هايبر بندة وما ادراك ماهايبر بندة ...نصب وحتيال

[بريداوي حتىالنخاع]

يا إخوان كاتب الموضوع يعبر عما وجده مخالفا لما في الإعلان والمنشور بكل مكان وهذا تلاعب صريح بالزبون لا ادري لماذا الهجوم الغير مبرر أبدا .
والمضحك صراحة للقائلين أن مثل هذه الكتابات تحجم بعض الشركات والأسواق التجارية عن الافتتاح في المنطقة
وهل يعلم هولاء أن التجاريين والتجار في كل مكان يبحثون عن مصلحتهم ومصلحتهم فقط وهم محقون في ذلك .
لكن ليس لهم الحق التلاعب على الناس حتى ولو كان لشيء بسيط .
بالنسبة لي إنني أدعو لصاحب الموضوع حقيقة لأن أخي عازم على شراء الجهاز بهذه المواصفات المعلنة بالبروشور
وهوعلى علم ودراية بأجهزة المحمول .
على فكرة ذهبت أنا للهايبر بندة مغرب هذا اليوم لأشتري نوكيا إن 95 وكان العرض والذي يعرفه الجميع أنه 1699 وهو من ضمان اكسيوم .
فقلت لعلي أمر على حقين الجوالات وشوف كم السعر فوجدت أن هايبر بندة مزودة قيمة الجهاز بأكثر من خمسين ريالا ـ واللي مو مصدق يمر على حقين الجوالات ـ .
البعض يقول علشان خمسين ريال تحطون وتشيلون .
يا اخوان ماهو القصد خمسين ريال او مية ريال أو اكثر او اقل,
المقصود ان السلعة المعلن عنها والتي وزع منها الألآف ومواقع الانترنت وملصقات الشوارع والتي عرف عنها الجميع هي ارخص عما في الاعلان وأقل سعرا .
خلهم يغلون على كيفهم وبالاسعار اللي يبون والسوق مفتوحة لهم ولغيرهم بس لا يعلنون اننا الارخص وهم الاغلى لأن هذا قلبا للحقائق واستهتارا بالناس .
شكرا لكم .

[زورق الحنان]

مشكور اخوي بريداوي حتى النخاع وماقصرت والمفروض من الجهات المختصه انها تضع لوحات على كب محل تجاري بالاسعار ويكون في هذه الحالة حفظ لحق التاجر والمستهلك
تحياتي وتقبل مروري اخوكـــ زورق الحنان

[مشاعر دافئة]

في الالكترونيات والجوالات الأفضل الشراء من المحلات المخصصة
لأن أصحاب الأسواق الكبرى والهايبر يستغلون جهل الناس في الأسعار ويكتبون على كيفهم .. والإعلان فقط للجذب

وهذي تعتبر عندهم من باب ( التجارة شطارة )


ربي يوفقكم

مع أرق تحية

مشاآآآعر داآآآفئة

[منصور الحب]

[align=center]وبريده الله يهديهم مايقالهم فتح شي فتح اكسترا واعوذ بالله مليان
وفتح الشامل واعوذ بالله وفتح هايبر بنده واعوذ بالله وراه اولاه تراه زي بنده الشبعان وزي المخازن الكبرى
وزي بركتين
ليش التجمع الي ماله ام ولاابو حب الاستطلاع ماراح يخلي بعض الناس الله يهديهم[/align]

[algoei]

[align=center]صدقت والله يابوعمر

الأمر ليس غريب على هؤلاء ياما واجهنا نصب في بنده قبل هايبر بنده !!

من الملاحظات أن الأسعار تكون على الرفوف وعند الكاشير يختلف السعر !!

لاتقولون سعر سابق !! ماشاء الله ما أكثر العمال عندهم يغيرون في الأسعار في وقتها ..

ولكن نصيحة مني طالع بعيونك بالكمبيوتر وهو يحاسب وراقب السعر .. لأن هؤلاء مالهم أمان ..[/align]

[أبوبسام]

اقتباس:  المشاركة الأصلية كتبت بواسطة نهاربريدهـ     طرح ممتاز وتساؤل في محله يدل على وعي عال وحبا للرقي، وعلى النقيض ردود سخيفه من عقول صغيرة جبلت قلوبها على الحقد لهذه المدينه ،، !! شكرا لصاحب الموضوع : سر والله معك اخوووك،،،،،،

جزاهـ الله خير كاتب الموضوع ..
ينبهنا أن نأخذ الحذر .. مهب نضف ونشمي ولا نسأل ..!!.
سامح الله أصحاب بعض الردود ..
تحيتي لكم ..

