يمشي وفنيلته منشقه !!!!!!!

[عاشق ديرتي بريده]

لااحد يقولي وش دخلك بالناس
والا يقولي من راقب الناس مات هما !!!

دايم اشوف رجال وشباب فنايلهم متشققه ياشق بالظهر والا شق بالابط !!!!!
والا وانا اصلي اشوف شرابهم متشققه !!!
وبعضهم تلقى شماغه ابيض عند المرزام من كثر الغسيل يعني له خمس سنين ماغيره !!


الحين ذولا وش قصتهم كل هذا طمع وحب للقروش والا دباشه مخلوطه بكماخه !!

وافرض انه دبشه ومايحس وين حريمهم عنهم وراه ماتجدع الملابس المتشققه !!!

ياشباب ياللي فنايلكم وملابسكم متشققه استحوا على وجيهكم عيب والله عيب !!

وانتي ياحرمه اجدعي اي شي متشقق ترا مظهر الرجال يقاس عليكن وعلى حرصكن !!

[الحصان الأسود]

اقتباس: والا يقولي من راقب الناس مات هما !!!

هالكلمه قد قلته بموضوع المقاريد ..حق راشد

وبما انك عيت علينا نقول لك شيء !

بس ابسألك الناس اللي تشوفهم انت وتتكلم عنهم وين هم ؟

اقتباس: وبعضهم تلقى شماغه ابيض عند المرزام من كثر الغسيل يعني له خمس سنين ماغيره !!

أنت لك ر وحات وجيات للسوق الغنم ترى هناك الوضع غير

اقتباس: وافرض انه دبشه ومايحس وين حريمهم عنهم وراه ماتجدع الملابس المتشققه !!!

؟؟؟؟؟؟؟؟؟؟؟؟؟؟؟؟
!!!!!

[سـمـا]

ابشر ياعاشق

بس ابدري وش يشققهن

بعدين لتنظيف دروج المطبخ مافي احلى من الفنايل

يعني يلبسن فتره بعدين يوخذين يغسلن ويغلن بماء مع تايد ويستخدمن للمطبخ

احسن من يجدعن

او لا

[ثلوج دافئه]

من قال مظهر الرجل له علاقه باالمرأه الشي هذا من دلاخته ولا فيه رجل يطلع بالشكل هذا
بعدين أعتقد أنه مش طفل حتى المرأه تهتم بشكله المفروض يكون هالشي نابع من الرجل نفسه
تقبلو تحياتي

[عاشق ديرتي بريده]

اقتباس:  المشاركة الأصلية كتبت بواسطة الحصان الأسود     هالكلمه قد قلته بموضوع المقاريد ..حق راشد وبما انك عيت علينا نقول لك شيء ! بس ابسألك الناس اللي تشوفهم انت وتتكلم عنهم وين هم ؟ أنت لك ر وحات وجيات للسوق الغنم ترى هناك الوضع غير ؟؟؟؟؟؟؟؟؟؟؟؟؟؟؟؟ !!!!!

والله العظيم اشوفهم بكل مكان حتى بالدوام اشوف بعض الزملاء والا المراجعين !!!
ولو كانت على سوق الغنم كان ماتكلمت !!!

[هين هين]

عاشق ديرتي بريدة
ليتها على فنيلته وشماغه ليتهم يتنظفون ويستحمون والله العظيم انواع الروائح الكريهه بالمسجد من قل الأستحمام خبرك الواحد مع الصيام تصير عنده حاسة الشم قويه وحنا بالصيف
قبل كم يوم بغيت اقطع صلاتي بجنبي انواع الصنان ..


تحياتي

[عاشق ديرتي بريده]

اقتباس:  المشاركة الأصلية كتبت بواسطة ام ارجوان     ابشر ياعاشق بس ابدري وش يشققهن بعدين لتنظيف دروج المطبخ مافي احلى من الفنايل يعني يلبسن فتره بعدين يوخذين يغسلن ويغلن بماء مع تايد ويستخدمن للمطبخ احسن من يجدعن او لا

يالله عاد شوفوا وش تقول ام ارجوان !!!
اشتري فوطه بخمس تريل بدال ماتحطين الفنيله بالمطبخ !!

[عاشق ديرتي بريده]

اقتباس:  المشاركة الأصلية كتبت بواسطة ثلوج دافئه     من قال مظهر الرجل له علاقه باالمرأه الشي هذا من دلاخته ولا فيه رجل يطلع بالشكل هذا بعدين أعتقد أنه مش طفل حتى المرأه تهتم بشكله المفروض يكون هالشي نابع من الرجل نفسه تقبلو تحياتي

طيب اذا صار الرجل مايهتم بمظهره تصير زوجته دلخه مثله وتسكت !!

