0
مساكم هيل...
========
الى متى هذا التجافي والتنائي والبعاد ؟
الى متى أنده عليك ونار بُعدك حارقه
الى متى سنابل الفرحه يعيث ابها الجراد
الى متى والحزن في عيني علامه فارقه
الى متى والروح مهزومه ولا نالت مراد
والهم معلن الانتصار ورافعن بيارقه
يا سيدي وش كان ضرك لو تواصلت بوداد
مع قلب شوق !اللي شرايينه بحبك غارقه
يا سيدي!! وش ذنب طرف ٍ ما ينال الا السهاد؟
يا سيدي!! وش ذنب قلب ٍ رمح بُـعدك دارقه ؟
يا سيدي!! وشلون يهنا جفن عينك بالرقاد
والنوم من عين الغريبة بابتعادك سارقه
حاولت نسيانك ..ولاتم لفؤادي ما أراد
مع الأسف! شاطي غرامك ما قدرت افارقه
عل وعسى تمطر وصال وينتهي ليل البعاد
واعيش في جنة غلاك وشمس حبك شارقه
العرض الشجري