*..( ورطتي مع بنت خالي في بيت جــدي)..*

[حلاتي بعنادي]

*..( ورطتي مع بنت خالي في بيت جــدي)..*
-في يوم من الايام (الاثنين)قررنا أنا وبنت خالي (صديقتي الخاصه)
السهره والمبيت < آبوك يالفصحى هع
في بيت جــدي وياليتنا ماقررنا وجلسنا في بيتنا أحسن لنا..!!!
المهم إننا سهرنا وإستانسنا
ونمنا في غرفه بجنب غرفة جــدتي
وبعد مانمنا الساعه 7صباحأ بدأت المعاناة مع جدتي لأن جدتي ماتنام وجلست قريب من غرفتنا
وبداء دوامها المحترم أنواع المكالمات(مسويه نفسه مهمه)
وصوت جدتي عاد ناعم وواطي(أمحق) خخخخ
بعد ما خلصت المكالمات بدأت الزيارات كل شوي يدخل واحد من عياله البارين يسلمون عليها
ويسولفون شوي معه وبعدين يروحون
وعاد جت مهمة حلآتي < تقصد روحها
فأخذت جزمتي ولكم الكرامه وطررررراااااااخ بالباب
وفز خالي من مكانه لأنه مادرى إننا نايمين عندهم قالت جدتي وجع جنيتو وش فيكم ؟؟
حنا دمعت عيوننا من الضحك هههههههههههههههههههههههههههههههههههه
بعده كملنا نومنا وصحينا الساعة2 الظهر لقينا جدتي مجهزه فطور بمستوانا كابنات مؤدبات هع هع
وأفطرنا الحمدلله رجعنا للغرفه وجلسنا نسولف وجت جدتي لابسه عبايتها وقالت جهزوا فطور لأني أنا وجدكن صايمين!!!!
وبروح الحين للحلقه وإذا جيت ألقاه جاهز..!!!
وأنا وبنت خالي نناظر بعض مصدوماااات ومفزوعاااات ومندهشااات من الخبر المزعج!!
قالت جدتي ليش ساكتات ماتعرفن تسوون فطور؟؟
قالت بنت خالي أفا ياجده تشكين بقدراتنا ؟؟
وش دعوه بيتزا وفطاير وشوربه وش يبغن هذي لعبتنا <<< ماتدبر شيء خخخ
قالت الجده ايه بنياتي بس الشوربه لاتكثرون ملحها..
قلت بنفسي اوووه هذا أوله تشرط هذي والله البلشه وسألت بنت خالي بهمس تعرفين تعجنين؟؟
قالت يعني مو مره أضبطها..!!
قلت هييييييييه لاتوهقيننا لأن خوالي يجون احيانا المغرب يفطرون مع جدتي ولا تفشليننا عندهم..!!
وراحت بنت خالي وكلمت على امها وأخذت الطريقه(قالت أعرف قالت )هع هع
وراحت تعجن وحطت المقادير وعلى طوووول كبت الطحين وعجنتها بدون حركها<<<<القرااااامه ذابحتها خخخخخ
وصار السكر عقده لانه ماحركت المقادير قبل بوووووووووم وخربت العجينه
وأخذتها ورمتها ببرميل الطعام وراحت وعجنت عجينه ثانيه وإحنا ماااايتين من الضحك هههههههاااي
وأنا أحم أحم سويت الشوربه بسلام<<< على باله مسويه مثلوثه هع هع
بس بقى العجينه بس ناظرها خايفين إنها ماتنضبط ويضحكون علينا
وسوينا حشوة البيتزا والفطائر طبعا بعد معاناة لاننا لقينا صعوبه بالبحث عن بعض البهارات والادوات
وفكينا العجينه علشان نسويها وككلللوووووووووويش انوااااااااااع الونااااسه لقينا العجينه منتفخه أومدري وش تسمونه
ألمهم صارت مثل البالونه <<< ماتعرف توصف
أما بنت خالتي أخذت مهمة الفرن اناتراني أعرف بس أخاف شوي من النار<<< خخخخ
طلعة من المطبخ أصابعه متشهده فيهن علشان أنهن منحرقات حروق بسيطه الحمد لله
وخلصنا من الفطور ودخل خالي علينا وقال بصراحه البيتزا خياااال وأكل منها
وقال بروح اجيب امي واوصلها لصديقتها عازمتها على الفطور!!!!!
وصرخنا صرخه مدويه...؟؟!!!
وش تقووووول؟؟؟؟
وطاح من الضحك قال امزح عليكن بس شفتكن مايتات من التعب قلت بنرفزهن شوي!!
قلنا هههههههه دمك خفيف بس لاعمرك تمزح<<< النفسيات زفت وجهزنا الفطور على الطاوله وطلعنا من المطبخ
وقالت بنت خالي لي ليش ماتعرفين تطبخين لويخطبك احد وش نقوله ماتعرف تطبخ يالدبه
قلت يالبومه اول تعلمي بعدين تكلمي عن غيرك وأفطروا الجدين وقالت جدتي ليتكن دايم تزورننا الأثنين
وناظرنا بعض بإندهاااااش !!!
وضيعتها وقلت أقول تقبل الله منكم
وطلعنا من الغرفه قالت بنت خالي خلاااااص ماعمري أجي للبيتهم إلا بعد المغرب
قلت وإلا ناويه تجين بعد أصلا أنا رجلي برجل امي.....هههههههههه وأنوااااع الضحك
ورجعنا للبيت تعبانين ودايخين من الطبخ والطبيخ ،،هع مسوين مفاطيح على غفله خخخ
(وقررنا أنا وبنت خالتي أننا نتعلم الطبخ عشان مانبلش إذا حصل شي ماشيات هع هع)