وعلى فكره ترا اي رجال يشوف رجال حالته حاله على طول يجي بباله زوجته ويعرف انها دبشة مثله !!!!

[عاشق ديرتي بريده]

اقتباس:  المشاركة الأصلية كتبت بواسطة هين هين     عاشق ديرتي بريدة ليتها على فنيلته وشماغه ليتهم يتنظفون ويستحمون والله العظيم انواع الروائح الكريهه بالمسجد من قل الأستحمام خبرك الواحد مع الصيام تصير عنده حاسة الشم قويه وحنا بالصيف قبل كم يوم بغيت اقطع صلاتي بجنبي انواع الصنان .. تحياتي

اخوي هين هين
عاد هذا موضوع ثاني طوووووووويل !!!

[سـمـا]

اقتباس:  المشاركة الأصلية كتبت بواسطة عاشق ديرتي بريده     يالله عاد شوفوا وش تقول ام ارجوان !!! اشتري فوطه بخمس تريل بدال ماتحطين الفنيله بالمطبخ !!

مو مسالة الفوطه

اقولك الفنايل

ينظفن الدروج يعني مهنا زينهن للمطبخ

عاد دام عندي ذولي اغسلهن بمويه مغليه واستخدمهن افضل من جدعهن<<<اقتصاديه الاخت

[هدووء]

[align=center]صدقت ياعاشق انا استغرب من اللي مايهتم بمظهره بصراحه
مثل اللي قبل ساعه شفته بجيان جاي لأسواق كبيره بقميص بيت الله يفشله
بصراحه لفت انتباهي .. الأسواق مثل الزواج المفروض يلبس ويكشخ لانه يشوف ناس تعرفه ماراح لبر هو
اما عن الفنايل المتشققه فنصف المسؤوليه عليه والنصف الآخر على زوجته
طيب الرجال بعض الأحيان على وجهه وكل شي يمشي عنده
المفروض حرمته هي اللي تنقي ملابسه واذا أمكن تلبسه هي بعد << ياويلها من البنات
يعني شي مشقوق مايدخل الدولاب من الأساس
بس عندي سؤال عاشق .. شلون شفت فنايلهم انها مشققه ؟؟ !!
تحيتي[/align]

[عاشق ديرتي بريده]

اقتباس:  المشاركة الأصلية كتبت بواسطة ام ارجوان     مو مسالة الفوطه اقولك الفنايل ينظفن الدروج يعني مهنا زينهن للمطبخ عاد دام عندي ذولي اغسلهن بمويه مغليه واستخدمهن افضل من جدعهن<<<اقتصاديه الاخت

خلاص ياام ارجوان حطيهن بالمطبخ بس اهم شي لايلبسهن رجلك !!!

[عاشق ديرتي بريده]

اقتباس:  المشاركة الأصلية كتبت بواسطة هدووء     [align=center]صدقت ياعاشق انا استغرب من اللي مايهتم بمظهره بصراحه مثل اللي قبل ساعه شفته بجيان جاي لأسواق كبيره بقميص بيت الله يفشله بصراحه لفت انتباهي .. الأسواق مثل الزواج المفروض يلبس ويكشخ لانه يشوف ناس تعرفه ماراح لبر هو اما عن الفنايل المتشققه فنصف المسؤوليه عليه والنصف الآخر على زوجته طيب الرجال بعض الأحيان على وجهه وكل شي يمشي عنده المفروض حرمته هي اللي تنقي ملابسه واذا أمكن تلبسه هي بعد << ياويلها من البنات يعني شي مشقوق مايدخل الدولاب من الأساس بس عندي سؤال عاشق .. شلون شفت فنايلهم انها مشققه ؟؟ !! تحيتي[/align]

هلا اختي هدوووووء
يازين المره العاقله شوفها تقول شي منشق مايدخل الدولاب ,,

والا وشلون شفت فنيلته منشقه
الله مير يسلمك الشق يبين من وراء الثوب تشوفين جخر بظهره !!

[هدووء]

[align=center]

اقتباس:  المشاركة الأصلية كتبت بواسطة ام ارجوان     ابشر ياعاشق بس ابدري وش يشققهن بعدين لتنظيف دروج المطبخ مافي احلى من الفنايل يعني يلبسن فتره بعدين يوخذين يغسلن ويغلن بماء مع تايد ويستخدمن للمطبخ احسن من يجدعن او لا

ام ارجوان الله يهديك وش هالحكي
الحين الفانيله متشقه وميته وقاضيه حالها تبي تحطينها للمطبخ بعد هههههه
حالة الفانيله يرثى لها [/align]

[فيصل...........]

حرام عليك
تبي تقضي علي التراث لاصيل
تصدق ما انبسط وارتاح لين اشوف ذولا
احس ان الدنيا مازالت بخير