×× أخواان وأخواات بالأسم فقط ××

[>ريانه<]

مرااحب بالطييبين ..

بدخل بالموضوع دغري^_^

كثيير ماننشااهد انعزال بين الاخوان والاخواات العلاقة بينهم علاقة اوامر وتنفيذ طلبات
الاخ روحي جيبي ماء صلحيلي عشاء ومن هالاوامر
البنت وصلني للسوق للخياط للمشغل وعلى هالمنواال..

او حتى قد يصل الامر الى انه مافيه اي علاقة حتى بالاوامر هو يأمر الشغالة وهي تأمر الساائق..!!

مافيه حاجة اسمها جلسة اخووية وقهوة وحلا وضحك وسووالف..
ياترى السبب من الاخ او الاخت..؟
او
المسئولية تقع على عااتق الاب والام الي مازرعوا هالشي في نفوس ابائهم؟؟


كثيير الان نسمع من شكوى الاخواات من قسوى اخواانهم ياترى مالسبب هل الزمن المخيف يجبره على القسوة واستخدام اسلوب العنف ليحد من انجراف اخوااته
وكأنه مافيه اساليب للتربية والتوجيه..!!؟

يصل الامر ان تقول الاخت أكره اخوي مصييبة ..او ان الاخت او الاخ لايعلمان باي مرحلة دراسية تدرس او يدرس ولا اخبارهم ..شي مذهل..

وكثيير من الاخواان بعد زوااج اخته لايعرف عنها شي وكأنه ماصدق تزوجت..
الاخت للمعلومية تريد ان تشعر زوجها بأن لها عزوة وسند تبي يزورها بيتها حتى الروحات والجيات المفروض يعرض عليها يوصلها لاي مكان خصوصا لازااراتهم في بيتهم..
صحيح عنده زوج لكن الاخ اقرب من الزوج لان الزوج يتعوض لكن الاخ مايتعوض بعض الاخوان يقول عندها زوجها ماعلي منها ليش جاية من الشارع هي؟!!

حتلى اتعجب لاما بنت متزوجة وتجي تزور اهلها مايعرض اخوها المتزوج يعزمها في بيته على عشاء او حتى قهووة اعرف بنات ماقد راحن لبيوت اخوانهن..!!
هل هي قلة سنع؟ او ماخطر على باله؟ او يرى ان هالشي مالها داعي؟؟

ياترى الفجوة الحااصلة بين الاخوان والاخواات اسباابها ايش؟؟


صحيح فيه أخواان ينحطون على الجرح يبرى يشاركها همومها والله اذكر بنت تتكلم عن اخوها وكيف وقف مع اختها يوم طلقها زوجها وقدر يطلعها من الي هي فيه ..
وحدة ثانية كان لاحس انها متضايقة اخذها مكان برى البيت وخلاها تقوول الي بخااطرها فعلا ماشاء الله تندر هالنماذج بهالوقت الي كلن نفسي نفسي..

وتتعجب من وااحد مقتدر ماليا ولا قد عطى اخته لو مبلغ رمزي بسيط بعيد فطر او اضحى او مثلا لاوصلها للسوق او حتى كذا بدون سبب يكون هو مكان شغله بعيد مايشوفهم الا ب4 شهور مرة ماراح يضره شي لو عطاها مبلغ بسيط..!

يمكن أكوون ركزت على الاخوان اكثر من الاخواات لان الي اشووفه ان الاخوات مايقصرن ومستعدات يقدمن لكن مافيه خطوة تشجيع من الاخ ولان الاخوات اكثر سنع واهتمام من الاخوان خصوصا لاتزوجت الوحدة لو على كيفها كل يوم اخوها عندها..

ياترى هل من اجاابات لتساؤولاتي؟؟ او اني باالغت بالمووضوع ؟؟؟ وصدقووني اتكلم من اشياء شفتها وسمعت فيها وكثيير نخاالط بناات ونشعر بلي يحسن فيه..

سلام تفوح منه عطر برائحة الخزاامى,.