[شموخ القصيم]

والله انك فله انتي وبنت خالك

الحمدلله

انوو ضبط معكم الطبيخ

[بآلـخــآرج للغــدآء]

هههههههههههههههههه
مهبل
الله يقلع بليسكن
بس اشوآ آحسن مآآبه انك تعودتن على الطبخ <تقل شالة همكن
تسلمين ع الحتوته

[|| دريم ~]

.

ツ ツ ツ ツ ツ ツ ツ ツ ツ ツ ツ ツ ツ ツ ツ ツ

ههههههههههههه
آفا هذا كبرك وماتعرفين تطبخين
والله قصه حزززينه وبه آكشن وحماس خآآآصه حق الهوشه اللي خلطتوا به العجينه
بس آهم شي إنه ماحصل فيه حالآلآلآت تسمم بآخر شي

ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ

[حلاتي بعنادي]

اقتباس:  المشاركة الأصلية كتبت بواسطة شموخ القصيم     والله انك فله انتي وبنت خالك الحمدلله انوو ضبط معكم الطبيخ

اي والله انك صادقه
.
عشان مايقعدون يتطنزون علينا
< وش يفكنا عاد من التطنز خخخخ
.
نورت يالغلا

[حلاتي بعنادي]

اقتباس:  المشاركة الأصلية كتبت بواسطة فلسفة جيل     هههههههههههههههههه مهبل الله يقلع بليسكن بس اشوآ آحسن مآآبه انك تعودتن على الطبخ <تقل شالة همكن تسلمين ع الحتوته

ههههههههههههه
هين الهبآل وآرد
.
.
اي والله تعودنا < صارت طباخه ماهره آحم
.
اجل بكرا ينقطع رزقنا خخخخخخخ < هذا همه
.
نورت يالغلا

[حلاتي بعنادي]

اقتباس:  المشاركة الأصلية كتبت بواسطة || دريم ~     . ツ ツ ツ ツ ツ ツ ツ ツ ツ ツ ツ ツ ツ ツ ツ ツ ههههههههههههه آفا هذا كبرك وماتعرفين تطبخين والله قصه حزززينه وبه آكشن وحماس خآآآصه حق الهوشه اللي خلطتوا به العجينه بس آهم شي إنه ماحصل فيه حالآلآلآت تسمم بآخر شي ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ

