المدمنين يدخلون وغيرهم يتكرم يمسك الباب لو سمحتوا ....!!!

[" TWIX "]

الأدمان لا عب في حسبتي لعب ..
لكن مو الأدمان اللي داخلين على شانه والله غلبان زقارة المالبورو مقاطعها
ولا لي فيها خبر " الحمد لله "
أدماني شي غير ..
وهو أدمان "الطفة" بالشي
أنا أشوف نفسي كل سنة أطف بشي وأهلوس وراه
مرة أدمان على شراء العطورات المخيسة اللي عند المساجد..
ومرة أدمان على كل من قالت أنا شوكولاااااااااااته إلا تويكس ..
وألحين مدمن شاهي خااااااااااااااااااادر مع لبن ..
ومع البرد أكيد بأدمن على حليب النياق وأفكر أبيع اللاب توب واشري ناقة
وأقابلها بعسيلان أو الطرفية وبسوي نفسي راعي معنى ..
من شافن هناك يتفضل ولا يتشرط يجي يقولي أبي كابتشينو بنكهة البعارين ..
أدري أن بعضكم ..
مدمن على أشياء مضحكة ..
خلونا نضحك أيها المساطيل والمدمنين ونخوض في عالمكم ..

اترك لكم المايك ........ تخبرونا عن ادمانكم ومزاجكم المعفن (امزح)..

[شميساوي]

موضوع جميل ... يا مدمن

أنا من أشد المدمنيــن على شراء السبحات ... لا تورين محل للسبح

تلقان أتحكك وأنهبل ألين أوقف عندهـ ... ولازم أشري لي سبحه ...

عاد على حسب الميزانيه .... أن كنت مدرهم فـ عز الله طارت قروشي على شئ غالي ...

وأن كنت داج فـ مالي الا الرخيص اللي بيوم وهو منقطع

مشكوووووور أخوي تويكس ...

[بسومة بريده]

انا مدمنة عطور مستحيل امر من محل عطور الا لازم اشتري عطر....

وبرجع اكمل...

شكرا على الموضوع المدمن قصدي الرائع...

دائمامتميز اخوي باونتي<<كيفي مالي خلق التويكس

[بسومة بريده]

ومدمنة لمنتدى بريده....

واترددعلى الشيخ يقراعلي لعلي اخف شوي....

تصدقون بديت احلم به...

[»‏جـوري«]

انا مدمنة شنط وجزمات الله يكرمكم

مشكوووور توويكس

[جبل السكر]

اقتباس: أنا من أشد المدمنيــن على شراء السبحات ... لا تورين محل للسبح تلقان أتحكك وأنهبل ألين أوقف عندهـ ... ولازم أشري لي سبحه ...

نفس حالة اختك في الله
مااستغنى عنها بأي مكان
ومافيه ايرانيه ولاتركيه ولا الباني ولاروسي
نشتري منوخخ
<<ابوها يسميها الشيخه الشنقيطيه




تحيتي

[" TWIX "]

اقتباس:  المشاركة الأصلية كتبت بواسطة مملكة فرح     انا مدمنة شنط وجزمات الله يكرمكم مشكوووور توويكس

أهلا بعزيزتي الموقرة/ المدمنة...
أنا ألاحظ الحريم كل روحة للسوق لازم تجر معها شنطة وجزمة مدري
أيش السبب هل المرأة لما تلبس أي شيء من خلاقينها لازم تكون الشنطة
والجزمة نفس لون الثوب وإلا لا ...؟؟!!
بصراحة ..
أنتن مسببات مشكلة بها البلد أنتن وأدمانك .. اللي مدمن المخدرات
ما يصرف مثل ما تصرفن ...

[شدو البلابل]

مدمنــــــــــة قهوووه بزياااده .

مشككور على الادماان.قصدي على الموضوع ياتوكس.

[" TWIX "]

شدو البلابل...

اقتباس: مدمنــــــــــة قهوووه بزياااده .

أول مرة أشوف بنوتة مدمنة قهوة ..
شكل يقرب لك دغيم الظلماوي ...

اقتباس: مشككور على الادماان.قصدي على الموضوع ياتوكس.

والشكر موصول لك يامدمنتنا الجديدة ..

[موسى العناز]

[align=center]سجل واحد مدمن اكثر من شي ابرزهم الشعر وقهوه وشاهي

يسلمو تويكس[/align]

[الزنون]

انا مدمن باستفزاز الناس
ومدمن بشرب الزنجبيل بالشتاء

تحياتي

[" TWIX "]

اقتباس:  المشاركة الأصلية كتبت بواسطة الزنون     انا مدمن باستفزاز الناس ومدمن بشرب الزنجبيل بالشتاء تحياتي

يالمدمن ..
على طاري الزنجبيل طالع نوع كأنك شارب شطة سومطرة من الحرارة
لا شربته أروح لأقرب بنشر أنفخ خشتي أعوذ بالله
تقل شابه حريقه فيه ...!!

[النبراسكية]

انا مدمنة مع الاسف الشديد بس لا تعلمون علي هع
مدمنة
8
8
8
8
8
8
8

8
8
8
8
8
مدمنة تشفيط
8
8
8
8
8
8
8
8
8
8
8
8

8
8
8
8
8
8
تشفيط القهوه مع التويكس

مشكور خيو

[بورش]

اهلا يامدمن


انا قهوه تركيه

[" TWIX "]

اقتباس:  المشاركة الأصلية كتبت بواسطة بورش     اهلا يامدمن انا قهوه تركيه

يوووووه ..
الله يعينك شكل أصحاب الكافي يعرفونك كلهم ..
لأن أهالينا ما يعرفون إلا الشاهي والقهوة العربية والزنجبيل بس
أما غيرهن يبي لهم كم سنة قدام ..
يمكن الجيل الجديد يصبغنا بمشروبات جديدة .. ما ندري نقول يمكن ..

سعدت بمرورك ..