نساء للبيع

[خطاوينا]

[align=center]:
أجتمع وجهاء العائلة وسفهائها وتافهوها وحتى مجننها اللي يشوتون قواطي الببسي في الشوارع..
وضم الاجتماع أيضا دشير العائلة اللي يشخمطون على الجدران ويكتبون عاش الهلال وسقط النصر..
كما لف الجمع الكبير أطفال العائلة الذكور..
ابو حفاظة (أعزكم الله) وأبو رضاعة واللي توه مفطوووووم..
الجميع حضر الإجتماع المهم .. وتقرير مصير أمه بأكملها داخل نطاق العائلة..
بدأ الاجتماع بقصيدة شعرية نبطية القها أحد سفهاء العائلة..
وترجل كبير العائلة بكلمة موجزة حيا فيها الجمع الغفير والمثير والغريب..
تكمن غرابة هذا الجمع في خلطه بين الصاحي واللي مو صاحي..
والمنسم واللي مو منسم..
والبالغ واللي مو بالغ..
والغبي والذكي..
والمفهي واللي مو مفهي..
والدب والنحيف..
وأبو سكسوكه واللي ماله سكسوكة..
لا يهم في الاجتماع من يحضر والشرط الوحيد هو أن تملك أعضاء تناسليه ذكورية..
:
الاجتماع كان من أجل تحديد سعر المرأة (آآآآآآآآآسف زلة لسان) تحديد المهر ووضعه في لائحة سعرية شبيه بلائحة السوبر ماركات الكبرى..
تعالوا نسيت أكمل كلمة كبير العائلة..
والا ما لها داعي.. كانت كلها مدح في الذكورة..
الا صدق فيه فرق بين الذكورة والرجولة..
طيب اذا ما بينهم فرق.. التيس شنووووو؟؟
طلعت من الموضوع .. عادي تراها عوايدي..
:
وحدد المجتمعون المهور..
البكر بـ 40 ألف..
الثيب المستخدمة استخدام واحد بـ 25 ألف ريال..
المستخدمة استخدامين بـ 15 ألف ريال..
ام ثلاث استخدامات 5 آلاف..
اللي من اربع فما فوق.. تدفع 10 آلاف ريال للمعرس..
:
هي فكرة جميلة ورائعة حتى وان لف المجتمعون سفهاء وأطفال..
بس انا ودي أسال..
مجموعة من الذكور يقررون شأن وصاحب الشأن مُغيب..
الا صدق ممكن الأب يحدد المهر دون أن يعود لبنته..
ممكن يقول للخطيب عطيتك بنتي هدية ما من وراها جزيه على غرار المسلسلات الأردنية دوووون أن يعود للفتاة وكأنها حتت (عنز) تباع وتشترى..
انا ترى أسال ما أكتب موضوع..
ودنا نتناقش حووووووول تغييب المرأة عن الاجتماعات في القضايا التي تمسها..
ليش دائما الذكووووور من يقرر عنها..
هل الشرع يسمح والا ما يسمح..
الأمر لا يقتصر على المهر بل في أمور شتى هي مُغيبة..
:
دمتم بووووووووووووووود..
:[/align]

[•°سـرىآ اللـيـل°•]

والله أسمع عن هالنوعيات بكثرة ولكني لم أراها أبعدها الله عن أعيني لكن من قال أن هالذكور يطبقون الدين بحذافيره؟ << مابي اقول الرجال مهب كفو ..لا هم مسلمين صح لكن بالبعض بس يصلون ويصومون والباقي مهب لازم ..خله على ربك يسومون يحددون خلهم يسون اللي يسون يضلون أصحاب عقول ناقصة لاهم لهم غير النساء << طبعاً هذولا الذكور والا الرجال غير فهؤلاء لهم إهتماماتهم الأخرى في الحياة ..أنا ودي أناقشك لكن لو كان الموضوع عن الرجال أما أناقش عن ذكور أشبه بالبهائم كذا تعب بلا ربح يعني ماراح نطلع بنتيجه.. وبصراحة مهب أكبر همي هالأشكال .. وإن أنتشر وبائهم ..أنتظر تعليقات البقية ,, تحيه’

[خطاوينا]

[align=center]سـرىآ اللـيـل.. حياااااك..