لآآآآآآآآآع والله اني بديت آعرف
وتسان تبي اعزمك ماعندي مانع < احتمال تصفي على خبز وجبن خخخخ
.
.
لا آبشـــركـ الكـل سلم من التسمم
.
.
نورت يالغلا

[الزنون]

[align=center]

اقتباس: أما بنت خالتي أخذت مهمة الفرن اناتراني أعرف بس أخاف شوي من النار<<< خخخخ

نار الفرن ثلوج عند نار جهنم
يعني ولا شيء جزء بسيط من نار جهنم
فاذا تخافين من النار
خوفي من ربك ولا تخلين الصلاة
ولا تسبين الناس وتطنزين
وبري بوالديك وطيعي امك
مو هواش دائم انتِ وهي
<<وراه ما يعلم نفسه


صدق ما تعرفين تطبخين
الحين بنت اختي عمرها 12 وماهنا شيء ما تعرفه ما شاء الله عليها
لا وطبخها احسن من طبخ امه


عقبال ما تروحين بعد الاختبارات عند جدك وتجلسين شهر عندهم
وكل الايام انتِ اللي تطبخين وتنفخين عندهم

وعقبال ما تتزوجين واحد دب يحب البلع
كل شوي يقول ابي اكل


يعطيك العافية

[/align]

[بسومة بريده]

ماشاء الله عليكن قرمات بس ليتك مصورة الفطور الي سويتوه...

[كـلـ م ـة حـــق]

هههههههههههههههههههه
والله إنكن فللللللللله ياحبيلكن مير ..

اقتباس:  المشاركة الأصلية كتبت بواسطة بسومة بريده     ماشاء الله عليكن قرمات بس ليتك مصورة الفطور الي سويتوه...

--->>> صاااااااااادقة

وثــانكس على هالقصة ..

[هلاوين]

هههههههههههههههههه


حركات لكن سوووووووووال تعرفن تطبخ عسكريم >>هع هع



شكرا لك خلاتي بعنادي>>هع هع

[≈ Śķőőŋ »]

مشاءالله عليكم الله يرحمه جدتي ان اومرت علينا
قالت جيبي الزمزميه من المطبخ ولا جيبي ماء بس وشكل امي طالعه عليه

وانتم فطور مره واحده ماسوت لكم الفطور الي ساعه 2 عبث خخخخخخخخخخخخ

احس اشكالكن بالمطبخ توحفه والوجه اشهب من الطحين خخخخخخخخخخخخخخخ

عاد الصدز انا ماعرف للعجينه ماتضبط ..<واحد سئلتس الحين

زين مير اخذتن درس انكن تعلمن الطبخ


شكرآآ

[≈ Śķőőŋ »]

عن اذنتس أبله بجاوب

اقتباس: سوووووووووال تعرفن تطبخ عسكريم >>هع هع

انا قد طبخت اسكريم

بس انوه حاله صعب شوي بس تصدق وش طلع طعمووه
احس طعمه تقل كريمه الي تجي صفرا ماله دخل بالأسكريم
بس الفرق بينهن انه هذي ثالجه

[عادل الحبيتر]

الصراحه سالفه حلوه

لكن جدتكم عرفت كيف تنظم وقتكم .. لانكم شكلكم قبل كنتي انتي وبنت خالك ما غير بس سوالف ونوم بس ..

بس جدتكم قالت ابربيهم وابخليهم يقضون وقتهم بالمطبخ .. ونجحت خطتها ..
ولانها سوت لكم امتحان في تحمل مسؤولية الطبخ ههه

[هلاوين]

اقتباس:  المشاركة الأصلية كتبت بواسطة شواطئ الأنتظار     عن اذنتس أبله بجاوب انا قد طبخت اسكريم بس انوه حاله صعب شوي بس تصدق وش طلع طعمووه احس طعمه تقل كريمه الي تجي صفرا ماله دخل بالأسكريم بس الفرق بينهن انه هذي ثالجه

هههههههههههههههههههههه


خابرك اللي وزعتي علينا يووووووووووووووم نطلع ذاك اليوم بسطح القمر >>هع هع


تراي صدقت يطبخ العسكري>>هع هع