السلام عليكم ورحمة الله وبركاته اهلا وسهلا بكم بصراحه انفجرت غضبا من هذا الموقف موقف الاب الذي لا يعرف معنى التربيه كنت في احدى الجلسات في احدى المنتزهات بالطايف فيه شاب راعي الجلسات ياخي كسر خاطري ودي اسولف معه على الاقل اونسه شوي رحت يمه وياليتني مارحت المهم يوم وصلت عنده سلمت عليه ماكملنا دقيقه والا الطفل عمره تقريبا 7 او 8 سنين جانا قال لو سمحت فيه mbc 4 قاله الشاب لا فيه قناة المجد بعده جانا ابوه قال فيه القناه ابلشني الولد فيها قال الشاب فيه جلسه قال الاب بكم الساعه قال الشاب سعرها واحد يوم ولا ساعه 100 ريال قال الاب لا غالي قاطعه الابن قال لا الا ابي اشوفه مافيه غصب انا اناظر ياولد وش فيها القناه هذي لازم اعرف وش الولد مافيه ابي اشوف نور اناا والله شكله هذا فله خلني الحق على اخواني الصغار واعلمهم برنامج للاطفال (على نيااااااااااااااااتي) الوالد دفع المبلغ والشكوه لله انا سالت الشاب قلت وشو نور هذا مقدم برنامج للاطفال ضحك وقال مسخره حب وكلام فاضي طافين فيه خلق الله قلت ياولد ابي اشوفه وش هو والله فشله ياناس الطفل وش علمه وين تربية الاب والله خوش تربيه تحيتي هذا الموقف والتعليق لكم وارجوا اني لم اطل عليكم
يارجال تهون ذي عند اللي يستاجر لبنته دباب ولا خيل عند البحر والله يعافيك ع الموضوع
لا أأيد متابعة الاطفال للمسلسلات , خصوصاً التركيات لانها تأثر في خياله وتفكيره التربيه صعبه وانا اختك ونادر من يتقنها
النجاح , هو ان لا تلتفت الى الخلف !
الله يستر ما ندري وش نقول لكن الله يهدي الجميع ............الف شكر,,,,,,,,,,,,
لا ادري لماذا ردة الفعل اله تجاه هذه المسلسلات وكأنها باب الفساد الوحيد او بالأصح كأنها باباً للفساد لايمكن مواجهته يجب ان لانلقي باللوم على هذه المسلسلات فليس لها اثراً كبيراً بدرجة تجعلنا نجابهها بهذا الشكل تابعنا ايام طفولتنا العديد من المسلسلات كـ وضحى وابن عجلان ولم نتأثر وليتنا تأثرنا بإبن عجلان وعمر المختار آنذاك لكنا على مانحن عليه تحياتي ,,,
التصفيق بإخلاص خير من القيادة بلا أخلاص
لانستطيع منع الاطفال من مشاهدة القنوات ولكن يجب ان نختار لهم المفيد وايضاح الغير مفيد من واقع ديننا وعاداتنا وتقاليدنا الاجتماعية وزرع بفكرهم لماذا تبث هذه القنوات من سموم لها تاثيرأ قاتل على عقل وتفكير ابناء المسلمين شكري وتقديري لك
المشاركات المنشورة لاتمثل رأي إدارة المنتدى ولايتحمل المنتدى أي مسؤلية حيالها
كلمات البحث : منتدى بريدة | بريده | بريدة | موقع بريدة
ه تجاه هذه المسلسلات وكأنها باب الفساد الوحيد او بالأصح كأنها باباً للفساد لايمكن مواجهته 
العرض العادي