اقتباس: والله أسمع عن هالنوعيات بكثرة ولكني لم أراها أبعدها الله عن أعيني

أكيد تسمعين فيها.. مستحبل تشوفينها لأنه اجتماعات ذكورية تمنع الاختلاط..

[align=center]لكن من قال أن هالذكور يطبقون الدين بحذافيره؟ [/align]
ذكرتيني بمقوووووولة لهاني نقشبندي في رواية له.. (يقولون أن النساء ناقصات عقل ودين.. ولكن من قال أن الرجل مؤمن وذكي.. هو مجرد (........) يجيد الكلام..

اقتباس: << مابي اقول الرجال مهب كفو ..لا هم مسلمين صح لكن بالبعض بس يصلون ويصومون والباقي مهب لازم ..

تشكيك في ايمان الرجل وتقواه.. رغم اني اسمع ان مجتمعنا الذكوري مجتمع ملائكي..

اقتباس: خله على ربك يسومون يحددون خلهم يسون اللي يسون يضلون أصحاب عقول ناقصة لاهم لهم غير النساء

عقولهم ناقصه ويتحكمون فيكم وشلون لوعقولهم كاملة..
فعلا الرجل عظيم.. ولو نقص عقله..

اقتباس: << طبعاً هذولا الذكور والا الرجال غير فهؤلاء لهم إهتماماتهم الأخرى في الحياة ..

اها يعني فيه فرق..

اقتباس: أنا ودي أناقشك لكن لو كان الموضوع عن الرجال أما أناقش عن ذكور أشبه بالبهائم كذا تعب بلا ربح يعني ماراح نطلع بنتيجه.. وبصراحة مهب أكبر همي هالأشكال .. وإن أنتشر وبائهم ..أنتظر تعليقات البقية..

دعواتك اكتب موضوع يليق فيك علشان تناقشينه..
تحياتي..[/align]

[بنت البدائع]

مرحباً جيفارا ,,

اقتباس: مجموعة من الذكور يقررون شأن وصاحب الشأن مُغيب..

نعم قد يكون صاحب الشأن مُغيّب ,,, لكن " ولله الحمد " لم تُغيب حقوقه وآرئه "
وماذكرت أنت نسمعه بكثره ,,
لكن ,, يظل الحكماء حكماء في كل شي

دمت بود ..

[فيصل...........]

جيفارا

اقتباس: أجتمع وجهاء العائلة وسفهائها وتافهوها وحتى مجننها اللي يشوتون قواطي الببسي في الشوارع.. وضم الاجتماع أيضا دشير العائلة اللي يشخمطون على الجدران ويكتبون عاش الهلال وسقط النصر.. كما لف الجمع الكبير أطفال العائلة الذكور.. ابو حفاظة (أعزكم الله) وأبو رضاعة واللي توه مفطوووووم.. الجميع حضر الإجتماع المهم .. وتقرير مصير أمه بأكملها داخل نطاق العائلة.. بدأ الاجتماع بقصيدة شعرية نبطية القها أحد سفهاء العائلة.. وترجل كبير العائلة بكلمة موجزة حيا فيها الجمع الغفير والمثير والغريب.. تكمن غرابة هذا الجمع في خلطه بين الصاحي واللي مو صاحي.. والمنسم واللي مو منسم.. والبالغ واللي مو بالغ.. والغبي والذكي.. والمفهي واللي مو مفهي.. والدب والنحيف.. وأبو سكسوكه واللي ماله سكسوكة.. لا يهم في الاجتماع من يحضر والشرط الوحيد هو أن تملك أعضاء تناسليه ذكورية.. : الاجتماع كان من أجل تحديد سعر المرأة (آآآآآآآآآسف زلة لسان) تحديد المهر ووضعه في لائحة سعرية شبيه بلائحة السوبر ماركات الكبرى

..

انا اشوف عدم نجاح تلك الاجتماعات اثر المجتمعين من هذا الصنف

اقتباس: تعالوا نسيت أكمل كلمة كبير العائلة.. والا ما لها داعي.. ..

