[align=center]عزيزتي السحليه......كيف تغيضين تمساحك؟؟ قصدي زوجك؟؟
هذي نصائح سحلاويه لجميع السحالي ......والمقبلات على الزواج
نبداء:
1-اذا مالك نفس تطبخين الغدا...
.لا تجبرين نفسك كبري المخده ونامي واذاجا زوجك من الدوام تعباااااااااان وقالك وين الغدا؟؟
قولي له: مالي نفس اطبخ ...مزاجي مو رايق ... يعني لازم احرق الغدا... او اخليه مالح ... واخرتها ينكب بالزباله؟؟ وفرت على نفسي الوقت وما طبخت...
2-اذاقلتي له ودني للسوق ومارضى...
روحي خذي من جيبه فلوس.. والبسي عباتك.. ووقفي اول ليموزين ..وتسوقي على راحتك .. اشبيسوي يعني؟؟بيطلقك؟؟اشتري له هديه عشان تسكتينه....
3-اذا قال لك وين شرابي الاسود...قولي له وانا اشدراني؟؟؟ انا اللي فاصخته؟؟ مره ثانيه لما تفصخ ملابسك اعرف وين تحطها...
4-لما يقول لك كويتي ثوبي؟؟
قولي له انا شغاله عندك؟؟كل شوي كاويه لك ثوب .. وما يعجبك كويي.. وده لاقرب مغسله يكوونه لك بريال...
5-اذا قال لك في اي مطعم تحبين نتعشى الليله؟
قولي له يعني ما بغيت توديني للمطعم الا يوم سويت رجيم؟؟
6-اذا قال لك تراني عازم الشباب على العشاء الليله...
قولي له:طيب وبعدين؟؟ شسويلك؟؟ بيقول لك : ابيك عاد تبيضين وجهي... قولي له: يا كثر المطاعم اللي تبيض الوجه.. والشاي والقهوه علي ولا يهمك....
7-اذا كنتو في مكان شاعري...
وقال لك كلمتين حلوين... قولي له: اشعندك؟؟ عطني الزبده.... شلمطلوب؟؟
8-اذا قال لك انا طالع تبين شي؟
مو تقولين له سلامتك ما سلامتك....قولي له ايه ابي .. وانت جاي جب معك بيتزا نتعشى عليها... وياليت بعد تمر باسكن روبنز ... خاطري بايس كريم توفي ... نحلي بعد العشا...
9-اذا مالك خلقه كلش ..
.انفشي كشتك... والبسي قميص طويل... وهالله هالله بالريحه.. واذا حصل بعد تتدهنين بفقس عن البرد والزكام.. يكون افضل...واوعي يكون بوجهك بقايا مكياج من امس......
10- اذا طلقك زوجك بعد هذي النصائح.....
انا مالي شغل....عقلك براسك ... تعرف خلاصك
ههههههههههههههههههههههههههههههه[/align]
العرض المتطور
