعوضهن بالجنـــــــــــه...

لا تسغربي فـ انتي في منتدى بريدة همهم تمجيد الاجنبيات وذم السعودياات

حتى الغير بريداوي تطبع بطبايعهم