لا ما فيه داعي خل الطابق مستور

اقتباس: الا صدق فيه فرق بين الذكورة والرجولة.. ]طيب اذا ما بينهم فرق.. التيس شنووووو؟؟[

تبيني اقولك هههه ماني قايل موت قهر

اقتباس: وحدد المجتمعون المهور..

الله من الخرطي

اقتباس: البكر بـ 40 ألف.. الثيب المستخدمة استخدام واحد بـ 25 ألف ريال.. المستخدمة استخدامين بـ 15 ألف ريال.. ام ثلاث استخدامات 5 آلاف.. اللي من اربع فما فوق.. تدفع 10 آلاف ريال للمعرس.. :

بس في النهايه صارت الاتفاقيه بياض علي ورقك والسبب السفها المجتمعين

اقتباس: هي فكرة جميلة ورائعة حتى وان لف المجتمعون سفهاء وأطفال.. بس انا ودي أسال.. مجموعة من الذكور يقررون شأن وصاحب الشأن مُغيب

.
هو نفس النظام انت لم تخطب تخطب من من؟ وهل تتوقع ان فيه مفاوضات في هذا الشان من صاحب
الشان.

اقتباس: الا صدق ممكن الأب يحدد المهر دون أن يعود لبنته.. ممكن يقول للخطيب عطيتك بنتي هدية ما من وراها جزيه على غرار المسلسلات الأردنية دوووون أن

ههههههه عشان يقول اذا كنت طيب خلك اطيب مني وتزنحه بدل 40 الف 150 الف

اقتباس: ودنا نتناقش حووووووول تغييب المرأة عن الاجتماعات في القضايا التي تمسها.. ليش دائما الذكووووور من يقرر عنها..

اخخخ انت شايفنا في مصر الولد ياخذ خطيبته من الجامعه
لدينا عوايد رياجيل حريمنا غاليات
انت شكلك امريكي واضح من اسمك

اقتباس: هل الشرع يسمح والا ما يسمح..

لا الشرع ما يسمح بان تختلط المراه مع الرجال في الاجتماعات

اقتباس: الأمر لا يقتصر على المهر بل في أمور شتى هي مُغيبة..

عاد هذا امر غامض وضحة واقولك
:

[خطاوينا]

[align=center]فيصل.......... مرحبنبك.. اعذرني ان نسيت نقطه من نكك لأني ما نسخت..
ياخي صدق.. ليش حاط نقط..

اقتباس: انا اشوف عدم نجاح تلك الاجتماعات اثر المجتمعين من هذا الصنف

شايف كذاااااا..

اقتباس: لا ما فيه داعي خل الطابق مستور

اووووكي .. اصلا هي كلمة ما منها فايدة..

اقتباس: تبيني اقولك هههه ماني قايل موت قهر

افاااااااا.. تراني فضولي.. بليززززز علشان انام..

اقتباس: بس في النهايه صارت الاتفاقيه بياض علي ورقك والسبب السفها المجتمعين

.والله انك صاااادق.. كل اتفاقياتهم خرطي..

اقتباس: هو نفس النظام انت لم تخطب تخطب من من؟ وهل تتوقع ان فيه مفاوضات في هذا الشان من صاحب الشان.

يعني اخطبها من ابووووها.. هو اللي يحدد المهر..
ما يصير وانا صار ابوها كريم وباعها سوري وزوجها ببلاش..

اقتباس: ههههههه عشان يقول اذا كنت طيب خلك اطيب مني وتزنحه بدل 40 الف 150 الف

أجل النمس مو طيب.. بس يبي يحرج العريس ويزود المهر..

اقتباس: اخخخ انت شايفنا في مصر الولد ياخذ خطيبته من الجامعه لدينا عوايد رياجيل حريمنا غاليات

ياخي التغييب بالرأي اقصد.. مو تحضر اجتماعات..
يا عزيزي نحن اخذنا نص دينا من أم المؤمنين عائشة..
ودي تقولي كيف نقل لنا نصف الدين..

