|
(( سـيـــف وعــقــــال وبـــخــــور )) 00
..
عودة بعد طول انقطاع .. وكلي أمل ان تشفع لي تلك المتواضعة ..
.
.
مانحسب للأمور اللي على الدنيا تدور
... ومانحسب للشعور ومانحسب / للمسافه
..
ومانحسب للخفوق ومانحسب للشرور
... كيف نحسبها وحنا مالنا غير / الكسافه
..
نختفي بوجيه تكره كل مايدعى ظهور
... والنتيجه زيّ ماانتي والله يادنيا / كسافه
..
دم وجروح وخلايا في نتايجها فتور
... وانهزاميّة مشاعر بين الاول / والوصافه
..
مسرحيّة وقت فيها ساعة الضحكه تزور
... قيصر الدمعه وتاخذ إرجوازيّة / خرافه
..
إنكسار انفاس تشهق في مضامين السطور
... تشرح الواضح وتخفي .. صبح .. وشموس .. ونيافه
..
لاشهدها قام يبحث عن عريبات الزهور
... بلورة اشياء تعني صيف وهموم / وكلافه
..
لااعتبار الجرح نهدي كل ماصابك طُهور
... ولااعتبار الوضع نصرخ / إيه ياشين اللقافه
..
بيننا دربيل شوف وضيعة ايام وشهور
... وبيننا تبرير يعطي للخطا كل / اللطافه
..
وقاعدتنا للمراجل سيف وعقال وبخور
... بين تعريف الهدايا واحترام الليّ / نخافه
..
للزمن ضحكه غريبه بس مافيها غرور
... وللوجوه اشباه منها .. زيف .. وخصوم .. وسخافه
..
وللوجود الوان تعني ليل ومجون وسفور
... عاصمتنا للتواصل .. روج .. ورموش .. وخلافه
..
كم تجرد من ذوات الطيب رجال ٍ غيور
... وكم هنوف ٍ ضاع منها شيّ لايمكن / تعافه
..
في بدايتنا نهايه وفي نهايتنا قبور
... ذا أمير .. وذا فقير .. وذاك صيته / بالعفافه
..
لااجتماع الأرض غايه حطها رب ٍ غفور
... ذاك يحشر في جهنم .. ذاك مع إبن / حُذافه
..
فيها يادنيا أملنا ومابقى بالشور شور
... جنة الله في رضاه وغاية المسلم / قطافه
..
ولو نحسب للأمور اللي على الدنيا تدور
... كان ماجينا وقلنا .. آه ياطوول المسافه
.
.
وسلامة قلوبكم
محمد العمرو
آخر تعديل محمد العمرو يوم 16-04-09 في 11:05 pm.
|
العرض الشجري