[حمودددي بريدة]

صـــــــح ياملاك الـــكـون النـــاس مايعجبهــــم شــي ابن أدم ماتملى عينه الأ التراب

للــــــــــــــــــــــــــمـــــــــــــــراسـلة

m9-m9m9@hotmail.com

[الــرزيــن]

شكلك عنيزاوي أو رساوي هههه


خلاص نمد لكم توصيله من هايبر

[الساري11]

الله واكبر يابو عمر خلصت المحلات يوم تروح لهيبر اتدور كمبيوتر ولله من الشرافه والقراده تدور الزلات من المفترض اننا نسعد في افتتاح مثل هذه الاسواق من شان اتكسر جشع جيان والعثيم بلعكس يااخي اذا ارت شي اذهب واشتريه من وكيله اذا كنت تبحث عن الجوده لكن شكلي الي انا شفته في الهيبر واحد تقل خلاطه اسمنت وينشد عن الاسعار ويكتب بورقه ولم يشتري سوى البجاحه والشر افه

[ابوعمر]

اقتباس:  المشاركة الأصلية كتبت بواسطة الساري11     الله واكبر يابو عمر خلصت المحلات يوم تروح لهيبر اتدور كمبيوتر ولله من الشرافه والقراده تدور الزلات من المفترض اننا نسعد في افتتاح مثل هذه الاسواق من شان اتكسر جشع جيان والعثيم بلعكس يااخي اذا ارت شي اذهب واشتريه من وكيله اذا كنت تبحث عن الجوده لكن شكلي الي انا شفته في الهيبر واحد تقل خلاطه اسمنت وينشد عن الاسعار ويكتب بورقه ولم يشتري سوى البجاحه والشر افه

شكرا على ردك الذي يدل على عفه لسانك وثقافتك العالية الذي تدل على انك متربي احسن تربية

[الشكيم]

أنا حصلي موقف نصب من نوع ثاني :

بالأعلان فيه تلفزيون 34 بوصة ومكتوب قبل 1119 ريال والآن 799 يعني 800
ولما تشوف هالفرق طبعاًَ تبي تشتريه لوكان مالك فيه لزوم ..... المهم لفت نظري إن نفس النوعية معروض للبيع بدون العرض وبقيمة ( 850ريال ) وهي القيمة الحقيقية للتلفزيون . يوم حجرت للموظف عن قيمته والفرق قال (( إننا غلطانين بالسعر اللي بالأعلان واللي كاتبه فلبيني مايفهم عربي يملى عليه )) إكسر رأسي وأدري وش دخل أنه يتكلم عربي أو مايتكلم,,,,

[عع زز يي زز]

موفق بإذن الله ... لك مني أجمل تحية . يا ناس الخلل مو في الااسعار الخلل في المركات اسمع يابو اشباب انت ويه اي واحد يشتري جهاز ويقول ضمان لمدة اسبوع راح يصبر لكن وش الصناعه هل هي اصليه مثل الفرلندي ولا صيني ولا كوري لو كان صيني زين على زين ولو كان فرلندي اهلين وسهلين ولو كان كوري وينك يا كحيل العين وسعر يشق الخدين يعني ان الجهاز الصيني تلقاه بسعر الفرلندي في هايبر بنه الاسعار تختلف عن الي بالسوق الصيني في السوق ماله سوقولكن في هايبر بنده اغلى بس فيه اشيا رخاص لا كن لمتشوف الرخيص وتقول يا رخصهم نا ضر كل شي ولا لا تناضر يا زين وبعدين احسن شي زينوه هايبر بنده انهم جابو هالكشريه السعوديين والله يا فيه كذا كشير عند هايبر بنده والله انهم لهم العنوه واحد اسود ابو سمرى الله يخليه لهله اسمه الضويحي لو فيه عشره زيه والله بنده او هايبر بنده م تتحتاج كشريه اسلوب وحترام ومزوح وخلاق انتم روحو وشوفو بنفسكم كل شي وفيه كشير اسمه وليد السليم جديد وفيه لا في الحربي هم تقريبن 5 كشريه ما يحتاج لهم العنوه وما البقين الله يستر عليهم بس هايبر بنده للي مفتح مخه مو الي بس يضف ولا يحاسب اسئل عن جوال ان 95 وشف في الهايبر وشف برى الهايبر وراح تشوف الفرق وسئل عن الصيني والفرلندي في الهايبر وفي الاسواق الاخرى والششا شات كله صينيه ما فيه شي اصلي وعندهم كثير من الناس يرجعون بس السراحه ما يخذون حق لحد ابد بس التبرعات الي عندهم هل هي تروح للطفال المعقين ولا لا والله اعلم ودي لو تفتحون ولا تسبون اي شي الا لما تعرفون كل سي ون كان عندك اي شي رح لم الشكويوالمقترحات ورح يزين مزاجك وشكر وما تكلم لا ونا شايف كل شي بس ما ابغى اتكلم ابي الناس تشوف اخوكم ابو مطحر وشكر

[خارطة الطريق]

وين نروووووووح أجل ..؟