اقتباس: انت شكلك امريكي واضح من اسمك

ليتني امريكي على الأقل ما تكوني جنسيتي ملحقه بأسم العيلة اللي ما تتسماش..
ياخي ودي أكتب موضوع ليش اسمنا سعوديين ولمن تنسب السعودية..
ما تلاحظ أنا الشعب الوحيد اللي ينسب اسموووووو للي في بالي بالك..

اقتباس: لا الشرع ما يسمح بان تختلط المراه مع الرجال في الاجتماعات

ياخي انا ما قلت يجلسون والفخذ على الفخذ ويناقشون..
انا اقول ليش رايها مُغيب.. ممكن تكتب رايهافي ورقة وترسلها لهم يقرونها وينفذونها.. شفت كيف سهله ينوخذ رايهاااا..[/align]

[أبو أميرة]

أهلا بالغالي جيفارا

اقتباس: دشير العائلة اللي يشخمطون على الجدران ويكتبون عاش الهلال وسقط النصر..

أولا أنت نصراوي مع العلم إني قاري لك رد تبين أنك هلالي !!! وتتهم بعد الهلاليين بأنهم دشير !! وش رايك بالتدقيق ,,


,,,,,,,,,,,,, صلب الموضوع


هذه العادات التي ذكرتها تكاد معدومة في نجد الحاضرة أما عند البدو فنسمع بالكثير من تلك ,,,

اقتباس: ليش دائما الذكووووور من يقرر عنها..

لأنهم يعرفون مصلحتها في هذا الأمر أكثر منها ,,,,

اقتباس: هل الشرع يسمح والا ما يسمح..

بما أن الأمر بيد الولي عليها فهو يسمح ...


الله يوفق الجميع

[خطاوينا]

[align=center]أبو أميرة.. أهلا بالغالي

اقتباس: أولا أنت نصراوي مع العلم إني قاري لك رد تبين أنك هلالي !!! وتتهم بعد الهلاليين بأنهم دشير !! وش رايك بالتدقيق ,,

والله لو اني نصراوي لأشنق نفسي..
وبعدين ترى عيب عندنا نشجع النصر.. ووووش اسوي سلوم العرب..

اقتباس: ,,,,,,,,,,,,, صلب الموضوع

ايه عطنا الموضوع وفكونا من الشكوك..

اقتباس: هذه العادات التي ذكرتها تكاد معدومة في نجد الحاضرة أما عند البدو فنسمع بالكثير من تلك ,,,

هو فيه لسا بدووو وقراوى..
بالله ذكرني اكتب موضوع عن البدو والقراوى..
وكيف هجرو رعي الغنم وتربية البقر وتحضروووو سويه في المدن..

اقتباس: لأنهم يعرفون مصلحتها في هذا الأمر أكثر منها ,,,,

فعلا مجتمع ذكووووري.. طيب لو صار ولي أمرها سفيه وساذج بعد يعرف مصلحتها..
ليس للحكمة وطن أو جنس..
كلن عقله في راسه ويعرف خلاااااااااااصة..

اقتباس: بما أن الأمر بيد الولي عليها فهو يسمح ...

ما ودي اجادل في الدين ..
بصير مستمع فقط..
[/align]

[ღ لعيووووونك ღ]

[align=center]

اقتباس: جيفارا والله لو اني نصراوي لأشنق نفسي..

الحمد لله إنك منتب نصراوي عشان ما تشنق نفسك يا فالح وتصير خساره للأمه الإسلاميه والعربية

اقتباس: وبعدين ترى عيب عندنا نشجع النصر.. ووووش اسوي سلوم العرب..

قل ق النصر مو محتاج أحد يشجعه بهذا الزمن .. النصر غني برجاله وبمن التفوا حوله .. وإذا كانت بك خصله من العرب ترا شنبي على حد البنات اللي هنا


أما ما يخص الموضوع ... ولو إني مليت من هالمنوال اللي دائمآ يتكرر عن المرأة لكن !
بمسك نقطه وحده وبعلق عليها ( غلا المهور )
مدري بصراحه وش يفكرون فيه الاباء
يعني مثلآ أرتفعت الاسهم رفعوا مهور بناتهم
وإذا خسروا في مساهمه نقصوا المهور
وياناس والله قهر يلاقونها منكم ولا من الاجارات ولا من محلات الذهب
صار الوضع مخيف وربي كثروا البنات وكثروا الشباب
البنات ودهم يعرسون والشباب بعد بس المشكله
أنهم كلهم متعلقين بشي أسمه تقاليد ...... دمت

بايوووووووووووووووووووووووو[/align]

[العبرى]

اغلب الأمور التي تخصها..

