مسلسل ( مسنجريات ) الرمضاني - الحلقة الأولى - حمودي والأربعين سنيورة

[ع الحمد]

[align=center]

مرحبًا .. سنعرض لكم مسلسل مسنجريات سعودي - مسلسل من عدة حلقات .. نأمل ان يحوز على رضاكم - واليوم مع أولى الحلقات من (مسنجريات سعودي )

....

عنوان الحلقة ( حمودي والأربعين سنيورة )

حادثة أليمة منعت (حمودي ) من الدخول على ماسنجره اليومي لأسبوعين متتاليين!! وهو ما كان مثار للاستغراب لكل من يعرف : (حمودي – عبادي – سعود – صلوحي – فيصل – ناصر – ماهر .. الخ) من قائمة الأسماء المستعارة التي كان يستخدمها مع المضافا(ت) الأربعين في ماسنجره الوردي الخلفيه , الأحمر الإستراتيجية والأهداف ..

دخل تأمل قائمته الأربعينية وكأنها لا يعرفها .. كأنها قائمة وجدها في الشارع قبل قليل .. تأمل جهازه من الخارج ليتأكد هل هذا الماسنجر يخصه أمل لا!! .. اقفله شغله - على طريقة السعوديين بتصليح الأشياء - ولم تجدي هذه المحاولة في تذكر واحدة من قائمة الصبايا ..

أثناء محاولاته الفاشلة بالتذكر .. صفعته لوحدة دخول أحد أفراد قائمة السنيورتات وكأنها دخلت قبل الماسنجر من سرعة ما كتبت :

الأموره: صباح الورد .. كيفك؟
حمودي: تمااااااام .. أنتي كيفك؟
الأموره : أسبوعين !! وين كنت؟
حمودي: ابد حادث بسيط .. والحمدالله ...
(سكوت لدقائق )
الأموره: !!!
حمودي: !!!
الأموره: شفيك ما تتكلم .. يعني ما وحشتك
حمودي: إلا يا قلب حمودي
الأموره: حمودي .. مين حمودي !!
حمودي: عادي
الأموره: وش الي عادي .. قاعد تسجل طلب ! .. شكلي اكلم احد ثاني.. من معي؟
حمودي: يعني الواحد ما يخطي ..
الأموره: يخطي بحرف .. بس مو اسم كامل!
(سكوت دقائق .. ينشغل هو في البحث في الجهاز عن أي شيء يعطيه أي معلومه عن هالمصيبه الي "حجَّرت" لوالديه) ..
الأموره: مع من مشغول
حمودي: فيك يالغاليه
الأموره: لاااا .. شكلك مشغول دور على اسمك ياصلوحة قلبي .. كخ كخ كخ كخ
حمودي: الله يسامحك – مبسوط لأنه على الأقل عرف اسمه -
(تدخل في هذه اللحظه شمعه أمل ) ...
حمودي مبادرًا بكل ما يملك من كرزمائية سعودية : أهليييين بالي مطول الغيبه ..
شمعة أمل : أقلب وجهك
حمودي: شدعوه l
شمعة أمل: البادي اظلم .. تعبت أدور عليك ويوم جيتك قلت لي نفس الكلمة .. الحين جاء الوقت الي اردها لك
حمودي: شدعوه .. صلوحي ماله بالكون غيرك حتى لو أخطأ .. الله يغفر الذنوب .. سامحيني عاد ولا يصير قلبك اسود ..
شمعة أمل: سم الله عليك .. نسيت اسمك بعد !! .. وش صلوحي ذا !!
حمودي: لحول .. من قال صلوحي .. احد قال صلوحي .. انتي ما تعرفين اسمي !!
شمعة أمل: لا تقول ولا أقول .. شف أنت شكاتب ..
حمودي: أيه كنت بكتب حمودي ونسيت ... يعني ما يخطي الشخص
شمعة أمل: الشخص !! طيب يا شخص احسن لك روح نام .. أنت مو طبيعي اليوم .. وش حمودي بعد .. منين تجيب الأسماء !! انت يا ناسي اسمك الي قلت لي .. يا أنك تستهبل ..
حمودي: متضايق من الرد السريع لهذه الشمعة المحترفة التي لا تعطيه حتى فرصه للرد على (النشبة) الثانية الأموره ..
حمودي: شمعة روحي .. شفيك علي اليوم .. الله وأكبر يعني كل ذا زعل عشان قلت اقلبي وجهك .. ياما زوجك قالك طسي وفارقي وانقلعي وتاكلينها زي الحلاوه .. يعني جت على سعود
الأموره: أنقلع !! فارق !! زوجي !! سعوووووووود !!! من سعود ذا !! لاااااا أنت فيك شي اليوم ..
(يفطن) حمودي انه قاعد يكلم شمعة أمل في صندوق محادثة (الأموره )!!
حمودي: ههههه .. مشت عليك .. بشوف إذا أنتي مركزه أو لااا ..
الأمروه: مركزه .. أقول أقلب وجهك
حمودي: لحول .. شكل هالوجه بينقلب أربعين مره قبل ما ينام
تدخل في هذه الأثناء وفي نفس الوقت : الشحروره .. نونه .. أموله .. و.. و.. و.. تأتيه رسائل من كل حدب وصوب الي تصرخ و الي تهاوش .. والي تنادي : ( صلوحي) .. (عبودي) .. (وينك! L) .. (من لقى أحبابه نسي أصحابه ).. (اقلب وجهك .. الشرهه على الي يكلمك .. أنت الي بديت القطاعه والبادي اظلم )..

فيقف دنجواااان السعودية .. مذهول أمام كم الرسائل التي تصل له بالثانية من عشر بنات في نفس الوقت!! ويقف الجهاز وينام ..

اترك لكم التعليقات .. صباحكم ورد ! والى حقلة جديدة من ( مسنجريات سعودي ) [/align]