فصة زواجي الثاني وطلاقي منه برضه للفايدة

[مطلقة ثلاث مرات]

زي مقلت لكم اصبحت حياتي تكملة عدد وصفر ع الشمال وخاصة بعد ان خضت تجارب مريرة في الزواج والطلاق ونظر الناس لي وكاني المسؤلة عن اللي يصير من خطا وصاروا يعاقبوني بنظراتهم

بعد طلاقي باشهر فقدت امي اللي كانت معي في كل صغيرة وكبيرة وكانت تشجعني على اني اتخذ اي قرار ولو كان خطا لانها تدري اني اعيش ماساة ولا تبي تزيد همومي اكثر من اللي انا فيه

بعد وفاة امي بشهرين تقدم لي واحد متزوج وعنده ابناء وكنت صراحة مترددة لاني ما ابي احوس بيته وعياله وخايقة ان احد يدعي علي او يتهمني بخراب البيوت وانتم تدرون عن حساسية الحريم والضراير كيف 0

استخرت الله وجلست كم يوم افكر ولكن ابوي كان يشجعني على الزواج وان الدنيا لسى ما انتهت والصراحة عرفت ان هذا مصيري وهو اني اتزوج رجل عنده زوجة ثانية ويمكن اكبر مني بسنوات واخيرا وافقت على الزواج وكان فعلا زواج احسن من اللي قبله في بدايته وكنا شوي متفاهمين على بعض الاشياء وخاصة ان حالتي لاتسمح اني اطلب كل شيء

وفي يوم كان زوجي في دورة المياه وكنت عارفه انه رايح يطول وفتحت جواله واثر فيه بلاوي من صور نساء ومقاطع عارية ورسائل غرامية وماكنت مصدقه عيوني وانا افتش جواله وقلت يمكن انا غلطانه واخذت كم رقم من اللي مرسلين له رسائل واذا هن بنات وفي كل منطقة له وحدة وكلمت على وحدة صراحة وتعرفت عليها وبعد السواليف وجرجرة بالكلام عرفت ان علاقته معها عاطفية ويمكن اكثر 000!! وانا ماخليت زوجي يحس باللي انا اسويه واني مسوية مراقبة عليه لاني ابي اتاكد اكثر عن نوعية العلاقة اللي مسويها لين مرة اخذين استراحة انا واهلي لمدة يومين واتصلت بالجوال علي احد جاراتنا في البيت وقالت ليش رجعتوا بدري مو انتم رايح تجلسوا يومين قلت الحين حنا في الاستراحة قالت وانا راجعة من شوي اشوف زوجك دخل السيارة بالبيت ومعه مرة ثانية لايكون جارتك قصدها مرته الثانية وعلى طول اتصلت على مرته الثانية لان علاقتي جيدة معها وقلت وينك الحين قالت في عزيمة عند اهلي وش فيه عسى مافي شيء قلت لا بس حنا في استراحة وحبيت تشرفينا انا واهلي 0 بعدها ماهنا لي بال لين اتاكد وعلى طول قلت لاخوي لازم توديني اجيب غرض من البيت وفعلا رحنا بس مادخلت وبعد وقت طلع زوجي ومعه فعلا مرة ثانية وكنا واقفين بعيد عن البيت وبعد ماتكدت من الخبر قلت خلاص رجعني لبيت ابوي وبعدها حاول يتصل فيني ورفضت ارد عليه وبعدها بكم يوم قلت اسمع اذا ماطلقتني والله لا افضحك عند العالم كلهم وخلنا نخرج بالمعروف احسن وبلاش فضايح وبعدها باسبوع حاول وكنت مرة مالي نفس اكلم احد وارسل الورقة مع احد اخوتي والحمدلله على كل شيء

[الــمــقــلــع]

انا لله وانا اليه راجعون

[مسير.]

[align=center]هذا خسيس ونذل و جبان ولابس ثياب رجال وهو ليس منهم
لاحول ولاقوة الابالله
اختي....,,, العزيز الحكيم اراد لك الخير بمكالمة جارتكم لتقفي على الحقيقة ... الغائبة ....
لاتيأسي من رحمة الله
وعسى ان تكرهوا شيئا وهو خير لكم,,,[/align]

[engel]

ووووووووه الله يثبتك قولي آمين ويجعلك في أعز العز ...

[Tulane]

ياويل حالي


طيب وجارتك اللي هي مرته الأولى ليش ماعلمتيها تنفذ بجلدها معك


الله يعينك ويعوضك ويهديه إن ماهداه يزيله أصرف

[hn.nnno]

اخت تكفين خلاص

انسى الماضى وابدء من جديد عيشى حياتك

لاتكتبي قصتك انسيها

حاولى البحث عن وظيفه او تكملت دراسه اشغاى نفسك باللى يبيفيدك

الله يوقفك

[أبوليان]

[align=center] الله يرزقك الزوج الصالح البار الحنون
اللي يعوضك عن كل شي
ودمتـم محبــــــكم ابـــــو لـــــــــيان[/align]

[ابو الشلاليم]

الله يكون بعونك والله رجال اخر زمن الا يخاف من معاقبه الله له بابنائه وبناته ,,,,,,,,,,,,,,,,,

[بدر بريده1]

لا حول ولا قوة الا بالله

اختي عيشي حياة جديده وانسي الماضي وحاولي تشغلين نفسك وتبعدين عن التفكير !!

شكرا ...