لها رأي فيها..

ليتك ذكرت امثله فقد تغيب عنا

غير المهر..لأن من يسن انظمه بذلك حسب حالتها

فكر بشكل شهواني..!




تحيتي,,,

[هامة حاسوبية]

[align=center]






مرحباً بك أخي الكريم

سرد جميل

تحديد الأسعار ، عفواً أقصد المهور هو هاجس جميع الشباب الذين يتذمرون دائماً من غلاء المهور

فلماذا لم تعجبك هذه الخطوة ؟

علماً بأن الأسعار يوووه أقصد المهور التي أوردتها في مقالك جميلة ، وتقارب مالدينا نحن الحضر إلى حد كبير وهو أمر معقول وليس فيه أي ظلم للمرأة

فالبكر 40 ألف ، والثيب أحياناً 30 ألف وقد يكون 20 عند (الزطية)

أما إن كنت تقصد من وراء ذلك التذمر من التداول حول موضوع يخص المرأة بدون علمها وأخذ رأيها بغض النظر عن كونه تحديد المهور أو غيره فأنت هنا محق

والمهر خاص بالمرأة ومن حقوقها الشرعية ، فلا يأتي من يقول : " ولكن هذا وليها "

لأنني سأقول له : {فَإِنْ طِبْنَ لَكُمْ عَنْ شَيْء مِنْهُ نَفْسًا فَكُلُوهُ هَنِيئًا مَرِيئًا}

ولكن بعض الآباء هداهم الله يعتقدون أن البنت ماهي إلا (أمة) ، يقرر عنها مايشاء

حتى أن هناك امرأة تشكي لأمي حال ابنتها التي ستتزوج قريباً ، حيث أخذ والدها مهرها ولم يعطها منه سوى 5 أو 10 آلاف ..!!

وقد كرر نفس الحركة مع ابنته السابقة ! و لا حول ولا قوة إلا بالله

لا يزال مجتمعنا ذكوووووووري ، وسلمولي على راشد





[/align]

[خطاوينا]

[align=center]هامة حاسوبية.. مرحبا فيك..

اقتباس: مرحباً بك أخي الكريم

أهلا بك اختي الكريمة..

اقتباس: سرد جميل

<<<< استانس يحب المدح.. هههههههه..

اقتباس: تحديد الأسعار ، عفواً أقصد المهور هو هاجس جميع الشباب الذين يتذمرون دائماً من غلاء المهور

وانا أكثر واااااحد يتذمر من غلا المهوووووور .. ولو في يدي تزوجت من المغرب..

اقتباس: فلماذا لم تعجبك هذه الخطوة ؟

هااااامه انا لا اعترض على التخفيض..
انا اعتراضي على تغييب رأي صاحب الشأن..

اقتباس: علماً بأن الأسعار يوووه أقصد المهور التي أوردتها في مقالك جميلة ، وتقارب مالدينا نحن الحضر إلى حد كبير وهو أمر معقول وليس فيه أي ظلم للمرأة

وش تقصدون بالحضر والبدووو..
طيب انا ابوي مولود في الرياض وأمي معها بكالريوووس محو أمية..
وانا مولود في مستشفى الحبيب ذااااك اللي بفلوووووووس وعتيبي وش تسموني بدوي والا حضري..
لان عندي عقدة..
اذا قابلت زملائي القصمان قالوا يا بدووووي.. واذا رحت لخوالي في الديرة قالو يا حضري..
ممكن تشرحين لي مفهومك عن البدو والحضر..

اقتباس: فالبكر 40 ألف ، والثيب أحياناً 30 ألف وقد يكون 20 عند (الزطية)

اسعاركم زينة.. اقصد مهوركم..

