أقول انتم ياللي تتكلمون بالأصل والفصل.. حطوا اصولكم بـ اقرب تسليب..!
لانها ما تسوى ذبابة عند رب العالمين ...
بعدين وش ابي بالاصل أنا ..؟
والله ما وكلني عيش...<<- اتخيل الاصل رز ,,
ولا خلص لي مشوار <<-- اتخيل الاصل سيكل ,,
ولا عمري شفت احد بالشارع يتسول .. يشحذ اصل ؟
والله ياليت اقدر ابيع اصلي وفصلي (خامس أ) واشتري سيارة .. ونااااااااااسة
رغم ان اصلي مش ولابد .. مُهب هاك الزين.. لاهو من قريش.. ولا هو من بني عذرة
بس يعبّر ...يلا نسوم.. وش ورانا ...؟
لا تقل أصلي وفصلي أبداً. إنما أصل الفتى ما قد حصل
اجل ضروري اتبرأ من بنات خالي الكويتيات.. مالهن اصل
وهن احسن من السعوديات بالدين والستر...
علمانيات .. الله يعافيهن ولا يبلانا !!!!!!
تذكرت الستالايت أول ما جنا ..
قالوا ما يحطه إلا سكير نكير راعي مخدرات..
أأأخ منك يا ابوي.. معقولة تطلع راعي مخدرات
وانت ما ترجع من المسجد إلا بعد طلوع الشمس؟
كنت تنافق يابوي
ما توقعتها منك يا ابوحميد ...!!!!!!
لا وعيالك كلهم سكيرين عليك !!!
يعني الحين كل الناس سكيرين نكيرين
وانتم بعد ؟؟؟
لاحول ولا قوة إلا بالله ..
نجي للجوال الكاميرا ...
وحدة تقولي زوجي يقول اغسلي ايدينك تستعملينه
مدري هو من ضمن الكبائر أو اللمم
بس زوجها حريص عليها جزاه الله خير ,,
وما تمت سنتين إلا ومعها اطلق جوال ابو كاميرا ..
حتى انا حمقت.. ليه تطلّع احسن مني
الموهم ..
هذا ولد اختي معي بالمسن ... ابلشني يقول شفتي سيارات البنات..
قلت ورن ...
قال ادخلي ايملتس..
دخلت وانا مبسوووووطة ابتنقى ,,
اليابان ترسل 200 ألف سيارة نسائية إلى السعودية
مواكبه لموضوع (قيادة المرأة)
وبمناسبة قرب تنفيذ قرار(مجلس الوزراء) الذي يسمح للمرأة بقيادة المركبة
اليابان تصمم سيارة تحمل مواصفات ممتازة مع توفير كافة وسائل السلامة بها
لكي تتمكن المرأة من القيادة بأمان وارتياح.
قمت وعطيته كف طازج عبر المسن
* إذا السيارات بتجيب الفساد .. ليه ما كان زمان اول خالي من الفساد؟
وهو فيه من الهوايل ما يعلم بها إلا الله وحده..
الفساد موجود يا اخوان العرب.. ركبنا سيارات.. او طيارات.. او حطيتو الحريم في بيت الغنم!!!!!
دام الحقيرعايش الي هو (الشيطان).. الشر ولله الحمد متواجد بكل مكان ,,
هذا وصلى الله وبارك ...
^^^^^^^^
ياليت راصد جماعة يحللن..!! اشوف ردودي بدت تطول.. وه تعبت 