[عجوز سمنسي]

لماذا اشعر بالتوليف هنا في هذه القصص

عموما هذا نصيبك واختيارك ولاتعلمين الغيب ولهذا ابتليتي بهولاء الرجال

اعانك الله

[جوان2007]

اقتباس:  المشاركة الأصلية كتبت بواسطة عجوز سمنسي     لماذا اشعر بالتوليف هنا في هذه القصص عموما هذا نصيبك واختيارك ولاتعلمين الغيب ولهذا ابتليتي بهولاء الرجال اعانك الله

نفس الشعوووووووووووور خخخخخخخخخ

[هيفاء انا]

بدون زعل اسمحى لى ان اقول لك ان من خلال ردة فعلك تبين لى انك ضعيفه

اولا اين ثقتك بذاتك ليش تراقبي زوجك وتفتحى جواله هذا غلط

وحتى لو شفتى ان زوجك يخونك يابنتى طلب الطلاق استسلام وضعف كان بأمكانك ان تستخدمى ذكائك

يعنى ليش ماسالتى نفسك لماذا زوجى بحث عن فتيات بالحرام بينما لديه زوجتين بالحلال


عموما لاتفكرى انك راح تتزوجى رجل لايبحث عن غيرك

طول مانتى كذا ضعيفه ولاتستخدمى ذكائك ولاتثقي بنفسك راح يتكرر الفشل

ارجو انك ماتزعلى منى

استفيدي من اخطائك وبالتوفيق

[المخمليه]

اقتباس:  المشاركة الأصلية كتبت بواسطة هيفاءانا     بدون زعل اسمحى لى ان اقول لك ان من خلال ردة فعلك تبين لى انك ضعيفه اولا اين ثقتك بذاتك ليش تراقبي زوجك وتفتحى جواله هذا غلط وحتى لو شفتى ان زوجك يخونك يابنتى طلب الطلاق استسلام وضعف كان بأمكانك ان تستخدمى ذكائك يعنى ليش ماسالتى نفسك لماذا زوجى بحث عن فتيات بالحرام بينما لديه زوجتين بالحلال عموما لاتفكرى انك راح تتزوجى رجل لايبحث عن غيرك طول مانتى كذا ضعيفه ولاتستخدمى ذكائك ولاتثقي بنفسك راح يتكرر الفشل ارجو انك ماتزعلى منى استفيدي من اخطائك وبالتوفيق

نفــس الكـلامـ .. ..

دايمـ فيه نااس تقراء افكاري من وراء الشبكات ..ههههاي ..

بس عندي إضافة ..
أختي لو أنا محلك لو ايش ما أطلب الطلاااق ..

رجلي وأعزه وبنفسي أرده عن هاللي هو جالس يسويه ..

ولا يدري غيري وغيره ..

أظهري لــه ..بكامل زينتك ..حاولي تلفتين نظرهـ ..

وتبينين لــه ..اللي جالس يصير مو معقولة ..

أتطلق ومرتين يكفي عذاابي من طلاقي الأول ..أتطلق ثانيه ..

كلااامـ النــاس يذبــح ..وخااصة في هالوقت ..

ناس همها عيوب فلان وفلانه ..

واااااه بــس


تحيتي أختك الصغنونه

[ملاعب الأسنة]

اقتباس:  المشاركة الأصلية كتبت بواسطة هيفاءانا     بدون زعل اسمحى لى ان اقول لك ان من خلال ردة فعلك تبين لى انك ضعيفه اولا اين ثقتك بذاتك ليش تراقبي زوجك وتفتحى جواله هذا غلط وحتى لو شفتى ان زوجك يخونك يابنتى طلب الطلاق استسلام وضعف كان بأمكانك ان تستخدمى ذكائك يعنى ليش ماسالتى نفسك لماذا زوجى بحث عن فتيات بالحرام بينما لديه زوجتين بالحلال عموما لاتفكرى انك راح تتزوجى رجل لايبحث عن غيرك طول مانتى كذا ضعيفه ولاتستخدمى ذكائك ولاتثقي بنفسك راح يتكرر الفشل ارجو انك ماتزعلى منى استفيدي من اخطائك وبالتوفيق

لافظ فوك ..فعلا كلام جميل .....وكأنكي تقرأي افكاري
..يعني زوج لديه اثنتان ويبحث عن غيرهما ..
..انا اعرف شخص كان لديه زوجه واحدة
وكان دائمااا توااق ...للنساء ويتعب
من الاسواق ..وبعد زواجه من ثانية
يقول والله كأنني لا ارى شي .
.ولا ارى الا زوجاتي ......
فالمرأة بحاجة للتجديد ..بحاجة للتزين
..موفقط التزين للزواجات والمناسبات
اما في البيت فالزوج لايكاد يشم
الا رائحة البصل وخلافه ..........

[رزوني]

ماراح اقولك ليه تراقبنه لان اكيد شفتي عليه شي
الزوج اوالزوجه مايراقب الثاني الى اذا كان هناك عدم ثقه
والثقه اذا اهتزت الحياة تكون كله مشاكل
ولو الان ما تنفع
بس اذا كتب الله وتزوجتي حاولي انك تكونين زوجه مثاليه
وان تثقي بنفسك
واختاري زوج ماله زوجه ثانيه
يكون مطلق او ارمل
والجئي الى الله دائما
والله يوفقك ويكتب لكي السعاده في الدارين
تحياتي