اقتباس: أما إن كنت تقصد من وراء ذلك التذمر من التداول حول موضوع يخص المرأة بدون علمها وأخذ رأيها بغض النظر عن كونه تحديد المهور أو غيره فأنت هنا محق

هنا مربط الفرس..
انتي الوحيدة حتى الآن اللي فهمتي فكرة الموضوع..
ودي اسجل اعجابي بفكرك.. أمس كان بأسلوبك الكتابي..

اقتباس: والمهر خاص بالمرأة ومن حقوقها الشرعية ، فلا يأتي من يقول : " ولكن هذا وليها " لأنني سأقول له : {فَإِنْ طِبْنَ لَكُمْ عَنْ شَيْء مِنْهُ نَفْسًا فَكُلُوهُ هَنِيئًا مَرِيئًا}

لله درك انا نفسي احد يساعدني بالجوانب الشرعية..

اقتباس: ولكن بعض الآباء هداهم الله يعتقدون أن البنت ماهي إلا (أمة) ، يقرر عنها مايشاء

هذا الواقع..

اقتباس: حتى أن هناك امرأة تشكي لأمي حال ابنتها التي ستتزوج قريباً ، حيث أخذ والدها مهرها ولم يعطها منه سوى 5 أو 10 آلاف ..!!

ليته على المهر.. حتى الرواتب يأخذونها..

اقتباس: وقد كرر نفس الحركة مع ابنته السابقة ! و لا حول ولا قوة إلا بالله

لاحوووووووووووووووول.

اقتباس: لا يزال مجتمعنا ذكوووووووري..

وسيضل حتى نستضل بالدين بدلا من العادات..
سلمت أناملك.. جدا جدا..[/align]

[هامة حاسوبية]

[align=center]




ها أنذا عدت فأفسحوا لي الطريق بارك الله فيكم

اقتباس: <<<< استانس يحب المدح.. هههههههه..

وأنت تستحقه

اقتباس: هااااامه انا لا اعترض على التخفيض.. انا اعتراضي على تغييب رأي صاحب الشأن..

أعلم ولكني علقت من باب ورود هذه الفكرة في موضوعك

اقتباس: وش تقصدون بالحضر والبدووو.. طيب انا ابوي مولود في الرياض وأمي معها بكالريوووس محو أمية.. وانا مولود في مستشفى الحبيب ذااااك اللي بفلوووووووس وعتيبي وش تسموني بدوي والا حضري.. لان عندي عقدة.. اذا قابلت زملائي القصمان قالوا يا بدووووي.. واذا رحت لخوالي في الديرة قالو يا حضري.. ممكن تشرحين لي مفهومك عن البدو والحضر..

بحسب العائلة

فالبدو مثلاً : المطيري ، العتيبي ، الحربي ، السموحة ما أعرف أكثر من ذولا

في حين أن الحضر لهم عوائل معروفة

وهناك عوائل - وبدون تحديد - كان أصلهم بدو ولكن مع مرور الوقت أصبحوا من الحضر ، ولكن كبارنا يعلمون أن أصولهم بدو ويخبروننا عنهم

اقتباس: ودي اسجل اعجابي بفكرك.. أمس كان بأسلوبك الكتابي..

بارك الله فيك أخي الكريم

اقتباس: وسيضل حتى نستضل بالدين بدلا من العادات..

صدقت

فعزتنا بالدين ، وحل مشاكلنا بالدين





[/align]

[نـدى الـورد]

جيفارا

ضللت اسمع اسمع يااهو أسمع

ان قيمة المرأه في مهرها لذلك

نجد فتيات البدوو اكثر مهراً ويش قولك؟


,

[....e7sas]

اقتباس:  المشاركة الأصلية كتبت بواسطة أريج الحياة     جيفارا ضللت اسمع اسمع يااهو أسمع ان قيمة المرأه في مهرها لذلك نجد فتيات البدوو اكثر مهراً ويش قولك؟ ,

[align=center] أريج .... معقوله هالحكي ؟؟!!
أجل على كذا لازم ثري يعطينا أكبر قيمه:confused[/align]: